| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੪. વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ
4. Vassikasāṭikasikkhāpadavaṇṇanā
੬੨੮. ਚਤੁਤ੍ਥੇ ਜੇਟ੍ਠਮੂਲਪੁਣ੍ਣਮਾਸਿਯਾ…ਪੇ॰… ਕਰਣਕ੍ਖੇਤ੍ਤਞ੍ਚਾਤਿ ਪਠਮਦ੍ਧਮਾਸਮ੍ਪਿ ਕਰਣਕ੍ਖੇਤ੍ਤਂ વੁਤ੍ਤਂ। ਤਂ ‘‘ਕਤ੍વਾ ਨਿવਾਸੇਤਬ੍ਬ’’ਨ੍ਤਿ ਇਮਸ੍ਸ ਪੁਰਿਮਦ੍ਧਮਾਸੇ વਾ ਪਚ੍ਛਿਮਦ੍ਧਮਾਸੇ વਾ ਕਤ੍વਾ ਪਚ੍ਛਿਮਮਾਸੇવ ਨਿવਾਸੇਤਬ੍ਬਨ੍ਤਿ ਏવਮਤ੍ਥਂ ਗਹੇਤ੍વਾ વੁਤ੍ਤਂ ਨਿવਾਸਨੇਯੇવ ਆਪਤ੍ਤਿਯਾ વੁਤ੍ਤਤ੍ਤਾਤਿ। ਯਂ ਪਨ ਮਾਤਿਕਾਟ੍ਠਕਥਾਯਂ ‘‘ਗਿਮ੍ਹਾਨਂ ਪਚ੍ਛਿਮੋ ਮਾਸੋ ਪਰਿਯੇਸਨਕ੍ਖੇਤ੍ਤਂ, ਪਚ੍ਛਿਮੋ ਅਦ੍ਧਮਾਸੋ ਕਰਣਨਿવਾਸਨਕ੍ਖੇਤ੍ਤਮ੍ਪੀ’’ਤਿ (ਕਙ੍ਖਾ॰ ਅਟ੍ਠ॰ વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ) વੁਤ੍ਤਂ, ਤਂ ਤਸ੍ਮਿਂਯੇવ ਅਦ੍ਧਮਾਸੇ ਕਤ੍વਾ ਨਿવਾਸੇਤਬ੍ਬਨ੍ਤਿ ਏવਮਤ੍ਥਂ ਗਹੇਤ੍વਾ વੁਤ੍ਤਂ। ਇਧ વੁਤ੍ਤਨਯੇਨੇવ ਅਤ੍ਥੇ ਗਹਿਤੇ વਿਰੋਧੋ ਨਤ੍ਥਿ।
628. Catutthe jeṭṭhamūlapuṇṇamāsiyā…pe… karaṇakkhettañcāti paṭhamaddhamāsampi karaṇakkhettaṃ vuttaṃ. Taṃ ‘‘katvā nivāsetabba’’nti imassa purimaddhamāse vā pacchimaddhamāse vā katvā pacchimamāseva nivāsetabbanti evamatthaṃ gahetvā vuttaṃ nivāsaneyeva āpattiyā vuttattāti. Yaṃ pana mātikāṭṭhakathāyaṃ ‘‘gimhānaṃ pacchimo māso pariyesanakkhettaṃ, pacchimo addhamāso karaṇanivāsanakkhettampī’’ti (kaṅkhā. aṭṭha. vassikasāṭikasikkhāpadavaṇṇanā) vuttaṃ, taṃ tasmiṃyeva addhamāse katvā nivāsetabbanti evamatthaṃ gahetvā vuttaṃ. Idha vuttanayeneva atthe gahite virodho natthi.
