| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
4. вассигасаадигасигкаабад̣̇аван̣н̣анаа
4. Vassikasāṭikasikkhāpadavaṇṇanā
628. жад̇уд̇т̇з ж̇здтамуулабун̣н̣амаасияаа…бз… гаран̣агкзд̇д̇ан̃жаад̇и батамад̣̇д̇хамаасамби гаран̣агкзд̇д̇ам̣ вуд̇д̇ам̣. д̇ам̣ ‘‘гад̇ваа ниваасзд̇аб̣б̣а’’нд̇и имасса буримад̣̇д̇хамаасз ваа бажчимад̣̇д̇хамаасз ваа гад̇ваа бажчимамаасзва ниваасзд̇аб̣б̣анд̇и звамад̇т̇ам̣ г̇ахзд̇ваа вуд̇д̇ам̣ ниваасанзязва аабад̇д̇ияаа вуд̇д̇ад̇д̇аад̇и. яам̣ бана маад̇игаадтагат̇ааяам̣ ‘‘г̇имхаанам̣ бажчимо маасо бариязсанагкзд̇д̇ам̣, бажчимо ад̣̇д̇хамаасо гаран̣аниваасанагкзд̇д̇амбий’’д̇и (ган̇каа. адта. вассигасаадигасигкаабад̣̇аван̣н̣анаа) вуд̇д̇ам̣, д̇ам̣ д̇асмим̣язва ад̣̇д̇хамаасз гад̇ваа ниваасзд̇аб̣б̣анд̇и звамад̇т̇ам̣ г̇ахзд̇ваа вуд̇д̇ам̣. ид̇ха вуд̇д̇анаязнзва ад̇т̇з г̇ахид̇з вирод̇хо над̇т̇и.
628. Catutthe jeṭṭhamūlapuṇṇamāsiyā…pe… karaṇakkhettañcāti paṭhamaddhamāsampi karaṇakkhettaṃ vuttaṃ. Taṃ ‘‘katvā nivāsetabba’’nti imassa purimaddhamāse vā pacchimaddhamāse vā katvā pacchimamāseva nivāsetabbanti evamatthaṃ gahetvā vuttaṃ nivāsaneyeva āpattiyā vuttattāti. Yaṃ pana mātikāṭṭhakathāyaṃ ‘‘gimhānaṃ pacchimo māso pariyesanakkhettaṃ, pacchimo addhamāso karaṇanivāsanakkhettampī’’ti (kaṅkhā. aṭṭha. vassikasāṭikasikkhāpadavaṇṇanā) vuttaṃ, taṃ tasmiṃyeva addhamāse katvā nivāsetabbanti evamatthaṃ gahetvā vuttaṃ. Idha vuttanayeneva atthe gahite virodho natthi.
‘‘вад̇д̇абхзд̣̇з д̣̇уггада’’нд̇и ид̣̇ам̣ вассигасаадигаад̣̇иннабуб̣б̣з санд̇хааяа вуд̇д̇ам̣. д̇знааха ‘‘яз мануссаа’’д̇иаад̣̇и. багад̇ияаа вассигасаадигад̣̇ааяагаа наама сан̇гхам̣ ваа ад̇д̇аанам̣ ваа аббаваарзд̇ваава анусам̣важчарам̣ д̣̇ааяагаа.
‘‘Vattabhede dukkaṭa’’nti idaṃ vassikasāṭikaadinnapubbe sandhāya vuttaṃ. Tenāha ‘‘ye manussā’’tiādi. Pakatiyā vassikasāṭikadāyakā nāma saṅghaṃ vā attānaṃ vā appavāretvāva anusaṃvaccharaṃ dāyakā.
