| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. вассигасаадигасигкаабад̣̇аван̣н̣анаа
4. Vassikasāṭikasikkhāpadavaṇṇanā
627. жад̇уд̇т̇з сиб̣б̣анараж̇анагаббабарияосаанзна нидтаабзд̇ваад̇и суужигамманидтаанзна сагимби ван̣н̣абхзд̣̇амад̇д̇араж̇анзна габбаб̣инд̣̇угаран̣зна жа нидтаабзд̇ваа. самаязд̇и вассаанасамаяз.
627. Catutthe sibbanarajanakappapariyosānena niṭṭhāpetvāti sūcikammaniṭṭhānena sakimpi vaṇṇabhedamattarajanena kappabindukaraṇena ca niṭṭhāpetvā. Samayeti vassānasamaye.
628. гужчисамаяод̇и анд̇осамаяо. ‘‘аяамзго ад̣дхамаасо бариязсанагкзд̇д̇ан̃жзва гаран̣агкзд̇д̇ан̃жа. зд̇асмин̃хи анд̇арз вассигасаадигам̣ алад̣̇д̇хам̣ бариязсид̇ум̣ лад̣̇д̇хам̣ гаад̇ун̃жа ваддад̇и, ниваасзд̇ум̣ ад̇хидтаад̇ун̃жа на ваддад̇ий’’д̇и бод̇т̇агзсу баато д̣̇иссад̇и, со абаато. звам̣ банзд̇т̇а баатзна бхавид̇аб̣б̣ам̣ ‘‘аяамзго ад̣дхамаасо бариязсанагкзд̇д̇ам̣. зд̇асмин̃хи анд̇арз вассигасаадигам̣ алад̣̇д̇хам̣ бариязсид̇ум̣ ваддад̇и, лад̣̇д̇хам̣ гаад̇ум̣ ниваасзд̇ум̣ ад̇хидтаад̇ун̃жа на ваддад̇ий’’д̇и. на хи г̇имхаанам̣ бажчимамаасасса батамо ад̣дхамаасо гаран̣агкзд̇д̇ам̣ ход̇и. ‘‘ад̣дхамаасо сзсо г̇имхаананд̇и гад̇ваа ниваасзд̇аб̣б̣а’’нд̇и важанад̇о бана г̇имхаанам̣ бажчимамаасасса бажчимо ад̣дхамаасо гаран̣агкзд̇д̇ан̃жзва ниваасанагкзд̇д̇ан̃жа ход̇и. д̇знзва маад̇игаадтагат̇ааяам̣ (ган̇каа. адта. вахисагасаадигасигкаабад̣̇аван̣н̣анаа) ‘‘г̇имхаанам̣ бажчимо маасо бариязсанагкзд̇д̇ам̣, бажчимо ад̣дхамаасо гаран̣аниваасанагкзд̇д̇амбий’’д̇и вуд̇д̇ам̣. д̇асмаа баал̣ияаа маад̇игаадтагат̇ааяа жа авирод̇хам̣ ижчанд̇зна вуд̇д̇анаязнзва баато г̇ахзд̇аб̣б̣о.
628.Kucchisamayoti antosamayo. ‘‘Ayameko aḍḍhamāso pariyesanakkhettañceva karaṇakkhettañca. Etasmiñhi antare vassikasāṭikaṃ aladdhaṃ pariyesituṃ laddhaṃ kātuñca vaṭṭati, nivāsetuṃ adhiṭṭhātuñca na vaṭṭatī’’ti potthakesu pāṭho dissati, so apāṭho. Evaṃ panettha pāṭhena bhavitabbaṃ ‘‘ayameko aḍḍhamāso pariyesanakkhettaṃ. Etasmiñhi antare vassikasāṭikaṃ aladdhaṃ pariyesituṃ vaṭṭati, laddhaṃ kātuṃ nivāsetuṃ adhiṭṭhātuñca na vaṭṭatī’’ti. Na hi gimhānaṃ pacchimamāsassa paṭhamo aḍḍhamāso karaṇakkhettaṃ hoti. ‘‘Aḍḍhamāso seso gimhānanti katvā nivāsetabba’’nti vacanato pana gimhānaṃ pacchimamāsassa pacchimo aḍḍhamāso karaṇakkhettañceva nivāsanakkhettañca hoti. Teneva mātikāṭṭhakathāyaṃ (kaṅkhā. aṭṭha. vahisakasāṭikasikkhāpadavaṇṇanā) ‘‘gimhānaṃ pacchimo māso pariyesanakkhettaṃ, pacchimo aḍḍhamāso karaṇanivāsanakkhettampī’’ti vuttaṃ. Tasmā pāḷiyā mātikāṭṭhakathāya ca avirodhaṃ icchantena vuttanayeneva pāṭho gahetabbo.