‘‘વਤ੍ਤਭੇਦੇ ਦੁਕ੍ਕਟ’’ਨ੍ਤਿ ਇਦਂ વਸ੍ਸਿਕਸਾਟਿਕਅਦਿਨ੍ਨਪੁਬ੍ਬੇ ਸਨ੍ਧਾਯ વੁਤ੍ਤਂ। ਤੇਨਾਹ ‘‘ਯੇ ਮਨੁਸ੍ਸਾ’’ਤਿਆਦਿ। ਪਕਤਿਯਾ વਸ੍ਸਿਕਸਾਟਿਕਦਾਯਕਾ ਨਾਮ ਸਙ੍ਘਂ વਾ ਅਤ੍ਤਾਨਂ વਾ ਅਪ੍ਪવਾਰੇਤ੍વਾવ ਅਨੁਸਂવਚ੍ਛਰਂ ਦਾਯਕਾ।
‘‘Vattabhede dukkaṭa’’nti idaṃ vassikasāṭikaadinnapubbe sandhāya vuttaṃ. Tenāha ‘‘ye manussā’’tiādi. Pakatiyā vassikasāṭikadāyakā nāma saṅghaṃ vā attānaṃ vā appavāretvāva anusaṃvaccharaṃ dāyakā.
੬੩੦. ‘‘ਛ ਮਾਸੇ ਪਰਿਹਾਰਂ ਲਭਤੀ’’ਤਿ ਏਤੇਨ ਅਨ੍ਤੋવਸ੍ਸੇਪਿ ਯਾવ વਸ੍ਸਾਨਸ੍ਸ ਪਚ੍ਛਿਮਦਿવਸਾ ਅਕਤਾ ਪਰਿਹਾਰਂ ਲਭਤੀਤਿ ਦੀਪਿਤਂ ਹੋਤਿ। ਏਕਮਾਸਨ੍ਤਿ ਹੇਮਨ੍ਤਸ੍ਸ ਪਚ੍ਛਿਮੁਪੋਸਥੇਨ ਸਹ ਗਣੇਤ੍વਾ વੁਤ੍ਤਂ। ਤਸ੍ਮਿਂ ਉਪੋਸਥਦਿવਸੇ ਏવ ਹਿ ਤਂ ਮੂਲਚੀવਰਂ ਕਾਤਬ੍ਬਂ, ਇਤਰਥਾ ਹਿ ਨਿਸ੍ਸਗ੍ਗਿਯਤੋ। ਏਕਾਹਦ੍વੀਹਾਦਿવਸੇਨ…ਪੇ॰… ਲਦ੍ਧਾ ਚੇવ ਨਿਟ੍ਠਿਤਾ ਚਾਤਿ ਏਤ੍ਥ ਏਕਾਹਾਨਾਗਤਾਯ વਸ੍ਸੂਪਨਾਯਿਕਾਯ ਲਦ੍ਧਾ ਚੇવ ਨਿਟ੍ਠਿਤਾ ਚ ਦ੍વੀਹਾਨਾਗਤਾਯ…ਪੇ॰… ਦਸਾਹਾਨਾਗਤਾਯ વਸ੍ਸੂਪਨਾਯਿਕਾਯ ਲਦ੍ਧਾ ਚੇવ ਨਿਟ੍ਠਿਤਾ ਚ, ਅਨ੍ਤੋવਸ੍ਸੇ વਾ ਲਦ੍ਧਾ ਚੇવ ਨਿਟ੍ਠਿਤਾ ਚਾਤਿ ਏવਮਤ੍ਥੋ ਦਟ੍ਠਬ੍ਬੋ। ਤਤ੍ਥ ਆਸਲ਼੍ਹੀਮਾਸਸ੍ਸ ਜੁਣ੍ਹਪਕ੍ਖਪੁਣ੍ਣਮਿਯਂ ਲਦ੍ਧਾ, ਤਦਹੇવ ਰਜਨਕਪ੍ਪਪਰਿਯੋਸਾਨੇਹਿ ਨਿਟ੍ਠਿਤਾ ਚ વਸ੍ਸਿਕਸਾਟਿਕਾ ‘‘ਏਕਾਹਾਨਾਗਤਾਯ વਸ੍ਸੂਪਨਾਯਿਕਾਯ ਲਦ੍ਧਾ ਚੇવ ਨਿਟ੍ਠਿਤਾ ਚਾ’’ਤਿ વੁਚ੍ਚਤਿ। ਏਤੇਨੇવ ਨਯੇਨ ਜੁਣ੍ਹਪਕ੍ਖਸ੍ਸ ਛਟ੍ਠਿਯਂ ਲਦ੍ਧਾ, ਨਿਟ੍ਠਿਤਾ ਚ ‘‘ਦਸਾਹਾਨਾਗਤਾਯ વਸ੍ਸੂਪਨਾਯਿਕਾਯ ਲਦ੍ਧਾ ਚੇવ ਨਿਟ੍ਠਿਤਾ ਚਾ’’ਤਿ વੁਚ੍ਚਤਿ। ਯਾવ ਪਠਮਕਤ੍ਤਿਕਤੇਮਾਸਿਪੁਣ੍ਣਮਾ, ਤਾવ ਲਦ੍ਧਾ, ਨਿਟ੍ਠਿਤਾ ਚ ‘‘ਅਨ੍ਤੋવਸ੍ਸੇ ਲਦ੍ਧਾ ਚੇવ ਨਿਟ੍ਠਿਤਾ ਚਾ’’ਤਿ વੁਚ੍ਚਤਿ। ਪਠਮਕਤ੍ਤਿਕਤੇਮਾਸਿਪੁਣ੍ਣਮਿਤੋ ਪਰਂ ਲਦ੍ਧਾ ਚੇવ ਨਿਟ੍ਠਿਤਾ ਚ ਯਾવ ਚੀવਰਕਾਲੋ ਨਾਤਿਕ੍ਕਮਤਿ, ਤਾવ ਅਨਧਿਟ੍ਠਹਿਤ੍વਾਪਿ ਠਪੇਤੁਂ વਟ੍ਟਤੀਤਿ ਅਧਿਪ੍ਪਾਯੋ।
