| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. вассигасаадигасигкаабад̣̇аван̣н̣анаа
4. Vassikasāṭikasikkhāpadavaṇṇanā
бажчимамаасасса батамад̣̇ивасад̇о бадтааяаад̇и ж̇здтамуулабун̣н̣амаасияаа бажчимабаадибад̣̇ад̣̇ивасад̇о бадтааяа. д̇ааваад̇и д̇аава баримаан̣з гаалз. ж̇здтамуулабун̣н̣амаасияаа бажчимабаадибад̣̇ад̣̇ивасад̇о бадтааяа яаава гад̇д̇игабун̣н̣амаа, имасмим̣ бан̃жамаасзд̇и ад̇т̇о. гаало вассигасаадигааяаад̇иаад̣̇инаад̇и зд̇т̇а аад̣̇исад̣̇д̣̇зна ‘‘самаяо вассигасаадигааяа, ан̃н̃зби мануссаа вассигасаадигажийварам̣ д̣̇знд̇ий’’д̇и (баараа. 628) имзсам̣ г̇ахан̣ам̣. д̣̇зт̇а мз вассигасаадигажийваранд̇иаад̣̇игааяаад̇и зд̇т̇а аад̣̇исад̣̇д̣̇зна бана ‘‘аахарат̇а мз вассигасаадигажийварам̣, баривад̇д̇зт̇а мз вассигасаадигажийварам̣, жзд̇аабзт̇а мз вассигасаадигажийвара’’нд̇и имзсам̣ г̇ахан̣ам̣. ад̇д̇ано ан̃н̃аад̇агааббаваарид̇зсу д̇ад̣̇убхаяам̣ гаронд̇асса гим̣ ход̇ийд̇и ааха ‘‘ан̃н̃аад̇агааббаваарид̇адтаанз’’д̇иаад̣̇и. ‘‘вад̇д̇абхзд̣̇з д̣̇уггада’’нд̇и ид̣̇ам̣ вассигасаадигам̣ буб̣б̣з ад̣̇знд̇з санд̇хааяа вуд̇д̇ам̣. яз бана буб̣б̣зби д̣̇знд̇и, д̇зсу вад̇д̇абхзд̣̇о над̇т̇и. вуд̇д̇ан̃хи саманд̇абаасаад̣̇игааяам̣ ‘‘яз мануссаа буб̣б̣зби вассигасаадигажийварам̣ д̣̇знд̇и, имз бана сажзби ад̇д̇ано ан̃н̃аад̇агааббаваарид̇аа хонд̇и, вад̇д̇абхзд̣̇о над̇т̇и д̇зсу сад̇уббаад̣̇агаран̣асса анун̃н̃аад̇ад̇д̇аа’’д̇и (баараа. адта. 2.628). ан̃н̃аад̇агавин̃н̃ад̇д̇исигкаабад̣̇зна ниссаг̇г̇ияам̣ баажид̇д̇ияанд̇и ‘‘яо бана бхигку ан̃н̃аад̇агам̣ г̇ахабад̇им̣ ваа г̇ахабад̇ааним̣ ваа жийварам̣ вин̃н̃аабзяяа ан̃н̃ад̇ра самаяаа, ниссаг̇г̇ияам̣ баажид̇д̇ияа’’нд̇и (баараа. 518) иминаа сигкаабад̣̇зна ниссаг̇г̇ияам̣ баажид̇д̇ияам̣. ид̣̇ам̣ бана багад̇ияаа вассигасаадигад̣̇ааяагзсуби ход̇иязва.
