| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၇. ဝသ္သသုတ္တဝဏ္ဏနာ
7. Vassasuttavaṇṇanā
၁၉၇. သတ္တမေ ဥတုသမုဋ္ဌာနန္တိ ဝသ္သိကေ စတ္တာရော မာသေ ဥပ္ပန္နံ။ အကာလေပီတိ စိတ္တဝေသာခမာသေသုပိ။ ဝသ္သဝလာဟကဒေဝပုတ္တာနဉ္ဟိ အတ္တနော ရတိယာ ကီဠိတုကာမတာစိတ္တေ ဥပ္ပန္နေ အကာလေပိ ဒေဝော ဝသ္သတိ။ တတ္ရိဒံ ဝတ္ထု – ဧကော ကိရ ဝသ္သဝလာဟကဒေဝပုတ္တော ဝာကရကုဋကဝာသိခီဏာသဝတ္ထေရသ္သ သန္တိကံ ဂန္တ္ဝာ ဝန္ဒိတ္ဝာ အဋ္ဌာသိ။ ထေရော ‘‘ကောသိ တ္ဝ’’န္တိ ပုစ္ဆိ။ အဟံ, ဘန္တေ, ဝသ္သဝလာဟကဒေဝပုတ္တောတိ။ တုမ္ဟာကံ ကိရ စိတ္တေန ဒေဝော ဝသ္သတီတိ။ အာမ, ဘန္တေတိ။ ပသ္သိတုကာမာ မယန္တိ။ တေမိသ္သထ, ဘန္တေတိ။ မေဃသီသံ ဝာ ဂဇ္ဇိတံ ဝာ န ပညာယတိ, ကထံ တေမိသ္သာမာတိ။ ဘန္တေ, အမ္ဟာကံ စိတ္တေန ဒေဝော ဝသ္သတိ, တုမ္ဟေ ပဏ္ဏသာလံ ပဝိသထာတိ။ ‘‘သာဓု, ဒေဝပုတ္တာ’’တိ ပာဒေ ဓောဝိတ္ဝာ ပဏ္ဏသာလံ ပာဝိသိ။ ဒေဝပုတ္တော တသ္မိံ ပဝိသန္တေယေဝ ဧကံ ဂီတံ ဂာယိတ္ဝာ ဟတ္ထံ ဥက္ခိပိ, သမန္တာ တိယောဇနဋ္ဌာနံ ဧကမေဃံ အဟောသိ။ ထေရော အဒ္ဓတိန္တော ပဏ္ဏသာလံ ပဝိဋ္ဌောတိ။
197. Sattame utusamuṭṭhānanti vassike cattāro māse uppannaṃ. Akālepīti cittavesākhamāsesupi. Vassavalāhakadevaputtānañhi attano ratiyā kīḷitukāmatācitte uppanne akālepi devo vassati. Tatridaṃ vatthu – eko kira vassavalāhakadevaputto vākarakuṭakavāsikhīṇāsavattherassa santikaṃ gantvā vanditvā aṭṭhāsi. Thero ‘‘kosi tva’’nti pucchi. Ahaṃ, bhante, vassavalāhakadevaputtoti. Tumhākaṃ kira cittena devo vassatīti. Āma, bhanteti. Passitukāmā mayanti. Temissatha, bhanteti. Meghasīsaṃ vā gajjitaṃ vā na paññāyati, kathaṃ temissāmāti. Bhante, amhākaṃ cittena devo vassati, tumhe paṇṇasālaṃ pavisathāti. ‘‘Sādhu, devaputtā’’ti pāde dhovitvā paṇṇasālaṃ pāvisi. Devaputto tasmiṃ pavisanteyeva ekaṃ gītaṃ gāyitvā hatthaṃ ukkhipi, samantā tiyojanaṭṭhānaṃ ekameghaṃ ahosi. Thero addhatinto paṇṇasālaṃ paviṭṭhoti.
ဝသ္သသုတ္တဝဏ္ဏနာ နိဋ္ဌိတာ။
Vassasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၇. ဝသ္သသုတ္တံ • 7. Vassasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၇. ဝသ္သသုတ္တဝဏ္ဏနာ • 7. Vassasuttavaṇṇanā
