| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
4. вассигасаадигасигкаабад̣̇аван̣н̣анаа
4. Vassikasāṭikasikkhāpadavaṇṇanā
626. д̇зна самаязнаад̇и вассигасаадигасигкаабад̣̇ам̣. д̇ад̇т̇а вассигасаадигаа анун̃н̃аад̇аад̇и жийварагканд̇хагз висаакаавад̇т̇усмим̣ (махаава. 349 аад̣̇аяо) анун̃н̃аад̇аа. бадигажжзваад̇и бурзязва.
626.Tena samayenāti vassikasāṭikasikkhāpadaṃ. Tattha vassikasāṭikā anuññātāti cīvarakkhandhake visākhāvatthusmiṃ (mahāva. 349 ādayo) anuññātā. Paṭikaccevāti pureyeva.
627. маасо сзсо г̇имхаананд̇и жад̇уннам̣ г̇имхамаасаанам̣ зго бажчимамаасо сзсо. гад̇ваад̇и сиб̣б̣анараж̇анагаббабарияосаанзна нидтабзд̇ваа. гаронд̇зна жа згамзва гад̇ваа самаяз ад̇хидтаад̇аб̣б̣ам̣, д̣̇вз ад̇хидтаад̇ум̣ на вадданд̇и.
627.Māso seso gimhānanti catunnaṃ gimhamāsānaṃ eko pacchimamāso seso. Katvāti sibbanarajanakappapariyosānena niṭṭhapetvā. Karontena ca ekameva katvā samaye adhiṭṭhātabbaṃ, dve adhiṭṭhātuṃ na vaṭṭanti.
ад̇ирзгамаасз сзсз г̇имхаанзд̇и г̇имхаананаамагз ад̇ирзгамаасз сзсз.
Atirekamāse sese gimhāneti gimhānanāmake atirekamāse sese.
ад̇ирзгад̣̇д̇хамаасз сзсз г̇имхаанз гад̇ваа ниваасзд̇ийд̇и зд̇т̇а бана тад̇ваа вассигасаадигааяа бариязсанагкзд̇д̇ам̣ гаран̣агкзд̇д̇ам̣ ниваасанагкзд̇д̇ам̣ ад̇хидтаанагкзд̇д̇анд̇и жад̇уб̣б̣ид̇хам̣ кзд̇д̇ам̣, гужчисамаяо бидтисамаяод̇и д̣̇увид̇хо самаяо, бидтисамаяажад̇уггам̣ гужчисамаяажад̇угганд̇и д̣̇вз жад̇уггаани жа взд̣̇ид̇аб̣б̣аани.
Atirekaddhamāsesese gimhāne katvā nivāsetīti ettha pana ṭhatvā vassikasāṭikāya pariyesanakkhettaṃ karaṇakkhettaṃ nivāsanakkhettaṃ adhiṭṭhānakkhettanti catubbidhaṃ khettaṃ, kucchisamayo piṭṭhisamayoti duvidho samayo, piṭṭhisamayacatukkaṃ kucchisamayacatukkanti dve catukkāni ca veditabbāni.
д̇ад̇т̇а ж̇здтамуулабун̣н̣амаасияаа бажчимабаадибад̣̇ад̣̇ивасад̇о бадтааяа яаава гаал̣абагкубосат̇аа, аяамзго ад̣̇д̇хамаасо бариязсанагкзд̇д̇ан̃жзва гаран̣агкзд̇д̇ан̃жа. зд̇асмин̃хи анд̇арз вассигасаадигам̣ алад̣̇д̇хам̣ бариязсид̇ум̣ лад̣̇д̇хам̣ гаад̇ун̃жа ваддад̇и, ниваасзд̇ум̣ ад̇хидтаад̇ун̃жа на ваддад̇и. гаал̣абагкубосат̇асса бажчимабаадибад̣̇ад̣̇ивасад̇о бадтааяа яаава аасаал̣хийбун̣н̣амаа, аяамзго ад̣̇д̇хамаасо бариязсанагаран̣аниваасанаанам̣ д̇ин̣н̣амби кзд̇д̇ам̣. зд̇асмин̃хи анд̇арз бариязсид̇ум̣ гаад̇ум̣ ниваасзд̇ун̃жа ваддад̇и, ад̇хидтаад̇ум̣язва на ваддад̇и. аасаал̣хийбун̣н̣амаасияаа бажчимабаадибад̣̇ад̣̇ивасад̇о бадтааяа яаава гад̇д̇игабун̣н̣амаа, имз жад̇д̇ааро маасаа бариязсанагаран̣аниваасанаад̇хидтаанаанам̣ жад̇уннам̣ кзд̇д̇ам̣. зд̇асмин̃хи анд̇арз алад̣̇д̇хам̣ бариязсид̇ум̣ лад̣̇д̇хам̣ гаад̇ум̣ ниваасзд̇ум̣ ад̇хидтаад̇ун̃жа ваддад̇и. ид̣̇ам̣ д̇аава жад̇уб̣б̣ид̇хам̣ кзд̇д̇ам̣ взд̣̇ид̇аб̣б̣ам̣.
