| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៧. វស្សសុត្តវណ្ណនា
7. Vassasuttavaṇṇanā
១៩៧. សត្តមេ នេមិត្តាតិ និមិត្តបាឋកា។ តេជោធាតុ បកុប្បតីតិ មហាអគ្គិក្ខន្ធោ ឧប្បជ្ជតិ។ បាណិនា ឧទកំ សម្បដិច្ឆិត្វាតិ ឧប្បន្នំ ឧតុសមុដ្ឋានំ ឧទកំ តិយោជនសតេន ហត្ថេន បដិគ្គហេត្វា។ បមត្តា ហោន្តីតិ អត្តនោ កីឡាយ បមត្តា ហោន្តិ វិប្បវុដ្ឋសតិនោ។ តេសញ្ហិ សកាយ រតិយា ‘‘រមាមា’’តិ ចិត្តេ ឧប្បន្នេ អកាលេបិ ទេវោ វស្សតិ, តទភាវេ ន វស្សតិ។ តំ សន្ធាយេតំ វុត្តំ – ‘‘ន កាលវស្ស’’ន្តិ។ អដ្ឋមនវមានិ ឧត្តានត្ថានេវ។
197. Sattame nemittāti nimittapāṭhakā. Tejodhātu pakuppatīti mahāaggikkhandho uppajjati. Pāṇinā udakaṃ sampaṭicchitvāti uppannaṃ utusamuṭṭhānaṃ udakaṃ tiyojanasatena hatthena paṭiggahetvā. Pamattā hontīti attano kīḷāya pamattā honti vippavuṭṭhasatino. Tesañhi sakāya ratiyā ‘‘ramāmā’’ti citte uppanne akālepi devo vassati, tadabhāve na vassati. Taṃ sandhāyetaṃ vuttaṃ – ‘‘na kālavassa’’nti. Aṭṭhamanavamāni uttānatthāneva.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៧. វស្សសុត្តំ • 7. Vassasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧. វស្សសុត្តវណ្ណនា • 7. Vassasuttavaṇṇanā
