| Library / Tipiṭaka / ਤਿਪਿਟਕ • Tipiṭaka / વਿਨਯવਿਨਿਚ੍ਛਯ-ਟੀਕਾ • Vinayavinicchaya-ṭīkā |
વਸ੍ਸੂਪਨਾਯਿਕਕ੍ਖਨ੍ਧਕਕਥਾવਣ੍ਣਨਾ
Vassūpanāyikakkhandhakakathāvaṇṇanā
੨੬੦੮. વਸ੍ਸੂਪਨਾਯਿਕਾ વੁਤ੍ਤਾਤਿ ਸੇਸੋ। ਪਚ੍ਛਿਮਾ ਚਾਤਿ ਏਤ੍ਥ ਇਤਿ-ਸਦ੍ਦੋ ਨਿਦਸ੍ਸਨੇ। વਸ੍ਸੂਪਨਾਯਿਕਾਤਿ વਸ੍ਸੂਪਗਮਨਾ। ਆਲਯੋ, વਚੀਭੇਦੋ વਾ ਕਾਤਬ੍ਬੋ ਉਪਗਚ੍ਛਤਾਤਿ ਇਮਿਨਾ વਸ੍ਸੂਪਗਮਨਪ੍ਪਕਾਰੋ ਦਸ੍ਸਿਤੋ। ਉਪਗਚ੍ਛਤਾ ਆਲਯੋ ਕਤ੍ਤਬ੍ਬੋ, વਚੀਭੇਦੋ વਾ ਕਤ੍ਤਬ੍ਬੋਤਿ ਸਮ੍ਬਨ੍ਧੋ। ਉਪਗਚ੍ਛਨ੍ਤੇਨ ਚ ਸੇਨਾਸਨੇ ਅਸਤਿ ‘‘ਇਧ વਸ੍ਸਂ વਸਿਸ੍ਸਾਮੀ’’ਤਿ ਚਿਤ੍ਤੁਪ੍ਪਾਦਮਤ੍ਤਂ વਾ ਕਾਤਬ੍ਬਂ, ਸੇਨਾਸਨੇ ਸਤਿ ‘‘ਇਮਸ੍ਮਿਂ વਿਹਾਰੇ ਇਮਂ ਤੇਮਾਸਂ વਸ੍ਸਂ ਉਪੇਮੀ’’ਤਿ ਚ ‘‘ਇਧ વਸ੍ਸਂ ਉਪੇਮੀ’’ਤਿ ਚ વਚੀਭੇਦੋ વਾ ਕਾਤਬ੍ਬੋਤਿ ਅਤ੍ਥੋ।
2608. Vassūpanāyikā vuttāti seso. Pacchimā cāti ettha iti-saddo nidassane. Vassūpanāyikāti vassūpagamanā. Ālayo, vacībhedo vā kātabbo upagacchatāti iminā vassūpagamanappakāro dassito. Upagacchatā ālayo kattabbo, vacībhedo vā kattabboti sambandho. Upagacchantena ca senāsane asati ‘‘idha vassaṃ vasissāmī’’ti cittuppādamattaṃ vā kātabbaṃ, senāsane sati ‘‘imasmiṃ vihāre imaṃ temāsaṃ vassaṃ upemī’’ti ca ‘‘idha vassaṃ upemī’’ti ca vacībhedo vā kātabboti attho.
੨੬੦੯. ਜਾਨਂ વਸ੍ਸੂਪਗਮਨਂ ਅਨੁਪਗਚ੍ਛਤੋ વਾਪੀਤਿ ਯੋਜਨਾ। ਤੇਮਾਸਨ੍ਤਿ ਏਤ੍ਥ ‘‘ਪੁਰਿਮਂ વਾ ਪਚ੍ਛਿਮਂ વਾ’’ਤਿ ਸੇਸੋ। ਚਰਨ੍ਤਸ੍ਸਾਪੀਤਿ ਏਤ੍ਥ ‘‘ਚਾਰਿਕ’’ਨ੍ਤਿ ਸੇਸੋ। ਪੁਰਿਮਂ વਾ ਤੇਮਾਸਂ ਪਚ੍ਛਿਮਂ વਾ ਤੇਮਾਸਂ ਅવਸਿਤ੍વਾવ ਚਾਰਿਕਂ ਚਰਨ੍ਤਸ੍ਸਾਪਿ ਦੁਕ੍ਕਟਨ੍ਤਿ ਯੋਜਨਾ। ਤੇਮਾਸਨ੍ਤਿ ਅਚ੍ਚਨ੍ਤਸਂਯੋਗੇ ਉਪਯੋਗવਚਨਂ। ਯਥਾਹ – ‘‘ਨ, ਭਿਕ੍ਖવੇ, વਸ੍ਸਂ ਉਪਗਨ੍ਤ੍વਾ ਪੁਰਿਮਂ વਾ ਤੇਮਾਸਂ ਪਚ੍ਛਿਮਂ વਾ ਤੇਮਾਸਂ ਅવਸਿਤ੍વਾ ਚਾਰਿਕਾ ਪਕ੍ਕਮਿਤਬ੍ਬਾ, ਯੋ ਪਕ੍ਕਮੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ (ਮਹਾવ॰ ੧੮੫)।
2609. Jānaṃ vassūpagamanaṃ anupagacchato vāpīti yojanā. Temāsanti ettha ‘‘purimaṃ vā pacchimaṃ vā’’ti seso. Carantassāpīti ettha ‘‘cārika’’nti seso. Purimaṃ vā temāsaṃ pacchimaṃ vā temāsaṃ avasitvāva cārikaṃ carantassāpi dukkaṭanti yojanā. Temāsanti accantasaṃyoge upayogavacanaṃ. Yathāha – ‘‘na, bhikkhave, vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā, yo pakkameyya, āpatti dukkaṭassā’’ti (mahāva. 185).