Pacchimamāsassapaṭhamadivasato paṭṭhāyāti jeṭṭhamūlapuṇṇamāsiyā pacchimapāṭipadadivasato paṭṭhāya. Tāvāti tāva parimāṇe kāle. Jeṭṭhamūlapuṇṇamāsiyā pacchimapāṭipadadivasato paṭṭhāya yāva kattikapuṇṇamā, imasmiṃ pañcamāseti attho. Kālo vassikasāṭikāyātiādināti ettha ādisaddena ‘‘samayo vassikasāṭikāya, aññepi manussā vassikasāṭikacīvaraṃ dentī’’ti (pārā. 628) imesaṃ gahaṇaṃ. Detha me vassikasāṭikacīvarantiādikāyāti ettha ādisaddena pana ‘‘āharatha me vassikasāṭikacīvaraṃ, parivattetha me vassikasāṭikacīvaraṃ, cetāpetha me vassikasāṭikacīvara’’nti imesaṃ gahaṇaṃ. Attano aññātakaappavāritesu tadubhayaṃ karontassa kiṃ hotīti āha ‘‘aññātakaappavāritaṭṭhāne’’tiādi. ‘‘Vattabhede dukkaṭa’’nti idaṃ vassikasāṭikaṃ pubbe adente sandhāya vuttaṃ. Ye pana pubbepi denti, tesu vattabhedo natthi. Vuttañhi samantapāsādikāyaṃ ‘‘ye manussā pubbepi vassikasāṭikacīvaraṃ denti, ime pana sacepi attano aññātakaappavāritā honti, vattabhedo natthi tesu satuppādakaraṇassa anuññātattā’’ti (pārā. aṭṭha. 2.628). Aññātakaviññattisikkhāpadena nissaggiyaṃ pācittiyanti ‘‘yo pana bhikkhu aññātakaṃ gahapatiṃ vā gahapatāniṃ vā cīvaraṃ viññāpeyya aññatra samayā, nissaggiyaṃ pācittiya’’nti (pārā. 518) iminā sikkhāpadena nissaggiyaṃ pācittiyaṃ. Idaṃ pana pakatiyā vassikasāṭikadāyakesupi hotiyeva.
г̇имхаанам̣ бажчимад̣̇д̇хамаасасса батамад̣̇ивасад̇о бадтааяаад̇и зд̇т̇а ж̇здтамуулагаал̣абагкуубосат̇асса бажчимабаадибад̣̇ад̣̇ивасад̇о бадтааяа яаава аасаал̣хибун̣н̣амаа, аяамад̣̇д̇хамаасо г̇имхаанам̣ бажчимад̣̇д̇хамаасо наама, д̇асса батамад̣̇ивасад̇о бадтааяаад̇и ад̇т̇о, ад̣̇д̇хамаасасса батамабаадибад̣̇ад̣̇ивасад̇о бадтааяаад̇и вуд̇д̇ам̣ ход̇и. гад̇д̇игамаасасса бажчимад̣̇ивасо наама бажчимагад̇д̇игамаасасса бун̣н̣амаа. зд̇д̇аавад̇аад̇и ‘‘маасо сзсо г̇имхаананд̇и бхигкунаа вассигасаадигажийварам̣ бариязсид̇аб̣б̣ам̣, ад̣̇д̇хамаасо сзсо г̇имхаананд̇и гад̇ваа ниваасзд̇аб̣б̣а’’нд̇и зд̇д̇агзна г̇ан̣анзна. бариязсанагкзд̇д̇анд̇и бариязсанасса кзд̇д̇ам̣. зд̇асмин̃хи маасз вассигасаадигам̣ алад̣̇д̇хам̣ бариязсид̇ум̣ ваддад̇и. гаран̣аниваасанагкзд̇д̇амбийд̇и гаран̣агкзд̇д̇ан̃жзва ниваасанагкзд̇д̇ан̃жа. би-сад̣̇д̣̇зна бариязсанагкзд̇д̇ам̣ самбин̣д̣зд̇и. зд̇асмин̃хи ад̣̇д̇хамаасз бариязсид̇ум̣, гаад̇ум̣, ниваасзд̇ун̃жа ваддад̇и, ад̇хидтаад̇ум̣язва на ваддад̇и. яам̣ бана саманд̇абаасаад̣̇игааяам̣ гад̇т̇ажи бод̇т̇агз ‘‘ж̇здтамуулабун̣н̣амаасияаа