| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੪. વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ
4. Vassikasāṭikasikkhāpadavaṇṇanā
੬੨੬. ਤੇਨ ਸਮਯੇਨਾਤਿ વਸ੍ਸਿਕਸਾਟਿਕਸਿਕ੍ਖਾਪਦਂ। ਤਤ੍ਥ વਸ੍ਸਿਕਸਾਟਿਕਾ ਅਨੁਞ੍ਞਾਤਾਤਿ ਚੀવਰਕ੍ਖਨ੍ਧਕੇ વਿਸਾਖਾવਤ੍ਥੁਸ੍ਮਿਂ (ਮਹਾવ॰ ੩੪੯ ਆਦਯੋ) ਅਨੁਞ੍ਞਾਤਾ। ਪਟਿਕਚ੍ਚੇવਾਤਿ ਪੁਰੇਯੇવ।
626.Tena samayenāti vassikasāṭikasikkhāpadaṃ. Tattha vassikasāṭikā anuññātāti cīvarakkhandhake visākhāvatthusmiṃ (mahāva. 349 ādayo) anuññātā. Paṭikaccevāti pureyeva.
੬੨੭. ਮਾਸੋ ਸੇਸੋ ਗਿਮ੍ਹਾਨਨ੍ਤਿ ਚਤੁਨ੍ਨਂ ਗਿਮ੍ਹਮਾਸਾਨਂ ਏਕੋ ਪਚ੍ਛਿਮਮਾਸੋ ਸੇਸੋ। ਕਤ੍વਾਤਿ ਸਿਬ੍ਬਨਰਜਨਕਪ੍ਪਪਰਿਯੋਸਾਨੇਨ ਨਿਟ੍ਠਪੇਤ੍વਾ। ਕਰੋਨ੍ਤੇਨ ਚ ਏਕਮੇવ ਕਤ੍વਾ ਸਮਯੇ ਅਧਿਟ੍ਠਾਤਬ੍ਬਂ, ਦ੍વੇ ਅਧਿਟ੍ਠਾਤੁਂ ਨ વਟ੍ਟਨ੍ਤਿ।
627.Māso seso gimhānanti catunnaṃ gimhamāsānaṃ eko pacchimamāso seso. Katvāti sibbanarajanakappapariyosānena niṭṭhapetvā. Karontena ca ekameva katvā samaye adhiṭṭhātabbaṃ, dve adhiṭṭhātuṃ na vaṭṭanti.
ਅਤਿਰੇਕਮਾਸੇ ਸੇਸੇ ਗਿਮ੍ਹਾਨੇਤਿ ਗਿਮ੍ਹਾਨਨਾਮਕੇ ਅਤਿਰੇਕਮਾਸੇ ਸੇਸੇ।
Atirekamāse sese gimhāneti gimhānanāmake atirekamāse sese.
ਅਤਿਰੇਕਦ੍ਧਮਾਸੇ ਸੇਸੇ ਗਿਮ੍ਹਾਨੇ ਕਤ੍વਾ ਨਿવਾਸੇਤੀਤਿ ਏਤ੍ਥ ਪਨ ਠਤ੍વਾ વਸ੍ਸਿਕਸਾਟਿਕਾਯ ਪਰਿਯੇਸਨਕ੍ਖੇਤ੍ਤਂ ਕਰਣਕ੍ਖੇਤ੍ਤਂ ਨਿવਾਸਨਕ੍ਖੇਤ੍ਤਂ ਅਧਿਟ੍ਠਾਨਕ੍ਖੇਤ੍ਤਨ੍ਤਿ ਚਤੁਬ੍ਬਿਧਂ ਖੇਤ੍ਤਂ, ਕੁਚ੍ਛਿਸਮਯੋ ਪਿਟ੍ਠਿਸਮਯੋਤਿ ਦੁવਿਧੋ ਸਮਯੋ, ਪਿਟ੍ਠਿਸਮਯਚਤੁਕ੍ਕਂ ਕੁਚ੍ਛਿਸਮਯਚਤੁਕ੍ਕਨ੍ਤਿ ਦ੍વੇ ਚਤੁਕ੍ਕਾਨਿ ਚ વੇਦਿਤਬ੍ਬਾਨਿ।
Atirekaddhamāsesese gimhāne katvā nivāsetīti ettha pana ṭhatvā vassikasāṭikāya pariyesanakkhettaṃ karaṇakkhettaṃ nivāsanakkhettaṃ adhiṭṭhānakkhettanti catubbidhaṃ khettaṃ, kucchisamayo piṭṭhisamayoti duvidho samayo, piṭṭhisamayacatukkaṃ kucchisamayacatukkanti dve catukkāni ca veditabbāni.
