| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
7. வஸ்ஸஸுத்தவண்ணனா
7. Vassasuttavaṇṇanā
197. ஸத்தமே உதுஸமுட்டா²னந்தி வஸ்ஸிகே சத்தாரோ மாஸே உப்பன்னங். அகாலேபீதி சித்தவேஸாக²மாஸேஸுபி. வஸ்ஸவலாஹகதே³வபுத்தானஞ்ஹி அத்தனோ ரதியா கீளிதுகாமதாசித்தே உப்பன்னே அகாலேபி தே³வோ வஸ்ஸதி. தத்ரித³ங் வத்து² – ஏகோ கிர வஸ்ஸவலாஹகதே³வபுத்தோ வாகரகுடகவாஸிகீ²ணாஸவத்தே²ரஸ்ஸ ஸந்திகங் க³ந்த்வா வந்தி³த்வா அட்டா²ஸி. தே²ரோ ‘‘கோஸி த்வ’’ந்தி புச்சி². அஹங், ப⁴ந்தே, வஸ்ஸவலாஹகதே³வபுத்தோதி. தும்ஹாகங் கிர சித்தேன தே³வோ வஸ்ஸதீதி. ஆம, ப⁴ந்தேதி. பஸ்ஸிதுகாமா மயந்தி. தேமிஸ்ஸத², ப⁴ந்தேதி. மேக⁴ஸீஸங் வா க³ஜ்ஜிதங் வா ந பஞ்ஞாயதி, கத²ங் தேமிஸ்ஸாமாதி. ப⁴ந்தே, அம்ஹாகங் சித்தேன தே³வோ வஸ்ஸதி, தும்ஹே பண்ணஸாலங் பவிஸதா²தி. ‘‘ஸாது⁴, தே³வபுத்தா’’தி பாதே³ தோ⁴வித்வா பண்ணஸாலங் பாவிஸி. தே³வபுத்தோ தஸ்மிங் பவிஸந்தேயேவ ஏகங் கீ³தங் கா³யித்வா ஹத்த²ங் உக்கி²பி, ஸமந்தா தியோஜனட்டா²னங் ஏகமேக⁴ங் அஹோஸி. தே²ரோ அத்³த⁴திந்தோ பண்ணஸாலங் பவிட்டோ²தி.
197. Sattame utusamuṭṭhānanti vassike cattāro māse uppannaṃ. Akālepīti cittavesākhamāsesupi. Vassavalāhakadevaputtānañhi attano ratiyā kīḷitukāmatācitte uppanne akālepi devo vassati. Tatridaṃ vatthu – eko kira vassavalāhakadevaputto vākarakuṭakavāsikhīṇāsavattherassa santikaṃ gantvā vanditvā aṭṭhāsi. Thero ‘‘kosi tva’’nti pucchi. Ahaṃ, bhante, vassavalāhakadevaputtoti. Tumhākaṃ kira cittena devo vassatīti. Āma, bhanteti. Passitukāmā mayanti. Temissatha, bhanteti. Meghasīsaṃ vā gajjitaṃ vā na paññāyati, kathaṃ temissāmāti. Bhante, amhākaṃ cittena devo vassati, tumhe paṇṇasālaṃ pavisathāti. ‘‘Sādhu, devaputtā’’ti pāde dhovitvā paṇṇasālaṃ pāvisi. Devaputto tasmiṃ pavisanteyeva ekaṃ gītaṃ gāyitvā hatthaṃ ukkhipi, samantā tiyojanaṭṭhānaṃ ekameghaṃ ahosi. Thero addhatinto paṇṇasālaṃ paviṭṭhoti.
வஸ்ஸஸுத்தவண்ணனா நிட்டி²தா.
Vassasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. வஸ்ஸஸுத்தங் • 7. Vassasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. வஸ்ஸஸுத்தவண்ணனா • 7. Vassasuttavaṇṇanā
