| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
вассуубанааяигагканд̇хагагат̇ааван̣н̣анаа
Vassūpanāyikakkhandhakakathāvaṇṇanā
2608. вассуубанааяигаа вуд̇д̇аад̇и сзсо. бажчимаа жаад̇и зд̇т̇а ид̇и-сад̣̇д̣̇о нид̣̇ассанз. вассуубанааяигаад̇и вассуубаг̇аманаа. аалаяо, важийбхзд̣̇о ваа гаад̇аб̣б̣о убаг̇ажчад̇аад̇и иминаа вассуубаг̇аманаббагааро д̣̇ассид̇о. убаг̇ажчад̇аа аалаяо гад̇д̇аб̣б̣о, важийбхзд̣̇о ваа гад̇д̇аб̣б̣од̇и самб̣анд̇хо. убаг̇ажчанд̇зна жа сзнаасанз асад̇и ‘‘ид̇ха вассам̣ васиссаамий’’д̇и жид̇д̇уббаад̣̇амад̇д̇ам̣ ваа гаад̇аб̣б̣ам̣, сзнаасанз сад̇и ‘‘имасмим̣ вихаарз имам̣ д̇змаасам̣ вассам̣ убзмий’’д̇и жа ‘‘ид̇ха вассам̣ убзмий’’д̇и жа важийбхзд̣̇о ваа гаад̇аб̣б̣од̇и ад̇т̇о.
2608. Vassūpanāyikā vuttāti seso. Pacchimā cāti ettha iti-saddo nidassane. Vassūpanāyikāti vassūpagamanā. Ālayo, vacībhedo vā kātabbo upagacchatāti iminā vassūpagamanappakāro dassito. Upagacchatā ālayo kattabbo, vacībhedo vā kattabboti sambandho. Upagacchantena ca senāsane asati ‘‘idha vassaṃ vasissāmī’’ti cittuppādamattaṃ vā kātabbaṃ, senāsane sati ‘‘imasmiṃ vihāre imaṃ temāsaṃ vassaṃ upemī’’ti ca ‘‘idha vassaṃ upemī’’ti ca vacībhedo vā kātabboti attho.
2609. ж̇аанам̣ вассуубаг̇аманам̣ анубаг̇ажчад̇о ваабийд̇и яож̇анаа. д̇змаасанд̇и зд̇т̇а ‘‘буримам̣ ваа бажчимам̣ ваа’’д̇и сзсо. жаранд̇ассаабийд̇и зд̇т̇а ‘‘жаарига’’нд̇и сзсо. буримам̣ ваа д̇змаасам̣ бажчимам̣ ваа д̇змаасам̣ авасид̇ваава жааригам̣ жаранд̇ассааби д̣̇уггаданд̇и яож̇анаа. д̇змаасанд̇и ажжанд̇асам̣яог̇з убаяог̇аважанам̣. яат̇ааха – ‘‘на, бхигкавз, вассам̣ убаг̇анд̇ваа буримам̣ ваа д̇змаасам̣ бажчимам̣ ваа д̇змаасам̣ авасид̇ваа жааригаа баггамид̇аб̣б̣аа, яо баггамзяяа, аабад̇д̇и д̣̇уггадассаа’’д̇и (махаава. 185).
2609. Jānaṃ vassūpagamanaṃ anupagacchato vāpīti yojanā. Temāsanti ettha ‘‘purimaṃ vā pacchimaṃ vā’’ti seso. Carantassāpīti ettha ‘‘cārika’’nti seso. Purimaṃ vā temāsaṃ pacchimaṃ vā temāsaṃ avasitvāva cārikaṃ carantassāpi dukkaṭanti yojanā. Temāsanti accantasaṃyoge upayogavacanaṃ. Yathāha – ‘‘na, bhikkhave, vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā, yo pakkameyya, āpatti dukkaṭassā’’ti (mahāva. 185).
2610. ругкасса сусирзд̇и зд̇т̇а ‘‘суд̣̇д̇хз’’д̇и сзсо. яат̇ааха – ‘‘ругкасусирзд̇и зд̇т̇а суд̣̇д̇хз ругкасусирзязва на ваддад̇и, маханд̇асса бана ругкасусирасса анд̇о бад̣̇аражчад̣̇анам̣ гудигам̣ гад̇ваа бависанад̣̇ваарам̣ яож̇зд̇ваа убаг̇анд̇ум̣ ваддад̇ий’’д̇и. ‘‘ругкасса сусирз’’д̇и иминаа ругкзгад̣̇зсо видабоби сан̇г̇ахид̇о, соби суд̣̇д̇хова на ваддад̇и. яат̇ааха – ‘‘ругкавидабхияаад̇и зд̇т̇ааби суд̣̇д̇хз видабамад̇д̇з на ваддад̇и, махаавидабз бана аддагам̣ б̣анд̇хид̇ваа д̇ад̇т̇а бад̣̇аражчад̣̇анам̣ гудигам̣ гад̇ваа убаг̇анд̇ум̣ ваддад̇ий’’д̇и (махаава. адта. 203).
2610.Rukkhassasusireti ettha ‘‘suddhe’’ti seso. Yathāha – ‘‘rukkhasusireti ettha suddhe rukkhasusireyeva na vaṭṭati, mahantassa pana rukkhasusirassa anto padaracchadanaṃ kuṭikaṃ katvā pavisanadvāraṃ yojetvā upagantuṃ vaṭṭatī’’ti. ‘‘Rukkhassa susire’’ti iminā rukkhekadeso viṭapopi saṅgahito, sopi suddhova na vaṭṭati. Yathāha – ‘‘rukkhaviṭabhiyāti etthāpi suddhe viṭapamatte na vaṭṭati, mahāviṭape pana aṭṭakaṃ bandhitvā tattha padaracchadanaṃ kuṭikaṃ katvā upagantuṃ vaṭṭatī’’ti (mahāva. aṭṭha. 203).
‘‘чад̇д̇зд̇и зд̇т̇ааби жад̇уусу т̇амбхзсу чад̇д̇ам̣ табзд̇ваа ааваран̣ам̣ гад̇ваа д̣̇ваарам̣ яож̇зд̇ваа убаг̇анд̇ум̣ ваддад̇и, чад̇д̇агудигаа наамзсаа ход̇и. жаадияаад̇и зд̇т̇ааби маханд̇зна габаллзна чад̇д̇з вуд̇д̇анаязна гудим̣ гад̇ваава убаг̇анд̇ум̣ ваддад̇ий’’д̇и адтагат̇ааважанад̇о звамагад̇аасу суд̣̇д̇хачад̇д̇ажаадийсу нивааран̣ам̣ взд̣̇ид̇аб̣б̣ам̣. чавагудийд̇и дан̇гид̇аман̃жаад̣̇аяо вуд̇д̇аа. яат̇ааха – ‘‘чавагудигаа наама дан̇гид̇аман̃жаад̣̇ибхзд̣̇аа гуди, д̇ад̇т̇а убаг̇анд̇ум̣ на ваддад̇ий’’д̇и (махаава. адта. 203).