ਤਤ੍ਥ ਜੇਟ੍ਠਮੂਲਪੁਣ੍ਣਮਾਸਿਯਾ ਪਚ੍ਛਿਮਪਾਟਿਪਦਦਿવਸਤੋ ਪਟ੍ਠਾਯ ਯਾવ ਕਾਲ਼ਪਕ੍ਖੁਪੋਸਥਾ, ਅਯਮੇਕੋ ਅਦ੍ਧਮਾਸੋ ਪਰਿਯੇਸਨਕ੍ਖੇਤ੍ਤਞ੍ਚੇવ ਕਰਣਕ੍ਖੇਤ੍ਤਞ੍ਚ। ਏਤਸ੍ਮਿਞ੍ਹਿ ਅਨ੍ਤਰੇ વਸ੍ਸਿਕਸਾਟਿਕਂ ਅਲਦ੍ਧਂ ਪਰਿਯੇਸਿਤੁਂ ਲਦ੍ਧਂ ਕਾਤੁਞ੍ਚ વਟ੍ਟਤਿ, ਨਿવਾਸੇਤੁਂ ਅਧਿਟ੍ਠਾਤੁਞ੍ਚ ਨ વਟ੍ਟਤਿ। ਕਾਲ਼ਪਕ੍ਖੁਪੋਸਥਸ੍ਸ ਪਚ੍ਛਿਮਪਾਟਿਪਦਦਿવਸਤੋ ਪਟ੍ਠਾਯ ਯਾવ ਆਸਾਲ਼੍ਹੀਪੁਣ੍ਣਮਾ, ਅਯਮੇਕੋ ਅਦ੍ਧਮਾਸੋ ਪਰਿਯੇਸਨਕਰਣਨਿવਾਸਨਾਨਂ ਤਿਣ੍ਣਮ੍ਪਿ ਖੇਤ੍ਤਂ। ਏਤਸ੍ਮਿਞ੍ਹਿ ਅਨ੍ਤਰੇ ਪਰਿਯੇਸਿਤੁਂ ਕਾਤੁਂ ਨਿવਾਸੇਤੁਞ੍ਚ વਟ੍ਟਤਿ, ਅਧਿਟ੍ਠਾਤੁਂਯੇવ ਨ વਟ੍ਟਤਿ। ਆਸਾਲ਼੍ਹੀਪੁਣ੍ਣਮਾਸਿਯਾ ਪਚ੍ਛਿਮਪਾਟਿਪਦਦਿવਸਤੋ ਪਟ੍ਠਾਯ ਯਾવ ਕਤ੍ਤਿਕਪੁਣ੍ਣਮਾ, ਇਮੇ ਚਤ੍ਤਾਰੋ ਮਾਸਾ ਪਰਿਯੇਸਨਕਰਣਨਿવਾਸਨਾਧਿਟ੍ਠਾਨਾਨਂ ਚਤੁਨ੍ਨਂ ਖੇਤ੍ਤਂ। ਏਤਸ੍ਮਿਞ੍ਹਿ ਅਨ੍ਤਰੇ ਅਲਦ੍ਧਂ ਪਰਿਯੇਸਿਤੁਂ ਲਦ੍ਧਂ ਕਾਤੁਂ ਨਿવਾਸੇਤੁਂ ਅਧਿਟ੍ਠਾਤੁਞ੍ਚ વਟ੍ਟਤਿ। ਇਦਂ ਤਾવ ਚਤੁਬ੍ਬਿਧਂ ਖੇਤ੍ਤਂ વੇਦਿਤਬ੍ਬਂ।
Tattha jeṭṭhamūlapuṇṇamāsiyā pacchimapāṭipadadivasato paṭṭhāya yāva kāḷapakkhuposathā, ayameko addhamāso pariyesanakkhettañceva karaṇakkhettañca. Etasmiñhi antare vassikasāṭikaṃ aladdhaṃ pariyesituṃ laddhaṃ kātuñca vaṭṭati, nivāsetuṃ adhiṭṭhātuñca na vaṭṭati. Kāḷapakkhuposathassa pacchimapāṭipadadivasato paṭṭhāya yāva āsāḷhīpuṇṇamā, ayameko addhamāso pariyesanakaraṇanivāsanānaṃ tiṇṇampi khettaṃ. Etasmiñhi antare pariyesituṃ kātuṃ nivāsetuñca vaṭṭati, adhiṭṭhātuṃyeva na vaṭṭati. Āsāḷhīpuṇṇamāsiyā pacchimapāṭipadadivasato paṭṭhāya yāva kattikapuṇṇamā, ime cattāro māsā pariyesanakaraṇanivāsanādhiṭṭhānānaṃ catunnaṃ khettaṃ. Etasmiñhi antare aladdhaṃ pariyesituṃ laddhaṃ kātuṃ nivāsetuṃ adhiṭṭhātuñca vaṭṭati. Idaṃ tāva catubbidhaṃ khettaṃ veditabbaṃ.
