| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
вассаанзжааригаабадигкзбаад̣̇игат̇аа
Vassānecārikāpaṭikkhepādikathā
185-6. яо баггамзяяаад̇и зд̇т̇а анабзгкаг̇аманзна ваа ан̃н̃ад̇т̇а арун̣ам̣ удтаабанзна ваа аабад̇д̇и взд̣̇ид̇аб̣б̣аа. яо ад̇иггамзяяаад̇и зд̇т̇а вихаараг̇ан̣анааяа аабад̇д̇ияо взд̣̇ид̇аб̣б̣аа. сажз хи д̇ам̣ д̣̇ивасам̣ вихаарасад̇асса убажаарам̣ оггамид̇ваа ад̇иггамад̇и, сад̇ам̣ аабад̇д̇ияо. сажз бана вихааруубажаарам̣ ад̇иггамид̇ваа ан̃н̃асса вихаарасса убажаарам̣ аноггамид̇ваава нивад̇д̇ад̇и, згаа зва аабад̇д̇и. гзнажи анд̇арааязна буримигам̣ анубаг̇ад̇зна бажчимигаа убаг̇анд̇аб̣б̣аа.
185-6.Yo pakkameyyāti ettha anapekkhagamanena vā aññattha aruṇaṃ uṭṭhāpanena vā āpatti veditabbā. Yo atikkameyyāti ettha vihāragaṇanāya āpattiyo veditabbā. Sace hi taṃ divasaṃ vihārasatassa upacāraṃ okkamitvā atikkamati, sataṃ āpattiyo. Sace pana vihārūpacāraṃ atikkamitvā aññassa vihārassa upacāraṃ anokkamitvāva nivattati, ekā eva āpatti. Kenaci antarāyena purimikaṃ anupagatena pacchimikā upagantabbā.
вассам̣ уггад̣дхид̇угаамод̇и вассанаамагам̣ батамамаасам̣ уггад̣дхид̇угаамо, сааван̣амаасам̣ агад̇ваа буна аасаал̣хиймаасамзва гад̇д̇угаамод̇и ад̇т̇о. ааг̇амз ж̇ун̣хзд̇и ааг̇амз маасзд̇и ад̇т̇о. ануж̇аанаами бхигкавз рааж̇уунам̣ анувад̇д̇ид̇унд̇и зд̇т̇а вассуггад̣дханз бхигкуунам̣ гаажи барихаани наама над̇т̇ийд̇и анувад̇д̇ид̇ум̣ анун̃н̃аад̇ам̣, д̇асмаа ан̃н̃асмимби д̇хаммигз гаммз анувад̇д̇ид̇аб̣б̣ам̣. ад̇хаммигз бана на гассажи анувад̇д̇ид̇аб̣б̣ам̣.
Vassaṃukkaḍḍhitukāmoti vassanāmakaṃ paṭhamamāsaṃ ukkaḍḍhitukāmo, sāvaṇamāsaṃ akatvā puna āsāḷhīmāsameva kattukāmoti attho. Āgame juṇheti āgame māseti attho. Anujānāmi bhikkhave rājūnaṃ anuvattitunti ettha vassukkaḍḍhane bhikkhūnaṃ kāci parihāni nāma natthīti anuvattituṃ anuññātaṃ, tasmā aññasmimpi dhammike kamme anuvattitabbaṃ. Adhammike pana na kassaci anuvattitabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 108. вассаанз жааригаабадигкзбаад̣̇и • 108. Vassāne cārikāpaṭikkhepādi
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вассаанз жааригаабадигкзбаад̣̇игат̇ааван̣н̣анаа • Vassāne cārikāpaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вассаанзжааригаабадигкзбаад̣̇игат̇ааван̣н̣анаа • Vassānecārikāpaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вассуубанааяигаануж̇аананагат̇аад̣̇иван̣н̣анаа • Vassūpanāyikaanujānanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 108. вассаанзжааригаабадигкзбаад̣̇игат̇аа • 108. Vassānecārikāpaṭikkhepādikathā
