| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. вассигасаадигасигкаабад̣̇аван̣н̣анаа
4. Vassikasāṭikasikkhāpadavaṇṇanā
627. ‘‘згамзва гад̇ваа’’д̇и важанзна вассигасаадигалагкан̣зна н̃аад̇агаанамби сад̇уббаад̣̇ам̣ гаронд̇зна згамзва г̇ахзд̇аб̣б̣анд̇и д̇хаммасирид̇т̇зро. жад̇уб̣б̣ид̇хам̣ кзд̇д̇анд̇и зд̇т̇а гин̃жааби д̇ивид̇хам̣ д̣̇иссад̇и, д̇ам̣ бана звам̣ г̇ахзд̇аб̣б̣ам̣, яасмим̣ кзд̇д̇з бариязсид̇ум̣ лабхад̇и, д̇ам̣ бариязсанакзд̇д̇ам̣ наама, ‘‘звам̣ гаран̣аниваасанаад̇хидтаанакзд̇д̇аанибий’’д̇и вуд̇д̇ам̣. зд̇т̇а бажчимзна буримаг̇г̇аахо взд̣̇ид̇аб̣б̣о, на буримзна бажчимаг̇г̇аахо, яат̇аалаабханд̇и аажарияо. д̇ассад̇т̇о – ад̇хидтаанакзд̇д̇зна бажчимзна буримаанам̣ д̇ин̣н̣ам̣ г̇аахо ход̇и, д̇ат̇аа ниваасанакзд̇д̇зна д̣̇виннам̣ буримаанам̣. гаран̣акзд̇д̇зна бана згассзва буримасса г̇аахо ход̇ийд̇и. зд̇т̇а бана гин̃жааби гаран̣акзд̇д̇аниваасанакзд̇д̇аанам̣ гаалад̇о наанад̇д̇ам̣ над̇т̇и, гирияад̇о бана ‘‘адтим̣ гад̇ваа ниваасзд̇аб̣б̣а’’нд̇и баал̣иважанад̇о, д̇асмаа д̣̇вид̇хаа гад̇ваа вуд̇д̇ам̣ ан̃н̃ад̇араабхаавзна, д̇ад̣̇ад̇т̇асид̣̇д̇хид̇о жа, гат̇ам̣ банзд̇т̇а наанад̇д̇ам̣ над̇т̇ийд̇и бан̃н̃ааяад̇ийд̇и жз? баал̣ид̇о, ‘‘ад̣дхамаасо сзсо г̇имхаананд̇и гад̇ваа ниваасзд̇аб̣б̣а’’нд̇и хи баал̣и, д̇ат̇аа маад̇игаадтагат̇аад̇о (ган̇каа. адта. вассигасаадигасигкаабад̣̇аван̣н̣анаа) жа.
627. ‘‘Ekameva katvā’’ti vacanena vassikasāṭikalakkhaṇena ñātakānampi satuppādaṃ karontena ekameva gahetabbanti dhammasiritthero. Catubbidhaṃ khettanti ettha kiñcāpi tividhaṃ dissati, taṃ pana evaṃ gahetabbaṃ, yasmiṃ khette pariyesituṃ labhati, taṃ pariyesanakhettaṃ nāma, ‘‘evaṃ karaṇanivāsanādhiṭṭhānakhettānipī’’ti vuttaṃ. Ettha pacchimena purimaggāho veditabbo, na purimena pacchimaggāho, yathālābhanti ācariyo. Tassattho – adhiṭṭhānakhettena pacchimena purimānaṃ tiṇṇaṃ gāho hoti, tathā nivāsanakhettena dvinnaṃ purimānaṃ. Karaṇakhettena pana ekasseva purimassa gāho hotīti. Ettha pana kiñcāpi karaṇakhettanivāsanakhettānaṃ kālato nānattaṃ natthi, kiriyato pana ‘‘aṭṭhiṃ katvā nivāsetabba’’nti pāḷivacanato, tasmā dvidhā katvā vuttaṃ aññatarābhāvena, tadatthasiddhito ca, kathaṃ panettha nānattaṃ natthīti paññāyatīti ce? Pāḷito, ‘‘aḍḍhamāso seso gimhānanti katvā nivāsetabba’’nti hi pāḷi, tathā mātikāṭṭhakathāto (kaṅkhā. aṭṭha. vassikasāṭikasikkhāpadavaṇṇanā) ca.