630.‘‘Cha māse parihāraṃ labhatī’’ti etena antovassepi yāva vassānassa pacchimadivasā akatā parihāraṃ labhatīti dīpitaṃ hoti. Ekamāsanti hemantassa pacchimuposathena saha gaṇetvā vuttaṃ. Tasmiṃ uposathadivase eva hi taṃ mūlacīvaraṃ kātabbaṃ, itarathā hi nissaggiyato. Ekāhadvīhādivasena…pe… laddhā ceva niṭṭhitā cāti ettha ekāhānāgatāya vassūpanāyikāya laddhā ceva niṭṭhitā ca dvīhānāgatāya…pe… dasāhānāgatāya vassūpanāyikāya laddhā ceva niṭṭhitā ca, antovasse vā laddhā ceva niṭṭhitā cāti evamattho daṭṭhabbo. Tattha āsaḷhīmāsassa juṇhapakkhapuṇṇamiyaṃ laddhā, tadaheva rajanakappapariyosānehi niṭṭhitā ca vassikasāṭikā ‘‘ekāhānāgatāya vassūpanāyikāya laddhā ceva niṭṭhitā cā’’ti vuccati. Eteneva nayena juṇhapakkhassa chaṭṭhiyaṃ laddhā, niṭṭhitā ca ‘‘dasāhānāgatāya vassūpanāyikāya laddhā ceva niṭṭhitā cā’’ti vuccati. Yāva paṭhamakattikatemāsipuṇṇamā, tāva laddhā, niṭṭhitā ca ‘‘antovasse laddhā ceva niṭṭhitā cā’’ti vuccati. Paṭhamakattikatemāsipuṇṇamito paraṃ laddhā ceva niṭṭhitā ca yāva cīvarakālo nātikkamati, tāva anadhiṭṭhahitvāpi ṭhapetuṃ vaṭṭatīti adhippāyo.