੨੬੧੦. ਰੁਕ੍ਖਸ੍ਸ ਸੁਸਿਰੇਤਿ ਏਤ੍ਥ ‘‘ਸੁਦ੍ਧੇ’’ਤਿ ਸੇਸੋ। ਯਥਾਹ – ‘‘ਰੁਕ੍ਖਸੁਸਿਰੇਤਿ ਏਤ੍ਥ ਸੁਦ੍ਧੇ ਰੁਕ੍ਖਸੁਸਿਰੇਯੇવ ਨ વਟ੍ਟਤਿ, ਮਹਨ੍ਤਸ੍ਸ ਪਨ ਰੁਕ੍ਖਸੁਸਿਰਸ੍ਸ ਅਨ੍ਤੋ ਪਦਰਚ੍ਛਦਨਂ ਕੁਟਿਕਂ ਕਤ੍વਾ ਪવਿਸਨਦ੍વਾਰਂ ਯੋਜੇਤ੍વਾ ਉਪਗਨ੍ਤੁਂ વਟ੍ਟਤੀ’’ਤਿ। ‘‘ਰੁਕ੍ਖਸ੍ਸ ਸੁਸਿਰੇ’’ਤਿ ਇਮਿਨਾ ਰੁਕ੍ਖੇਕਦੇਸੋ વਿਟਪੋਪਿ ਸਙ੍ਗਹਿਤੋ, ਸੋਪਿ ਸੁਦ੍ਧੋવ ਨ વਟ੍ਟਤਿ। ਯਥਾਹ – ‘‘ਰੁਕ੍ਖવਿਟਭਿਯਾਤਿ ਏਤ੍ਥਾਪਿ ਸੁਦ੍ਧੇ વਿਟਪਮਤ੍ਤੇ ਨ વਟ੍ਟਤਿ, ਮਹਾવਿਟਪੇ ਪਨ ਅਟ੍ਟਕਂ ਬਨ੍ਧਿਤ੍વਾ ਤਤ੍ਥ ਪਦਰਚ੍ਛਦਨਂ ਕੁਟਿਕਂ ਕਤ੍વਾ ਉਪਗਨ੍ਤੁਂ વਟ੍ਟਤੀ’’ਤਿ (ਮਹਾવ॰ ਅਟ੍ਠ॰ ੨੦੩)।
2610.Rukkhassasusireti ettha ‘‘suddhe’’ti seso. Yathāha – ‘‘rukkhasusireti ettha suddhe rukkhasusireyeva na vaṭṭati, mahantassa pana rukkhasusirassa anto padaracchadanaṃ kuṭikaṃ katvā pavisanadvāraṃ yojetvā upagantuṃ vaṭṭatī’’ti. ‘‘Rukkhassa susire’’ti iminā rukkhekadeso viṭapopi saṅgahito, sopi suddhova na vaṭṭati. Yathāha – ‘‘rukkhaviṭabhiyāti etthāpi suddhe viṭapamatte na vaṭṭati, mahāviṭape pana aṭṭakaṃ bandhitvā tattha padaracchadanaṃ kuṭikaṃ katvā upagantuṃ vaṭṭatī’’ti (mahāva. aṭṭha. 203).