‘‘Chatteti etthāpi catūsu thambhesu chattaṃ ṭhapetvā āvaraṇaṃ katvā dvāraṃ yojetvā upagantuṃ vaṭṭati, chattakuṭikā nāmesā hoti. Cāṭiyāti etthāpi mahantena kapallena chatte vuttanayena kuṭiṃ katvāva upagantuṃ vaṭṭatī’’ti aṭṭhakathāvacanato evamakatāsu suddhachattacāṭīsu nivāraṇaṃ veditabbaṃ. Chavakuṭīti ṭaṅkitamañcādayo vuttā. Yathāha – ‘‘chavakuṭikā nāma ṭaṅkitamañcādibhedā kuṭi, tattha upagantuṃ na vaṭṭatī’’ti (mahāva. aṭṭha. 203).
сусаанз бана ан̃н̃ам̣ гудигам̣ гад̇ваа убаг̇анд̇ум̣ ваддад̇и. ‘‘чавасарийрам̣ жхаабзд̇ваа чааригааяа, адтигаанан̃жа ад̇т̇ааяа гудигаа гарийяад̇ий’’д̇и анд̇хагадтагат̇ааяам̣ чавагуди вуд̇д̇аа. ‘‘дан̇гид̇аман̃жод̇и гасигудигаабаасаан̣агхаранд̇и ликид̇а’’нд̇и (важ̇ира. дий. махааваг̇г̇а 203) важ̇ираб̣уд̣̇д̇хид̇т̇зро. жад̇уннам̣ баасаан̣аанам̣ убари баасаан̣ам̣ ад̇т̇арид̇ваа гад̇о г̇зхоби ‘‘дан̇гид̇аман̃жо’’д̇и вужжад̇и. д̣̇ийгхз ман̃жабаад̣̇з маж̇жхз виж̇жхид̇ваа аданияо бавзсзд̇ваа ман̃жам̣ гаронд̇ийд̇и д̇асса ид̣̇ам̣ убари, ид̣̇ам̣ хздтаад̇и над̇т̇и, баривад̇д̇зд̇ваа ад̇т̇ад̇оби д̇аад̣̇исова ход̇и, д̇ам̣ сусаанз, д̣̇звадтаанз жа табзнд̇и, аяамби дан̇гид̇аман̃жо наама.
Susāne pana aññaṃ kuṭikaṃ katvā upagantuṃ vaṭṭati. ‘‘Chavasarīraṃ jhāpetvā chārikāya, aṭṭhikānañca atthāya kuṭikā karīyatī’’ti andhakaṭṭhakathāyaṃ chavakuṭi vuttā. ‘‘Ṭaṅkitamañcoti kasikuṭikāpāsāṇagharanti likhita’’nti (vajira. ṭī. mahāvagga 203) vajirabuddhitthero. Catunnaṃ pāsāṇānaṃ upari pāsāṇaṃ attharitvā kato gehopi ‘‘ṭaṅkitamañco’’ti vuccati. Dīghe mañcapāde majjhe vijjhitvā aṭaniyo pavesetvā mañcaṃ karontīti tassa idaṃ upari, idaṃ heṭṭhāti natthi, parivattetvā atthatopi tādisova hoti, taṃ susāne, devaṭṭhāne ca ṭhapenti, ayampi ṭaṅkitamañco nāma.
2611. ‘‘сад̇и бажжаяавзгаллз, сарийраапаасуд̇ааяа ваа’’д̇и авасзсанд̇арааяаанам̣ вагкамаанад̇д̇аа ‘‘анд̇арааяо’’д̇и иминаа рааж̇анд̇арааяаад̣̇и д̣̇асавид̇хо г̇ахзд̇аб̣б̣о.
2611. ‘‘Sati paccayavekalle, sarīrāphāsutāya vā’’ti avasesantarāyānaṃ vakkhamānattā ‘‘antarāyo’’ti iminā rājantarāyādi dasavidho gahetabbo.
2612-4. ‘‘ануж̇аанаами , бхигкавз, сад̇д̇аннам̣ сад̇д̇аахагаран̣ийязна аббахид̇зби г̇анд̇ум̣, баг̇зва бахид̇з бхигкусса бхигкунияаа сигкамаанааяа сааман̣зрасса сааман̣зрияаа маад̇уяаа жа бид̇усса жаа’’д̇и (махаава. 198) вуд̇д̇анаяам̣ д̣̇ассзд̇умааха ‘‘маад̇аабид̇ууна’’нд̇иаад̣̇и.
2612-4. ‘‘Anujānāmi , bhikkhave, sattannaṃ sattāhakaraṇīyena appahitepi gantuṃ, pageva pahite bhikkhussa bhikkhuniyā sikkhamānāya sāmaṇerassa sāmaṇeriyā mātuyā ca pitussa cā’’ti (mahāva. 198) vuttanayaṃ dassetumāha ‘‘mātāpitūna’’ntiādi.
маад̇аабид̇уунам̣ д̣̇ассанад̇т̇ам̣, бан̃жаннам̣ сахад̇хаммигаанам̣ д̣̇ассанад̇т̇ам̣ ваа нзсам̣ ад̇т̇з сад̇и ваа нзсам̣ анд̇арз г̇илаанам̣ д̣̇адтум̣ ваа д̇ад̣̇убадтаагаанам̣ бхад̇д̇аад̣̇им̣ бариязсанад̇т̇ам̣ ваа нзсам̣ бхад̇д̇аад̣̇им̣ бариязсанад̇т̇ам̣ ваа д̇ат̇аа нзсам̣ бан̃жаннам̣ сахад̇хаммигаанам̣ ан̃н̃ад̇арам̣ анабхирад̇ам̣ угган̣тид̇ам̣ ахам̣ г̇анд̇ваа вуубагаасзссам̣ ваа вуубагаасаабзссаами ваа д̇хаммагат̇амасса гариссаамийд̇и ваа д̇асса бан̃жаннам̣ сахад̇хаммигаанам̣ ан̃н̃ад̇арасса удтид̇ам̣ уббаннам̣ д̣̇идтим̣ вивзжзссаами ваа вивзжаабзссаами ваа д̇хаммагат̇амасса гариссаамийд̇и ваа д̇ат̇аа уббаннам̣ гуггужжам̣ винод̣̇зссаамийд̇и ваа винод̣̇аабзссаамийд̇и ваа д̇хаммагат̇амасса гариссаамийд̇и ваа звам̣ винаяан̃н̃унаа бхигкунаа сад̇д̇аахагижжзна абзсид̇зби г̇анд̇аб̣б̣ам̣, баг̇зва бахид̇зд̇и яож̇анаа.