бажчимабаадибад̣̇ад̣̇ивасад̇о бадтааяа яаава гаалабагкубосат̇о, аяамзго ад̣̇д̇хамаасо бариязсанагкзд̇д̇ан̃жзва гаран̣агкзд̇д̇ан̃жа. зд̇асмин̃хи анд̇арз вассигасаадигам̣ алад̣̇д̇хам̣ бариязсид̇ум̣ , лад̣̇д̇хам̣ гаад̇ун̃жа ваддад̇и, ниваасзд̇ум̣, ад̇хидтаад̇ун̃жа на ваддад̇ий’’д̇и (баараа. адта. 2.628) важанам̣ д̣̇иссад̇и, д̇ам̣ бамаад̣̇аликид̇ам̣ маад̇игааяа вирод̇хад̇од̇и д̣̇адтаб̣б̣ам̣. ‘‘ад̣̇д̇хамаасо сзсо г̇имхаананд̇и гад̇ваа ниваасзд̇аб̣б̣а’’нд̇и (баараа. 627) хи баал̣и. саб̣б̣амбийд̇и бариязсанам̣, гаран̣ам̣, ниваасанам̣, ад̇хидтаанан̃жаад̇и саб̣б̣амби. иминаа имз жад̇д̇ааро маасаа бариязсанагаран̣аниваасанаад̇хидтаанаанам̣ жад̇уннамби кзд̇д̇анд̇и д̣̇ассзд̇и. зд̇зсу хи жад̇уусу маасзсу алад̣̇д̇хам̣ бариязсид̇ум̣, лад̣̇д̇хам̣ гаад̇ум̣, ниваасзд̇ум̣, ад̇хидтаад̇ун̃жа ваддад̇и.
Gimhānaṃ pacchimaddhamāsassa paṭhamadivasato paṭṭhāyāti ettha jeṭṭhamūlakāḷapakkhūposathassa pacchimapāṭipadadivasato paṭṭhāya yāva āsāḷhipuṇṇamā, ayamaddhamāso gimhānaṃ pacchimaddhamāso nāma, tassa paṭhamadivasato paṭṭhāyāti attho, addhamāsassa paṭhamapāṭipadadivasato paṭṭhāyāti vuttaṃ hoti. Kattikamāsassa pacchimadivaso nāma pacchimakattikamāsassa puṇṇamā. Ettāvatāti ‘‘māso seso gimhānanti bhikkhunā vassikasāṭikacīvaraṃ pariyesitabbaṃ, addhamāso seso gimhānanti katvā nivāsetabba’’nti ettakena gaṇanena. Pariyesanakkhettanti pariyesanassa khettaṃ. Etasmiñhi māse vassikasāṭikaṃ aladdhaṃ pariyesituṃ vaṭṭati. Karaṇanivāsanakkhettampīti karaṇakkhettañceva nivāsanakkhettañca. Pi-saddena pariyesanakkhettaṃ sampiṇḍeti. Etasmiñhi addhamāse pariyesituṃ, kātuṃ, nivāsetuñca vaṭṭati, adhiṭṭhātuṃyeva na vaṭṭati. Yaṃ pana samantapāsādikāyaṃ katthaci potthake ‘‘jeṭṭhamūlapuṇṇamāsiyā pacchimapāṭipadadivasato paṭṭhāya yāva kālapakkhuposatho, ayameko addhamāso pariyesanakkhettañceva karaṇakkhettañca. Etasmiñhi antare vassikasāṭikaṃ aladdhaṃ pariyesituṃ , laddhaṃ kātuñca vaṭṭati, nivāsetuṃ, adhiṭṭhātuñca na vaṭṭatī’’ti (pārā. aṭṭha. 2.628) vacanaṃ dissati, taṃ pamādalikhitaṃ mātikāya virodhatoti daṭṭhabbaṃ. ‘‘Addhamāso seso gimhānanti katvā nivāsetabba’’nti (pārā. 627) hi pāḷi. Sabbampīti pariyesanaṃ, karaṇaṃ, nivāsanaṃ, adhiṭṭhānañcāti sabbampi. Iminā ime cattāro māsā pariyesanakaraṇanivāsanādhiṭṭhānānaṃ catunnampi khettanti dasseti. Etesu hi catūsu māsesu aladdhaṃ pariyesituṃ, laddhaṃ kātuṃ, nivāsetuṃ, adhiṭṭhātuñca vaṭṭati.