ਕਤ੍ਤਿਕਪੁਣ੍ਣਮਾਸਿਯਾ ਪਨ ਪਚ੍ਛਿਮਪਾਟਿਪਦਦਿવਸਤੋ ਪਟ੍ਠਾਯ ਯਾવ ਜੇਟ੍ਠਮੂਲਪੁਣ੍ਣਮਾ, ਇਮੇ ਸਤ੍ਤ ਮਾਸਾ ਪਿਟ੍ਠਿਸਮਯੋ ਨਾਮ। ਏਤਸ੍ਮਿਞ੍ਹਿ ਅਨ੍ਤਰੇ ‘‘ਕਾਲੋ વਸ੍ਸਿਕਸਾਟਿਕਾਯਾ’’ਤਿਆਦਿਨਾ ਨਯੇਨ ਸਤੁਪ੍ਪਾਦਂ ਕਤ੍વਾ ਅਞ੍ਞਾਤਕਅਪ੍ਪવਾਰਿਤਟ੍ਠਾਨਤੋ વਸ੍ਸਿਕਸਾਟਿਕਚੀવਰਂ ਨਿਪ੍ਫਾਦੇਨ੍ਤਸ੍ਸ ਇਮਿਨਾ ਸਿਕ੍ਖਾਪਦੇਨ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ‘‘ਦੇਥ ਮੇ વਸ੍ਸਿਕਸਾਟਿਕਚੀવਰ’’ਨ੍ਤਿਆਦਿਨਾ ਨਯੇਨ વਿਞ੍ਞਤ੍ਤਿਂ ਕਤ੍વਾ ਨਿਪ੍ਫਾਦੇਨ੍ਤਸ੍ਸ ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦੇਨ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। વੁਤ੍ਤਨਯੇਨੇવ ਸਤੁਪ੍ਪਾਦਂ ਕਤ੍વਾ ਞਾਤਕਪવਾਰਿਤਟ੍ਠਾਨਤੋ ਨਿਪ੍ਫਾਦੇਨ੍ਤਸ੍ਸ ਇਮਿਨਾવ ਸਿਕ੍ਖਾਪਦੇਨ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ । વਿਞ੍ਞਤ੍ਤਿਂ ਕਤ੍વਾ ਨਿਪ੍ਫਾਦੇਨ੍ਤਸ੍ਸ ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦੇਨ ਅਨਾਪਤ੍ਤਿ। વੁਤ੍ਤਞ੍ਹੇਤਂ ਪਰਿવਾਰੇ –
Kattikapuṇṇamāsiyā pana pacchimapāṭipadadivasato paṭṭhāya yāva jeṭṭhamūlapuṇṇamā, ime satta māsā piṭṭhisamayo nāma. Etasmiñhi antare ‘‘kālo vassikasāṭikāyā’’tiādinā nayena satuppādaṃ katvā aññātakaappavāritaṭṭhānato vassikasāṭikacīvaraṃ nipphādentassa iminā sikkhāpadena nissaggiyaṃ pācittiyaṃ. ‘‘Detha me vassikasāṭikacīvara’’ntiādinā nayena viññattiṃ katvā nipphādentassa aññātakaviññattisikkhāpadena nissaggiyaṃ pācittiyaṃ. Vuttanayeneva satuppādaṃ katvā ñātakapavāritaṭṭhānato nipphādentassa imināva sikkhāpadena nissaggiyaṃ pācittiyaṃ . Viññattiṃ katvā nipphādentassa aññātakaviññattisikkhāpadena anāpatti. Vuttañhetaṃ parivāre –
‘‘ਮਾਤਰਂ ਚੀવਰਂ ਯਾਚੇ, ਨੋ ਚ ਸਙ੍ਘੇ ਪਰਿਣਤਂ।
‘‘Mātaraṃ cīvaraṃ yāce, no ca saṅghe pariṇataṃ;
ਕੇਨਸ੍ਸ ਹੋਤਿ ਆਪਤ੍ਤਿ, ਅਨਾਪਤ੍ਤਿ ਚ ਞਾਤਕੇ।
Kenassa hoti āpatti, anāpatti ca ñātake;
ਪਞ੍ਹਾ ਮੇਸਾ ਕੁਸਲੇਹਿ ਚਿਨ੍ਤਿਤਾ’’ਤਿ॥ (ਪਰਿ॰ ੪੮੧)।
Pañhā mesā kusalehi cintitā’’ti. (pari. 481);
ਅਯਞ੍ਹਿ ਪਞ੍ਹੋ ਇਮਮਤ੍ਥਂ ਸਨ੍ਧਾਯ વੁਤ੍ਤੋਤਿ। ਏવਂ ਪਿਟ੍ਠਿਸਮਯਚਤੁਕ੍ਕਂ વੇਦਿਤਬ੍ਬਂ।
Ayañhi pañho imamatthaṃ sandhāya vuttoti. Evaṃ piṭṭhisamayacatukkaṃ veditabbaṃ.
