| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৭. ৰস্সসুত্তং
7. Vassasuttaṃ
১৯৭. ‘‘পঞ্চিমে , ভিক্খৰে, ৰস্সস্স অন্তরাযা, যং নেমিত্তা 1 ন জানন্তি, যত্থ নেমিত্তানং চক্খু ন কমতি। কতমে পঞ্চ? উপরি, ভিক্খৰে, আকাসে তেজোধাতু পকুপ্পতি। তেন উপ্পন্না মেঘা পটিৰিগচ্ছন্তি। অযং, ভিক্খৰে, পঠমো ৰস্সস্স অন্তরাযো, যং নেমিত্তা ন জানন্তি, যত্থ নেমিত্তানং চক্খু ন কমতি।
197. ‘‘Pañcime , bhikkhave, vassassa antarāyā, yaṃ nemittā 2 na jānanti, yattha nemittānaṃ cakkhu na kamati. Katame pañca? Upari, bhikkhave, ākāse tejodhātu pakuppati. Tena uppannā meghā paṭivigacchanti. Ayaṃ, bhikkhave, paṭhamo vassassa antarāyo, yaṃ nemittā na jānanti, yattha nemittānaṃ cakkhu na kamati.
‘‘পুন চপরং, ভিক্খৰে, উপরি আকাসে ৰাযোধাতু পকুপ্পতি। তেন উপ্পন্না মেঘা পটিৰিগচ্ছন্তি। অযং, ভিক্খৰে, দুতিযো ৰস্সস্স অন্তরাযো, যং নেমিত্তা ন জানন্তি, যত্থ নেমিত্তানং চক্খু ন কমতি।
‘‘Puna caparaṃ, bhikkhave, upari ākāse vāyodhātu pakuppati. Tena uppannā meghā paṭivigacchanti. Ayaṃ, bhikkhave, dutiyo vassassa antarāyo, yaṃ nemittā na jānanti, yattha nemittānaṃ cakkhu na kamati.
‘‘পুন চপরং, ভিক্খৰে, রাহু অসুরিন্দো পাণিনা উদকং সম্পটিচ্ছিত্ৰা মহাসমুদ্দে ছড্ডেতি। অযং, ভিক্খৰে, ততিযো ৰস্সস্স অন্তরাযো, যং নেমিত্তা ন জানন্তি, যত্থ নেমিত্তানং চক্খু ন কমতি।
‘‘Puna caparaṃ, bhikkhave, rāhu asurindo pāṇinā udakaṃ sampaṭicchitvā mahāsamudde chaḍḍeti. Ayaṃ, bhikkhave, tatiyo vassassa antarāyo, yaṃ nemittā na jānanti, yattha nemittānaṃ cakkhu na kamati.
‘‘পুন চপরং, ভিক্খৰে, ৰস্সৰলাহকা দেৰা পমত্তা হোন্তি। অযং, ভিক্খৰে, চতুত্থো ৰস্সস্স অন্তরাযো, যং নেমিত্তা ন জানন্তি, যত্থ নেমিত্তানং চক্খু ন কমতি।
‘‘Puna caparaṃ, bhikkhave, vassavalāhakā devā pamattā honti. Ayaṃ, bhikkhave, catuttho vassassa antarāyo, yaṃ nemittā na jānanti, yattha nemittānaṃ cakkhu na kamati.
‘‘পুন চপরং, ভিক্খৰে, মনুস্সা অধম্মিকা হোন্তি। অযং, ভিক্খৰে, পঞ্চমো ৰস্সস্স অন্তরাযো, যং নেমিত্তা ন জানন্তি, যত্থ নেমিত্তানং চক্খু ন কমতি। ইমে খো, ভিক্খৰে, পঞ্চ ৰস্সস্স অন্তরাযা, যং নেমিত্তা ন জানন্তি, যত্থ নেমিত্তানং চক্খু ন কমতী’’তি। সত্তমং।
‘‘Puna caparaṃ, bhikkhave, manussā adhammikā honti. Ayaṃ, bhikkhave, pañcamo vassassa antarāyo, yaṃ nemittā na jānanti, yattha nemittānaṃ cakkhu na kamati. Ime kho, bhikkhave, pañca vassassa antarāyā, yaṃ nemittā na jānanti, yattha nemittānaṃ cakkhu na kamatī’’ti. Sattamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭. ৰস্সসুত্তৰণ্ণনা • 7. Vassasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭. ৰস্সসুত্তৰণ্ণনা • 7. Vassasuttavaṇṇanā