ਏਤ੍ਥ ਚ ‘‘ਤਸ੍ਮਿਂਯੇવ ਅਨ੍ਤੋਦਸਾਹੇ ਅਧਿਟ੍ਠਾਤਬ੍ਬਾ’’ਤਿ ਅવਿਸੇਸੇਨ વੁਤ੍ਤੇਪਿ વਸ੍ਸਾਨਤੋ ਪੁਬ੍ਬੇ ਏਕਾਹਦ੍વੀਹਾਦਿવਸੇਨ ਅਨਾਗਤਾਯ વਸ੍ਸੂਪਨਾਯਿਕਾਯ ਲਦ੍ਧਾ ਤੇਹਿ ਦਿવਸੇਹਿ ਦਸਾਹਂ ਅਨਤਿਕ੍ਕਮਨ੍ਤੇਨ વਸ੍ਸੂਪਨਾਯਿਕਦਿવਸਤੋ ਪਟ੍ਠਾਯ ਅਧਿਟ੍ਠਾਨਕ੍ਖੇਤ੍ਤਂ ਸਮ੍ਪਤ੍ਤਾ ਏવ ਅਧਿਟ੍ਠਾਤਬ੍ਬਾ, ਤਤੋ ਪਨ ਪੁਬ੍ਬੇ ਦਸਾਹਾਤਿਕ੍ਕਮੇਨ ਨਿਟ੍ਠਿਤਾਪਿ ਨ ਅਧਿਟ੍ਠਾਤਬ੍ਬਾ ਅਧਿਟ੍ਠਾਨਸ੍ਸ ਅਖੇਤ੍ਤਤ੍ਤਾ। ਤਾਦਿਸਾ ਪਨ વਸ੍ਸੂਪਨਾਯਿਕਦਿવਸੇ ਏવ ਅਧਿਟ੍ਠਾਤਬ੍ਬਾ, ਅਨਧਿਟ੍ਠਹਤੋ ਅਰੁਣੁਗ੍ਗਮਨੇਨ ਨਿਸ੍ਸਗ੍ਗਿਯਂ ਹੋਤਿ। ਯਦਿ ਏવਂ ‘‘ਦਸਾਹਾਨਾਗਤਾਯਾ’’ਤਿ ਇਮਿਨਾ ਕਿਂ ਪਯੋਜਨਨ੍ਤਿ ਚੇ? વਸ੍ਸਾਨਤੋ ਪੁਬ੍ਬੇ ਏવ ਦਸਾਹੇ ਅਤਿਕ੍ਕਨ੍ਤੇ ਨਿਟ੍ਠਿਤਾ વਸ੍ਸੂਪਨਾਯਿਕਦਿવਸੇ ਏવ ਅਧਿਟ੍ਠਾਤਬ੍ਬਾਤਿ ਦਸ੍ਸਨਤ੍ਥਂ વੁਤ੍ਤਂ। ਤੇਨੇવਾਹ ‘‘ਦਸਾਹਾਤਿਕ੍ਕਮੇ ਨਿਟ੍ਠਿਤਾ ਤਦਹੇવ ਅਧਿਟ੍ਠਾਤਬ੍ਬਾ’’ਤਿ।
Ettha ca ‘‘tasmiṃyeva antodasāhe adhiṭṭhātabbā’’ti avisesena vuttepi vassānato pubbe ekāhadvīhādivasena anāgatāya vassūpanāyikāya laddhā tehi divasehi dasāhaṃ anatikkamantena vassūpanāyikadivasato paṭṭhāya adhiṭṭhānakkhettaṃ sampattā eva adhiṭṭhātabbā, tato pana pubbe dasāhātikkamena niṭṭhitāpi na adhiṭṭhātabbā adhiṭṭhānassa akhettattā. Tādisā pana vassūpanāyikadivase eva adhiṭṭhātabbā, anadhiṭṭhahato aruṇuggamanena nissaggiyaṃ hoti. Yadi evaṃ ‘‘dasāhānāgatāyā’’ti iminā kiṃ payojananti ce? Vassānato pubbe eva dasāhe atikkante niṭṭhitā vassūpanāyikadivase eva adhiṭṭhātabbāti dassanatthaṃ vuttaṃ. Tenevāha ‘‘dasāhātikkame niṭṭhitā tadaheva adhiṭṭhātabbā’’ti.