ਜੇਟ੍ਠਮੂਲਪੁਣ੍ਣਮਾਸਿਯਾ ਪਨ ਪਚ੍ਛਿਮਪਾਟਿਪਦਦਿવਸਤੋ ਪਟ੍ਠਾਯ ਯਾવ ਕਤ੍ਤਿਕਪੁਣ੍ਣਮਾ, ਇਮੇ ਪਞ੍ਚ ਮਾਸਾ ਕੁਚ੍ਛਿਸਮਯੋ ਨਾਮ। ਏਤਸ੍ਮਿਞ੍ਹਿ ਅਨ੍ਤਰੇ વੁਤ੍ਤਨਯੇਨ ਸਤੁਪ੍ਪਾਦਂ ਕਤ੍વਾ ਅਞ੍ਞਾਤਕਅਪ੍ਪવਾਰਿਤਟ੍ਠਾਨਤੋ વਸ੍ਸਿਕਸਾਟਿਕਚੀવਰਂ ਨਿਪ੍ਫਾਦੇਨ੍ਤਸ੍ਸ વਤ੍ਤਭੇਦੇ ਦੁਕ੍ਕਟਂ। ਯੇ ਮਨੁਸ੍ਸਾ ਪੁਬ੍ਬੇਪਿ વਸ੍ਸਿਕਸਾਟਿਕਚੀવਰਂ ਦੇਨ੍ਤਿ, ਇਮੇ ਪਨ ਸਚੇਪਿ ਅਤ੍ਤਨੋ ਅਞ੍ਞਾਤਕਅਪ੍ਪવਾਰਿਤਾ ਹੋਨ੍ਤਿ, વਤ੍ਤਭੇਦੋ ਨਤ੍ਥਿ, ਤੇਸੁ ਸਤੁਪ੍ਪਾਦਕਰਣਸ੍ਸ ਅਨੁਞ੍ਞਾਤਤ੍ਤਾ। વਿਞ੍ਞਤਿਂ ਕਤ੍વਾ ਨਿਪ੍ਫਾਦੇਨ੍ਤਸ੍ਸ ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦੇਨ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਇਦਂ ਪਨ ਪਕਤਿਯਾ વਸ੍ਸਿਕਸਾਟਿਕਦਾਯਕੇਸੁਪਿ ਹੋਤਿਯੇવ। વੁਤ੍ਤਨਯੇਨੇવ ਸਤੁਪ੍ਪਾਦਂ ਕਤ੍વਾ ਞਾਤਕਪવਾਰਿਤਟ੍ਠਾਨਤੋ ਨਿਪ੍ਫਾਦੇਨ੍ਤਸ੍ਸ ਇਮਿਨਾ ਸਿਕ੍ਖਾਪਦੇਨ ਅਨਾਪਤ੍ਤਿ। વਿਞ੍ਞਤ੍ਤਿਂ ਕਤ੍વਾ ਨਿਪ੍ਫਾਦੇਨ੍ਤਸ੍ਸ ਅਞ੍ਞਾਤਕવਿਞ੍ਞਤ੍ਤਿਸਿਕ੍ਖਾਪਦੇਨ ਅਨਾਪਤ੍ਤਿ। ‘‘ਨ વਤ੍ਤਬ੍ਬਾ ਦੇਥ ਮੇ’’ਤਿ ਇਦਞ੍ਹਿ ਪਰਿਯੇਸਨਕਾਲੇ ਅਞ੍ਞਾਤਕਅਪ੍ਪવਾਰਿਤੇਯੇવ ਸਨ੍ਧਾਯ વੁਤ੍ਤਂ। ਏવਂ ਕੁਚ੍ਛਿਸਮਯਚਤੁਕ੍ਕਂ વੇਦਿਤਬ੍ਬਂ।
Jeṭṭhamūlapuṇṇamāsiyā pana pacchimapāṭipadadivasato paṭṭhāya yāva kattikapuṇṇamā, ime pañca māsā kucchisamayo nāma. Etasmiñhi antare vuttanayena satuppādaṃ katvā aññātakaappavāritaṭṭhānato vassikasāṭikacīvaraṃ nipphādentassa vattabhede dukkaṭaṃ. Ye manussā pubbepi