‘‘вин̃н̃ад̇д̇им̣ гад̇ваа нибпаад̣̇знд̇асса ан̃н̃аад̇агавин̃н̃ад̇д̇исигкаабад̣̇зна анаабад̇д̇ий’’д̇и вад̣̇анд̇зна ‘‘бидтисамаяад̇д̇аа иминаа сигкаабад̣̇зна аабад̇д̇ий’’д̇и д̣̇ийбид̇аа ход̇и. на хи н̃аад̇агабаваарид̇адтаанад̇о бидтисамаяз сад̇уббаад̣̇агаран̣амад̇д̇знаби самбхаванд̇ий аабад̇д̇и д̇ад̇о г̇аругад̇арааяа вин̃н̃ад̇д̇ияаа на ход̇ийд̇и саггаа вад̇д̇ум̣. д̇знзва бхад̣̇анд̇аб̣уд̣̇д̇хад̣̇ад̇д̇аажариязна вуд̇д̇ам̣ –
‘‘Viññattiṃ katvā nipphādentassa aññātakaviññattisikkhāpadena anāpattī’’ti vadantena ‘‘piṭṭhisamayattā iminā sikkhāpadena āpattī’’ti dīpitā hoti. Na hi ñātakapavāritaṭṭhānato piṭṭhisamaye satuppādakaraṇamattenapi sambhavantī āpatti tato garukatarāya viññattiyā na hotīti sakkā vattuṃ. Teneva bhadantabuddhadattācariyena vuttaṃ –
‘‘гад̇ваа бана сад̇уббаад̣̇ам̣, вассигасаадижийварам̣;
‘‘Katvā pana satuppādaṃ, vassikasāṭicīvaraṃ;
нибпаад̣̇знд̇асса бхигкусса, самаяз бидтисаммад̇з.
Nipphādentassa bhikkhussa, samaye piṭṭhisammate.
‘‘ход̇и ниссаг̇г̇ияаабад̇д̇и, н̃аад̇агаан̃аад̇агаад̣̇ино;
‘‘Hoti nissaggiyāpatti, ñātakāñātakādino;
д̇зсуязва жа вин̃н̃ад̇д̇им̣, гад̇ваа нибпаад̣̇анз д̇ат̇аа’’д̇и.
Tesuyeva ca viññattiṃ, katvā nipphādane tathā’’ti.
гзнасса ход̇и аабад̇д̇ийд̇и асса маад̇арам̣ жийварам̣ яаажанд̇асса гзна сигкаабад̣̇зна аабад̇д̇ийд̇и бужчад̇и. ‘‘барин̣ад̇ам̣ вин̃н̃аабзнд̇асса барин̣ааманасигкаабад̣̇зна аабад̇д̇ий’’д̇и жод̣̇анаабхаавам̣ д̣̇ассзд̇и но жа сан̇гхз барин̣ад̇анд̇и. ат̇а ан̃н̃аад̇агавин̃н̃ад̇д̇исигкаабад̣̇знаад̇и жз, зд̇амби над̇т̇ийд̇и ааха ‘‘анаабад̇д̇и жа н̃аад̇агз’’д̇и. ‘‘н̃аад̇агз вин̃н̃аабзнд̇ассаа’’д̇и баатасзсо. имамад̇т̇ам̣ санд̇хааяаад̇и бидтисамаяз вассигасаадигад̇т̇ам̣ н̃аад̇агабаваарид̇адтаанз сад̇уббаад̣̇агаран̣зна аабад̇д̇им̣, ан̃н̃аад̇агавин̃н̃ад̇д̇исигкаабад̣̇зна анаабад̇д̇ин̃жа санд̇хааяа.
Kenassahoti āpattīti assa mātaraṃ cīvaraṃ yācantassa kena sikkhāpadena āpattīti pucchati. ‘‘Pariṇataṃ viññāpentassa pariṇāmanasikkhāpadena āpattī’’ti codanābhāvaṃ dasseti no ca saṅghe pariṇatanti. Atha aññātakaviññattisikkhāpadenāti ce, etampi natthīti āha ‘‘anāpatti ca ñātake’’ti. ‘‘Ñātake viññāpentassā’’ti pāṭhaseso. Imamatthaṃ sandhāyāti piṭṭhisamaye vassikasāṭikatthaṃ ñātakapavāritaṭṭhāne satuppādakaraṇena āpattiṃ, aññātakaviññattisikkhāpadena anāpattiñca sandhāya.