ਦਸਾਹੇ ਅਪ੍ਪਹੋਨ੍ਤੇ ਚੀવਰਕਾਲਂ ਨਾਤਿਕ੍ਕਮੇਤਬ੍ਬਾਤਿ ਤੇਮਾਸਬ੍ਭਨ੍ਤਰੇ ਦਸਾਹੇ ਅਪ੍ਪਹੋਨ੍ਤੇ ਨવਾਹਾਨਾਗਤਾਯ ਕਤ੍ਤਿਕਤੇਮਾਸਿਪੁਣ੍ਣਮਾਯ ਸਤ੍ਤਮਿਤੋ ਪਟ੍ਠਾਯ ਲਦ੍ਧਾ, ਨਿਟ੍ਠਿਤਾ ਚ ਚੀવਰਕਾਲਂ ਨਾਤਿਕ੍ਕਮੇਤਬ੍ਬਾਤਿ ਅਤ੍ਥੋ। ਤਥਾ ਹਿ ‘‘ਮਾਸੋ ਸੇਸੋ ਗਿਮ੍ਹਾਨਨ੍ਤਿ ਭਿਕ੍ਖੁਨਾ વਸ੍ਸਿਕਸਾਟਿਕਚੀવਰਂ ਪਰਿਯੇਸਿਤਬ੍ਬ’’ਨ੍ਤਿ ਪਰਿਯੇਸਨਕ੍ਖੇਤ੍ਤਂ વਤ੍વਾ ‘‘વਸ੍ਸਿਕਸਾਟਿਕਂ વਸ੍ਸਾਨਂ ਚਾਤੁਮਾਸਂ ਅਧਿਟ੍ਠਾਤੁ’’ਨ੍ਤਿ (ਮਹਾવ॰ ੩੫੮) વੁਤ੍ਤਤ੍ਤਾ ਕਤਾਯਪਿ ਅਕਤਾਯਪਿ ਮਾਸਮਤ੍ਤਂ ਅਨਧਿਟ੍ਠਾਤਬ੍ਬਤਾ ਸਿਦ੍ਧਾ। ਯਸ੍ਮਾ ਚ ਅਕਤਾ વਸ੍ਸਿਕਸਾਟਿਕਸਙ੍ਖ੍ਯਂ ਨ ਗਚ੍ਛਤਿ, ਅਕਰਣਞ੍ਚ ਕੇਨਚਿ વੇਕਲ੍ਲੇਨ, ਨ ਅਨਾਦਰੇਨ, ਤਸ੍ਮਾ ਚਾਤੁਮਾਸਂ ਅਕਤਤ੍ਤਾ ਏવ ਪਰਿਹਾਰਂ ਲਭਤਿ, ਕਤਾ ਪਨ ਅਧਿਟ੍ਠਾਨਕ੍ਖੇਤ੍ਤੇ, ਅਕਤਾ ਚ ਚੀવਰਕਾਲੇ ਦਸਾਹਪਰਮਸਿਕ੍ਖਾਪਦੇਨੇવ ਪਰਿਹਾਰਂ ਲਭਤੀਤਿ ਅਯਮਤ੍ਥੋ ਲਬ੍ਭਤਿ। ਕਸ੍ਮਾਤਿ ਅਤ੍ਤਨੋ ਮਤਿਯਾ ਕਾਰਣਪੁਚ੍ਛਾ। ਤਸ੍ਮਾਤਿ વਸ੍ਸਾਨੇਯੇવ વਸ੍ਸਿਕਸਾਟਿਕਾਯ ਅਧਿਟ੍ਠਾਤਬ੍ਬਤਾવਚਨਤੋ। ‘‘ਤਿਚੀવਰਂ ਅਧਿਟ੍ਠਾਤੁ’’ਨ੍ਤਿ ਸੁਤ੍ਤਂ ਪਨੇਤ੍ਥ ਸੇਸਚੀવਰਾਨਂ ਏવਂ ਕਾਲਨਿਯਮਾਭਾવਂ ਸਾਧੇਤੁਂ ਉਦ੍ਧਟਂ। ਨ ਹਿ ਤੇਨੇਤ੍ਥ ਅਞ੍ਞਂ ਪਯੋਜਨਂ ਅਤ੍ਥਿ।
Dasāhe appahonte cīvarakālaṃ nātikkametabbāti temāsabbhantare dasāhe appahonte navāhānāgatāya kattikatemāsipuṇṇamāya sattamito paṭṭhāya laddhā, niṭṭhitā ca cīvarakālaṃ nātikkametabbāti attho. Tathā hi ‘‘māso seso gimhānanti bhikkhunā vassikasāṭikacīvaraṃ pariyesitabba’’nti pariyesanakkhettaṃ vatvā ‘‘vassikasāṭikaṃ vassānaṃ cātumāsaṃ adhiṭṭhātu’’nti (mahāva. 