Tattha jeṭṭhamūlapuṇṇamāsiyā pacchimapāṭipadadivasato paṭṭhāya yāva kāḷapakkhuposathā, ayameko addhamāso pariyesanakkhettañceva karaṇakkhettañca. Etasmiñhi antare vassikasāṭikaṃ aladdhaṃ pariyesituṃ laddhaṃ kātuñca vaṭṭati, nivāsetuṃ adhiṭṭhātuñca na vaṭṭati. Kāḷapakkhuposathassa pacchimapāṭipadadivasato paṭṭhāya yāva āsāḷhīpuṇṇamā, ayameko addhamāso pariyesanakaraṇanivāsanānaṃ tiṇṇampi khettaṃ. Etasmiñhi antare pariyesituṃ kātuṃ nivāsetuñca vaṭṭati, adhiṭṭhātuṃyeva na vaṭṭati. Āsāḷhīpuṇṇamāsiyā pacchimapāṭipadadivasato paṭṭhāya yāva kattikapuṇṇamā, ime cattāro māsā pariyesanakaraṇanivāsanādhiṭṭhānānaṃ catunnaṃ khettaṃ. Etasmiñhi antare aladdhaṃ pariyesituṃ laddhaṃ kātuṃ nivāsetuṃ adhiṭṭhātuñca vaṭṭati. Idaṃ tāva catubbidhaṃ khettaṃ veditabbaṃ.
гад̇д̇игабун̣н̣амаасияаа бана бажчимабаадибад̣̇ад̣̇ивасад̇о бадтааяа яаава ж̇здтамуулабун̣н̣амаа, имз сад̇д̇а маасаа бидтисамаяо наама. зд̇асмин̃хи анд̇арз ‘‘гаало вассигасаадигааяаа’’д̇иаад̣̇инаа наязна сад̇уббаад̣̇ам̣ гад̇ваа ан̃н̃аад̇агааббаваарид̇адтаанад̇о вассигасаадигажийварам̣ нибпаад̣̇знд̇асса иминаа сигкаабад̣̇зна ниссаг̇г̇ияам̣ баажид̇д̇ияам̣. ‘‘д̣̇зт̇а мз вассигасаадигажийвара’’нд̇иаад̣̇инаа наязна вин̃н̃ад̇д̇им̣ гад̇ваа нибпаад̣̇знд̇асса ан̃н̃аад̇агавин̃н̃ад̇д̇исигкаабад̣̇зна ниссаг̇г̇ияам̣ баажид̇д̇ияам̣. вуд̇д̇анаязнзва сад̇уббаад̣̇ам̣ гад̇ваа н̃аад̇агабаваарид̇адтаанад̇о нибпаад̣̇знд̇асса иминаава сигкаабад̣̇зна ниссаг̇г̇ияам̣ баажид̇д̇ияам̣ . вин̃н̃ад̇д̇им̣ гад̇ваа нибпаад̣̇знд̇асса ан̃н̃аад̇агавин̃н̃ад̇д̇исигкаабад̣̇зна анаабад̇д̇и. вуд̇д̇ан̃хзд̇ам̣ бариваарз –
Kattikapuṇṇamāsiyā pana pacchimapāṭipadadivasato paṭṭhāya yāva jeṭṭhamūlapuṇṇamā, ime satta māsā piṭṭhisamayo nāma. Etasmiñhi antare ‘‘kālo vassikasāṭikāyā’’tiādinā nayena satuppādaṃ katvā aññātakaappavāritaṭṭhānato vassikasāṭikacīvaraṃ nipphādentassa iminā sikkhāpadena nissaggiyaṃ pācittiyaṃ. ‘‘Detha