Mātāpitūnaṃ dassanatthaṃ, pañcannaṃ sahadhammikānaṃ dassanatthaṃ vā nesaṃ atthe sati vā nesaṃ antare gilānaṃ daṭṭhuṃ vā tadupaṭṭhākānaṃ bhattādiṃ pariyesanatthaṃ vā nesaṃ bhattādiṃ pariyesanatthaṃ vā tathā nesaṃ pañcannaṃ sahadhammikānaṃ aññataraṃ anabhirataṃ ukkaṇṭhitaṃ ahaṃ gantvā vūpakāsessaṃ vā vūpakāsāpessāmi vā dhammakathamassa karissāmīti vā tassa pañcannaṃ sahadhammikānaṃ aññatarassa uṭṭhitaṃ uppannaṃ diṭṭhiṃ vivecessāmi vā vivecāpessāmi vā dhammakathamassa karissāmīti vā tathā uppannaṃ kukkuccaṃ vinodessāmīti vā vinodāpessāmīti vā dhammakathamassa karissāmīti vā evaṃ vinayaññunā bhikkhunā sattāhakiccena apesitepi gantabbaṃ, pageva pahiteti yojanā.
бхад̇д̇аад̣̇ийд̇и зд̇т̇а аад̣̇и-сад̣̇д̣̇зна бхзсаж̇ж̇абариязсанаад̣̇им̣ сан̇г̇ан̣хаад̇и. яат̇ааха – ‘‘г̇илаанабхад̇д̇ам̣ ваа бариязсиссаами, г̇илаанубадтаагабхад̇д̇ам̣ ваа бариязсиссаами, г̇илаанабхзсаж̇ж̇ам̣ ваа бариязсиссаами, бужчиссаами ваа убадтахиссаами ваа’’д̇и. вуубагаасзссанд̇и яад̇т̇а анабхирад̇и уббаннаа, д̇ад̇о ан̃н̃ад̇т̇а г̇ахзд̇ваа г̇амиссаамийд̇и ад̇т̇о.
Bhattādīti ettha ādi-saddena bhesajjapariyesanādiṃ saṅgaṇhāti. Yathāha – ‘‘gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā upaṭṭhahissāmi vā’’ti. Vūpakāsessanti yattha anabhirati uppannā, tato aññattha gahetvā gamissāmīti attho.
винод̣̇зссаамаханд̇и ваад̇и зд̇т̇а ваа-сад̣̇д̣̇зна ‘‘ид̇ха бана, бхигкавз, бхигку г̇аруд̇хаммам̣ аж̇жхаабанно ход̇и бариваасаарахо, со жз бхигкуунам̣ санд̇игз д̣̇ууд̇ам̣ бахин̣зяяа ‘ахан̃хи г̇аруд̇хаммам̣ аж̇жхаабанно бариваасаарахо, ааг̇ажчанд̇у бхигкуу, ижчаами бхигкуунам̣ ааг̇ад̇а’нд̇и. г̇анд̇аб̣б̣ам̣, бхигкавз, сад̇д̇аахагаран̣ийязна аббахид̇зби, баг̇зва бахид̇з ‘бариваасад̣̇аанам̣ уссуггам̣ гариссаами ваа ануссаавзссаами ваа г̇ан̣абуураго ваа бхависсаамий’’д̇иаад̣̇инаяам̣ (махаава. 193) сан̇г̇ан̣хаад̇и. звам̣ сад̇д̇аахагижжзна г̇ажчанд̇зна анд̇оубажаарасиймааяа тид̇знзва ‘‘анд̇осад̇д̇аахз ааг̇ажчиссаамий’’д̇и аабхог̇ам̣ гад̇ваа г̇анд̇аб̣б̣ам̣. сажз аабхог̇ам̣ агад̇ваа убажаарасиймам̣ ад̇иггамад̇и, чиннавассо ход̇ийд̇и вад̣̇анд̇и.
Vinodessāmahanti vāti ettha vā-saddena ‘‘idha pana, bhikkhave, bhikkhu garudhammaṃ ajjhāpanno hoti parivāsāraho, so ce bhikkhūnaṃ santike dūtaṃ pahiṇeyya ‘ahañhi garudhammaṃ ajjhāpanno parivāsāraho, āgacchantu bhikkhū, icchāmi bhikkhūnaṃ āgata’nti. Gantabbaṃ, bhikkhave, sattāhakaraṇīyena appahitepi, pageva pahite ‘parivāsadānaṃ ussukkaṃ karissāmi vā anussāvessāmi vā gaṇapūrako vā bhavissāmī’’tiādinayaṃ (mahāva. 193) saṅgaṇhāti. Evaṃ sattāhakiccena gacchantena antoupacārasīmāya ṭhiteneva ‘‘antosattāhe āgacchissāmī’’ti ābhogaṃ katvā gantabbaṃ. Sace ābhogaṃ akatvā upacārasīmaṃ atikkamati, chinnavasso hotīti vadanti.
2615. ‘‘аяам̣ банзд̇т̇а баал̣имуд̇д̇агарад̇д̇ижчзд̣̇авинижчаяо’’д̇и адтагат̇ааг̇ад̇ам̣ рад̇д̇ижчзд̣̇авинижчаяам̣ д̣̇ассзд̇умааха ‘‘вассам̣ убаг̇ад̇знзд̇т̇аа’’д̇иаад̣̇и. зд̇т̇аад̇и имасмим̣ сад̇д̇аахагижжаад̇хигаарз. аяам̣ баал̣имуд̇д̇агавинижчаяо д̣̇адтаб̣б̣од̇и ад̇т̇о.
2615. ‘‘Ayaṃ panettha pāḷimuttakaratticchedavinicchayo’’ti aṭṭhakathāgataṃ ratticchedavinicchayaṃ dassetumāha ‘‘vassaṃ upagatenetthā’’tiādi. Etthāti imasmiṃ sattāhakiccādhikāre. Ayaṃ pāḷimuttakavinicchayo daṭṭhabboti attho.
2616. ‘‘асугам̣ наама д̣̇иваса’’нд̇иаад̣̇инаа ниманд̇анаагаарам̣ вагкад̇и. буб̣б̣анд̇и батамам̣. ваддад̇ийд̇и сад̇д̇аахагижжзна г̇анд̇ум̣ ваддад̇и. яат̇ааха – ‘‘сажз згасмим̣ махааваасз батамам̣язва гад̇игаа гад̇аа ход̇и ‘асугад̣̇ивасам̣ наама саннибад̇ид̇аб̣б̣а’нд̇и, ниманд̇ид̇оязва наама ход̇и, г̇анд̇ум̣ ваддад̇ий’’д̇и (махаава. адта. 199). ‘‘убаасагзхи ‘имасмим̣ наама д̣̇ивасз д̣̇аанаад̣̇ийни гарома, саб̣б̣з зва саннибад̇анд̇уу’д̇и гад̇игааяаби гад̇ааяа г̇анд̇ум̣ ваддад̇и, ниманд̇ид̇оязва наама ход̇ий’’д̇и гзжи.