vassikasāṭikacīvaraṃ denti, ime pana sacepi attano aññātakaappavāritā honti, vattabhedo natthi, tesu satuppādakaraṇassa anuññātattā. Viññatiṃ katvā nipphādentassa aññātakaviññattisikkhāpadena nissaggiyaṃ pācittiyaṃ. Idaṃ pana pakatiyā vassikasāṭikadāyakesupi hotiyeva. Vuttanayeneva satuppādaṃ katvā ñātakapavāritaṭṭhānato nipphādentassa iminā sikkhāpadena anāpatti. Viññattiṃ katvā nipphādentassa aññātakaviññattisikkhāpadena anāpatti. ‘‘Na vattabbā detha me’’ti idañhi pariyesanakāle aññātakaappavāriteyeva sandhāya vuttaṃ. Evaṃ kucchisamayacatukkaṃ veditabbaṃ.
ਨਗ੍ਗੋ ਕਾਯਂ ਓવਸ੍ਸਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸਾਤਿ ਏਤ੍ਥ ਉਦਕਫੁਸਿਤਗਣਨਾਯ ਅਕਤ੍વਾ ਨ੍ਹਾਨਪਰਿਯੋਸਾਨવਸੇਨ ਪਯੋਗੇ ਪਯੋਗੇ ਦੁਕ੍ਕਟੇਨ ਕਾਰੇਤਬ੍ਬੋ। ਸੋ ਚ ਖੋ વਿવਟਙ੍ਗਣੇ ਆਕਾਸਤੋ ਪਤਿਤਉਦਕੇਨੇવ ਨ੍ਹਾਯਨ੍ਤੋ। ਨ੍ਹਾਨਕੋਟ੍ਠਕવਾਪਿਆਦੀਸੁ ਘਟੇਹਿ ਆਸਿਤ੍ਤਉਦਕੇਨ વਾ ਨ੍ਹਾਯਨ੍ਤਸ੍ਸ ਅਨਾਪਤ੍ਤਿ।
Naggo kāyaṃ ovassāpeti, āpatti dukkaṭassāti ettha udakaphusitagaṇanāya akatvā nhānapariyosānavasena payoge payoge dukkaṭena kāretabbo. So ca kho vivaṭaṅgaṇe ākāsato patitaudakeneva nhāyanto. Nhānakoṭṭhakavāpiādīsu ghaṭehi āsittaudakena vā nhāyantassa anāpatti.