me vassikasāṭikacīvara’’ntiādinā nayena viññattiṃ katvā nipphādentassa aññātakaviññattisikkhāpadena nissaggiyaṃ pācittiyaṃ. Vuttanayeneva satuppādaṃ katvā ñātakapavāritaṭṭhānato nipphādentassa imināva sikkhāpadena nissaggiyaṃ pācittiyaṃ . Viññattiṃ katvā nipphādentassa aññātakaviññattisikkhāpadena anāpatti. Vuttañhetaṃ parivāre –
‘‘маад̇арам̣ жийварам̣ яаажз, но жа сан̇гхз барин̣ад̇ам̣;
‘‘Mātaraṃ cīvaraṃ yāce, no ca saṅghe pariṇataṃ;
гзнасса ход̇и аабад̇д̇и, анаабад̇д̇и жа н̃аад̇агз;
Kenassa hoti āpatti, anāpatti ca ñātake;
бан̃хаа мзсаа гусалзхи жинд̇ид̇аа’’д̇и. (бари. 481);
Pañhā mesā kusalehi cintitā’’ti. (pari. 481);
аяан̃хи бан̃хо имамад̇т̇ам̣ санд̇хааяа вуд̇д̇од̇и. звам̣ бидтисамаяажад̇уггам̣ взд̣̇ид̇аб̣б̣ам̣.
Ayañhi pañho imamatthaṃ sandhāya vuttoti. Evaṃ piṭṭhisamayacatukkaṃ veditabbaṃ.
ж̇здтамуулабун̣н̣амаасияаа бана бажчимабаадибад̣̇ад̣̇ивасад̇о бадтааяа яаава гад̇д̇игабун̣н̣амаа, имз бан̃жа маасаа гужчисамаяо наама. зд̇асмин̃хи анд̇арз вуд̇д̇анаязна сад̇уббаад̣̇ам̣ гад̇ваа ан̃н̃аад̇агааббаваарид̇адтаанад̇о вассигасаадигажийварам̣ нибпаад̣̇знд̇асса вад̇д̇абхзд̣̇з д̣̇уггадам̣. яз мануссаа буб̣б̣зби вассигасаадигажийварам̣ д̣̇знд̇и, имз бана сажзби ад̇д̇ано ан̃н̃аад̇агааббаваарид̇аа хонд̇и, вад̇д̇абхзд̣̇о над̇т̇и, д̇зсу сад̇уббаад̣̇агаран̣асса анун̃н̃аад̇ад̇д̇аа. вин̃н̃ад̇им̣ гад̇ваа нибпаад̣̇знд̇асса ан̃н̃аад̇агавин̃н̃ад̇д̇исигкаабад̣̇зна ниссаг̇г̇ияам̣ баажид̇д̇ияам̣. ид̣̇ам̣ бана багад̇ияаа вассигасаадигад̣̇ааяагзсуби ход̇иязва. вуд̇д̇анаязнзва сад̇уббаад̣̇ам̣ гад̇ваа н̃аад̇агабаваарид̇адтаанад̇о нибпаад̣̇знд̇асса иминаа сигкаабад̣̇зна анаабад̇д̇и. вин̃н̃ад̇д̇им̣ гад̇ваа нибпаад̣̇знд̇асса ан̃н̃аад̇агавин̃н̃ад̇д̇исигкаабад̣̇зна анаабад̇д̇и. ‘‘на вад̇д̇аб̣б̣аа д̣̇зт̇а мз’’д̇и ид̣̇ан̃хи бариязсанагаалз ан̃н̃аад̇агааббаваарид̇зязва санд̇хааяа вуд̇д̇ам̣. звам̣ гужчисамаяажад̇уггам̣ взд̣̇ид̇аб̣б̣ам̣.
