| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੦੮. વਸ੍ਸਾਨੇਚਾਰਿਕਾਪਟਿਕ੍ਖੇਪਾਦਿਕਥਾ
108. Vassānecārikāpaṭikkhepādikathā
੧੮੫. ਆਪਤ੍ਤਿ વੇਦਿਤਬ੍ਬਾਤਿ ਅਨਪੇਕ੍ਖਗਮਨੇਨ ਉਪਚਾਰਾਤਿਕ੍ਕਮੇ ਸਾਪੇਕ੍ਖਗਮਨੇਨ ਅਞ੍ਞਤ੍ਥ ਅਰੁਣੁਟ੍ਠਾਪਨੇ ਆਪਤ੍ਤਿ વੇਦਿਤਬ੍ਬਾ। વਿਹਾਰਗਣਨਾਯ ਆਪਤ੍ਤਿਯੋ વੇਦਿਤਬ੍ਬਾਤਿ ਏਤ੍ਥ વਸ੍ਸੂਪਨਾਯਿਕਦਿવਸੇ વਸ੍ਸਂ ਅਨੁਪਗਨ੍ਤੁਕਾਮਤਾਚਿਤ੍ਤੇਨ વਿਹਾਰਂ ਅਤਿਕ੍ਕਮੇਯ੍ਯ, વਿਹਾਰਗਣਨਾਯ ਆਪਤ੍ਤਿਯੋ વੇਦਿਤਬ੍ਬਾ। ਤਮੇવਤ੍ਥਂ વਿਤ੍ਥਾਰੇਨ੍ਤੋ ਆਹ ‘‘ਸਚੇ ਹੀ’’ਤਿਆਦਿ। ਤਂ ਦਿવਸਨ੍ਤਿ ਤਸ੍ਮਿਂ વਸ੍ਸੂਪਗਮਨਦਿવਸੇ। ਸਤਂ ਆਪਤ੍ਤਿਯੋਤਿ ਏਤ੍ਥ ਸਤਨ੍ਤਿ ਸਙ੍ਖ੍ਯਾਪਧਾਨਤ੍ਤਾ ਏਕવਚਨਨ੍ਤਿ ਸਦ੍ਦਸਤ੍ਥੇਸੁ વੁਤ੍ਤਂ । ਏਕਾ ਏવ ਆਪਤ੍ਤੀਤਿ ਅਤ੍ਤਨੋ વਿਹਾਰਸ੍ਸ ਅਤਿਕ੍ਕਮਨੇਯੇવ ਏਕਾ ਏવ ਆਪਤ੍ਤਿ। ਕੇਨਚਿ ਅਨ੍ਤਰਾਯੇਨ ਅਨੁਪਗਤੇਨਾਤਿ ਸਮ੍ਬਨ੍ਧੋ।
185.Āpatti veditabbāti anapekkhagamanena upacārātikkame sāpekkhagamanena aññattha aruṇuṭṭhāpane āpatti veditabbā. Vihāragaṇanāya āpattiyo veditabbāti ettha vassūpanāyikadivase vassaṃ anupagantukāmatācittena vihāraṃ atikkameyya, vihāragaṇanāya āpattiyo veditabbā. Tamevatthaṃ vitthārento āha ‘‘sace hī’’tiādi. Taṃ divasanti tasmiṃ vassūpagamanadivase. Sataṃ āpattiyoti ettha satanti saṅkhyāpadhānattā ekavacananti saddasatthesu vuttaṃ . Ekā eva āpattīti attano vihārassa atikkamaneyeva ekā eva āpatti. Kenaci antarāyena anupagatenāti sambandho.