વਸ੍ਸਂ ਉਕ੍ਕਡ੍ਢਿਯਤੀਤਿ ਏਤ੍ਥ ਸਚੇ ਕਤਪਰਿਯੇਸਿਤਾਯ વਸ੍ਸਿਕਸਾਟਿਕਾਯ ਗਿਮ੍ਹਾਨਂ ਪਚ੍ਛਿਮ ਮਾਸਂ ਖੇਪੇਤ੍વਾ ਪੁਨ વਸ੍ਸਾਨਸ੍ਸ ਪਠਮਮਾਸਂ ਉਕ੍ਕਡ੍ਢਿਤ੍વਾ ਗਿਮ੍ਹਾਨਂ ਪਚ੍ਛਿਮਮਾਸਮੇવ ਕਰੋਨ੍ਤਿ, વਸ੍ਸਿਕਸਾਟਿਕਾ ਧੋવਿਤ੍વਾ ਨਿਕ੍ਖਿਪਿਤਬ੍ਬਾ। ਅਨਧਿਟ੍ਠਿਤਾ ਅવਿਕਪ੍ਪਿਤਾ ਦ੍વੇ ਮਾਸੇ ਪਰਿਹਾਰਂ ਲਭਤਿ, વਸ੍ਸੂਪਨਾਯਿਕਦਿવਸੇ ਅਧਿਟ੍ਠਾਤਬ੍ਬਾ। ਸਚੇ ਸਤਿਸਮ੍ਮੋਸੇਨ વਾ ਅਪ੍ਪਹੋਨਕਭਾવੇਨ વਾ ਅਕਤਾ ਹੋਤਿ, ਤੇ ਚ ਦ੍વੇ ਮਾਸੇ વਸ੍ਸਾਨਸ੍ਸ ਚ ਚਾਤੁਮਾਸਨ੍ਤਿ ਛ ਮਾਸੇ ਪਰਿਹਾਰਂ ਲਭਤਿ। ਸਚੇ ਪਨ ਕਤ੍ਤਿਕਮਾਸੇ ਕਥਿਨਂ ਅਤ੍ਥਰੀਯਤਿ, ਅਪਰੇਪਿ ਚਤ੍ਤਾਰੋ ਮਾਸੇ ਲਭਤਿ, ਏવਂ ਦਸ ਮਾਸਾ ਹੋਨ੍ਤਿ। ਤਤੋ ਪਰਮ੍ਪਿ ਸਤਿਯਾ ਪਚ੍ਚਾਸਾਯ ਮੂਲਚੀવਰਂ ਕਤ੍વਾ ਠਪੇਨ੍ਤਸ੍ਸ ਏਕਮਾਸਨ੍ਤਿ ਏવਂ ਏਕਾਦਸ ਮਾਸੇ ਪਰਿਹਾਰਂ ਲਭਤਿ। ਸਚੇ ਪਨ ਏਕਾਹਦ੍વੀਹਾਦਿવਸੇਨ ਯਾવ ਦਸਾਹਾਨਾਗਤਾਯ વਸ੍ਸੂਪਨਾਯਿਕਾਯ ਅਨ੍ਤੋવਸ੍ਸੇ વਾ ਲਦ੍ਧਾ ਚੇવ ਨਿਟ੍ਠਿਤਾ ਚ, ਕਦਾ ਅਧਿਟ੍ਠਾਤਬ੍ਬਾਤਿ ਏਤਂ ਅਟ੍ਠਕਥਾਸੁ ਨ વਿਚਾਰਿਤਂ। ਲਦ੍ਧਦਿવਸਤੋ ਪਟ੍ਠਾਯ ਅਨ੍ਤੋਦਸਾਹੇ ਨਿਟ੍ਠਿਤਾ ਪਨ ਤਸ੍ਮਿਂਯੇવ ਅਨ੍ਤੋਦਸਾਹੇ ਅਧਿਟ੍ਠਾਤਬ੍ਬਾ। ਦਸਾਹਾਤਿਕ੍ਕਮੇ ਨਿਟ੍ਠਿਤਾ ਤਦਹੇવ ਅਧਿਟ੍ਠਾਤਬ੍ਬਾ। ਦਸਾਹੇ ਅਪ੍ਪਹੋਨ੍ਤੇ ਚੀવਰਕਾਲਂ ਨਾਤਿਕ੍ਕਮੇਤਬ੍ਬਾਤਿ ਅਯਂ ਨੋ ਅਤ੍ਤਨੋਮਤਿ। ਕਸ੍ਮਾ? ‘‘ਅਨੁਜਾਨਾਮਿ, ਭਿਕ੍ਖવੇ, ਤਿਚੀવਰਂ ਅਧਿਟ੍ਠਾਤੁਂ ਨ વਿਕਪ੍ਪੇਤੁਂ; વਸ੍ਸਿਕਸਾਟਿਕਂ વਸ੍ਸਾਨਂ ਚਾਤੁਮਾਸਂ ਅਧਿਟ੍ਠਾਤੁਂ, ਤਤੋ ਪਰਂ વਿਕਪ੍ਪੇਤੁ’’ਨ੍ਤਿ (ਮਹਾવ॰ ੩੫੮) ਹਿ વੁਤ੍ਤਂ। ਤਸ੍ਮਾ વਸ੍ਸੂਪਨਾਯਿਕਤੋ ਪੁਬ੍ਬੇ ਦਸਾਹਾਤਿਕ੍ਕਮੇਪਿ ਅਨਾਪਤ੍ਤਿ। ‘‘ਦਸਾਹਪਰਮਂ ਅਤਿਰੇਕਚੀવਰਂ ਧਾਰੇਤਬ੍ਬ’’ਨ੍ਤਿ (ਪਾਰਾ॰ ੪੬੨) ਚ વੁਤ੍ਤਂ। ਤਸ੍ਮਾ ਏਕਾਹਦ੍વੀਹਾਦਿવਸੇਨ ਯਾવ ਦਸਾਹਾਨਾਗਤਾਯ વਸ੍ਸੂਪਨਾਯਿਕਾਯ ਅਨ੍ਤੋવਸ੍ਸੇ વਾ ਲਦ੍ਧਾ ਚੇવ ਨਿਟ੍ਠਿਤਾ ਚ વੁਤ੍ਤਨਯੇਨੇવ ਅਨ੍ਤੋਦਸਾਹੇ વਾ ਤਦਹੁ વਾ ਅਧਿਟ੍ਠਾਤਬ੍ਬਾ, ਦਸਾਹੇ ਅਪ੍ਪਹੋਨ੍ਤੇ ਚੀવਰਕਾਲਂ ਨਾਤਿਕ੍ਕਮੇਤਬ੍ਬਾ।