2616.‘‘Asukaṃ nāma divasa’’ntiādinā nimantanākāraṃ vakkhati. Pubbanti paṭhamaṃ. Vaṭṭatīti sattāhakiccena gantuṃ vaṭṭati. Yathāha – ‘‘sace ekasmiṃ mahāvāse paṭhamaṃyeva katikā katā hoti ‘asukadivasaṃ nāma sannipatitabba’nti, nimantitoyeva nāma hoti, gantuṃ vaṭṭatī’’ti (mahāva. aṭṭha. 199). ‘‘Upāsakehi ‘imasmiṃ nāma divase dānādīni karoma, sabbe eva sannipatantū’ti katikāyapi katāya gantuṃ vaṭṭati, nimantitoyeva nāma hotī’’ti keci.
2617. бхан̣д̣аганд̇и ад̇д̇ано жийварабхан̣д̣ам̣. на ваддад̇ийд̇и сад̇д̇аахагижжзна г̇анд̇ум̣ на ваддад̇и. бахин̣анд̇ийд̇и жийварад̇хованаад̣̇игаммзна бахин̣анд̇и. аажарияубаж̇жхааяаанам̣ аан̣ад̇д̇иязна гзнажи анаваж̇ж̇агижжзна сад̇д̇аахагаран̣ийязна г̇анд̇ум̣ ваддад̇ийд̇и иминаава д̣̇ийбид̇ам̣ ход̇и.
2617.Bhaṇḍakanti attano cīvarabhaṇḍaṃ. Na vaṭṭatīti sattāhakiccena gantuṃ na vaṭṭati. Pahiṇantīti cīvaradhovanādikammena pahiṇanti. Ācariyupajjhāyānaṃ āṇattiyena kenaci anavajjakiccena sattāhakaraṇīyena gantuṃ vaṭṭatīti imināva dīpitaṃ hoti.
2618. уд̣̇д̣̇зсаад̣̇ийнамад̇т̇ааяаад̇и баал̣иваажанаани санд̇хааяа. аад̣̇и-сад̣̇д̣̇зна барибужчаад̣̇им̣ сан̇г̇ан̣хаад̇и. г̇аруунанд̇и аг̇илаанаанамби аажарияубаж̇жхааяаанам̣. г̇анд̇ум̣ лабхад̇ийд̇и сад̇д̇аахагаран̣ийязна г̇анд̇ум̣ лабхад̇и. буг̇г̇алод̇и багаран̣ад̇о бхигкум̣язва г̇ан̣хаад̇и.
2618.Uddesādīnamatthāyāti pāḷivācanāni sandhāya. Ādi-saddena paripucchādiṃ saṅgaṇhāti. Garūnanti agilānānampi ācariyupajjhāyānaṃ. Gantuṃ labhatīti sattāhakaraṇīyena gantuṃ labhati. Puggaloti pakaraṇato bhikkhuṃyeva gaṇhāti.
2619. аажарияод̇и нид̣̇ассанамад̇д̇ам̣, убаж̇жхааязна ниваарид̇зби зсзва наяо. ‘‘сажз бана нам̣ аажарияо ‘аж̇ж̇а маа г̇ажчаа’д̇и вад̣̇ад̇и, ваддад̇ий’’д̇и (махаава. адта. 199) адтагат̇аанаяам̣ д̣̇ассзд̇умааха ‘‘рад̇д̇ижчзд̣̇з анаабад̇д̇и, ход̇ийд̇и барид̣̇ийбид̇аа’’д̇и. рад̇д̇ижчзд̣̇зд̇и вассажчзд̣̇анимид̇д̇ам̣. ‘‘рад̇д̇ижчзд̣̇з’’д̇и саб̣б̣ад̇т̇а вассажчзд̣̇од̇и саннидтаанам̣ гад̇ваа вад̣̇анд̇и, звам̣ сад̇д̇аахагаран̣ийязна г̇ад̇ам̣ нам̣ анд̇осад̇д̇аахзязва буна ааг̇ажчанд̇ам̣ сажз аажарияо ваа убаж̇жхааяо ваа ‘‘аж̇ж̇а маа г̇ажчаа’’д̇и вад̣̇ад̇и, сад̇д̇аахаад̇иггамзби анаабад̇д̇ийд̇и ад̇хиббааяо, вассажчзд̣̇о бана ход̇иязваад̇и д̣̇адтаб̣б̣ам̣ сад̇д̇аахасса б̣ахид̣̇д̇хаа вийд̇инаамид̇ад̇д̇аа.
2619.Ācariyoti nidassanamattaṃ, upajjhāyena nivāritepi eseva nayo. ‘‘Sace pana naṃ ācariyo ‘ajja mā gacchā’ti vadati, vaṭṭatī’’ti (mahāva. aṭṭha. 199) aṭṭhakathānayaṃ dassetumāha ‘‘ratticchede anāpatti, hotīti paridīpitā’’ti. Ratticchedeti vassacchedanimittaṃ. ‘‘Ratticchede’’ti sabbattha vassacchedoti sanniṭṭhānaṃ katvā vadanti, evaṃ sattāhakaraṇīyena gataṃ naṃ antosattāheyeva puna āgacchantaṃ sace ācariyo vā upajjhāyo vā ‘‘ajja mā gacchā’’ti vadati, sattāhātikkamepi anāpattīti adhippāyo, vassacchedo pana hotiyevāti daṭṭhabbaṃ sattāhassa bahiddhā vītināmitattā.