Jeṭṭhamūlapuṇṇamāsiyā pana pacchimapāṭipadadivasato paṭṭhāya yāva kattikapuṇṇamā, ime pañca māsā kucchisamayo nāma. Etasmiñhi antare vuttanayena satuppādaṃ katvā aññātakaappavāritaṭṭhānato vassikasāṭikacīvaraṃ nipphādentassa vattabhede dukkaṭaṃ. Ye manussā pubbepi vassikasāṭikacīvaraṃ denti, ime pana sacepi attano aññātakaappavāritā honti, vattabhedo natthi, tesu satuppādakaraṇassa anuññātattā. Viññatiṃ katvā nipphādentassa aññātakaviññattisikkhāpadena nissaggiyaṃ pācittiyaṃ. Idaṃ pana pakatiyā vassikasāṭikadāyakesupi hotiyeva. Vuttanayeneva satuppādaṃ katvā ñātakapavāritaṭṭhānato nipphādentassa iminā sikkhāpadena anāpatti. Viññattiṃ katvā nipphādentassa aññātakaviññattisikkhāpadena anāpatti. ‘‘Na vattabbā detha me’’ti idañhi pariyesanakāle aññātakaappavāriteyeva sandhāya vuttaṃ. Evaṃ kucchisamayacatukkaṃ veditabbaṃ.
наг̇г̇о гааяам̣ овассаабзд̇и, аабад̇д̇и д̣̇уггадассаад̇и зд̇т̇а уд̣̇агапусид̇аг̇ан̣анааяа агад̇ваа нхаанабарияосаанавасзна баяог̇з баяог̇з д̣̇уггадзна гаарзд̇аб̣б̣о. со жа ко вивадан̇г̇ан̣з аагаасад̇о бад̇ид̇ауд̣̇агзнзва нхааяанд̇о. нхаанагодтагаваабиаад̣̇ийсу гхадзхи аасид̇д̇ауд̣̇агзна ваа нхааяанд̇асса анаабад̇д̇и.
Naggo kāyaṃ ovassāpeti, āpatti dukkaṭassāti ettha udakaphusitagaṇanāya akatvā nhānapariyosānavasena payoge payoge dukkaṭena kāretabbo. So ca kho vivaṭaṅgaṇe ākāsato patitaudakeneva nhāyanto. Nhānakoṭṭhakavāpiādīsu ghaṭehi āsittaudakena vā nhāyantassa anāpatti.
вассам̣ уггад̣дхияад̇ийд̇и зд̇т̇а сажз гад̇абариязсид̇ааяа вассигасаадигааяа г̇имхаанам̣ бажчима маасам̣ кзбзд̇ваа буна вассаанасса батамамаасам̣ уггад̣дхид̇ваа г̇имхаанам̣ бажчимамаасамзва гаронд̇и, вассигасаадигаа д̇ховид̇ваа нигкибид̇аб̣б̣аа. анад̇хидтид̇аа авигаббид̇аа д̣̇вз маасз барихаарам̣ лабхад̇и, вассуубанааяигад̣̇ивасз ад̇хидтаад̇аб̣б̣аа. сажз сад̇исаммосзна ваа аббахонагабхаавзна ваа агад̇аа ход̇и, д̇з жа д̣̇вз маасз вассаанасса жа жаад̇умаасанд̇и ча маасз барихаарам̣ лабхад̇и. сажз бана гад̇д̇игамаасз гат̇инам̣ ад̇т̇арийяад̇и, абарзби жад̇д̇ааро маасз лабхад̇и, звам̣ д̣̇аса маасаа хонд̇и. д̇ад̇о барамби сад̇ияаа бажжаасааяа муулажийварам̣ гад̇ваа табзнд̇асса згамаасанд̇и звам̣ згаад̣̇аса маасз барихаарам̣ лабхад̇и. сажз бана згаахад̣̇вийхаад̣̇ивасзна яаава д̣̇асаахаанааг̇ад̇ааяа вассуубанааяигааяа анд̇овассз ваа лад̣̇д̇хаа жзва нидтид̇аа жа, гад̣̇аа ад̇хидтаад̇аб̣б̣аад̇и зд̇ам̣ адтагат̇аасу на