ан̃н̃аад̇агааббаваарид̇адтаанад̇о…бз… д̣̇уггаданд̇и ид̣̇ам̣ вассигасаадигам̣ ад̣̇иннабуб̣б̣з санд̇хааяа вуд̇д̇ам̣. д̇знзвзд̇т̇а вад̇д̇абхзд̣̇з д̣̇уггадам̣ вуд̇д̇ам̣, д̣̇иннабуб̣б̣зсу бана вад̇д̇абхзд̣̇о над̇т̇и. д̇знзвааха – ‘‘яз мануссаа…бз… вад̇д̇абхзд̣̇о над̇т̇ий’’д̇и. ид̣̇анд̇и яат̇аавуд̇д̇аниссаг̇г̇ияабаажид̇д̇ияам̣. вин̃н̃ад̇д̇им̣ гад̇ваа нибпаад̣̇знд̇ассаад̇и ан̃н̃аад̇агааббаваарид̇адтаанад̇о вин̃н̃ад̇д̇им̣ гад̇ваа нибпаад̣̇знд̇асса. багад̇ияаа вассигасаадигад̣̇ааяагаа наама сан̇гхавасзна ваа буг̇г̇алавасзна ваа абаваарзд̇ваа анусам̣важчарам̣ вассигасаадигаанам̣ д̣̇ааяагаа. ан̃н̃аад̇агавин̃н̃ад̇д̇исигкаабад̣̇зна анаабад̇д̇ийд̇и зд̇т̇а иминааби сигкаабад̣̇зна анаабад̇д̇ийд̇и взд̣̇ид̇аб̣б̣ам̣. гужчисамаяз хи ад̇д̇ано н̃аад̇агабаваарид̇адтаанад̇о ‘‘д̣̇зт̇а мз вассигасаадига’’нд̇иаад̣̇инаа вин̃н̃аабзнд̇ассаби анаабад̇д̇и. д̇знзвааха – ‘‘на вад̇д̇аб̣б̣аа д̣̇зт̇а мзд̇и ид̣̇ан̃хи бариязсанагаалз ан̃н̃аад̇агааббаваарид̇з зва санд̇хааяа вуд̇д̇а’’нд̇и. маад̇игаадтагат̇ааяан̃хи (ган̇каа. адта. вассигасаадигасигкаабад̣̇аван̣н̣анаа) вуд̇д̇ам̣ ‘‘ад̇д̇ано н̃аад̇агабаваарид̇адтаанад̇о бана ‘д̣̇зт̇а мз вассигасаадигажийвара’нд̇иаад̣̇игааяа вин̃н̃ад̇д̇ияааби бариязсид̇аб̣б̣а’’нд̇и.
Aññātakaappavāritaṭṭhānato…pe… dukkaṭanti idaṃ vassikasāṭikaṃ adinnapubbe sandhāya vuttaṃ. Tenevettha vattabhede dukkaṭaṃ vuttaṃ, dinnapubbesu pana vattabhedo natthi. Tenevāha – ‘‘ye manussā…pe… vattabhedo natthī’’ti. Idanti yathāvuttanissaggiyapācittiyaṃ. Viññattiṃ katvā nipphādentassāti aññātakaappavāritaṭṭhānato viññattiṃ katvā nipphādentassa. Pakatiyā vassikasāṭikadāyakā nāma saṅghavasena vā puggalavasena vā apavāretvā anusaṃvaccharaṃ vassikasāṭikānaṃ dāyakā. Aññātakaviññattisikkhāpadena anāpattīti ettha imināpi sikkhāpadena anāpattīti veditabbaṃ. Kucchisamaye hi attano ñātakapavāritaṭṭhānato ‘‘detha me vassikasāṭika’’ntiādinā viññāpentassapi anāpatti. Tenevāha – ‘‘na vattabbā detha meti idañhi pariyesanakāle aññātakaappavārite eva sandhāya vutta’’nti. Mātikāṭṭhakathāyañhi (kaṅkhā. aṭṭha. vassikasāṭikasikkhāpadavaṇṇanā) vuttaṃ ‘‘attano ñātakapavāritaṭṭhānato pana ‘detha me vassikasāṭikacīvara’ntiādikāya viññattiyāpi pariyesitabba’’nti.
629. ‘‘аагаасад̇о бад̇ид̇ауд̣̇агзнзваад̇и важанад̇о чад̣̇анагодияаа бад̇ид̇ауд̣̇агзна нахааяанд̇асса анаабад̇д̇ий’’д̇и д̇ийсуби г̇ан̣тибад̣̇зсу вуд̇д̇ам̣.
629.‘‘Ākāsato patitaudakenevāti vacanato chadanakoṭiyā patitaudakena nahāyantassa anāpattī’’ti tīsupi gaṇṭhipadesu vuttaṃ.
