| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
வஸ்ஸானேசாரிகாபடிக்கே²பாதி³கதா²
Vassānecārikāpaṭikkhepādikathā
185-6. யோ பக்கமெய்யாதி எத்த² அனபெக்க²க³மனேன வா அஞ்ஞத்த² அருணங் உட்டா²பனேன வா ஆபத்தி வேதி³தப்³பா³. யோ அதிக்கமெய்யாதி எத்த² விஹாரக³ணனாய ஆபத்தியோ வேதி³தப்³பா³. ஸசே ஹி தங் தி³வஸங் விஹாரஸதஸ்ஸ உபசாரங் ஓக்கமித்வா அதிக்கமதி, ஸதங் ஆபத்தியோ. ஸசே பன விஹாரூபசாரங் அதிக்கமித்வா அஞ்ஞஸ்ஸ விஹாரஸ்ஸ உபசாரங் அனோக்கமித்வாவ நிவத்ததி, ஏகா ஏவ ஆபத்தி. கேனசி அந்தராயேன புரிமிகங் அனுபக³தேன பச்சி²மிகா உபக³ந்தப்³பா³.
185-6.Yo pakkameyyāti ettha anapekkhagamanena vā aññattha aruṇaṃ uṭṭhāpanena vā āpatti veditabbā. Yo atikkameyyāti ettha vihāragaṇanāya āpattiyo veditabbā. Sace hi taṃ divasaṃ vihārasatassa upacāraṃ okkamitvā atikkamati, sataṃ āpattiyo. Sace pana vihārūpacāraṃ atikkamitvā aññassa vihārassa upacāraṃ anokkamitvāva nivattati, ekā eva āpatti. Kenaci antarāyena purimikaṃ anupagatena pacchimikā upagantabbā.
வஸ்ஸங் உக்கட்³டி⁴துகாமோதி வஸ்ஸனாமகங் பட²மமாஸங் உக்கட்³டி⁴துகாமோ, ஸாவணமாஸங் அகத்வா புன ஆஸாள்ஹீமாஸமேவ கத்துகாமோதி அத்தோ². ஆக³மே ஜுண்ஹேதி ஆக³மே மாஸேதி அத்தோ². அனுஜானாமி பி⁴க்க²வே ராஜூனங் அனுவத்திதுந்தி எத்த² வஸ்ஸுக்கட்³ட⁴னே பி⁴க்கூ²னங் காசி பரிஹானி நாம நத்தீ²தி அனுவத்திதுங் அனுஞ்ஞாதங், தஸ்மா அஞ்ஞஸ்மிம்பி த⁴ம்மிகே கம்மே அனுவத்திதப்³ப³ங். அத⁴ம்மிகே பன ந கஸ்ஸசி அனுவத்திதப்³ப³ங்.
Vassaṃukkaḍḍhitukāmoti vassanāmakaṃ paṭhamamāsaṃ ukkaḍḍhitukāmo, sāvaṇamāsaṃ akatvā puna āsāḷhīmāsameva kattukāmoti attho. Āgame juṇheti āgame māseti attho. Anujānāmi bhikkhave rājūnaṃ anuvattitunti ettha vassukkaḍḍhane bhikkhūnaṃ kāci parihāni nāma natthīti anuvattituṃ anuññātaṃ, tasmā aññasmimpi dhammike kamme anuvattitabbaṃ. Adhammike pana na kassaci anuvattitabbaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 108. வஸ்ஸானே சாரிகாபடிக்கே²பாதி³ • 108. Vassāne cārikāpaṭikkhepādi
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வஸ்ஸானே சாரிகாபடிக்கே²பாதி³கதா²வண்ணனா • Vassāne cārikāpaṭikkhepādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / வஸ்ஸானேசாரிகாபடிக்கே²பாதி³கதா²வண்ணனா • Vassānecārikāpaṭikkhepādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வஸ்ஸூபனாயிகஅனுஜானநகதா²தி³வண்ணனா • Vassūpanāyikaanujānanakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 108. வஸ்ஸானேசாரிகாபடிக்கே²பாதி³கதா² • 108. Vassānecārikāpaṭikkhepādikathā
