| Library / Tipiṭaka / తిపిటక • Tipiṭaka / మహావగ్గ-అట్ఠకథా • Mahāvagga-aṭṭhakathā |
వస్సానేచారికాపటిక్ఖేపాదికథా
Vassānecārikāpaṭikkhepādikathā
౧౮౫-౬. యో పక్కమేయ్యాతి ఏత్థ అనపేక్ఖగమనేన వా అఞ్ఞత్థ అరుణం ఉట్ఠాపనేన వా ఆపత్తి వేదితబ్బా. యో అతిక్కమేయ్యాతి ఏత్థ విహారగణనాయ ఆపత్తియో వేదితబ్బా. సచే హి తం దివసం విహారసతస్స ఉపచారం ఓక్కమిత్వా అతిక్కమతి, సతం ఆపత్తియో. సచే పన విహారూపచారం అతిక్కమిత్వా అఞ్ఞస్స విహారస్స ఉపచారం అనోక్కమిత్వావ నివత్తతి, ఏకా ఏవ ఆపత్తి. కేనచి అన్తరాయేన పురిమికం అనుపగతేన పచ్ఛిమికా ఉపగన్తబ్బా.
185-6.Yo pakkameyyāti ettha anapekkhagamanena vā aññattha aruṇaṃ uṭṭhāpanena vā āpatti veditabbā. Yo atikkameyyāti ettha vihāragaṇanāya āpattiyo veditabbā. Sace hi taṃ divasaṃ vihārasatassa upacāraṃ okkamitvā atikkamati, sataṃ āpattiyo. Sace pana vihārūpacāraṃ atikkamitvā aññassa vihārassa upacāraṃ anokkamitvāva nivattati, ekā eva āpatti. Kenaci antarāyena purimikaṃ anupagatena pacchimikā upagantabbā.
వస్సం ఉక్కడ్ఢితుకామోతి వస్సనామకం పఠమమాసం ఉక్కడ్ఢితుకామో, సావణమాసం అకత్వా పున ఆసాళ్హీమాసమేవ కత్తుకామోతి అత్థో. ఆగమే జుణ్హేతి ఆగమే మాసేతి అత్థో. అనుజానామి భిక్ఖవే రాజూనం అనువత్తితున్తి ఏత్థ వస్సుక్కడ్ఢనే భిక్ఖూనం కాచి పరిహాని నామ నత్థీతి అనువత్తితుం అనుఞ్ఞాతం, తస్మా అఞ్ఞస్మిమ్పి ధమ్మికే కమ్మే అనువత్తితబ్బం. అధమ్మికే పన న కస్సచి అనువత్తితబ్బం.
Vassaṃukkaḍḍhitukāmoti vassanāmakaṃ paṭhamamāsaṃ ukkaḍḍhitukāmo, sāvaṇamāsaṃ akatvā puna āsāḷhīmāsameva kattukāmoti attho. Āgame juṇheti āgame māseti attho. Anujānāmi bhikkhave rājūnaṃ anuvattitunti ettha vassukkaḍḍhane bhikkhūnaṃ kāci parihāni nāma natthīti anuvattituṃ anuññātaṃ, tasmā aññasmimpi dhammike kamme anuvattitabbaṃ. Adhammike pana na kassaci anuvattitabbaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౧౦౮. వస్సానే చారికాపటిక్ఖేపాది • 108. Vassāne cārikāpaṭikkhepādi
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / వస్సానే చారికాపటిక్ఖేపాదికథావణ్ణనా • Vassāne cārikāpaṭikkhepādikathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / వస్సానేచారికాపటిక్ఖేపాదికథావణ్ణనా • Vassānecārikāpaṭikkhepādikathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / వస్సూపనాయికఅనుజాననకథాదివణ్ణనా • Vassūpanāyikaanujānanakathādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౦౮. వస్సానేచారికాపటిక్ఖేపాదికథా • 108. Vassānecārikāpaṭikkhepādikathā