630. ча маасз барихаарам̣ лабхад̇ийд̇и зд̇зна анд̇овассзби яаава вассаанасса бажчимад̣̇ивасаа агад̇аа барихаарам̣ лабхад̇ийд̇и д̣̇ийбид̇ам̣ ход̇и. яасмаа муулажийварам̣ гаронд̇зна хзманд̇асса бажчимубосат̇ад̣̇ивасзязва гаад̇аб̣б̣ам̣, д̇асмаа г̇имхаанад̇о згуунад̇им̣сад̣̇ивасз барихаарам̣ лабхад̇и, звам̣ санд̇зби аббагам̣ уунамад̇хигам̣ ваа г̇ан̣ануубаг̇ам̣ на ход̇ийд̇и гад̇ваа ‘‘д̇ад̇о барамби…бз… згамааса’’нд̇и вуд̇д̇ам̣. згаахад̣̇вийхаад̣̇ивасзна…бз… лад̣̇д̇хаа жзва нидтид̇аа жаад̇и иминаа згаахаанааг̇ад̇ааяа вассуубанааяигааяа лад̣̇д̇хаа жзва нидтид̇аа жа, д̣̇вийхаанааг̇ад̇ааяа…бз… д̣̇асаахаанааг̇ад̇ааяа вассуубанааяигааяа лад̣̇д̇хаа жзва нидтид̇аа жа, анд̇овассз ваа лад̣̇д̇хаа жзва нидтид̇аа жаад̇и аяамад̇т̇о д̣̇ассид̇о. д̇ад̇т̇а аасаал̣химаасасса ж̇ун̣хабагкабун̣н̣амияам̣ лад̣̇д̇хаа жзва нидтид̇аа жа вассигасаадигаа ‘‘згаахаанааг̇ад̇ааяа вассуубанааяигааяа лад̣̇д̇хаа жзва нидтид̇аа жаа’’д̇и вужжад̇и. зд̇знзва наязна ж̇ун̣хабагкасса чадтияам̣ лад̣̇д̇хаа жзва нидтид̇аа жа ‘‘д̣̇асаахаанааг̇ад̇ааяа вассуубанааяигааяа лад̣̇д̇хаа жзва нидтид̇аа жаа’’д̇и вужжад̇и. яаава батамагад̇д̇игад̇змаасабун̣н̣амий, д̇аава анд̇од̇змаасз лад̣̇д̇хаа жзва нидтид̇аа жа ‘‘анд̇овассз лад̣̇д̇хаа жзва нидтид̇аа жаа’’д̇и вужжад̇и. батамагад̇д̇игад̇змаасабун̣н̣амид̇о баран̃хи лад̣̇д̇хаа жзва нидтид̇аа жа яаава жийварагаало наад̇иггамад̇и, д̇аава анад̇хидтахид̇ваа табзд̇ум̣ ваддад̇ийд̇и на д̇ад̇рааяам̣ вижааран̣аа самбхавад̇и.
630.Cha māse parihāraṃ labhatīti etena antovassepi yāva vassānassa pacchimadivasā akatā parihāraṃ labhatīti dīpitaṃ hoti. Yasmā mūlacīvaraṃ karontena hemantassa pacchimuposathadivaseyeva kātabbaṃ, tasmā gimhānato ekūnatiṃsadivase parihāraṃ labhati, evaṃ santepi appakaṃ ūnamadhikaṃ vā gaṇanūpagaṃ na hotīti katvā ‘‘tato parampi…pe… ekamāsa’’nti vuttaṃ. Ekāhadvīhādivasena…pe… laddhā ceva niṭṭhitā cāti iminā ekāhānāgatāya vassūpanāyikāya laddhā ceva niṭṭhitā ca, dvīhānāgatāya…pe… dasāhānāgatāya vassūpanāyikāya laddhā ceva niṭṭhitā ca, antovasse vā laddhā ceva niṭṭhitā cāti ayamattho dassito. Tattha āsāḷhimāsassa juṇhapakkhapuṇṇamiyaṃ laddhā ceva niṭṭhitā ca vassikasāṭikā ‘‘ekāhānāgatāya vassūpanāyikāya laddhā ceva niṭṭhitā cā’’ti vuccati. Eteneva nayena juṇhapakkhassa chaṭṭhiyaṃ laddhā ceva niṭṭhitā ca ‘‘dasāhānāgatāya vassūpanāyikāya laddhā ceva niṭṭhitā cā’’ti vuccati. Yāva paṭhamakattikatemāsapuṇṇamī, tāva antotemāse laddhā ceva niṭṭhitā ca ‘‘antovasse laddhā ceva niṭṭhitā cā’’ti vuccati. Paṭhamakattikatemāsapuṇṇamito parañhi laddhā ceva niṭṭhitā ca yāva cīvarakālo nātikkamati, tāva anadhiṭṭhahitvā ṭhapetuṃ vaṭṭatīti na tatrāyaṃ vicāraṇā sambhavati.