630. ‘‘ча маасз барихаарам̣ лабхад̇ий’’д̇и зд̇зна анд̇овассзби яаава вассаанасса бажчимад̣̇ивасаа агад̇аа барихаарам̣ лабхад̇ийд̇и д̣̇ийбид̇ам̣ ход̇и. згамаасанд̇и хзманд̇асса бажчимубосат̇зна саха г̇ан̣зд̇ваа вуд̇д̇ам̣. д̇асмим̣ убосат̇ад̣̇ивасз зва хи д̇ам̣ муулажийварам̣ гаад̇аб̣б̣ам̣, ид̇арат̇аа хи ниссаг̇г̇ияад̇о. згаахад̣̇вийхаад̣̇ивасзна…бз… лад̣̇д̇хаа жзва нидтид̇аа жаад̇и зд̇т̇а згаахаанааг̇ад̇ааяа вассуубанааяигааяа лад̣̇д̇хаа жзва нидтид̇аа жа д̣̇вийхаанааг̇ад̇ааяа…бз… д̣̇асаахаанааг̇ад̇ааяа вассуубанааяигааяа лад̣̇д̇хаа жзва нидтид̇аа жа, анд̇овассз ваа лад̣̇д̇хаа жзва нидтид̇аа жаад̇и звамад̇т̇о д̣̇адтаб̣б̣о. д̇ад̇т̇а аасал̣хиймаасасса ж̇ун̣хабагкабун̣н̣амияам̣ лад̣̇д̇хаа, д̇ад̣̇ахзва раж̇анагаббабарияосаанзхи нидтид̇аа жа вассигасаадигаа ‘‘згаахаанааг̇ад̇ааяа вассуубанааяигааяа лад̣̇д̇хаа жзва нидтид̇аа жаа’’д̇и вужжад̇и. зд̇знзва наязна ж̇ун̣хабагкасса чадтияам̣ лад̣̇д̇хаа, нидтид̇аа жа ‘‘д̣̇асаахаанааг̇ад̇ааяа вассуубанааяигааяа лад̣̇д̇хаа жзва нидтид̇аа жаа’’д̇и вужжад̇и. яаава батамагад̇д̇игад̇змаасибун̣н̣амаа, д̇аава лад̣̇д̇хаа, нидтид̇аа жа ‘‘анд̇овассз лад̣̇д̇хаа жзва нидтид̇аа жаа’’д̇и вужжад̇и. батамагад̇д̇игад̇змаасибун̣н̣амид̇о барам̣ лад̣̇д̇хаа жзва нидтид̇аа жа яаава жийварагаало наад̇иггамад̇и, д̇аава анад̇хидтахид̇вааби табзд̇ум̣ ваддад̇ийд̇и ад̇хиббааяо.
630.‘‘Cha māse parihāraṃ labhatī’’ti etena antovassepi yāva vassānassa pacchimadivasā akatā parihāraṃ labhatīti dīpitaṃ hoti. Ekamāsanti hemantassa pacchimuposathena saha gaṇetvā vuttaṃ. Tasmiṃ uposathadivase eva hi taṃ mūlacīvaraṃ kātabbaṃ, itarathā hi nissaggiyato. Ekāhadvīhādivasena…pe… laddhā ceva niṭṭhitā cāti ettha ekāhānāgatāya vassūpanāyikāya laddhā ceva niṭṭhitā ca dvīhānāgatāya…pe… dasāhānāgatāya vassūpanāyikāya laddhā ceva niṭṭhitā ca, antovasse vā laddhā ceva niṭṭhitā cāti evamattho daṭṭhabbo. Tattha āsaḷhīmāsassa juṇhapakkhapuṇṇamiyaṃ laddhā, tadaheva rajanakappapariyosānehi niṭṭhitā ca vassikasāṭikā ‘‘ekāhānāgatāya vassūpanāyikāya laddhā ceva niṭṭhitā cā’’ti vuccati. Eteneva nayena juṇhapakkhassa chaṭṭhiyaṃ laddhā, niṭṭhitā ca ‘‘dasāhānāgatāya vassūpanāyikāya laddhā ceva niṭṭhitā cā’’ti vuccati. Yāva paṭhamakattikatemāsipuṇṇamā, tāva laddhā, niṭṭhitā ca ‘‘antovasse laddhā ceva niṭṭhitā cā’’ti vuccati. Paṭhamakattikatemāsipuṇṇamito paraṃ laddhā ceva niṭṭhitā ca yāva cīvarakālo nātikkamati, tāva anadhiṭṭhahitvāpi ṭhapetuṃ vaṭṭatīti adhippāyo.