વਸ੍ਸਨਾਮੋ ਇਮਸ੍ਸਤ੍ਥੀਤਿ વਸ੍ਸੋਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘વਸ੍ਸਨਾਮਕ’’ਨ੍ਤਿ। ‘‘ਪਠਮਂ ਮਾਸ’’ਨ੍ਤਿ ਇਮਿਨਾ ਅਞ੍ਞਪਦਸ੍ਸ ਸਰੂਪਂ ਦਸ੍ਸੇਤਿ। ਪਠਮਂ ਮਾਸਨ੍ਤਿ ਚਤੂਸੁ વਸ੍ਸਮਾਸੇਸੁ ਪਠਮਂ ਮਾਸਂ। ਉਕ੍ਕਡ੍ਢਿਤੁਕਾਮੋਤਿ ਉਪਰਿ ਕਡ੍ਢਿਤੁਕਾਮੋ। ਆਸਲ਼੍ਹੀਮਾਸਮੇવ, ਨ ਸਾવਣਮਾਸਨ੍ਤਿ ਅਤ੍ਥੋ। ਜੁਣ੍ਹਸਦ੍ਦੋ ਚਨ੍ਦਪਭਾਯੁਤ੍ਤੋ ਮਾਸੋਤਿ ਆਹ ‘‘ਮਾਸੇ’’ਤਿ। ਚਨ੍ਦਪਭਾਯੁਤ੍ਤੋ ਮਾਸੋਤਿ ਆਹ ‘‘ਮਾਸੇ’’ਤਿ। ਚਨ੍ਦਪਭਾਯੁਤ੍ਤੋ ਹਿ ਮਾਸੋ ਜੋਤਤਿ ਦਿਪ੍ਪਤੀਤਿ ਜੁਣ੍ਹੋਤਿ વੁਚ੍ਚਤਿ। ਤਸ੍ਮਾ ‘‘ਮਾਸੇ’’ਤਿ ਸਾਮਞ੍ਞਤੋ વੁਤ੍ਤੇਪਿ ਪੁਣ੍ਣਮਿਯੁਤ੍ਤੋ ਮਾਸੋવ ਗਹੇਤਬ੍ਬੋ। ਕਾਚਿ ਪਰਿਹਾਨਿ ਨਾਮਾਤਿ ਕਿਞ੍ਚਿ ਸੀਲਾਦੀਨਂ ਹਾਯਨਂ ਨਾਮ। ਅਞ੍ਞਸ੍ਮਿਮ੍ਪੀਤਿ વਸ੍ਸੂਪਗਮਨਤੋ ਅਞ੍ਞਸ੍ਮਿਮ੍ਪਿ। ਧਮ੍ਮਿਕੇਤਿ ਧਮ੍ਮੇਨ ਯੁਤ੍ਤੇ।
Vassanāmo imassatthīti vassoti vacanatthaṃ dassento āha ‘‘vassanāmaka’’nti. ‘‘Paṭhamaṃ māsa’’nti iminā aññapadassa sarūpaṃ dasseti. Paṭhamaṃ māsanti catūsu vassamāsesu paṭhamaṃ māsaṃ. Ukkaḍḍhitukāmoti upari kaḍḍhitukāmo. Āsaḷhīmāsameva, na sāvaṇamāsanti attho. Juṇhasaddo candapabhāyutto māsoti āha ‘‘māse’’ti. Candapabhāyutto māsoti āha ‘‘māse’’ti. Candapabhāyutto hi māso jotati dippatīti juṇhoti vuccati. Tasmā ‘‘māse’’ti sāmaññato vuttepi puṇṇamiyutto māsova gahetabbo. Kāci parihāni nāmāti kiñci sīlādīnaṃ hāyanaṃ nāma. Aññasmimpīti vassūpagamanato aññasmimpi. Dhammiketi dhammena yutte.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੦੮. વਸ੍ਸਾਨੇ ਚਾਰਿਕਾਪਟਿਕ੍ਖੇਪਾਦਿ • 108. Vassāne cārikāpaṭikkhepādi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / વਸ੍ਸਾਨੇਚਾਰਿਕਾਪਟਿਕ੍ਖੇਪਾਦਿਕਥਾ • Vassānecārikāpaṭikkhepādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / વਸ੍ਸਾਨੇ ਚਾਰਿਕਾਪਟਿਕ੍ਖੇਪਾਦਿਕਥਾવਣ੍ਣਨਾ • Vassāne cārikāpaṭikkhepādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / વਸ੍ਸਾਨੇਚਾਰਿਕਾਪਟਿਕ੍ਖੇਪਾਦਿਕਥਾવਣ੍ਣਨਾ • Vassānecārikāpaṭikkhepādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વਸ੍ਸੂਪਨਾਯਿਕਅਨੁਜਾਨਨਕਥਾਦਿવਣ੍ਣਨਾ • Vassūpanāyikaanujānanakathādivaṇṇanā