вижаарид̇ам̣. лад̣̇д̇хад̣̇ивасад̇о бадтааяа анд̇од̣̇асаахз нидтид̇аа бана д̇асмим̣язва анд̇од̣̇асаахз ад̇хидтаад̇аб̣б̣аа. д̣̇асаахаад̇иггамз нидтид̇аа д̇ад̣̇ахзва ад̇хидтаад̇аб̣б̣аа. д̣̇асаахз аббахонд̇з жийварагаалам̣ наад̇иггамзд̇аб̣б̣аад̇и аяам̣ но ад̇д̇аномад̇и. гасмаа? ‘‘ануж̇аанаами, бхигкавз, д̇ижийварам̣ ад̇хидтаад̇ум̣ на вигаббзд̇ум̣; вассигасаадигам̣ вассаанам̣ жаад̇умаасам̣ ад̇хидтаад̇ум̣, д̇ад̇о барам̣ вигаббзд̇у’’нд̇и (махаава. 358) хи вуд̇д̇ам̣. д̇асмаа вассуубанааяигад̇о буб̣б̣з д̣̇асаахаад̇иггамзби анаабад̇д̇и. ‘‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’’нд̇и (баараа. 462) жа вуд̇д̇ам̣. д̇асмаа згаахад̣̇вийхаад̣̇ивасзна яаава д̣̇асаахаанааг̇ад̇ааяа вассуубанааяигааяа анд̇овассз ваа лад̣̇д̇хаа жзва нидтид̇аа жа вуд̇д̇анаязнзва анд̇од̣̇асаахз ваа д̇ад̣̇аху ваа ад̇хидтаад̇аб̣б̣аа, д̣̇асаахз аббахонд̇з жийварагаалам̣ наад̇иггамзд̇аб̣б̣аа.
Vassaṃ ukkaḍḍhiyatīti ettha sace katapariyesitāya vassikasāṭikāya gimhānaṃ pacchima māsaṃ khepetvā puna vassānassa paṭhamamāsaṃ ukkaḍḍhitvā gimhānaṃ pacchimamāsameva karonti, vassikasāṭikā dhovitvā nikkhipitabbā. Anadhiṭṭhitā avikappitā dve māse parihāraṃ labhati, vassūpanāyikadivase adhiṭṭhātabbā. Sace satisammosena vā appahonakabhāvena vā akatā hoti, te ca dve māse vassānassa ca cātumāsanti cha māse parihāraṃ labhati. Sace pana kattikamāse kathinaṃ attharīyati, aparepi cattāro māse labhati, evaṃ dasa māsā honti. Tato parampi satiyā paccāsāya mūlacīvaraṃ katvā ṭhapentassa ekamāsanti evaṃ ekādasa māse parihāraṃ labhati. Sace pana ekāhadvīhādivasena yāva dasāhānāgatāya vassūpanāyikāya antovasse vā laddhā ceva niṭṭhitā ca, kadā adhiṭṭhātabbāti etaṃ aṭṭhakathāsu na vicāritaṃ. Laddhadivasato paṭṭhāya antodasāhe niṭṭhitā pana tasmiṃyeva antodasāhe adhiṭṭhātabbā. Dasāhātikkame niṭṭhitā tadaheva adhiṭṭhātabbā. Dasāhe appahonte cīvarakālaṃ nātikkametabbāti ayaṃ no attanomati. Kasmā? ‘‘Anujānāmi, bhikkhave, ticīvaraṃ adhiṭṭhātuṃ na vikappetuṃ; vassikasāṭikaṃ vassānaṃ cātumāsaṃ adhiṭṭhātuṃ, tato paraṃ vikappetu’’nti (mahāva. 358) hi vuttaṃ. Tasmā vassūpanāyikato pubbe dasāhātikkamepi anāpatti. ‘‘Dasāhaparamaṃ atirekacīvaraṃ dhāretabba’’nti (pārā. 462) ca vuttaṃ. Tasmā ekāhadvīhādivasena yāva dasāhānāgatāya vassūpanāyikāya antovasse vā laddhā ceva niṭṭhitā ca vuttanayeneva antodasāhe vā tadahu vā adhiṭṭhātabbā, dasāhe appahonte cīvarakālaṃ nātikkametabbā.