2620. яасса гассажи н̃аад̇иссаад̇и маад̇аабид̇уухи ан̃н̃асса н̃аад̇иж̇анасса. ‘‘г̇ажчад̇о д̣̇ассанад̇т̇ааяаа’’д̇и иминаа сзсан̃аад̇игзхи ‘‘маяам̣ г̇илаанаа бхад̣̇анд̇аанам̣ ааг̇аманам̣ ижчаамаа’’д̇и жа ‘‘убадтаагагулзхи д̣̇аанам̣ д̣̇ассаама, д̇хаммам̣ соссаама, бхигкуунам̣ д̣̇ассанам̣ ижчаамаа’’д̇и жа звам̣ гад̇д̇аб̣б̣ам̣ нид̣̇д̣̇исид̇ваа д̣̇ууд̇з ваа бзсид̇з сад̇д̇аахагаран̣ийязна г̇ажчад̇о рад̇д̇ижчзд̣̇о жа д̣̇уггадан̃жа на ход̇ийд̇и вуд̇д̇ам̣ ход̇и. яат̇ааха ‘‘ид̇ха бана, бхигкавз, бхигкусса н̃аад̇аго г̇илаано ход̇и…бз… г̇анд̇аб̣б̣ам̣, бхигкавз, сад̇д̇аахагаран̣ийязна бахид̇з, на д̇взва аббахид̇з’’д̇и (махаава. 199) жа ‘‘ид̇ха бана, бхигкавз, убаасагзна сан̇гхам̣ уд̣̇д̣̇исса вихааро гаараабид̇о ход̇и…бз… ижчаами д̣̇аанан̃жа д̣̇аад̇ум̣ д̇хамман̃жа сод̇ум̣ бхигкуу жа бассид̇унд̇и. г̇анд̇аб̣б̣ам̣, бхигкавз, сад̇д̇аахагаран̣ийязна бахид̇з, на д̇взва аббахид̇з’’д̇и (махаава. 188) жа.
2620.Yassa kassaci ñātissāti mātāpitūhi aññassa ñātijanassa. ‘‘Gacchato dassanatthāyā’’ti iminā sesañātikehi ‘‘mayaṃ gilānā bhadantānaṃ āgamanaṃ icchāmā’’ti ca ‘‘upaṭṭhākakulehi dānaṃ dassāma, dhammaṃ sossāma, bhikkhūnaṃ dassanaṃ icchāmā’’ti ca evaṃ kattabbaṃ niddisitvā dūte vā pesite sattāhakaraṇīyena gacchato ratticchedo ca dukkaṭañca na hotīti vuttaṃ hoti. Yathāha ‘‘idha pana, bhikkhave, bhikkhussa ñātako gilāno hoti…pe… gantabbaṃ, bhikkhave, sattāhakaraṇīyena pahite, na tveva appahite’’ti (mahāva. 199) ca ‘‘idha pana, bhikkhave, upāsakena saṅghaṃ uddissa vihāro kārāpito hoti…pe… icchāmi dānañca dātuṃ dhammañca sotuṃ bhikkhū ca passitunti. Gantabbaṃ, bhikkhave, sattāhakaraṇīyena pahite, na tveva appahite’’ti (mahāva. 188) ca.
2621. ‘‘ахам̣ г̇аамагам̣ г̇анд̇ваа аж̇ж̇зва ааг̇амиссаамий’’д̇и ааг̇ажчам̣ ааг̇ажчанд̇о сажз баабун̣ид̇ум̣ на саггод̇зва, ваддад̇ийд̇и яож̇анаа. ваддад̇ийд̇и зд̇т̇а ‘‘аж̇ж̇зва ааг̇амиссаамий’’д̇и г̇анд̇ваа ааг̇ажчанд̇асса анд̇араамаг̇г̇з сажз арун̣уг̇г̇аманам̣ ход̇и, вассажчзд̣̇оби на ход̇и, рад̇д̇ижчзд̣̇ад̣̇уггадан̃жа над̇т̇ийд̇и ад̇хиббааяо.
2621. ‘‘Ahaṃ gāmakaṃ gantvā ajjeva āgamissāmī’’ti āgacchaṃ āgacchanto sace pāpuṇituṃ na sakkoteva, vaṭṭatīti yojanā. Vaṭṭatīti ettha ‘‘ajjeva āgamissāmī’’ti gantvā āgacchantassa antarāmagge sace aruṇuggamanaṃ hoti, vassacchedopi na hoti, ratticchedadukkaṭañca natthīti adhippāyo.
2622. важ̇зд̇и (махаава. адта. 203) г̇обаалагаанам̣ ниваасанадтаанз. сад̇т̇зд̇и ж̇ан̇гхасад̇т̇асагадасад̇т̇аанам̣ саннивидтогаасз. д̇ийсу таанзсу бхигкуно, вассажчзд̣̇з анаабад̇д̇ийд̇и д̇зхи сад̣̇д̇хим̣ г̇ажчанд̇ассзва над̇т̇и аабад̇д̇и, д̇зхи вияун̃ж̇ид̇ваа г̇аманз бана аабад̇д̇иязва, баваарзд̇ун̃жа на лабхад̇и.
2622.Vajeti (mahāva. aṭṭha. 203) gopālakānaṃ nivāsanaṭṭhāne. Sattheti jaṅghasatthasakaṭasatthānaṃ sanniviṭṭhokāse. Tīsu ṭhānesu bhikkhuno, vassacchede anāpattīti tehi saddhiṃ gacchantasseva natthi āpatti, tehi viyuñjitvā gamane pana āpattiyeva, pavāretuñca na labhati.
важ̇аад̣̇ийсу вассам̣ убаг̇ажчанд̇зна вассуубанааяигад̣̇ивасз д̇зна бхигкунаа убаасагаа вад̇д̇аб̣б̣аа ‘‘гудигаа лад̣̇д̇хум̣ ваддад̇ий’’д̇и. сажз гарид̇ваа д̣̇знд̇и, д̇ад̇т̇а бависид̇ваа ‘‘ид̇ха вассам̣ убзмий’’д̇и д̇игкад̇д̇ум̣ вад̇д̇аб̣б̣ам̣. но жз д̣̇знд̇и, саалаасан̇кзбзна тид̇асагадасса хздтаа убаг̇анд̇аб̣б̣ам̣. д̇амби алабханд̇зна аалаяо гаад̇аб̣б̣о. сад̇т̇з бана гудигаад̣̇ийнам̣ абхаавз ‘‘ид̇ха вассам̣ убзмий’’д̇и важийбхзд̣̇ам̣ гад̇ваа убаг̇анд̇ум̣ на ваддад̇и, аалаяагаран̣амад̇д̇амзва ваддад̇и. аалаяо наама ‘‘ид̇ха вассам̣ васиссаамий’’д̇и жид̇д̇уббаад̣̇амад̇д̇ам̣.
Vajādīsu vassaṃ upagacchantena vassūpanāyikadivase tena bhikkhunā upāsakā vattabbā ‘‘kuṭikā laddhuṃ vaṭṭatī’’ti. Sace karitvā denti, tattha pavisitvā ‘‘idha vassaṃ upemī’’ti tikkhattuṃ vattabbaṃ. No ce denti, sālāsaṅkhepena ṭhitasakaṭassa heṭṭhā upagantabbaṃ. Tampi alabhantena ālayo kātabbo. Satthe pana kuṭikādīnaṃ abhāve ‘‘idha vassaṃ upemī’’ti vacībhedaṃ katvā upagantuṃ na vaṭṭati, ālayakaraṇamattameva vaṭṭati. Ālayo nāma ‘‘idha vassaṃ vasissāmī’’ti cittuppādamattaṃ.