Vassaṃ ukkaḍḍhiyatīti ettha sace katapariyesitāya vassikasāṭikāya gimhānaṃ pacchima māsaṃ khepetvā puna vassānassa paṭhamamāsaṃ ukkaḍḍhitvā gimhānaṃ pacchimamāsameva karonti, vassikasāṭikā dhovitvā nikkhipitabbā. Anadhiṭṭhitā avikappitā dve māse parihāraṃ labhati, vassūpanāyikadivase adhiṭṭhātabbā. Sace satisammosena vā appahonakabhāvena vā akatā hoti, te ca dve māse vassānassa ca cātumāsanti cha māse parihāraṃ labhati. Sace pana kattikamāse kathinaṃ attharīyati, aparepi cattāro māse labhati, evaṃ dasa māsā honti. Tato parampi satiyā paccāsāya mūlacīvaraṃ katvā ṭhapentassa ekamāsanti evaṃ ekādasa māse parihāraṃ labhati. Sace pana ekāhadvīhādivasena yāva dasāhānāgatāya vassūpanāyikāya antovasse vā laddhā ceva niṭṭhitā ca, kadā adhiṭṭhātabbāti etaṃ aṭṭhakathāsu na vicāritaṃ. Laddhadivasato paṭṭhāya antodasāhe niṭṭhitā pana tasmiṃyeva antodasāhe adhiṭṭhātabbā. Dasāhātikkame niṭṭhitā tadaheva adhiṭṭhātabbā. Dasāhe appahonte cīvarakālaṃ nātikkametabbāti ayaṃ no attanomati. Kasmā? ‘‘Anujānāmi, bhikkhave, ticīvaraṃ adhiṭṭhātuṃ na vikappetuṃ; vassikasāṭikaṃ vassānaṃ cātumāsaṃ adhiṭṭhātuṃ, tato paraṃ vikappetu’’nti (mahāva. 358) hi vuttaṃ. Tasmā vassūpanāyikato pubbe dasāhātikkamepi anāpatti. ‘‘Dasāhaparamaṃ atirekacīvaraṃ dhāretabba’’nti (pārā. 462) ca vuttaṃ. Tasmā ekāhadvīhādivasena yāva dasāhānāgatāya vassūpanāyikāya antovasse vā laddhā ceva niṭṭhitā ca vuttanayeneva antodasāhe vā tadahu vā adhiṭṭhātabbā, dasāhe appahonte cīvarakālaṃ nātikkametabbā.
