| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
108. வஸ்ஸானேசாரிகாபடிக்கே²பாதி³கதா²
108. Vassānecārikāpaṭikkhepādikathā
185. ஆபத்தி வேதி³தப்³பா³தி அனபெக்க²க³மனேன உபசாராதிக்கமே ஸாபெக்க²க³மனேன அஞ்ஞத்த² அருணுட்டா²பனே ஆபத்தி வேதி³தப்³பா³. விஹாரக³ணனாய ஆபத்தியோ வேதி³தப்³பா³தி எத்த² வஸ்ஸூபனாயிகதி³வஸே வஸ்ஸங் அனுபக³ந்துகாமதாசித்தேன விஹாரங் அதிக்கமெய்ய, விஹாரக³ணனாய ஆபத்தியோ வேதி³தப்³பா³. தமேவத்த²ங் வித்தா²ரெந்தோ ஆஹ ‘‘ஸசே ஹீ’’திஆதி³. தங் தி³வஸந்தி தஸ்மிங் வஸ்ஸூபக³மனதி³வஸே. ஸதங் ஆபத்தியோதி எத்த² ஸதந்தி ஸங்க்²யாபதா⁴னத்தா ஏகவசனந்தி ஸத்³த³ஸத்தே²ஸு வுத்தங் . ஏகா ஏவ ஆபத்தீதி அத்தனோ விஹாரஸ்ஸ அதிக்கமனேயேவ ஏகா ஏவ ஆபத்தி. கேனசி அந்தராயேன அனுபக³தேனாதி ஸம்ப³ந்தோ⁴.
185.Āpatti veditabbāti anapekkhagamanena upacārātikkame sāpekkhagamanena aññattha aruṇuṭṭhāpane āpatti veditabbā. Vihāragaṇanāya āpattiyo veditabbāti ettha vassūpanāyikadivase vassaṃ anupagantukāmatācittena vihāraṃ atikkameyya, vihāragaṇanāya āpattiyo veditabbā. Tamevatthaṃ vitthārento āha ‘‘sace hī’’tiādi. Taṃ divasanti tasmiṃ vassūpagamanadivase. Sataṃ āpattiyoti ettha satanti saṅkhyāpadhānattā ekavacananti saddasatthesu vuttaṃ . Ekā eva āpattīti attano vihārassa atikkamaneyeva ekā eva āpatti. Kenaci antarāyena anupagatenāti sambandho.
வஸ்ஸனாமோ இமஸ்ஸத்தீ²தி வஸ்ஸோதி வசனத்த²ங் த³ஸ்ஸெந்தோ ஆஹ ‘‘வஸ்ஸனாமக’’ந்தி. ‘‘பட²மங் மாஸ’’ந்தி இமினா அஞ்ஞபத³ஸ்ஸ ஸரூபங் த³ஸ்ஸேதி. பட²மங் மாஸந்தி சதூஸு வஸ்ஸமாஸேஸு பட²மங் மாஸங். உக்கட்³டி⁴துகாமோதி உபரி கட்³டி⁴துகாமோ. ஆஸள்ஹீமாஸமேவ, ந ஸாவணமாஸந்தி அத்தோ². ஜுண்ஹஸத்³தோ³ சந்த³பபா⁴யுத்தோ மாஸோதி ஆஹ ‘‘மாஸே’’தி. சந்த³பபா⁴யுத்தோ மாஸோதி ஆஹ ‘‘மாஸே’’தி. சந்த³பபா⁴யுத்தோ ஹி மாஸோ ஜோததி தி³ப்பதீதி ஜுண்ஹோதி வுச்சதி. தஸ்மா ‘‘மாஸே’’தி ஸாமஞ்ஞதோ வுத்தேபி புண்ணமியுத்தோ மாஸோவ க³ஹேதப்³போ³. காசி பரிஹானி நாமாதி கிஞ்சி ஸீலாதீ³னங் ஹாயனங் நாம. அஞ்ஞஸ்மிம்பீதி வஸ்ஸூபக³மனதோ அஞ்ஞஸ்மிம்பி. த⁴ம்மிகேதி த⁴ம்மேன யுத்தே.
Vassanāmo imassatthīti vassoti vacanatthaṃ dassento āha ‘‘vassanāmaka’’nti. ‘‘Paṭhamaṃ māsa’’nti iminā aññapadassa sarūpaṃ dasseti. Paṭhamaṃ māsanti catūsu vassamāsesu paṭhamaṃ māsaṃ. Ukkaḍḍhitukāmoti upari kaḍḍhitukāmo. Āsaḷhīmāsameva, na sāvaṇamāsanti attho. Juṇhasaddo candapabhāyutto māsoti āha ‘‘māse’’ti. Candapabhāyutto māsoti āha ‘‘māse’’ti. Candapabhāyutto hi māso jotati dippatīti juṇhoti vuccati. Tasmā ‘‘māse’’ti sāmaññato vuttepi puṇṇamiyutto māsova gahetabbo. Kāci parihāni nāmāti kiñci sīlādīnaṃ hāyanaṃ nāma. Aññasmimpīti vassūpagamanato aññasmimpi. Dhammiketi dhammena yutte.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 108. வஸ்ஸானே சாரிகாபடிக்கே²பாதி³ • 108. Vassāne cārikāpaṭikkhepādi
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / வஸ்ஸானேசாரிகாபடிக்கே²பாதி³கதா² • Vassānecārikāpaṭikkhepādikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வஸ்ஸானே சாரிகாபடிக்கே²பாதி³கதா²வண்ணனா • Vassāne cārikāpaṭikkhepādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / வஸ்ஸானேசாரிகாபடிக்கே²பாதி³கதா²வண்ணனா • Vassānecārikāpaṭikkhepādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வஸ்ஸூபனாயிகஅனுஜானநகதா²தி³வண்ணனா • Vassūpanāyikaanujānanakathādivaṇṇanā
