| Library / Tipiṭaka / တိပိဋက • Tipiṭaka / မဟာဝဂ္ဂ-အဋ္ဌကထာ • Mahāvagga-aṭṭhakathā |
ဝသ္သာနေစာရိကာပဋိက္ခေပာဒိကထာ
Vassānecārikāpaṭikkhepādikathā
၁၈၅-၆. ယော ပက္ကမေယ္ယာတိ ဧတ္ထ အနပေက္ခဂမနေန ဝာ အညတ္ထ အရုဏံ ဥဋ္ဌာပနေန ဝာ အာပတ္တိ ဝေဒိတဗ္ဗာ။ ယော အတိက္ကမေယ္ယာတိ ဧတ္ထ ဝိဟာရဂဏနာယ အာပတ္တိယော ဝေဒိတဗ္ဗာ။ သစေ ဟိ တံ ဒိဝသံ ဝိဟာရသတသ္သ ဥပစာရံ ဩက္ကမိတ္ဝာ အတိက္ကမတိ, သတံ အာပတ္တိယော။ သစေ ပန ဝိဟာရူပစာရံ အတိက္ကမိတ္ဝာ အညသ္သ ဝိဟာရသ္သ ဥပစာရံ အနောက္ကမိတ္ဝာဝ နိဝတ္တတိ, ဧကာ ဧဝ အာပတ္တိ။ ကေနစိ အန္တရာယေန ပုရိမိကံ အနုပဂတေန ပစ္ဆိမိကာ ဥပဂန္တဗ္ဗာ။
185-6.Yo pakkameyyāti ettha anapekkhagamanena vā aññattha aruṇaṃ uṭṭhāpanena vā āpatti veditabbā. Yo atikkameyyāti ettha vihāragaṇanāya āpattiyo veditabbā. Sace hi taṃ divasaṃ vihārasatassa upacāraṃ okkamitvā atikkamati, sataṃ āpattiyo. Sace pana vihārūpacāraṃ atikkamitvā aññassa vihārassa upacāraṃ anokkamitvāva nivattati, ekā eva āpatti. Kenaci antarāyena purimikaṃ anupagatena pacchimikā upagantabbā.
ဝသ္သံ ဥက္ကဍ္ဎိတုကာမောတိ ဝသ္သနာမကံ ပဌမမာသံ ဥက္ကဍ္ဎိတုကာမော, သာဝဏမာသံ အကတ္ဝာ ပုန အာသာဠ္ဟီမာသမေဝ ကတ္တုကာမောတိ အတ္ထော။ အာဂမေ ဇုဏ္ဟေတိ အာဂမေ မာသေတိ အတ္ထော။ အနုဇာနာမိ ဘိက္ခဝေ ရာဇူနံ အနုဝတ္တိတုန္တိ ဧတ္ထ ဝသ္သုက္ကဍ္ဎနေ ဘိက္ခူနံ ကာစိ ပရိဟာနိ နာမ နတ္ထီတိ အနုဝတ္တိတုံ အနုညာတံ, တသ္မာ အညသ္မိမ္ပိ ဓမ္မိကေ ကမ္မေ အနုဝတ္တိတဗ္ဗံ။ အဓမ္မိကေ ပန န ကသ္သစိ အနုဝတ္တိတဗ္ဗံ။
Vassaṃukkaḍḍhitukāmoti vassanāmakaṃ paṭhamamāsaṃ ukkaḍḍhitukāmo, sāvaṇamāsaṃ akatvā puna āsāḷhīmāsameva kattukāmoti attho. Āgame juṇheti āgame māseti attho. Anujānāmi bhikkhave rājūnaṃ anuvattitunti ettha vassukkaḍḍhane bhikkhūnaṃ kāci parihāni nāma natthīti anuvattituṃ anuññātaṃ, tasmā aññasmimpi dhammike kamme anuvattitabbaṃ. Adhammike pana na kassaci anuvattitabbaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၁၀၈. ဝသ္သာနေ စာရိကာပဋိက္ခေပာဒိ • 108. Vassāne cārikāpaṭikkhepādi
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဝသ္သာနေ စာရိကာပဋိက္ခေပာဒိကထာဝဏ္ဏနာ • Vassāne cārikāpaṭikkhepādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဝသ္သာနေစာရိကာပဋိက္ခေပာဒိကထာဝဏ္ဏနာ • Vassānecārikāpaṭikkhepādikathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝသ္သူပနာယိကအနုဇာနနကထာဒိဝဏ္ဏနာ • Vassūpanāyikaanujānanakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၁၀၈. ဝသ္သာနေစာရိကာပဋိက္ခေပာဒိကထာ • 108. Vassānecārikāpaṭikkhepādikathā