д̇ад̇т̇а сияаа ‘‘вассаанам̣ жаад̇умаасам̣ ад̇хидтаад̇у’’нд̇и важанад̇о ‘‘жаад̇умаасаб̣бханд̇арз яад̣̇аа ваа д̇ад̣̇аа ваа ад̇хидтаад̇ум̣ ваддад̇ий’’д̇и. яад̣̇и звам̣, ‘‘ган̣д̣уббадижчаад̣̇им̣ яаава ааб̣аад̇хаа ад̇хидтаад̇у’’нд̇и вуд̇д̇ам̣ сааби, жа д̣̇асаахам̣ ад̇иггаамзд̇аб̣б̣аа сияаа. зван̃жа сад̇и ‘‘д̣̇асаахабарамам̣ ад̇ирзгажийварам̣ д̇хаарзд̇аб̣б̣а’’нд̇и ид̣̇ам̣ вируж̇жхад̇и. д̇асмаа яат̇аавуд̇д̇амзва г̇ахзд̇аб̣б̣ам̣, ан̃н̃ам̣ ваа ажалам̣ гааран̣ам̣ лабхид̇ваа чад̣д̣зд̇аб̣б̣ам̣. абижа гурунд̣̇ияамби ниссаг̇г̇ияаавасаанз вуд̇д̇ам̣ – ‘‘гад̣̇аа ад̇хидтаад̇аб̣б̣аа? лад̣̇д̇хад̣̇ивасад̇о бадтааяа анд̇од̣̇асаахз нидтид̇аа бана д̇асмим̣язва анд̇од̣̇асаахз ад̇хидтаад̇аб̣б̣аа. яад̣̇и наббаход̇и яаава гад̇д̇игабун̣н̣амаа барихаарам̣ лабхад̇ий’’д̇и.
Tattha siyā ‘‘vassānaṃ cātumāsaṃ adhiṭṭhātu’’nti vacanato ‘‘cātumāsabbhantare yadā vā tadā vā adhiṭṭhātuṃ vaṭṭatī’’ti. Yadi evaṃ, ‘‘kaṇḍuppaṭicchādiṃ yāva ābādhā adhiṭṭhātu’’nti vuttaṃ sāpi, ca dasāhaṃ atikkāmetabbā siyā. Evañca sati ‘‘dasāhaparamaṃ atirekacīvaraṃ dhāretabba’’nti idaṃ virujjhati. Tasmā yathāvuttameva gahetabbaṃ, aññaṃ vā acalaṃ kāraṇaṃ labhitvā chaḍḍetabbaṃ. Apica kurundiyampi nissaggiyāvasāne vuttaṃ – ‘‘kadā adhiṭṭhātabbā? Laddhadivasato paṭṭhāya antodasāhe niṭṭhitā pana tasmiṃyeva antodasāhe adhiṭṭhātabbā. Yadi nappahoti yāva kattikapuṇṇamā parihāraṃ labhatī’’ti.
630. ажчиннажийварассаад̇и зд̇ам̣ вассигасаадигамзва санд̇хааяа вуд̇д̇ам̣. д̇зсан̃хи наг̇г̇аанам̣ гааяовассаабанз анаабад̇д̇и. зд̇т̇а жа махаг̇гхавассигасаадигам̣ ниваасзд̇ваа нхааяанд̇асса жорубад̣̇д̣̇аво аабад̣̇аа наама. сзсамзд̇т̇а уд̇д̇аанамзва.
630.Acchinnacīvarassāti etaṃ vassikasāṭikameva sandhāya vuttaṃ. Tesañhi naggānaṃ kāyovassāpane anāpatti. Ettha ca mahagghavassikasāṭikaṃ nivāsetvā nhāyantassa corupaddavo āpadā nāma. Sesamettha uttānameva.
часамудтаанам̣ , гирияам̣, носан̃н̃аавимогкам̣, ажид̇д̇агам̣, бан̣н̣ад̇д̇иваж̇ж̇ам̣, гааяагаммаважийгаммам̣, д̇ижид̇д̇ам̣, д̇ивзд̣̇ананд̇и.
Chasamuṭṭhānaṃ , kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
вассигасаадигасигкаабад̣̇аван̣н̣анаа нидтид̇аа.
Vassikasāṭikasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. вассигасаадигасигкаабад̣̇ам̣ • 4. Vassikasāṭikasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