сажз маг̇г̇аббадибаннзязва сад̇т̇з бавааран̣ад̣̇ивасо ход̇и, д̇ад̇т̇зва баваарзд̇аб̣б̣ам̣. ат̇а сад̇т̇о анд̇овассзязва бхигкунаа бад̇т̇ид̇адтаанам̣ бад̇ваа ад̇иггамад̇и. бад̇т̇ид̇адтаанз васид̇ваа д̇ад̇т̇а бхигкуухи сад̣̇д̇хим̣ баваарзд̇аб̣б̣ам̣. ат̇ааби сад̇т̇о анд̇овассзязва анд̇араа згасмим̣ г̇аамз д̇идтад̇и ваа виббагирад̇и ваа, д̇асмим̣язва г̇аамз бхигкуухи сад̣̇д̇хим̣ васид̇ваа баваарзд̇аб̣б̣ам̣, аббаваарзд̇ваа д̇ад̇о барам̣ г̇анд̇ум̣ на ваддад̇и.
Sace maggappaṭipanneyeva satthe pavāraṇadivaso hoti, tattheva pavāretabbaṃ. Atha sattho antovasseyeva bhikkhunā patthitaṭṭhānaṃ patvā atikkamati. Patthitaṭṭhāne vasitvā tattha bhikkhūhi saddhiṃ pavāretabbaṃ. Athāpi sattho antovasseyeva antarā ekasmiṃ gāme tiṭṭhati vā vippakirati vā, tasmiṃyeva gāme bhikkhūhi saddhiṃ vasitvā pavāretabbaṃ, appavāretvā tato paraṃ gantuṃ na vaṭṭati.
наавааяа вассам̣ убаг̇ажчанд̇знааби гудияам̣язва убаг̇анд̇аб̣б̣ам̣. бариязсид̇ваа алабханд̇з аалаяо гаад̇аб̣б̣о . сажз анд̇од̇змаасам̣ нааваа самуд̣̇д̣̇зязва ход̇и, д̇ад̇т̇зва баваарзд̇аб̣б̣ам̣. ат̇а нааваа гуулам̣ лабхад̇и, саяан̃жа барад̇о г̇анд̇угаамо ход̇и, г̇анд̇ум̣ на ваддад̇и. наавааяа лад̣̇д̇хаг̇аамзязва васид̇ваа бхигкуухи сад̣̇д̇хим̣ баваарзд̇аб̣б̣ам̣. сажзби нааваа ануд̇ийрамзва ан̃н̃ад̇т̇а г̇ажчад̇и, бхигку жа батамам̣ лад̣̇д̇хаг̇аамзязва васид̇угаамо, нааваа г̇ажчад̇у, бхигкунаа д̇ад̇т̇зва васид̇ваа бхигкуухи сад̣̇д̇хим̣ баваарзд̇аб̣б̣ам̣.
Nāvāya vassaṃ upagacchantenāpi kuṭiyaṃyeva upagantabbaṃ. Pariyesitvā alabhante ālayo kātabbo . Sace antotemāsaṃ nāvā samuddeyeva hoti, tattheva pavāretabbaṃ. Atha nāvā kūlaṃ labhati, sayañca parato gantukāmo hoti, gantuṃ na vaṭṭati. Nāvāya laddhagāmeyeva vasitvā bhikkhūhi saddhiṃ pavāretabbaṃ. Sacepi nāvā anutīrameva aññattha gacchati, bhikkhu ca paṭhamaṃ laddhagāmeyeva vasitukāmo, nāvā gacchatu, bhikkhunā tattheva vasitvā bhikkhūhi saddhiṃ pavāretabbaṃ.
ид̇и важ̇з, сад̇т̇з, наавааяанд̇и д̇ийсу таанзсу над̇т̇и вассажчзд̣̇з аабад̇д̇и, баваарзд̇ун̃жа лабхад̇и.
Iti vaje, satthe, nāvāyanti tīsu ṭhānesu natthi vassacchede āpatti, pavāretuñca labhati.
2623. сад̇и бажжаяавзгаллзд̇и бин̣д̣абаад̇аад̣̇ийнам̣ бажжаяаанам̣ уунад̇д̇з сад̇и. сарийраапаасуд̇ааяа ваад̇и сарийрасса апаасуд̇ааяа ааб̣аад̇хз ваа сад̇и. вассам̣ чзд̇вааби баггамзд̇и вассажчзд̣̇ам̣ гад̇вааби яат̇аапаасугадтаанам̣ г̇ажчзяяа. аби-сад̣̇д̣̇зна вассам̣ ачзд̇ваа вассажчзд̣̇агааран̣з сад̇и сад̇д̇аахагаран̣ийязна г̇анд̇умби ваддад̇ийд̇и д̣̇ийбзд̇и.
2623.Sati paccayavekalleti piṇḍapātādīnaṃ paccayānaṃ ūnatte sati. Sarīrāphāsutāya vāti sarīrassa aphāsutāya ābādhe vā sati. Vassaṃ chetvāpi pakkameti vassacchedaṃ katvāpi yathāphāsukaṭṭhānaṃ gaccheyya. Api-saddena vassaṃ achetvā vassacchedakāraṇe sati sattāhakaraṇīyena gantumpi vaṭṭatīti dīpeti.
2624. язна гзнанд̇арааязнаад̇и рааж̇анд̇арааяаад̣̇ийсу язна гзнажи анд̇арааязна. яо бхигку вассам̣ нобаг̇ад̇о, д̇знааби чиннавассзна вааби д̣̇уд̇ияаа вассуубанааяигаа убаг̇анд̇аб̣б̣аад̇и яож̇анаа.
2624.Yena kenantarāyenāti rājantarāyādīsu yena kenaci antarāyena. Yo bhikkhu vassaṃ nopagato, tenāpi chinnavassena vāpi dutiyā vassūpanāyikā upagantabbāti yojanā.
2625-6. сад̇д̇ааханд̇и ажжанд̇асам̣яог̇з убаяог̇аважанам̣. ‘‘вийд̇инаамзд̇ий’’д̇и иминаа самб̣анд̇хо. убаг̇анд̇вааби ваа б̣ахид̣̇д̇хаа зва сад̇д̇аахам̣ вийд̇инаамзд̇и жз. яо г̇ажчад̇и, яо жа вийд̇инаамзд̇и, д̇асса бхигкусса. буримааби на виж̇ж̇ад̇ийд̇и анубаг̇ад̇ад̇д̇аа, чиннавассад̇д̇аа жа буримааби вассуубанааяигаа на виж̇ж̇ад̇и на лабхад̇и. имзсам̣ д̣̇виннам̣ яат̇ааггамам̣ убажаараад̇иггамз, сад̇д̇аахаад̇иггамз жа аабад̇д̇и взд̣̇ид̇аб̣б̣аа.