358) vuttattā katāyapi akatāyapi māsamattaṃ anadhiṭṭhātabbatā siddhā. Yasmā ca akatā vassikasāṭikasaṅkhyaṃ na gacchati, akaraṇañca kenaci vekallena, na anādarena, tasmā cātumāsaṃ akatattā eva parihāraṃ labhati, katā pana adhiṭṭhānakkhette, akatā ca cīvarakāle dasāhaparamasikkhāpadeneva parihāraṃ labhatīti ayamattho labbhati. Kasmāti attano matiyā kāraṇapucchā. Tasmāti vassāneyeva vassikasāṭikāya adhiṭṭhātabbatāvacanato. ‘‘Ticīvaraṃ adhiṭṭhātu’’nti suttaṃ panettha sesacīvarānaṃ evaṃ kālaniyamābhāvaṃ sādhetuṃ uddhaṭaṃ. Na hi tenettha aññaṃ payojanaṃ atthi.
ਕਦਾ ਅਧਿਟ੍ਠਾਤਬ੍ਬਾਤਿਆਦਿਕੁਰੁਨ੍ਦਿવਚਨੇਨਾਪਿ ‘‘ਯਦਾ વਾ ਤਦਾ વਾ ਅਧਿਟ੍ਠਾਤੁਂ વਟ੍ਟਤੀ’’ਤਿ ਇਦਂ ਪਟਿਕ੍ਖਿਪਿਤ੍વਾ ਦਸਾਹਬ੍ਭਨ੍ਤਰੇ ਏવ ਕਤਾਯ ਅਧਿਟ੍ਠਾਤਬ੍ਬਤਂ ਦਸ੍ਸੇਤਿ।
Kadā adhiṭṭhātabbātiādikurundivacanenāpi ‘‘yadā vā tadā vā adhiṭṭhātuṃ vaṭṭatī’’ti idaṃ paṭikkhipitvā dasāhabbhantare eva katāya adhiṭṭhātabbataṃ dasseti.
ਪਾਲ਼ਿਯਂ ਅਚ੍ਛਿਨ੍ਨਚੀવਰਸ੍ਸਾਤਿਆਦੀਸੁ ਅਚ੍ਛਿਨ੍ਨਸੇਸਚੀવਰਸ੍ਸ ਨਟ੍ਠਸੇਸਚੀવਰਸ੍ਸ। ਏਤੇਸਞ੍ਹਿ ਅਸਮਯੇ ਪਰਿਯੇਸਨਨਿવਾਸਨਾਪਤ੍ਤਿਯਾ ਏવ ਅਨਾਪਤ੍ਤਿ વੁਤ੍ਤਾ। ਤੇਨੇવ ਮਾਤਿਕਾਟ੍ਠਕਥਾਯਂ ‘‘ਅਚ੍ਛਿਨ੍ਨਚੀવਰਸ੍ਸ વਾ ਨਟ੍ਠਚੀવਰਸ੍ਸ વਾ ਅਨਿવਤ੍ਥਂ ਚੋਰਾ ਹਰਨ੍ਤੀਤਿ ਏવਂ ਆਪਦਾਸੁ વਾ ਨਿવਾਸਯਤੋ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤੀ’’ਤਿ (ਕਙ੍ਖਾ॰ ਅਟ੍ਠ॰ વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ) વੁਤ੍ਤਂ, ਇਧ ਪਨ ਸਮਨ੍ਤਪਾਸਾਦਿਕਾਯਂ ਅਯਂ ਨਿਸ੍ਸਗ੍ਗਿਯਾ ਅਨਾਪਤ੍ਤਿ ਪਾਲ਼ਿਤੋ ਸਯਮੇવ ਸਿਜ੍ਝਤੀਤਿ ਇਮਂ ਅਦਸ੍ਸੇਤ੍વਾ ਅਸਿਜ੍ਝਮਾਨਂ ਨਗ੍ਗਸ੍ਸ ਨ੍ਹਾਯਤੋ ਦੁਕ੍ਕਟਾਪਤ੍ਤਿਯਾ ਏવ ਅਨਾਪਤ੍ਤਿਂ ਦਸ੍ਸੇਤੁਂ ‘‘ਅਚ੍ਛਿਨ੍ਨਚੀવਰਸ੍ਸਾ’’ਤਿਆਦਿ વੁਤ੍ਤਨ੍ਤਿ ਗਹੇਤਬ੍ਬਂ। ਨ ਹਿ ਏਸਾ ਅਨਾਪਤ੍ਤਿ ਅવੁਤ੍ਤੇ ਸਿਜ੍ਝਤੀਤਿ। વਸ੍ਸਿਕਸਾਟਿਕਾਯ ਅਤ੍ਤੁਦ੍ਦੇਸਿਕਤਾ, ਅਸਮਯੇ ਪਰਿਯੇਸਨਤਾ, ਤਾਯ ਚ ਪਟਿਲਾਭੋਤਿ ਇਮਾਨਿ ਤਾવ ਪਰਿਯੇਸਨਾਪਤ੍ਤਿਯਾ ਤੀਣਿ ਅਙ੍ਗਾਨਿ। ਨਿવਾਸਨਾਪਤ੍ਤਿਯਾ ਪਨ ਸਚੀવਰਤਾ, ਆਪਦਾਭਾવੋ, વਸ੍ਸਿਕਸਾਟਿਕਾਯ ਸਕਭਾવੋ, ਅਸਮਯੇ ਨਿવਾਸਨਨ੍ਤਿ ਚਤ੍ਤਾਰਿ ਅਙ੍ਗਾਨਿ।