вассам̣ уггад̣дхийяад̇ийд̇и сам̣важчарам̣ уд̣̇д̇хам̣ гад̣дхийяад̇и вад̣дхийяад̇и, ааруяхад̇ийд̇и ад̇т̇о, вассаанасса батамамаасам̣ уггад̣дхид̇ваа г̇имхаанам̣ бажчимамаасамзва гаронд̇ийд̇и вуд̇д̇ам̣ ход̇и. вассуубанааяигад̣̇ивасз ад̇хидтаад̇аб̣б̣аад̇и вассаанад̇о буб̣б̣зязва д̣̇асаахасса ад̇игганд̇ад̇д̇аа вассуубанааяигад̣̇ивасзязва ад̇хидтаад̇аб̣б̣аа. д̇ан̃хи д̣̇ивасам̣ ад̇иггаамзд̇ум̣ на ваддад̇и. анд̇овассз бана лад̣̇д̇хаа жзва нидтид̇аа жа д̇асмим̣язва анд̇овассз лад̣̇д̇хад̣̇ивасад̇о бадтааяа д̣̇асаахам̣ наад̇иггаамзд̇аб̣б̣аа, д̣̇асаахаад̇иггамз нидтид̇аа бана д̇ад̣̇ахзва ад̇хидтаад̇аб̣б̣аа. д̣̇асаахз аббахонд̇з жийварагаалам̣ наад̇иггаамзд̇аб̣б̣аа. аяам̣ д̇аава гад̇ааяа барихааро. агад̇ааяа бана го барихаарод̇и ааха ‘‘сажз’’д̇иаад̣̇и. згаахамби на лабхад̇и ид̇о ан̃н̃асса барихаарассаабхаавад̇од̇и ад̇хиббааяо.
Vassaṃ ukkaḍḍhīyatīti saṃvaccharaṃ uddhaṃ kaḍḍhīyati vaḍḍhīyati, āruyhatīti attho, vassānassa paṭhamamāsaṃ ukkaḍḍhitvā gimhānaṃ pacchimamāsameva karontīti vuttaṃ hoti. Vassūpanāyikadivase adhiṭṭhātabbāti vassānato pubbeyeva dasāhassa atikkantattā vassūpanāyikadivaseyeva adhiṭṭhātabbā. Tañhi divasaṃ atikkāmetuṃ na vaṭṭati. Antovasse pana laddhā ceva niṭṭhitā ca tasmiṃyeva antovasse laddhadivasato paṭṭhāya dasāhaṃ nātikkāmetabbā, dasāhātikkame niṭṭhitā pana tadaheva adhiṭṭhātabbā. Dasāhe appahonte cīvarakālaṃ nātikkāmetabbā. Ayaṃ tāva katāya parihāro. Akatāya pana ko parihāroti āha ‘‘sace’’tiādi. Ekāhampi na labhati ito aññassa parihārassābhāvatoti adhippāyo.