2625-6.Sattāhanti accantasaṃyoge upayogavacanaṃ. ‘‘Vītināmetī’’ti iminā sambandho. Upagantvāpi vā bahiddhā eva sattāhaṃ vītināmeti ce. Yo gacchati, yo ca vītināmeti, tassa bhikkhussa. Purimāpi na vijjatīti anupagatattā, chinnavassattā ca purimāpi vassūpanāyikā na vijjati na labhati. Imesaṃ dvinnaṃ yathākkamaṃ upacārātikkame, sattāhātikkame ca āpatti veditabbā.
бадиссавз жа бхигкусса, ход̇и аабад̇д̇и д̣̇уггаданд̇и ‘‘ид̇ха вассам̣ васат̇аа’’д̇и вуд̇д̇з ‘‘саад̇хуу’’д̇и бадиссун̣ид̇ваа д̇асса висам̣ваад̣̇з асажжаабанз аабад̇д̇и ход̇и. гад̇амаад̇и ааха ‘‘д̣̇уггада’’нд̇и. на гзвалам̣ зд̇ассзва висам̣ваад̣̇з аабад̇д̇и ход̇и, ат̇а ко ид̇арзсамби бадиссаваанам̣ висам̣ваад̣̇з аабад̇д̇и взд̣̇ид̇аб̣б̣аа. яат̇ааха – ‘‘бадиссавз жа аабад̇д̇и д̣̇уггадассаад̇и зд̇т̇а на гзвалам̣ ‘имам̣ д̇змаасам̣ ид̇ха вассам̣ васат̇аа’д̇и зд̇ассзва бадиссавасса висам̣ваад̣̇з аабад̇д̇и, ‘имам̣ д̇змаасам̣ бхигкам̣ г̇ан̣хат̇а, убхоби маяам̣ ид̇ха вассам̣ васиссаама, згад̇ова уд̣̇д̣̇исаабзссаамаа’д̇и звамаад̣̇инааби д̇асса д̇асса бадиссавасса висам̣ваад̣̇з д̣̇уггада’’нд̇и (махаава. адта. 207). д̇ан̃жа ко бадиссавагаалз суд̣̇д̇хажид̇д̇асса бажчаа висам̣ваад̣̇анабажжаяаа ход̇и. батамам̣ асуд̣̇д̇хажид̇д̇асса бана бадиссавз баажид̇д̇ияам̣, висам̣ваад̣̇зна д̣̇уггаданд̇и баажид̇д̇иязна сад̣̇д̇хим̣ д̣̇уггадам̣ яуж̇ж̇ад̇и.
Paṭissave ca bhikkhussa, hoti āpatti dukkaṭanti ‘‘idha vassaṃ vasathā’’ti vutte ‘‘sādhū’’ti paṭissuṇitvā tassa visaṃvāde asaccāpane āpatti hoti. Katamāti āha ‘‘dukkaṭa’’nti. Na kevalaṃ etasseva visaṃvāde āpatti hoti, atha kho itaresampi paṭissavānaṃ visaṃvāde āpatti veditabbā. Yathāha – ‘‘paṭissave ca āpatti dukkaṭassāti ettha na kevalaṃ ‘imaṃ temāsaṃ idha vassaṃ vasathā’ti etasseva paṭissavassa visaṃvāde āpatti, ‘imaṃ temāsaṃ bhikkhaṃ gaṇhatha, ubhopi mayaṃ idha vassaṃ vasissāma, ekatova uddisāpessāmā’ti evamādināpi tassa tassa paṭissavassa visaṃvāde dukkaṭa’’nti (mahāva. aṭṭha. 207). Tañca kho paṭissavakāle suddhacittassa pacchā visaṃvādanapaccayā hoti. Paṭhamaṃ asuddhacittassa pana paṭissave pācittiyaṃ, visaṃvādena dukkaṭanti pācittiyena saddhiṃ dukkaṭaṃ yujjati.
2627. ‘‘вассам̣ убаг̇анд̇ваа бана арун̣ам̣ анудтаабзд̇ваа д̇ад̣̇ахзва сад̇д̇аахагаран̣ийязна баггаманд̇ассааби анд̇осад̇д̇аахз нивад̇д̇анд̇асса анаабад̇д̇ий’’д̇и (махаава. адта. 207) адтагат̇ааважанад̇о, ‘‘го ваад̣̇о васид̇ваа б̣ахи г̇ажчад̇о’’д̇и вагкамаанад̇д̇аа жа ‘‘нудтаабзд̇ваа банаарун̣а’’нд̇и баато г̇ахзд̇аб̣б̣о. гад̇т̇ажи бод̇т̇агзсу ‘‘удтаабзд̇ваа банаарун̣а’’нд̇и баато д̣̇иссад̇и, со на г̇ахзд̇аб̣б̣о.
2627. ‘‘Vassaṃ upagantvā pana aruṇaṃ anuṭṭhāpetvā tadaheva sattāhakaraṇīyena pakkamantassāpi antosattāhe nivattantassa anāpattī’’ti (mahāva. aṭṭha. 207) aṭṭhakathāvacanato, ‘‘ko vādo vasitvā bahi gacchato’’ti vakkhamānattā ca ‘‘nuṭṭhāpetvā panāruṇa’’nti pāṭho gahetabbo. Katthaci potthakesu ‘‘uṭṭhāpetvā panāruṇa’’nti pāṭho dissati, so na gahetabbo.
2628. васид̇ваад̇и д̣̇вийхад̇ийхам̣ васид̇ваа. яат̇аа вассам̣ васид̇ваа арун̣ам̣ анудтаабзд̇ваава сад̇д̇аахагаран̣ийязна г̇ажчад̇о анаабад̇д̇и, д̇ат̇аа г̇ад̇адтаанад̇о анд̇осад̇д̇аахз ааг̇анд̇ваа бунаби арун̣ам̣ анудтаабзд̇ваава сад̇д̇аахагаран̣ийязна г̇ажчад̇о анаабад̇д̇и. ‘‘сад̇д̇аахаваарзна арун̣о удтаабзд̇аб̣б̣о’’д̇и (махаава. адта. 201) адтагат̇ааважанам̣ сад̇д̇амаарун̣зна бадиб̣ад̣̇д̇хад̣̇ивасам̣ сад̇д̇амзна арун̣знзва сан̇г̇ахзд̇ваа сад̇д̇амаарун̣аб̣бханд̇арз анааг̇анд̇ваа адтамам̣ арун̣ам̣ б̣ахи удтаабзнд̇асса рад̇д̇ижчзд̣̇ад̣̇ассанабарам̣, на сад̇д̇амаарун̣ассзва д̇ад̇т̇а удтаабзд̇аб̣б̣абхаавад̣̇ассанабаранд̇и г̇ахзд̇аб̣б̣ам̣ сигкаабхааж̇анаадтагат̇ааяа, сийхал̣аг̇ан̣тибад̣̇зсу жа д̇ат̇аа винижчид̇ад̇д̇аа.