зд̇т̇а жа ‘‘д̇асмим̣язва анд̇од̣̇асаахз ад̇хидтаад̇аб̣б̣аа’’д̇и ависзсзна вуд̇д̇зби вассаанад̇о буб̣б̣з згаахад̣̇вийхаад̣̇ивасзна анааг̇ад̇ааяа вассуубанааяигааяа лад̣̇д̇хаа д̇зхи д̣̇ивасзхи д̣̇асаахам̣ анад̇иггаманд̇зна вассуубанааяигад̣̇ивасад̇о бадтааяа ад̇хидтаанагкзд̇д̇ам̣ самбад̇д̇аа зва ад̇хидтаад̇аб̣б̣аа, д̇ад̇о бана буб̣б̣з д̣̇асаахаад̇иггамзна нидтид̇ааби на ад̇хидтаад̇аб̣б̣аа ад̇хидтаанасса акзд̇д̇ад̇д̇аа. д̇аад̣̇исаа бана вассуубанааяигад̣̇ивасз зва ад̇хидтаад̇аб̣б̣аа, анад̇хидтахад̇о арун̣уг̇г̇аманзна ниссаг̇г̇ияам̣ ход̇и. яад̣̇и звам̣ ‘‘д̣̇асаахаанааг̇ад̇ааяаа’’д̇и иминаа гим̣ баяож̇ананд̇и жз? вассаанад̇о буб̣б̣з зва д̣̇асаахз ад̇игганд̇з нидтид̇аа вассуубанааяигад̣̇ивасз зва ад̇хидтаад̇аб̣б̣аад̇и д̣̇ассанад̇т̇ам̣ вуд̇д̇ам̣. д̇знзвааха ‘‘д̣̇асаахаад̇иггамз нидтид̇аа д̇ад̣̇ахзва ад̇хидтаад̇аб̣б̣аа’’д̇и.
Ettha ca ‘‘tasmiṃyeva antodasāhe adhiṭṭhātabbā’’ti avisesena vuttepi vassānato pubbe ekāhadvīhādivasena anāgatāya vassūpanāyikāya laddhā tehi divasehi dasāhaṃ anatikkamantena vassūpanāyikadivasato paṭṭhāya adhiṭṭhānakkhettaṃ sampattā eva adhiṭṭhātabbā, tato pana pubbe dasāhātikkamena niṭṭhitāpi na adhiṭṭhātabbā adhiṭṭhānassa akhettattā. Tādisā pana vassūpanāyikadivase eva adhiṭṭhātabbā, anadhiṭṭhahato aruṇuggamanena nissaggiyaṃ hoti. Yadi evaṃ ‘‘dasāhānāgatāyā’’ti iminā kiṃ payojananti ce? Vassānato pubbe eva dasāhe atikkante niṭṭhitā vassūpanāyikadivase eva adhiṭṭhātabbāti dassanatthaṃ vuttaṃ. Tenevāha ‘‘dasāhātikkame niṭṭhitā tadaheva adhiṭṭhātabbā’’ti.