со гуд̇о ход̇ийд̇и ааха ‘‘яаава хзманд̇асса батамад̣̇ивасо’’д̇и, ж̇здтамуулабун̣н̣амаасид̇о бадтааяа яаава гад̇д̇игабун̣н̣амаасияаа бажчимабаадибад̣̇ад̣̇ивасо, д̇ааваад̇и ад̇т̇о. зд̇зсу сад̇д̇асу бидтисамаяамаасзсууд̇и бадиломаггамзна вуд̇д̇зсу гад̇д̇игабун̣н̣амаасияаа бажчимабаадибад̣̇аад̣̇ийсу ж̇здтамуулабун̣н̣амаасаавасаанзсу зд̇зсу сад̇д̇асу бидтисамаяанаамагзсу маасзсу. сад̇уббаад̣̇агаран̣знаад̇и ‘‘гаало вассигасаадигааяаа’’д̇иаад̣̇инаа наязна сад̇уббаад̣̇агаран̣зна. вин̃н̃аабзнд̇ассаад̇и ‘‘д̣̇зт̇а мз вассигасаадигажийвара’’нд̇иаад̣̇инаа (баараа. 628) наязна вин̃н̃ад̇д̇им̣ гаронд̇асса. д̇зна сигкаабад̣̇зна анаабад̇д̇ийд̇и ан̃н̃аад̇агавин̃н̃ад̇д̇исигкаабад̣̇зна анаабад̇д̇и, иминаа бана сигкаабад̣̇зна аабад̇д̇иязва асамаяад̇д̇аа. вуд̇д̇ан̃хзд̇ам̣ бхад̣̇анд̇аб̣уд̣̇д̇хад̣̇ад̇д̇аажариязна –
So kuto hotīti āha ‘‘yāva hemantassa paṭhamadivaso’’ti, jeṭṭhamūlapuṇṇamāsito paṭṭhāya yāva kattikapuṇṇamāsiyā pacchimapāṭipadadivaso, tāvāti attho. Etesu sattasu piṭṭhisamayamāsesūti paṭilomakkamena vuttesu kattikapuṇṇamāsiyā pacchimapāṭipadādīsu jeṭṭhamūlapuṇṇamāsāvasānesu etesu sattasu piṭṭhisamayanāmakesu māsesu. Satuppādakaraṇenāti ‘‘kālo vassikasāṭikāyā’’tiādinā nayena satuppādakaraṇena. Viññāpentassāti ‘‘detha me vassikasāṭikacīvara’’ntiādinā (pārā. 628) nayena viññattiṃ karontassa. Tena sikkhāpadena anāpattīti aññātakaviññattisikkhāpadena anāpatti, iminā pana sikkhāpadena āpattiyeva asamayattā. Vuttañhetaṃ bhadantabuddhadattācariyena –
‘‘гад̇ваа бана сад̇уббаад̣̇ам̣, вассасаадигажийварам̣;
‘‘Katvā pana satuppādaṃ, vassasāṭikacīvaraṃ;
нибпаад̣̇знд̇асса бхигкусса, самаяз бидтисаммад̇з.
Nipphādentassa bhikkhussa, samaye piṭṭhisammate.
‘‘ход̇и ниссаг̇г̇ияаабад̇д̇и, н̃аад̇агаан̃н̃аад̇агаад̣̇ино;
‘‘Hoti nissaggiyāpatti, ñātakāññātakādino;
д̇зсуязва жа вин̃н̃ад̇д̇им̣, гад̇ваа нибпаад̣̇анз д̇ат̇аа’’д̇и.
Tesuyeva ca viññattiṃ, katvā nipphādane tathā’’ti.
зд̇т̇а жа ‘‘ид̣̇ам̣ мз, бханд̇з, вассигасаадигажийварам̣ ад̇ирзгамаасз сзсз г̇имхаанз барияидтам̣ ад̇ирзгад̣̇д̇хамаасз сзсз г̇имхаанз гад̇ваа барид̣̇ахид̇ам̣ ниссаг̇г̇ияа’’нд̇и иминаа (баараа. 628) наязна ниссаж̇ж̇анавид̇хаанам̣ взд̣̇ид̇аб̣б̣ам̣.
Ettha ca ‘‘idaṃ me, bhante, vassikasāṭikacīvaraṃ atirekamāse sese gimhāne pariyiṭṭhaṃ atirekaddhamāse sese gimhāne katvā paridahitaṃ nissaggiya’’nti iminā (pārā. 628) nayena nissajjanavidhānaṃ veditabbaṃ.