Pāḷiyaṃ acchinnacīvarassātiādīsu acchinnasesacīvarassa naṭṭhasesacīvarassa. Etesañhi asamaye pariyesananivāsanāpattiyā eva anāpatti vuttā. Teneva mātikāṭṭhakathāyaṃ ‘‘acchinnacīvarassa vā naṭṭhacīvarassa vā anivatthaṃ corā harantīti evaṃ āpadāsu vā nivāsayato ummattakādīnañca anāpattī’’ti (kaṅkhā. aṭṭha. vassikasāṭikasikkhāpadavaṇṇanā) vuttaṃ, idha pana samantapāsādikāyaṃ ayaṃ nissaggiyā anāpatti pāḷito sayameva sijjhatīti imaṃ adassetvā asijjhamānaṃ naggassa nhāyato dukkaṭāpattiyā eva anāpattiṃ dassetuṃ ‘‘acchinnacīvarassā’’tiādi vuttanti gahetabbaṃ. Na hi esā anāpatti avutte sijjhatīti. Vassikasāṭikāya attuddesikatā, asamaye pariyesanatā, tāya ca paṭilābhoti imāni tāva pariyesanāpattiyā tīṇi aṅgāni. Nivāsanāpattiyā pana sacīvaratā, āpadābhāvo, vassikasāṭikāya sakabhāvo, asamaye nivāsananti cattāri aṅgāni.
વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Vassikasāṭikasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੪. વਸ੍ਸਿਕਸਾਟਿਕਸਿਕ੍ਖਾਪਦਂ • 4. Vassikasāṭikasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ • 4. Vassikasāṭikasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. વਸ੍ਸਿਕਸਾਟਿਕਸਿਕ੍ਖਾਪਦવਣ੍ਣਨਾ • 4. Vassikasāṭikasikkhāpadavaṇṇanā