д̇ат̇ааха ‘‘бажчимо ад̣дхамаасо гаран̣аниваасанакзд̇д̇амбий’’д̇и, иминаа наязна д̇ивид̇хамзва кзд̇д̇анд̇иби сид̣̇д̇хам̣. саманд̇абаасаад̣̇игааяам̣ бана гад̇т̇ажи бод̇т̇агз ‘‘ж̇здтамуулабун̣н̣амаасияаа бажчимабаадибад̣̇ад̣̇ивасад̇о бадтааяа яаава гаал̣абагкубосат̇о, аяамзго ад̣̇д̇хамаасо бариязсанакзд̇д̇ан̃жзва гаран̣акзд̇д̇ан̃жа. зд̇асмин̃хи анд̇арз вассигасаадигам̣ алад̣̇д̇хам̣ бариязсид̇ум̣, лад̣̇д̇хам̣ гаад̇ун̃жа ваддад̇и, ниваасзд̇ум̣, ад̇хидтаад̇ун̃жа на ваддад̇ий’’д̇и баато д̣̇иссад̇и, со абаато яат̇аавуд̇д̇абаал̣имаад̇игаадтагат̇аавирод̇хад̇о, д̇асмаа д̇ад̇т̇а ‘‘алад̣̇д̇хам̣ бариязсид̇ум̣ ваддад̇и, гаад̇ум̣, ниваасзд̇ум̣, ад̇хидтаад̇ун̃жа на ваддад̇ий’’д̇и баато взд̣̇ид̇аб̣б̣о. звам̣ д̇аава бажчимзна буримаг̇г̇аахасид̣̇д̇хи взд̣̇ид̇аб̣б̣аа, на буримзна гаран̣акзд̇д̇аад̣̇ийнам̣ г̇аахо самбхавад̇и. ‘‘маасо сзсо г̇имхаананд̇и вассигасаадигажийварам̣ бариязсид̇аб̣б̣а’’нд̇и зд̇д̇агамзва хи вуд̇д̇ам̣, на, адтагат̇ааяам̣ ‘‘аяамзго ад̣̇д̇хамаасо бариязсанакзд̇д̇ан̃жзва гаран̣акзд̇д̇ан̃жаа’’д̇и вуд̇д̇ад̇д̇аад̇и жз? на, д̇асса лзканад̣̇осад̇д̇аа , д̇ат̇аа саад̇хид̇ам̣. гаран̣акзд̇д̇зна бана ниваасанакзд̇д̇аг̇г̇аахо ад̇т̇и гааланаанад̇д̇аабхаавад̇о, д̇знзва буб̣б̣з яат̇аалаабхаг̇г̇ахан̣ам̣ гад̇ам̣, д̇ат̇аа жа саад̇хид̇амзва, на бхзд̣̇о банад̇т̇и, баяож̇анам̣ вуд̇д̇амзва. ниваасанагкзд̇д̇зна ад̇хидтаанагкзд̇д̇аг̇г̇аахо над̇т̇и зва, на хи буримзна бажчимаг̇г̇аахо взд̣̇ид̇аб̣б̣о. на баал̣ивирод̇хад̇од̇и жз? на, д̇ад̣̇ад̇т̇ааж̇аананад̇о. ‘‘маасо сзсо г̇имхаананд̇и ад̣̇д̇хамаасо сзсо г̇имхаана’’нд̇и зд̇т̇а ид̇и-сад̣̇д̣̇асса хи ид̇о бадтааяаад̇и ад̇т̇о. барад̇о аабад̇д̇икзд̇д̇ад̣̇ассанад̇о ид̇арасса анаабад̇д̇икзд̇д̇абхааво д̣̇ассид̇ова ход̇и. д̣̇иннабуб̣б̣ад̇оби н̃аад̇агабаваарид̇адтаанад̇о нибпаад̣̇знд̇асса ниссаг̇г̇ияам̣ бидтисамаяад̇д̇аа, багад̇ияаа вассигасаадигад̣̇ааяагаа наама сан̇гхасса ваа буг̇г̇аласса ваа абаваарзд̇ваа анусам̣важчарам̣ д̣̇знд̇аа, д̇ад̇т̇а сад̇уббаад̣̇ова ваддад̇и. вад̇д̇абхзд̣̇з д̣̇уггаданд̇и д̇ад̣̇ан̃н̃зсу.