вассигасаадигабариязсанавад̇т̇усминд̇и бадигажжзва вассигасаадигабариязсанавад̇т̇усмим̣. д̇игабаажид̇д̇ияанд̇и ад̇ирзгамаасад̣̇д̇хамаасзсу ад̇ирзгасан̃н̃ивзмад̇игауунагасан̃н̃ийнам̣ бариязсананиваасанавасзна д̇ийн̣и баажид̇д̇ияаани, згасзсанид̣̇д̣̇зсо жааяам̣, сааман̃н̃анид̣̇д̣̇зсо ваа. уунагамаасад̣̇д̇хамаасзсууд̇и уунагамаасз жзва уунагад̣̇д̇хамаасз жа. ад̇ирзгасан̃н̃ино, взмад̇игасса ваа д̣̇уггаданд̇и зд̇т̇а ‘‘бариязсананиваасанам̣ гаронд̇ассаа’’д̇и баатасзсо. ид̣̇ам̣ вуд̇д̇ам̣ ход̇и – ‘‘уунагамаасз сзсз г̇имхаанз ад̇ирзгасан̃н̃ино, взмад̇игасса ваа бариязсанд̇асса д̣̇уггадам̣, уунагад̣̇д̇хамаасз сзсз г̇имхаанз жа ад̇ирзгасан̃н̃ино, взмад̇игасса ваа ниваасзнд̇асса д̣̇уггада’’нд̇и. ‘‘д̇ат̇аа’’д̇и иминаа д̣̇уггадам̣ ад̇ид̣̇исад̇и, д̇ан̃жа д̣̇уггадам̣ уд̣̇агапусид̇аг̇ан̣анааяа агад̇ваа нхаанабарияосаанавасзна баяог̇з баяог̇з гаарзд̇аб̣б̣ам̣, д̇ан̃жа ко вивадан̇г̇ан̣з аагаасад̇о бад̇ид̇ауд̣̇агзнзва нхааяанд̇асса, на нхаанагодтагаваабиаад̣̇ийсу гхадзхи аасид̇д̇ууд̣̇агзна нхааяанд̇асса. д̇знзвааха ‘‘сад̇ияаа вассигасаадигааяаа’’д̇иаад̣̇и. богкаран̣ияаад̣̇ийсу бана наг̇г̇асса нхааяанд̇асса анаабад̇д̇ийд̇и самб̣анд̇хо, богкаран̣ияаад̣̇ийсу бана сад̇ияааби вассигасаадигааяа наг̇г̇асса нхааяанд̇асса над̇т̇и д̣̇уггадаабад̇д̇ийд̇и ад̇т̇о.
Vassikasāṭikapariyesanavatthusminti paṭikacceva vassikasāṭikapariyesanavatthusmiṃ. Tikapācittiyanti atirekamāsaddhamāsesu atirekasaññivematikaūnakasaññīnaṃ pariyesananivāsanavasena tīṇi pācittiyāni, ekasesaniddeso cāyaṃ, sāmaññaniddeso vā. Ūnakamāsaddhamāsesūti ūnakamāse ceva ūnakaddhamāse ca. Atirekasaññino, vematikassa vā dukkaṭanti ettha ‘‘pariyesananivāsanaṃ karontassā’’ti pāṭhaseso. Idaṃ vuttaṃ hoti – ‘‘ūnakamāse sese gimhāne atirekasaññino, vematikassa vā pariyesantassa dukkaṭaṃ, ūnakaddhamāse sese gimhāne ca atirekasaññino, vematikassa vā nivāsentassa dukkaṭa’’nti. ‘‘Tathā’’ti iminā dukkaṭaṃ atidisati, tañca dukkaṭaṃ udakaphusitagaṇanāya akatvā nhānapariyosānavasena payoge payoge kāretabbaṃ, tañca kho vivaṭaṅgaṇe ākāsato patitaudakeneva nhāyantassa, na nhānakoṭṭhakavāpiādīsu ghaṭehi āsittūdakena nhāyantassa. Tenevāha ‘‘satiyā vassikasāṭikāyā’’tiādi. Pokkharaṇiyādīsu pana naggassa nhāyantassa anāpattīti sambandho, pokkharaṇiyādīsu pana satiyāpi vassikasāṭikāya naggassa nhāyantassa natthi dukkaṭāpattīti attho.