ਤਤ੍ਥ ਸਿਯਾ ‘‘વਸ੍ਸਾਨਂ ਚਾਤੁਮਾਸਂ ਅਧਿਟ੍ਠਾਤੁ’’ਨ੍ਤਿ વਚਨਤੋ ‘‘ਚਾਤੁਮਾਸਬ੍ਭਨ੍ਤਰੇ ਯਦਾ વਾ ਤਦਾ વਾ ਅਧਿਟ੍ਠਾਤੁਂ વਟ੍ਟਤੀ’’ਤਿ। ਯਦਿ ਏવਂ, ‘‘ਕਣ੍ਡੁਪ੍ਪਟਿਚ੍ਛਾਦਿਂ ਯਾવ ਆਬਾਧਾ ਅਧਿਟ੍ਠਾਤੁ’’ਨ੍ਤਿ વੁਤ੍ਤਂ ਸਾਪਿ, ਚ ਦਸਾਹਂ ਅਤਿਕ੍ਕਾਮੇਤਬ੍ਬਾ ਸਿਯਾ। ਏવਞ੍ਚ ਸਤਿ ‘‘ਦਸਾਹਪਰਮਂ ਅਤਿਰੇਕਚੀવਰਂ ਧਾਰੇਤਬ੍ਬ’’ਨ੍ਤਿ ਇਦਂ વਿਰੁਜ੍ਝਤਿ। ਤਸ੍ਮਾ ਯਥਾવੁਤ੍ਤਮੇવ ਗਹੇਤਬ੍ਬਂ, ਅਞ੍ਞਂ વਾ ਅਚਲਂ ਕਾਰਣਂ ਲਭਿਤ੍વਾ ਛਡ੍ਡੇਤਬ੍ਬਂ। ਅਪਿਚ ਕੁਰੁਨ੍ਦਿਯਮ੍ਪਿ ਨਿਸ੍ਸਗ੍ਗਿਯਾવਸਾਨੇ વੁਤ੍ਤਂ – ‘‘ਕਦਾ ਅਧਿਟ੍ਠਾਤਬ੍ਬਾ? ਲਦ੍ਧਦਿવਸਤੋ ਪਟ੍ਠਾਯ ਅਨ੍ਤੋਦਸਾਹੇ ਨਿਟ੍ਠਿਤਾ ਪਨ ਤਸ੍ਮਿਂਯੇવ ਅਨ੍ਤੋਦਸਾਹੇ ਅਧਿਟ੍ਠਾਤਬ੍ਬਾ। ਯਦਿ ਨਪ੍ਪਹੋਤਿ ਯਾવ ਕਤ੍ਤਿਕਪੁਣ੍ਣਮਾ ਪਰਿਹਾਰਂ ਲਭਤੀ’’ਤਿ।
Tattha siyā ‘‘vassānaṃ cātumāsaṃ adhiṭṭhātu’’nti vacanato ‘‘cātumāsabbhantare yadā vā tadā vā adhiṭṭhātuṃ vaṭṭatī’’ti. Yadi evaṃ, ‘‘kaṇḍuppaṭicchādiṃ yāva ābādhā adhiṭṭhātu’’nti vuttaṃ sāpi, ca dasāhaṃ atikkāmetabbā siyā. Evañca sati ‘‘dasāhaparamaṃ atirekacīvaraṃ dhāretabba’’nti idaṃ virujjhati. Tasmā yathāvuttameva gahetabbaṃ, aññaṃ vā acalaṃ kāraṇaṃ labhitvā chaḍḍetabbaṃ. Apica kurundiyampi nissaggiyāvasāne vuttaṃ – ‘‘kadā adhiṭṭhātabbā? Laddhadivasato paṭṭhāya antodasāhe niṭṭhitā pana tasmiṃyeva antodasāhe adhiṭṭhātabbā. Yadi nappahoti yāva kattikapuṇṇamā parihāraṃ labhatī’’ti.
੬੩੦. ਅਚ੍ਛਿਨ੍ਨਚੀવਰਸ੍ਸਾਤਿ ਏਤਂ વਸ੍ਸਿਕਸਾਟਿਕਮੇવ ਸਨ੍ਧਾਯ વੁਤ੍ਤਂ। ਤੇਸਞ੍ਹਿ ਨਗ੍ਗਾਨਂ ਕਾਯੋવਸ੍ਸਾਪਨੇ ਅਨਾਪਤ੍ਤਿ। ਏਤ੍ਥ ਚ ਮਹਗ੍ਘવਸ੍ਸਿਕਸਾਟਿਕਂ ਨਿવਾਸੇਤ੍વਾ ਨ੍ਹਾਯਨ੍ਤਸ੍ਸ ਚੋਰੁਪਦ੍ਦવੋ ਆਪਦਾ ਨਾਮ। ਸੇਸਮੇਤ੍ਥ ਉਤ੍ਤਾਨਮੇવ।
630.Acchinnacīvarassāti etaṃ vassikasāṭikameva sandhāya vuttaṃ. Tesañhi naggānaṃ kāyovassāpane anāpatti. Ettha ca mahagghavassikasāṭikaṃ nivāsetvā nhāyantassa corupaddavo āpadā nāma. Sesamettha uttānameva.
ਛਸਮੁਟ੍ਠਾਨਂ , ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮવਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Chasamuṭṭhānaṃ , kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vassikasāṭikasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. વਸ੍ਸਿਕਸਾਟਿਕਸਿਕ੍ਖਾਪਦਂ • 4. Vassikasāṭikasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ • 4. Vassikasāṭikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ • 4. Vassikasāṭikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ • 4. Vassikasāṭikasikkhāpadavaṇṇanā