Tathāha ‘‘pacchimo aḍḍhamāso karaṇanivāsanakhettampī’’ti, iminā nayena tividhameva khettantipi siddhaṃ. Samantapāsādikāyaṃ pana katthaci potthake ‘‘jeṭṭhamūlapuṇṇamāsiyā pacchimapāṭipadadivasato paṭṭhāya yāva kāḷapakkhuposatho, ayameko addhamāso pariyesanakhettañceva karaṇakhettañca. Etasmiñhi antare vassikasāṭikaṃ aladdhaṃ pariyesituṃ, laddhaṃ kātuñca vaṭṭati, nivāsetuṃ, adhiṭṭhātuñca na vaṭṭatī’’ti pāṭho dissati, so apāṭho yathāvuttapāḷimātikāṭṭhakathāvirodhato, tasmā tattha ‘‘aladdhaṃ pariyesituṃ vaṭṭati, kātuṃ, nivāsetuṃ, adhiṭṭhātuñca na vaṭṭatī’’ti pāṭho veditabbo. Evaṃ tāva pacchimena purimaggāhasiddhi veditabbā, na purimena karaṇakhettādīnaṃ gāho sambhavati. ‘‘Māso seso gimhānanti vassikasāṭikacīvaraṃ pariyesitabba’’nti ettakameva hi vuttaṃ, na, aṭṭhakathāyaṃ ‘‘ayameko addhamāso pariyesanakhettañceva karaṇakhettañcā’’ti vuttattāti ce? Na, tassa lekhanadosattā , tathā sādhitaṃ. Karaṇakhettena pana nivāsanakhettaggāho atthi kālanānattābhāvato, teneva pubbe yathālābhaggahaṇaṃ kataṃ, tathā ca sādhitameva, na bhedo panatthi, payojanaṃ vuttameva. Nivāsanakkhettena adhiṭṭhānakkhettaggāho natthi eva, na hi purimena pacchimaggāho veditabbo. Na pāḷivirodhatoti ce? Na, tadatthājānanato. ‘‘Māso seso gimhānanti addhamāso seso gimhāna’’nti ettha iti-saddassa hi ito paṭṭhāyāti attho. Parato āpattikhettadassanato itarassa anāpattikhettabhāvo dassitova hoti. Dinnapubbatopi ñātakapavāritaṭṭhānato nipphādentassa nissaggiyaṃ piṭṭhisamayattā, pakatiyā vassikasāṭikadāyakā nāma saṅghassa vā puggalassa vā apavāretvā anusaṃvaccharaṃ dentā, tattha satuppādova vaṭṭati. Vattabhede dukkaṭanti tadaññesu.