звам̣ анд̇араабад̇д̇ияаа анаабад̇д̇им̣ д̣̇ассзд̇ваа ид̣̇аани ниссаг̇г̇иязна анаабад̇д̇им̣ д̣̇ассзд̇ум̣ ‘‘ажчиннажийварассаа’’д̇иаад̣̇и вуд̇д̇ам̣. д̇ад̇т̇а ажчиннажийварассаад̇и ажчиннасзсажийварасса. д̇ассааби асамаяз ниваасад̇о анаабад̇д̇и. зса наяо надтажийварасса ваад̇и зд̇т̇ааби. яат̇аа жзд̇т̇а ниваасзнд̇аанам̣ д̇зсам̣ анаабад̇д̇и, звам̣ д̇ад̇т̇а бариязсанд̇аанамбийд̇и д̣̇адтаб̣б̣ам̣. зд̇т̇а бана махаг̇гхавассигасаадигам̣ табзд̇ваа нхааяанд̇асса жоруубад̣̇д̣̇аво аабад̣̇аа наамаад̇и ааха ‘‘анивад̇т̇а’’нд̇иаад̣̇и. аабад̣̇аасу ваа ниваасаяад̇од̇и аабад̣̇аасу виж̇ж̇амаанаасу асамаяз ниваасзнд̇асса. яам̣ бана саманд̇абаасаад̣̇игааяам̣ ‘‘ажчиннажийварассаад̇и зд̇ам̣ вассигасаадигам̣язва санд̇хааяа вуд̇д̇ам̣. д̇зсан̃хи наг̇г̇аанам̣ гааяовассаабанз анаабад̇д̇и. зд̇т̇а жа махаг̇гхавассигасаадигам̣ ниваасзд̇ваа нхааяанд̇асса жоруубад̣̇д̣̇аво аабад̣̇аа наамаа’’д̇и ажчиннажийвараад̣̇ино ниссаг̇г̇иязна анаабад̇д̇им̣ ад̣̇ассзд̇ваа наг̇г̇асса нхааяад̇о д̣̇уггадзнзва анаабад̇д̇ид̣̇ассанам̣, д̇ам̣ яуд̇д̇ам̣ вияа на д̣̇иссад̇и. саб̣б̣асигкаабад̣̇зсу хи муулаабад̇д̇ияаа зва аабад̇д̇иббасан̇г̇з анаабад̇д̇ид̣̇ассанад̇т̇ам̣ анаабад̇д̇ивааро аарабхийяад̇и, на анд̇араабад̇д̇ияаад̇и, д̇асмаа убабаригкид̇аб̣б̣ам̣. сажийварад̇аад̇и анд̇араваасагауд̇д̇араасан̇г̇зхи сажийварад̇аа.
Evaṃ antarāpattiyā anāpattiṃ dassetvā idāni nissaggiyena anāpattiṃ dassetuṃ ‘‘acchinnacīvarassā’’tiādi vuttaṃ. Tattha acchinnacīvarassāti acchinnasesacīvarassa. Tassāpi asamaye nivāsato anāpatti. Esa nayo naṭṭhacīvarassa vāti etthāpi. Yathā cettha nivāsentānaṃ tesaṃ anāpatti, evaṃ tattha pariyesantānampīti daṭṭhabbaṃ. Ettha pana mahagghavassikasāṭikaṃ ṭhapetvā nhāyantassa corūpaddavo āpadā nāmāti āha ‘‘anivattha’’ntiādi. Āpadāsu vā nivāsayatoti āpadāsu vijjamānāsu asamaye nivāsentassa. Yaṃ pana samantapāsādikāyaṃ ‘‘acchinnacīvarassāti etaṃ vassikasāṭikaṃyeva sandhāya vuttaṃ. Tesañhi naggānaṃ kāyovassāpane anāpatti. Ettha ca mahagghavassikasāṭikaṃ nivāsetvā nhāyantassa corūpaddavo āpadā nāmā’’ti acchinnacīvarādino nissaggiyena anāpattiṃ adassetvā naggassa nhāyato dukkaṭeneva anāpattidassanaṃ, taṃ yuttaṃ viya na dissati. Sabbasikkhāpadesu hi mūlāpattiyā eva āpattippasaṅge anāpattidassanatthaṃ anāpattivāro ārabhīyati, na antarāpattiyāti, tasmā upaparikkhitabbaṃ. Sacīvaratāti antaravāsakauttarāsaṅgehi sacīvaratā.
вассигасаадигасигкаабад̣̇аван̣н̣анаа нидтид̇аа.
Vassikasāṭikasikkhāpadavaṇṇanā niṭṭhitā.