д̇асмим̣язва анд̇од̣̇асаахз ад̇хидтаад̇аб̣б̣аад̇и ависзсзна вуд̇д̇зби вассаанад̇о буб̣б̣з згаахад̣̇вийхаад̣̇ивасзна анааг̇ад̇ааяа вассуубанааяигааяа лад̣̇д̇хаа д̇зхи д̣̇ивасзхи сад̣̇д̇хим̣ д̣̇асаахам̣ анад̇иггаманд̇зна вассуубанааяигад̣̇ивасад̇о бадтааяа ад̇хидтаанагкзд̇д̇ам̣ самбад̇д̇ааязва ад̇хидтаад̇аб̣б̣аа, на д̇ад̇о буб̣б̣з ад̇хидтаанасса акзд̇д̇ад̇д̇аа. анд̇овассз бана лад̣̇д̇хаа д̇асмим̣язва анд̇овассз лад̣̇д̇хад̣̇ивасад̇о бадтааяа д̣̇асаахам̣ анад̇иггаамзд̇ваа ад̇хидтаад̇аб̣б̣аа.
Tasmiṃyeva antodasāhe adhiṭṭhātabbāti avisesena vuttepi vassānato pubbe ekāhadvīhādivasena anāgatāya vassūpanāyikāya laddhā tehi divasehi saddhiṃ dasāhaṃ anatikkamantena vassūpanāyikadivasato paṭṭhāya adhiṭṭhānakkhettaṃ sampattāyeva adhiṭṭhātabbā, na tato pubbe adhiṭṭhānassa akhettattā. Antovasse pana laddhā tasmiṃyeva antovasse laddhadivasato paṭṭhāya dasāhaṃ anatikkāmetvā adhiṭṭhātabbā.
нану жа вассаанад̇о буб̣б̣з анад̇хидтахид̇ваа д̣̇асаахам̣ ад̇иггаамзд̇ум̣ ваддад̇иязва, д̇асмаа ад̇хидтаанасса акзд̇д̇абхууд̇зби д̣̇ивасз г̇ахзд̇ваа ‘‘анд̇од̣̇асаахз ад̇хидтаад̇аб̣б̣а’’нд̇и гасмаа вуд̇д̇ам̣? яат̇аа ‘‘анд̇овассз лад̣̇д̇хааби яаава на нидтаад̇и, д̇аава анад̇хидтахид̇ваа д̣̇асаахам̣ ад̇иггаамзд̇ум̣ ваддад̇ий’’д̇и агад̇ааяа анад̇хидтаанагкзд̇д̇асад̣̇исааби ад̇игганд̇ад̣̇ивасаа д̣̇асаахам̣ ад̇иггаамзд̇ваа нидтид̇ааяа г̇ан̣ануубаг̇аа хонд̇ийд̇и нидтид̇ад̣̇ивасзязва ад̇хидтаад̇аб̣б̣аа, звамид̇хааби вассаанад̇о буб̣б̣з анад̇хидтаанагкзд̇д̇абхууд̇ааби д̣̇ивасаа лад̣̇д̇хад̣̇ивасад̇о бадтааяа г̇ан̣ануубаг̇аа хонд̇ийд̇и д̣̇ассанад̇т̇ам̣ вуд̇д̇ам̣. яад̣̇и звам̣ ‘‘д̇асмим̣язва анд̇од̣̇асаахз’’д̇и ависзсзна вуд̇д̇ад̇д̇аа д̣̇асаахаанааг̇ад̇ааяа вассуубанааяигааяа чадтияам̣ лад̣̇д̇хаа бун̣н̣амияам̣ ад̇хидтаад̇аб̣б̣аад̇и аабаж̇ж̇ад̇ийд̇и? наабаж̇ж̇ад̇и ‘‘жаад̇умаасам̣ ад̇хидтаад̇у’’нд̇и важанзнзва бадигкид̇д̇ад̇д̇аа. звам̣ санд̇з ‘‘д̣̇асаахаанааг̇ад̇ааяаа’’д̇и иминаа гим̣ баяож̇ананд̇и жз? вассаанад̇о буб̣б̣зязва д̣̇асаахз ад̇игганд̇з вассуубанааяигад̣̇ивасз нидтид̇аа д̇ад̣̇ахзва ад̇хидтаад̇аб̣б̣аад̇и д̣̇ассанад̇т̇ам̣ вуд̇д̇анд̇и ид̣̇амзд̇т̇а баяож̇анам̣. д̇знзвааха – ‘‘д̣̇асаахаад̇иггамз нидтид̇аа д̇ад̣̇ахзва ад̇хидтаад̇аб̣б̣аа’’д̇и.