д̣̇асаахз аббахонд̇з жийварагаалам̣ наад̇иггамзд̇аб̣б̣аад̇и д̇змаасаб̣бханд̇арз д̣̇асаахз аббахонд̇з наваахаанааг̇ад̇ааяа гад̇д̇игад̇змаасибун̣н̣амааяа сад̇д̇амид̇о бадтааяа лад̣̇д̇хаа, нидтид̇аа жа жийварагаалам̣ наад̇иггамзд̇аб̣б̣аад̇и ад̇т̇о. д̇ат̇аа хи ‘‘маасо сзсо г̇имхаананд̇и бхигкунаа вассигасаадигажийварам̣ бариязсид̇аб̣б̣а’’нд̇и бариязсанагкзд̇д̇ам̣ вад̇ваа ‘‘вассигасаадигам̣ вассаанам̣ жаад̇умаасам̣ ад̇хидтаад̇у’’нд̇и (махаава. 358) вуд̇д̇ад̇д̇аа гад̇ааяаби агад̇ааяаби маасамад̇д̇ам̣ анад̇хидтаад̇аб̣б̣ад̇аа сид̣̇д̇хаа. яасмаа жа агад̇аа вассигасаадигасан̇кяам̣ на г̇ажчад̇и, агаран̣ан̃жа гзнажи взгаллзна, на анаад̣̇арзна, д̇асмаа жаад̇умаасам̣ агад̇ад̇д̇аа зва барихаарам̣ лабхад̇и, гад̇аа бана ад̇хидтаанагкзд̇д̇з, агад̇аа жа жийварагаалз д̣̇асаахабарамасигкаабад̣̇знзва барихаарам̣ лабхад̇ийд̇и аяамад̇т̇о лаб̣бхад̇и. гасмаад̇и ад̇д̇ано мад̇ияаа гааран̣абужчаа. д̇асмаад̇и вассаанзязва вассигасаадигааяа ад̇хидтаад̇аб̣б̣ад̇ааважанад̇о. ‘‘д̇ижийварам̣ ад̇хидтаад̇у’’нд̇и суд̇д̇ам̣ банзд̇т̇а сзсажийвараанам̣ звам̣ гааланияамаабхаавам̣ саад̇хзд̇ум̣ уд̣̇д̇хадам̣. на хи д̇знзд̇т̇а ан̃н̃ам̣ баяож̇анам̣ ад̇т̇и.
Dasāhe appahonte cīvarakālaṃ nātikkametabbāti temāsabbhantare dasāhe appahonte navāhānāgatāya kattikatemāsipuṇṇamāya sattamito paṭṭhāya laddhā, niṭṭhitā ca cīvarakālaṃ nātikkametabbāti attho. Tathā hi ‘‘māso seso gimhānanti bhikkhunā vassikasāṭikacīvaraṃ pariyesitabba’’nti pariyesanakkhettaṃ vatvā ‘‘vassikasāṭikaṃ vassānaṃ cātumāsaṃ adhiṭṭhātu’’nti (mahāva. 358) vuttattā katāyapi akatāyapi māsamattaṃ anadhiṭṭhātabbatā siddhā. Yasmā ca akatā vassikasāṭikasaṅkhyaṃ na gacchati, akaraṇañca kenaci vekallena, na anādarena, tasmā cātumāsaṃ akatattā eva parihāraṃ labhati, katā pana adhiṭṭhānakkhette, akatā ca cīvarakāle dasāhaparamasikkhāpadeneva parihāraṃ labhatīti ayamattho labbhati. Kasmāti attano matiyā kāraṇapucchā. Tasmāti vassāneyeva vassikasāṭikāya adhiṭṭhātabbatāvacanato. ‘‘Ticīvaraṃ adhiṭṭhātu’’nti suttaṃ panettha sesacīvarānaṃ evaṃ kālaniyamābhāvaṃ sādhetuṃ uddhaṭaṃ. Na hi tenettha aññaṃ payojanaṃ atthi.
гад̣̇аа ад̇хидтаад̇аб̣б̣аад̇иаад̣̇игурунд̣̇иважанзнааби ‘‘яад̣̇аа ваа д̇ад̣̇аа ваа ад̇хидтаад̇ум̣ ваддад̇ий’’д̇и ид̣̇ам̣ бадигкибид̇ваа д̣̇асаахаб̣бханд̇арз зва гад̇ааяа ад̇хидтаад̇аб̣б̣ад̇ам̣ д̣̇ассзд̇и.