2628.Vasitvāti dvīhatīhaṃ vasitvā. Yathā vassaṃ vasitvā aruṇaṃ anuṭṭhāpetvāva sattāhakaraṇīyena gacchato anāpatti, tathā gataṭṭhānato antosattāhe āgantvā punapi aruṇaṃ anuṭṭhāpetvāva sattāhakaraṇīyena gacchato anāpatti. ‘‘Sattāhavārena aruṇo uṭṭhāpetabbo’’ti (mahāva. aṭṭha. 201) aṭṭhakathāvacanaṃ sattamāruṇena paṭibaddhadivasaṃ sattamena aruṇeneva saṅgahetvā sattamaaruṇabbhantare anāgantvā aṭṭhamaṃ aruṇaṃ bahi uṭṭhāpentassa ratticchedadassanaparaṃ, na sattamaaruṇasseva tattha uṭṭhāpetabbabhāvadassanaparanti gahetabbaṃ sikkhābhājanaaṭṭhakathāya, sīhaḷagaṇṭhipadesu ca tathā vinicchitattā.
2629. ‘‘нобзд̇и асад̇ияаа’’д̇и бад̣̇ажчзд̣̇о, нобзд̇ийд̇и ‘‘имасмим̣ вихаарз имам̣ д̇змаасам̣ вассам̣ убзмий’’д̇и важийбхзд̣̇зна на убаг̇ажчад̇и.
2629. ‘‘Nopeti asatiyā’’ti padacchedo, nopetīti ‘‘imasmiṃ vihāre imaṃ temāsaṃ vassaṃ upemī’’ti vacībhedena na upagacchati.
2630. вуд̇д̇амзвад̇т̇ам̣ самад̇т̇зд̇умааха ‘‘на д̣̇осо гожи виж̇ж̇ад̇ий’’д̇и.
2630. Vuttamevatthaṃ samatthetumāha ‘‘na doso koci vijjatī’’ti.
2631. ‘‘имасмим̣ вихаарз имам̣ д̇змаасам̣ вассам̣ убзмий’’д̇и д̇игкад̇д̇ум̣ важанз нижчаарид̇з зва вассам̣ убаг̇ад̇о сияаад̇и яож̇анаа. ‘‘нижчаарид̇зва д̇игкад̇д̇у’’нд̇и ид̣̇ам̣ уггам̣савасзна вуд̇д̇ам̣, сагим̣, д̣̇вигкад̇д̇ум̣ ваа нижчаарид̇зби вассуубаг̇ад̇о наама ход̇ийд̇и. яат̇ааха – ‘‘имасмим̣ вихаарз имам̣ д̇змаасам̣ вассам̣ убзмийд̇и сагим̣ ваа д̣̇вад̇д̇игкад̇д̇ум̣ ваа ваажам̣ нижчаарзд̇ваава вассам̣ убаг̇анд̇аб̣б̣а’’нд̇и (махаава. адта. 184).
2631. ‘‘Imasmiṃ vihāre imaṃ temāsaṃ vassaṃ upemī’’ti tikkhattuṃ vacane nicchārite eva vassaṃ upagato siyāti yojanā. ‘‘Nicchāriteva tikkhattu’’nti idaṃ ukkaṃsavasena vuttaṃ, sakiṃ, dvikkhattuṃ vā nicchāritepi vassūpagato nāma hotīti. Yathāha – ‘‘imasmiṃ vihāre imaṃ temāsaṃ vassaṃ upemīti sakiṃ vā dvattikkhattuṃ vā vācaṃ nicchāretvāva vassaṃ upagantabba’’nti (mahāva. aṭṭha. 184).
2632. навамид̇о бадтааяа г̇анд̇ум̣ ваддад̇и, ааг̇ажчад̇у ваа маа ваа, анаабад̇д̇ий’’д̇и (махаава. адта. 207) адтагат̇аанаяам̣ д̣̇ассзд̇умааха ‘‘аад̣̇им̣ д̇у навамим̣ гад̇ваа’’д̇иаад̣̇и. навамим̣ бабхуд̇и аад̣̇им̣ гад̇ваа, навамид̇о бадтааяаад̇и вуд̇д̇ам̣ ход̇и. г̇анд̇ум̣ ваддад̇ийд̇и сад̇д̇аахагаран̣ийязнзва г̇анд̇ум̣ ваддад̇и, д̇асмаа бавааран̣ад̣̇ивасзби д̇ад̣̇ахзва ааг̇анд̇ум̣ асаггун̣зяяадтаанам̣ бавааран̣ад̇т̇ааяа г̇ажчанд̇зна лаб̣бхамаанзна сад̇д̇аахагаран̣ийязна г̇анд̇ум̣ ваддад̇и. ‘‘баваарзд̇ваа бана г̇анд̇ум̣ ваддад̇и бавааран̣ааяа д̇ам̣д̣̇ивасасанниссид̇ад̇д̇аа’’д̇и (важ̇ира. дий. махааваг̇г̇а 207) хи важ̇ираб̣уд̣̇д̇хид̇т̇зро. со бажчаа ааг̇ажчад̇у ваа маа ваа, д̣̇осо на виж̇ж̇ад̇ийд̇и яож̇анаа.
2632. Navamito paṭṭhāya gantuṃ vaṭṭati, āgacchatu vā mā vā, anāpattī’’ti (mahāva. aṭṭha. 207) aṭṭhakathānayaṃ dassetumāha ‘‘ādiṃ tu navamiṃ katvā’’tiādi. Navamiṃ pabhuti ādiṃ katvā, navamito paṭṭhāyāti vuttaṃ hoti. Gantuṃ vaṭṭatīti sattāhakaraṇīyeneva gantuṃ vaṭṭati, tasmā pavāraṇadivasepi tadaheva āgantuṃ asakkuṇeyyaṭṭhānaṃ pavāraṇatthāya gacchantena labbhamānena sattāhakaraṇīyena gantuṃ vaṭṭati. ‘‘Pavāretvā pana gantuṃ vaṭṭati pavāraṇāya taṃdivasasannissitattā’’ti (vajira. ṭī. mahāvagga 207) hi vajirabuddhitthero. So pacchā āgacchatu vā mā vā, doso na vijjatīti yojanā.
вассуубанааяигагканд̇хагагат̇ааван̣н̣анаа.
Vassūpanāyikakkhandhakakathāvaṇṇanā.