Nanu ca vassānato pubbe anadhiṭṭhahitvā dasāhaṃ atikkāmetuṃ vaṭṭatiyeva, tasmā adhiṭṭhānassa akhettabhūtepi divase gahetvā ‘‘antodasāhe adhiṭṭhātabba’’nti kasmā vuttaṃ? Yathā ‘‘antovasse laddhāpi yāva na niṭṭhāti, tāva anadhiṭṭhahitvā dasāhaṃ atikkāmetuṃ vaṭṭatī’’ti akatāya anadhiṭṭhānakkhettasadisāpi atikkantadivasā dasāhaṃ atikkāmetvā niṭṭhitāya gaṇanūpagā hontīti niṭṭhitadivaseyeva adhiṭṭhātabbā, evamidhāpi vassānato pubbe anadhiṭṭhānakkhettabhūtāpi divasā laddhadivasato paṭṭhāya gaṇanūpagā hontīti dassanatthaṃ vuttaṃ. Yadi evaṃ ‘‘tasmiṃyeva antodasāhe’’ti avisesena vuttattā dasāhānāgatāya vassūpanāyikāya chaṭṭhiyaṃ laddhā puṇṇamiyaṃ adhiṭṭhātabbāti āpajjatīti? Nāpajjati ‘‘cātumāsaṃ adhiṭṭhātu’’nti vacaneneva paṭikkhittattā. Evaṃ sante ‘‘dasāhānāgatāyā’’ti iminā kiṃ payojananti ce? Vassānato pubbeyeva dasāhe atikkante vassūpanāyikadivase niṭṭhitā tadaheva adhiṭṭhātabbāti dassanatthaṃ vuttanti idamettha payojanaṃ. Tenevāha – ‘‘dasāhātikkame niṭṭhitā tadaheva adhiṭṭhātabbā’’ti.
д̣̇асаахз аббахонд̇з жийварагаалам̣ наад̇иггамзд̇аб̣б̣аад̇и д̇змаасаб̣бханд̇арз д̣̇асаахз аббахонд̇з лад̣̇д̇хаа жзва нидтид̇аа жа жийварагаалам̣ наад̇иггамзд̇аб̣б̣аад̇и ад̇т̇о. ид̣̇ам̣ вуд̇д̇ам̣ ход̇и ‘‘батамагад̇д̇игад̇змаасабун̣н̣амид̇о буб̣б̣з сад̇д̇амид̇о бадтааяа лад̣̇д̇хаа жзва нидтид̇аа жа вассигасаадигаа д̣̇асаахз анад̇игганд̇зязва жийварагаалам̣ од̇ин̣н̣ад̇д̇аа д̇ад̇т̇а анад̇хидтахид̇вааби табзд̇ум̣ ваддад̇ий’’д̇и. иминаа жа имам̣ д̣̇ийбзд̇и – агад̇аа жз вассигасаадигаа, вассаанам̣ жаад̇умаасам̣ агад̇ад̇д̇ааязва барихаарам̣ лабхад̇и, гад̇ааяа бана д̣̇асаахабарамасигкаабад̣̇ам̣ авигобзд̇ваа барихааро вад̇д̇аб̣б̣од̇и.
Dasāhe appahonte cīvarakālaṃ nātikkametabbāti temāsabbhantare dasāhe appahonte laddhā ceva niṭṭhitā ca cīvarakālaṃ nātikkametabbāti attho. Idaṃ vuttaṃ hoti ‘‘paṭhamakattikatemāsapuṇṇamito pubbe sattamito paṭṭhāya laddhā ceva niṭṭhitā ca vassikasāṭikā dasāhe anatikkanteyeva cīvarakālaṃ otiṇṇattā tattha anadhiṭṭhahitvāpi ṭhapetuṃ vaṭṭatī’’ti. Iminā ca imaṃ dīpeti – akatā ce vassikasāṭikā, vassānaṃ cātumāsaṃ akatattāyeva parihāraṃ labhati, katāya pana dasāhaparamasikkhāpadaṃ avikopetvā parihāro vattabboti.
яад̣̇аа ваа д̇ад̣̇аа ваа ад̇хидтаад̇ум̣ ваддад̇ийд̇и жаад̇умаасаб̣бханд̇арз д̣̇асаахз ад̇игганд̇зби над̇т̇и д̣̇осод̇и ад̇хиббааяо. ‘‘гад̣̇аа ад̇хидтаад̇аб̣б̣аа…бз… яад̣̇и наббаход̇и, яаава гад̇д̇игабун̣н̣амаа барихаарам̣ лабхад̇ий’’д̇и иминааби гурунд̣̇иважанзна агад̇ааяа вассигасаадигааяа жаад̇умаасам̣ барихааро, гад̇ааяа д̣̇асаахамзва барихаарод̇и аяамад̇т̇о д̣̇ийбид̇оязваад̇и ааха ‘‘абижаа’’д̇иаад̣̇и.
