| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੭. વਸ੍ਸਸੁਤ੍ਤਂ
7. Vassasuttaṃ
੧੯੭. ‘‘ਪਞ੍ਚਿਮੇ , ਭਿਕ੍ਖવੇ, વਸ੍ਸਸ੍ਸ ਅਨ੍ਤਰਾਯਾ, ਯਂ ਨੇਮਿਤ੍ਤਾ 1 ਨ ਜਾਨਨ੍ਤਿ, ਯਤ੍ਥ ਨੇਮਿਤ੍ਤਾਨਂ ਚਕ੍ਖੁ ਨ ਕਮਤਿ। ਕਤਮੇ ਪਞ੍ਚ? ਉਪਰਿ, ਭਿਕ੍ਖવੇ, ਆਕਾਸੇ ਤੇਜੋਧਾਤੁ ਪਕੁਪ੍ਪਤਿ। ਤੇਨ ਉਪ੍ਪਨ੍ਨਾ ਮੇਘਾ ਪਟਿવਿਗਚ੍ਛਨ੍ਤਿ। ਅਯਂ, ਭਿਕ੍ਖવੇ, ਪਠਮੋ વਸ੍ਸਸ੍ਸ ਅਨ੍ਤਰਾਯੋ, ਯਂ ਨੇਮਿਤ੍ਤਾ ਨ ਜਾਨਨ੍ਤਿ, ਯਤ੍ਥ ਨੇਮਿਤ੍ਤਾਨਂ ਚਕ੍ਖੁ ਨ ਕਮਤਿ।
197. ‘‘Pañcime , bhikkhave, vassassa antarāyā, yaṃ nemittā 2 na jānanti, yattha nemittānaṃ cakkhu na kamati. Katame pañca? Upari, bhikkhave, ākāse tejodhātu pakuppati. Tena uppannā meghā paṭivigacchanti. Ayaṃ, bhikkhave, paṭhamo vassassa antarāyo, yaṃ nemittā na jānanti, yattha nemittānaṃ cakkhu na kamati.
‘‘ਪੁਨ ਚਪਰਂ, ਭਿਕ੍ਖવੇ, ਉਪਰਿ ਆਕਾਸੇ વਾਯੋਧਾਤੁ ਪਕੁਪ੍ਪਤਿ। ਤੇਨ ਉਪ੍ਪਨ੍ਨਾ ਮੇਘਾ ਪਟਿવਿਗਚ੍ਛਨ੍ਤਿ। ਅਯਂ, ਭਿਕ੍ਖવੇ, ਦੁਤਿਯੋ વਸ੍ਸਸ੍ਸ ਅਨ੍ਤਰਾਯੋ, ਯਂ ਨੇਮਿਤ੍ਤਾ ਨ ਜਾਨਨ੍ਤਿ, ਯਤ੍ਥ ਨੇਮਿਤ੍ਤਾਨਂ ਚਕ੍ਖੁ ਨ ਕਮਤਿ।
‘‘Puna caparaṃ, bhikkhave, upari ākāse vāyodhātu pakuppati. Tena uppannā meghā paṭivigacchanti. Ayaṃ, bhikkhave, dutiyo vassassa antarāyo, yaṃ nemittā na jānanti, yattha nemittānaṃ cakkhu na kamati.
‘‘ਪੁਨ ਚਪਰਂ, ਭਿਕ੍ਖવੇ, ਰਾਹੁ ਅਸੁਰਿਨ੍ਦੋ ਪਾਣਿਨਾ ਉਦਕਂ ਸਮ੍ਪਟਿਚ੍ਛਿਤ੍વਾ ਮਹਾਸਮੁਦ੍ਦੇ ਛਡ੍ਡੇਤਿ। ਅਯਂ, ਭਿਕ੍ਖવੇ, ਤਤਿਯੋ વਸ੍ਸਸ੍ਸ ਅਨ੍ਤਰਾਯੋ, ਯਂ ਨੇਮਿਤ੍ਤਾ ਨ ਜਾਨਨ੍ਤਿ, ਯਤ੍ਥ ਨੇਮਿਤ੍ਤਾਨਂ ਚਕ੍ਖੁ ਨ ਕਮਤਿ।
‘‘Puna caparaṃ, bhikkhave, rāhu asurindo pāṇinā udakaṃ sampaṭicchitvā mahāsamudde chaḍḍeti. Ayaṃ, bhikkhave, tatiyo vassassa antarāyo, yaṃ nemittā na jānanti, yattha nemittānaṃ cakkhu na kamati.
‘‘ਪੁਨ ਚਪਰਂ, ਭਿਕ੍ਖવੇ, વਸ੍ਸવਲਾਹਕਾ ਦੇવਾ ਪਮਤ੍ਤਾ ਹੋਨ੍ਤਿ। ਅਯਂ, ਭਿਕ੍ਖવੇ, ਚਤੁਤ੍ਥੋ વਸ੍ਸਸ੍ਸ ਅਨ੍ਤਰਾਯੋ, ਯਂ ਨੇਮਿਤ੍ਤਾ ਨ ਜਾਨਨ੍ਤਿ, ਯਤ੍ਥ ਨੇਮਿਤ੍ਤਾਨਂ ਚਕ੍ਖੁ ਨ ਕਮਤਿ।
‘‘Puna caparaṃ, bhikkhave, vassavalāhakā devā pamattā honti. Ayaṃ, bhikkhave, catuttho vassassa antarāyo, yaṃ nemittā na jānanti, yattha nemittānaṃ cakkhu na kamati.
‘‘ਪੁਨ ਚਪਰਂ, ਭਿਕ੍ਖવੇ, ਮਨੁਸ੍ਸਾ ਅਧਮ੍ਮਿਕਾ ਹੋਨ੍ਤਿ। ਅਯਂ, ਭਿਕ੍ਖવੇ, ਪਞ੍ਚਮੋ વਸ੍ਸਸ੍ਸ ਅਨ੍ਤਰਾਯੋ, ਯਂ ਨੇਮਿਤ੍ਤਾ ਨ ਜਾਨਨ੍ਤਿ, ਯਤ੍ਥ ਨੇਮਿਤ੍ਤਾਨਂ ਚਕ੍ਖੁ ਨ ਕਮਤਿ। ਇਮੇ ਖੋ, ਭਿਕ੍ਖવੇ, ਪਞ੍ਚ વਸ੍ਸਸ੍ਸ ਅਨ੍ਤਰਾਯਾ, ਯਂ ਨੇਮਿਤ੍ਤਾ ਨ ਜਾਨਨ੍ਤਿ, ਯਤ੍ਥ ਨੇਮਿਤ੍ਤਾਨਂ ਚਕ੍ਖੁ ਨ ਕਮਤੀ’’ਤਿ। ਸਤ੍ਤਮਂ।
‘‘Puna caparaṃ, bhikkhave, manussā adhammikā honti. Ayaṃ, bhikkhave, pañcamo vassassa antarāyo, yaṃ nemittā na jānanti, yattha nemittānaṃ cakkhu na kamati. Ime kho, bhikkhave, pañca vassassa antarāyā, yaṃ nemittā na jānanti, yattha nemittānaṃ cakkhu na kamatī’’ti. Sattamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. વਸ੍ਸਸੁਤ੍ਤવਣ੍ਣਨਾ • 7. Vassasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. વਸ੍ਸਸੁਤ੍ਤવਣ੍ਣਨਾ • 7. Vassasuttavaṇṇanā