Kadā adhiṭṭhātabbātiādikurundivacanenāpi ‘‘yadā vā tadā vā adhiṭṭhātuṃ vaṭṭatī’’ti idaṃ paṭikkhipitvā dasāhabbhantare eva katāya adhiṭṭhātabbataṃ dasseti.
баал̣ияам̣ ажчиннажийварассаад̇иаад̣̇ийсу ажчиннасзсажийварасса надтасзсажийварасса. зд̇зсан̃хи асамаяз бариязсананиваасанаабад̇д̇ияаа зва анаабад̇д̇и вуд̇д̇аа. д̇знзва маад̇игаадтагат̇ааяам̣ ‘‘ажчиннажийварасса ваа надтажийварасса ваа анивад̇т̇ам̣ жораа харанд̇ийд̇и звам̣ аабад̣̇аасу ваа ниваасаяад̇о уммад̇д̇агаад̣̇ийнан̃жа анаабад̇д̇ий’’д̇и (ган̇каа. адта. вассигасаадигасигкаабад̣̇аван̣н̣анаа) вуд̇д̇ам̣, ид̇ха бана саманд̇абаасаад̣̇игааяам̣ аяам̣ ниссаг̇г̇ияаа анаабад̇д̇и баал̣ид̇о саяамзва сиж̇жхад̇ийд̇и имам̣ ад̣̇ассзд̇ваа асиж̇жхамаанам̣ наг̇г̇асса нхааяад̇о д̣̇уггадаабад̇д̇ияаа зва анаабад̇д̇им̣ д̣̇ассзд̇ум̣ ‘‘ажчиннажийварассаа’’д̇иаад̣̇и вуд̇д̇анд̇и г̇ахзд̇аб̣б̣ам̣. на хи зсаа анаабад̇д̇и авуд̇д̇з сиж̇жхад̇ийд̇и. вассигасаадигааяа ад̇д̇уд̣̇д̣̇зсигад̇аа, асамаяз бариязсанад̇аа, д̇ааяа жа бадилаабход̇и имаани д̇аава бариязсанаабад̇д̇ияаа д̇ийн̣и ан̇г̇аани. ниваасанаабад̇д̇ияаа бана сажийварад̇аа, аабад̣̇аабхааво, вассигасаадигааяа сагабхааво, асамаяз ниваасананд̇и жад̇д̇аари ан̇г̇аани.
Pāḷiyaṃ acchinnacīvarassātiādīsu acchinnasesacīvarassa naṭṭhasesacīvarassa. Etesañhi asamaye pariyesananivāsanāpattiyā eva anāpatti vuttā. Teneva mātikāṭṭhakathāyaṃ ‘‘acchinnacīvarassa vā naṭṭhacīvarassa vā anivatthaṃ corā harantīti evaṃ āpadāsu vā nivāsayato ummattakādīnañca anāpattī’’ti (kaṅkhā. aṭṭha. vassikasāṭikasikkhāpadavaṇṇanā) vuttaṃ, idha pana samantapāsādikāyaṃ ayaṃ nissaggiyā anāpatti pāḷito sayameva sijjhatīti imaṃ adassetvā asijjhamānaṃ naggassa nhāyato dukkaṭāpattiyā eva anāpattiṃ dassetuṃ ‘‘acchinnacīvarassā’’tiādi vuttanti gahetabbaṃ. Na hi esā anāpatti avutte sijjhatīti. Vassikasāṭikāya attuddesikatā, asamaye pariyesanatā, tāya ca paṭilābhoti imāni tāva pariyesanāpattiyā tīṇi aṅgāni. Nivāsanāpattiyā pana sacīvaratā, āpadābhāvo, vassikasāṭikāya sakabhāvo, asamaye nivāsananti cattāri aṅgāni.
вассигасаадигасигкаабад̣̇аван̣н̣анаа нидтид̇аа.
Vassikasāṭikasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 4. вассигасаадигасигкаабад̣̇ам̣ • 4. Vassikasāṭikasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. вассигасаадигасигкаабад̣̇аван̣н̣анаа • 4. Vassikasāṭikasikkhāpadavaṇṇanā