‘‘сажз гад̇а…бз… вассуубанааяигад̣̇ивасз ад̇хидтаад̇аб̣б̣аа…бз… ча маасз барихаарам̣ лабхад̇ий’’д̇и важанад̇о анд̇овассзби яаава вассаанасса бажчимад̣̇ивасаа агад̇аа барихаарам̣ лабхад̇ийд̇и д̣̇ийбид̇ам̣ ход̇и. гасмаа на вижаарид̇анд̇и жз? ад̇т̇аабад̇д̇исид̣̇д̇хад̇д̇аа. ‘‘ча маасз барихаарам̣ лабхад̇ий’’д̇и важанзна агад̇аа лабхад̇ийд̇и сид̣̇д̇хамзва, д̇ам̣ гин̃жааби сид̣̇д̇хам̣, саруубзна бана анааг̇ад̇ад̇д̇аа саруубзна д̣̇ассзд̇ум̣, д̣̇уссад̣̇д̇хаабаяад̇д̇аа убабад̇д̇ид̇о д̣̇ассзд̇ун̃жа ид̣̇амаарад̣̇д̇хам̣ аажариязна, ‘‘яат̇аа жзд̇т̇а, звам̣ гат̇инаб̣бханд̇арз уббаннажийварамби хздтаа вуд̇д̇анаязнзва бадибаж̇ж̇ид̇аб̣б̣а’’нд̇и ануг̇ан̣тибад̣̇з вуд̇д̇ам̣, д̇ам̣ д̣̇увуд̇д̇ам̣ д̇ад̇т̇зва буб̣б̣аабаравирод̇хад̇о. яан̃жзд̇т̇а адтагат̇ааважанам̣ саад̇хагад̇д̇зна вуд̇д̇ам̣, д̇ам̣ д̇амад̇т̇ам̣ на саад̇хзд̇и. ‘‘яад̣̇и наббаход̇и яаава гад̇д̇игабун̣н̣амаа барихаарам̣ лабхад̇ий’’д̇и важанам̣ аббахонд̇асса яаава гад̇д̇игабун̣н̣амаа д̇аава барихааракзд̇д̇ам̣, д̇ад̇о барам̣ згад̣̇ивасоби на ход̇ийд̇и д̣̇ийбзд̇и, д̇асмаа аббахонагабхаавзна агад̇аава яаава гад̇д̇игабун̣н̣амаа барихаарам̣ лабхад̇и, д̇ад̇о барам̣ на лабхад̇ийд̇и сид̣̇д̇хам̣. д̇ат̇аа д̇ад̣̇зва важанам̣ гад̇абарихаарам̣ на лабхад̇ийд̇и д̣̇ийбзд̇и, д̇асмаа гад̇д̇игабун̣н̣амад̣̇ивасзязва ад̇хидтаад̇аб̣б̣аа. ‘‘аббахонд̇з д̣̇асаахз анд̇овассз гаран̣абарияосаанам̣язва бамаан̣а’’нд̇и ликид̇ам̣.
‘‘Sace kata…pe… vassūpanāyikadivase adhiṭṭhātabbā…pe… cha māse parihāraṃ labhatī’’ti vacanato antovassepi yāva vassānassa pacchimadivasā akatā parihāraṃ labhatīti dīpitaṃ hoti. Kasmā na vicāritanti ce? Atthāpattisiddhattā. ‘‘Cha māse parihāraṃ labhatī’’ti vacanena akatā labhatīti siddhameva, taṃ kiñcāpi siddhaṃ, sarūpena pana anāgatattā sarūpena dassetuṃ, dussaddhāpayattā upapattito dassetuñca idamāraddhaṃ ācariyena, ‘‘yathā cettha, evaṃ kathinabbhantare uppannacīvarampi heṭṭhā vuttanayeneva paṭipajjitabba’’nti anugaṇṭhipade vuttaṃ, taṃ duvuttaṃ tattheva pubbāparavirodhato. Yañcettha aṭṭhakathāvacanaṃ sādhakattena vuttaṃ, taṃ tamatthaṃ na sādheti. ‘‘Yadi nappahoti yāva kattikapuṇṇamā parihāraṃ labhatī’’ti vacanaṃ appahontassa yāva kattikapuṇṇamā tāva parihārakhettaṃ, tato paraṃ ekadivasopi na hotīti dīpeti, tasmā appahonakabhāvena akatāva yāva kattikapuṇṇamā parihāraṃ labhati, tato paraṃ na labhatīti siddhaṃ. Tathā tadeva vacanaṃ kataparihāraṃ na labhatīti dīpeti, tasmā kattikapuṇṇamadivaseyeva adhiṭṭhātabbā. ‘‘Appahonte dasāhe antovasse karaṇapariyosānaṃyeva pamāṇa’’nti likhitaṃ.