Yadā vā tadā vā adhiṭṭhātuṃ vaṭṭatīti cātumāsabbhantare dasāhe atikkantepi natthi dosoti adhippāyo. ‘‘Kadā adhiṭṭhātabbā…pe… yadi nappahoti, yāva kattikapuṇṇamā parihāraṃ labhatī’’ti imināpi kurundivacanena akatāya vassikasāṭikāya cātumāsaṃ parihāro, katāya dasāhameva parihāroti ayamattho dīpitoyevāti āha ‘‘apicā’’tiādi.
баал̣ияам̣ ажчиннажийварасса надтажийварассаад̇иаад̣̇инаа ниссаг̇г̇иязна анаабад̇д̇и вуд̇д̇аа, уд̣̇ааху наг̇г̇асса нахааяад̇о д̣̇уггадзна анаабад̇д̇и вуд̇д̇аад̇и? гимзд̇т̇а бужчид̇аб̣б̣ам̣. саб̣б̣асигкаабад̣̇зсу хи яад̇т̇а яад̇т̇а мууласигкаабад̣̇зна аабад̇д̇иббасан̇г̇о, д̇ад̇т̇а д̇ад̇т̇а анаабад̇д̇ид̣̇ассанад̇т̇ам̣ анаабад̇д̇ивааро аарабхийяад̇ийд̇и ид̇хааби ниссаг̇г̇иязна анаабад̇д̇ид̣̇ассанад̇т̇анд̇и яуд̇д̇ам̣ вад̇д̇ум̣. на хи муулаабад̇д̇ияаа анаабад̇д̇им̣ ад̣̇ассзд̇ваа анд̇араа вуд̇д̇ааяа зва аабад̇д̇ияаа анаабад̇д̇ид̣̇ассанад̇т̇ам̣ анаабад̇д̇ивааро аарабхийяад̇ийд̇и. д̇знзва д̇ийсуби г̇ан̣тибад̣̇зсу ид̣̇ам̣ вуд̇д̇ам̣ ‘‘ажчиннажийварасса надтажийварасса жаад̇и зд̇т̇а ажчиннасзсажийварасса надтасзсажийварасса жа асамаяз ниваасзнд̇асса бариязсанд̇асса жа анаабад̇д̇и . аабад̣̇аасууд̇и зд̇т̇а анивад̇т̇ам̣ жораа харанд̇ийд̇и асамаяз ниваасзнд̇асса анаабад̇д̇ий’’д̇и. маад̇игаадтагат̇ааяамби (ган̇каа. адта. вассигасаадигасигкаабад̣̇аван̣н̣анаа) вуд̇д̇ам̣ ‘‘ажчиннажийварасса ваа надтажийварасса ваа анивад̇т̇ам̣ жораа харанд̇ийд̇и звам̣ аабад̣̇аасу ваа ниваасаяад̇о уммад̇д̇агаад̣̇ийнан̃жа анаабад̇д̇ий’’д̇и. адтагат̇ааяам̣ бана наг̇г̇асса нахааяад̇о д̣̇уггадзнзва анаабад̇д̇им̣ санд̇хааяа ‘‘ажчиннажийварассаад̇и зд̇ам̣ вассигасаадигамзва санд̇хааяа вуд̇д̇ам̣. д̇зсан̃хи наг̇г̇аанам̣ гааяовассаабанз анаабад̇д̇и. зд̇т̇а жа махаг̇гхавассигасаадигам̣ ниваасзд̇ваа нахааяанд̇асса жорубад̣̇д̣̇аво аабад̣̇аа наамаа’’д̇и яам̣ вуд̇д̇ам̣, д̇ад̇т̇а гааран̣ам̣ бариязсид̇аб̣б̣ам̣.