зд̇т̇ааха – ‘‘згаахад̣̇вийхаад̣̇ивасзнаа’’д̇иаад̣̇и на вад̇д̇аб̣б̣ам̣. гасмаа? г̇имхад̣̇ивасаанам̣ анад̇хидтаанагаалад̇д̇аа, д̇асмаа зва ‘‘анд̇од̣̇асаахз ваа д̇ад̣̇ахзязва ваа ад̇хидтаад̇аб̣б̣аа’д̇и жа сааман̃н̃ад̇о на вад̇д̇аб̣б̣ам̣ г̇имхад̣̇ивасаанам̣ ад̇хидтаанакзд̇д̇абхааваббасан̇г̇ад̇о’’д̇и. зд̇т̇а вужжад̇и – на, д̇ад̣̇ад̇т̇ааж̇аананад̇о. д̣̇асаахаанааг̇ад̇ааяа вассуубанааяигааяа г̇имхад̣̇ивасаа д̣̇асаахаа хонд̇и, батамад̣̇ивасз жа лад̣̇д̇хаа нидтид̇аа вассигасаадигаа д̣̇асаахаад̇игганд̇ааби вассуубанааяигад̣̇ивасам̣ ад̇хидтаанакзд̇д̇ам̣ аббад̇д̇ад̇д̇аа на жа д̇аава ниссаг̇г̇ияам̣ ход̇и, вуд̇д̇ан̃жзд̇ам̣ ‘‘вассуубанааяигад̇о буб̣б̣з д̣̇асаахаад̇иггамзби анаабад̇д̇ий’’д̇и.
Etthāha – ‘‘ekāhadvīhādivasenā’’tiādi na vattabbaṃ. Kasmā? Gimhadivasānaṃ anadhiṭṭhānakālattā, tasmā eva ‘‘antodasāhe vā tadaheyeva vā adhiṭṭhātabbā’ti ca sāmaññato na vattabbaṃ gimhadivasānaṃ adhiṭṭhānakhettabhāvappasaṅgato’’ti. Ettha vuccati – na, tadatthājānanato. Dasāhānāgatāya vassūpanāyikāya gimhadivasā dasāhā honti, paṭhamadivase ca laddhā niṭṭhitā vassikasāṭikā dasāhātikkantāpi vassūpanāyikadivasaṃ adhiṭṭhānakhettaṃ appattattā na ca tāva nissaggiyaṃ hoti, vuttañcetaṃ ‘‘vassūpanāyikato pubbe dasāhātikkamepi anāpattī’’ti.
анд̇од̣̇асаахз ад̇хидтаад̇аб̣б̣аад̇и ид̣̇ам̣ на ависзсзна зд̇асмим̣ анд̇арз г̇имхад̣̇ивасзби ад̇хидтаад̇аб̣б̣анд̇и имамад̇т̇ам̣ д̣̇ийбзд̇ум̣ вуд̇д̇ам̣, гинд̇у г̇имхад̣̇ивасз жз уббаннаа, ад̇хидтаанакзд̇д̇з жа анд̇од̣̇асаахам̣ ход̇и, анд̇од̣̇асаахз кзд̇д̇зязва ад̇хидтаад̇аб̣б̣аа, на кзд̇д̇анд̇и гад̇ваа д̣̇асаахам̣ ад̇иггамид̇аб̣б̣анд̇и д̣̇ийбзд̇ум̣ вуд̇д̇ам̣. гасмаа? г̇имхад̣̇ивасаанамби г̇ан̣ануубаг̇ад̇д̇аа, д̇асмаа акзд̇д̇ад̣̇ивасзби г̇ан̣зд̇ваа кзд̇д̇з зва ‘‘анд̇од̣̇асаахз ад̇хидтаад̇аб̣б̣аа’’д̇и вуд̇д̇ам̣ ход̇ийд̇и.
Antodasāhe adhiṭṭhātabbāti idaṃ na avisesena etasmiṃ antare gimhadivasepi adhiṭṭhātabbanti imamatthaṃ dīpetuṃ vuttaṃ, kintu gimhadivase ce uppannā, adhiṭṭhānakhette ca antodasāhaṃ hoti, antodasāhe khetteyeva adhiṭṭhātabbā, na khettanti katvā dasāhaṃ atikkamitabbanti dīpetuṃ vuttaṃ. Kasmā? Gimhadivasānampi gaṇanūpagattā, tasmā akhettadivasepi gaṇetvā khette eva ‘‘antodasāhe adhiṭṭhātabbā’’ti vuttaṃ hotīti.
вассигасаадигасигкаабад̣̇аван̣н̣анаа нидтид̇аа.
Vassikasāṭikasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. вассигасаадигасигкаабад̣̇ам̣ • 4. Vassikasāṭikasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