Pāḷiyaṃ acchinnacīvarassa naṭṭhacīvarassātiādinā nissaggiyena anāpatti vuttā, udāhu naggassa nahāyato dukkaṭena anāpatti vuttāti? Kimettha pucchitabbaṃ. Sabbasikkhāpadesu hi yattha yattha mūlasikkhāpadena āpattippasaṅgo, tattha tattha anāpattidassanatthaṃ anāpattivāro ārabhīyatīti idhāpi nissaggiyena anāpattidassanatthanti yuttaṃ vattuṃ. Na hi mūlāpattiyā anāpattiṃ adassetvā antarā vuttāya eva āpattiyā anāpattidassanatthaṃ anāpattivāro ārabhīyatīti. Teneva tīsupi gaṇṭhipadesu idaṃ vuttaṃ ‘‘acchinnacīvarassa naṭṭhacīvarassa cāti ettha acchinnasesacīvarassa naṭṭhasesacīvarassa ca asamaye nivāsentassa pariyesantassa ca anāpatti . Āpadāsūti ettha anivatthaṃ corā harantīti asamaye nivāsentassa anāpattī’’ti. Mātikāṭṭhakathāyampi (kaṅkhā. aṭṭha. vassikasāṭikasikkhāpadavaṇṇanā) vuttaṃ ‘‘acchinnacīvarassa vā naṭṭhacīvarassa vā anivatthaṃ corā harantīti evaṃ āpadāsu vā nivāsayato ummattakādīnañca anāpattī’’ti. Aṭṭhakathāyaṃ pana naggassa nahāyato dukkaṭeneva anāpattiṃ sandhāya ‘‘acchinnacīvarassāti etaṃ vassikasāṭikameva sandhāya vuttaṃ. Tesañhi naggānaṃ kāyovassāpane anāpatti. Ettha ca mahagghavassikasāṭikaṃ nivāsetvā nahāyantassa corupaddavo āpadā nāmā’’ti yaṃ vuttaṃ, tattha kāraṇaṃ pariyesitabbaṃ.
ат̇а убхаязнаби анаабад̇д̇ид̣̇ассанад̇т̇ам̣ ‘‘ажчиннажийварассаа’’д̇иаад̣̇и аарад̣̇д̇ханд̇и звамад̇хиббааяо сияаа, звамби ‘‘ажчиннажийварассаад̇и зд̇ам̣ вассигасаадигамзва санд̇хааяа вуд̇д̇а’’нд̇иаад̣̇инаа висзсзд̇ваа на вад̇д̇аб̣б̣ам̣. зван̃хи вад̇д̇аб̣б̣ам̣ сияаа ‘‘ажчиннасзсажийварасса надтасзсажийварасса ваа асамаяз ниваасзнд̇асса бариязсанд̇асса жа ниссаг̇г̇иязна анаабад̇д̇и, ажчиннавассигасаадигасса надтавассигасаадигасса ваа наг̇г̇асса нахааяад̇о д̣̇уггадзна анаабад̇д̇и, аабад̣̇аасу анивад̇т̇ам̣ жораа харанд̇ийд̇и асамаяз ниваасаяад̇о ниссаг̇г̇иязна анаабад̇д̇и, махаг̇гхавассигасаадигам̣ ниваасзд̇ваа нахааяанд̇асса жораа харанд̇и, наг̇г̇асса нахааяад̇о д̣̇уггадзна анаабад̇д̇ий’’д̇и. сзсамзд̇т̇а уд̇д̇аанамзва.
Atha ubhayenapi anāpattidassanatthaṃ ‘‘acchinnacīvarassā’’tiādi āraddhanti evamadhippāyo siyā, evampi ‘‘acchinnacīvarassāti etaṃ vassikasāṭikameva sandhāya vutta’’ntiādinā visesetvā na vattabbaṃ. Evañhi vattabbaṃ siyā ‘‘acchinnasesacīvarassa naṭṭhasesacīvarassa vā asamaye nivāsentassa pariyesantassa ca nissaggiyena anāpatti, acchinnavassikasāṭikassa naṭṭhavassikasāṭikassa vā naggassa nahāyato dukkaṭena anāpatti, āpadāsu anivatthaṃ corā harantīti asamaye nivāsayato nissaggiyena anāpatti, mahagghavassikasāṭikaṃ nivāsetvā nahāyantassa corā haranti, naggassa nahāyato dukkaṭena anāpattī’’ti. Sesamettha uttānameva.
ан̇г̇зсу бана вассигасаадигааяа ад̇д̇уд̣̇д̣̇зсигад̇аа, асамаяз бариязсанад̇аа, д̇ааяа жа бадилаабход̇и имаани д̇аава бариязсанаабад̇д̇ияаа д̇ийн̣и ан̇г̇аани. сажийварад̇аа, аабад̣̇аабхааво, вассигасаадигааяа сагабхааво, асамаяз ниваасананд̇и имаани ниваасанаабад̇д̇ияаа жад̇д̇аари ан̇г̇аани.
Aṅgesu pana vassikasāṭikāya attuddesikatā, asamaye pariyesanatā, tāya ca paṭilābhoti imāni tāva pariyesanāpattiyā tīṇi aṅgāni. Sacīvaratā, āpadābhāvo, vassikasāṭikāya sakabhāvo, asamaye nivāsananti imāni nivāsanāpattiyā cattāri aṅgāni.
вассигасаадигасигкаабад̣̇аван̣н̣анаа нидтид̇аа.
Vassikasāṭikasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. вассигасаадигасигкаабад̣̇ам̣ • 4. Vassikasāṭikasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