‘‘ਛਤ੍ਤੇਤਿ ਏਤ੍ਥਾਪਿ ਚਤੂਸੁ ਥਮ੍ਭੇਸੁ ਛਤ੍ਤਂ ਠਪੇਤ੍વਾ ਆવਰਣਂ ਕਤ੍વਾ ਦ੍વਾਰਂ ਯੋਜੇਤ੍વਾ ਉਪਗਨ੍ਤੁਂ વਟ੍ਟਤਿ, ਛਤ੍ਤਕੁਟਿਕਾ ਨਾਮੇਸਾ ਹੋਤਿ। ਚਾਟਿਯਾਤਿ ਏਤ੍ਥਾਪਿ ਮਹਨ੍ਤੇਨ ਕਪਲ੍ਲੇਨ ਛਤ੍ਤੇ વੁਤ੍ਤਨਯੇਨ ਕੁਟਿਂ ਕਤ੍વਾવ ਉਪਗਨ੍ਤੁਂ વਟ੍ਟਤੀ’’ਤਿ ਅਟ੍ਠਕਥਾવਚਨਤੋ ਏવਮਕਤਾਸੁ ਸੁਦ੍ਧਛਤ੍ਤਚਾਟੀਸੁ ਨਿવਾਰਣਂ વੇਦਿਤਬ੍ਬਂ। ਛવਕੁਟੀਤਿ ਟਙ੍ਕਿਤਮਞ੍ਚਾਦਯੋ વੁਤ੍ਤਾ। ਯਥਾਹ – ‘‘ਛવਕੁਟਿਕਾ ਨਾਮ ਟਙ੍ਕਿਤਮਞ੍ਚਾਦਿਭੇਦਾ ਕੁਟਿ, ਤਤ੍ਥ ਉਪਗਨ੍ਤੁਂ ਨ વਟ੍ਟਤੀ’’ਤਿ (ਮਹਾવ॰ ਅਟ੍ਠ॰ ੨੦੩)।
‘‘Chatteti etthāpi catūsu thambhesu chattaṃ ṭhapetvā āvaraṇaṃ katvā dvāraṃ yojetvā upagantuṃ vaṭṭati, chattakuṭikā nāmesā hoti. Cāṭiyāti etthāpi mahantena kapallena chatte vuttanayena kuṭiṃ katvāva upagantuṃ vaṭṭatī’’ti aṭṭhakathāvacanato evamakatāsu suddhachattacāṭīsu nivāraṇaṃ veditabbaṃ. Chavakuṭīti ṭaṅkitamañcādayo vuttā. Yathāha – ‘‘chavakuṭikā nāma ṭaṅkitamañcādibhedā kuṭi, tattha upagantuṃ na vaṭṭatī’’ti (mahāva. aṭṭha. 203).
ਸੁਸਾਨੇ ਪਨ ਅਞ੍ਞਂ ਕੁਟਿਕਂ ਕਤ੍વਾ ਉਪਗਨ੍ਤੁਂ વਟ੍ਟਤਿ। ‘‘ਛવਸਰੀਰਂ ਝਾਪੇਤ੍વਾ ਛਾਰਿਕਾਯ, ਅਟ੍ਠਿਕਾਨਞ੍ਚ ਅਤ੍ਥਾਯ ਕੁਟਿਕਾ ਕਰੀਯਤੀ’’ਤਿ ਅਨ੍ਧਕਟ੍ਠਕਥਾਯਂ ਛવਕੁਟਿ વੁਤ੍ਤਾ। ‘‘ਟਙ੍ਕਿਤਮਞ੍ਚੋਤਿ ਕਸਿਕੁਟਿਕਾਪਾਸਾਣਘਰਨ੍ਤਿ ਲਿਖਿਤ’’ਨ੍ਤਿ (વਜਿਰ॰ ਟੀ॰ ਮਹਾવਗ੍ਗ ੨੦੩) વਜਿਰਬੁਦ੍ਧਿਤ੍ਥੇਰੋ। ਚਤੁਨ੍ਨਂ ਪਾਸਾਣਾਨਂ ਉਪਰਿ ਪਾਸਾਣਂ ਅਤ੍ਥਰਿਤ੍વਾ ਕਤੋ ਗੇਹੋਪਿ ‘‘ਟਙ੍ਕਿਤਮਞ੍ਚੋ’’ਤਿ વੁਚ੍ਚਤਿ। ਦੀਘੇ ਮਞ੍ਚਪਾਦੇ ਮਜ੍ਝੇ વਿਜ੍ਝਿਤ੍વਾ ਅਟਨਿਯੋ ਪવੇਸੇਤ੍વਾ ਮਞ੍ਚਂ ਕਰੋਨ੍ਤੀਤਿ ਤਸ੍ਸ ਇਦਂ ਉਪਰਿ, ਇਦਂ ਹੇਟ੍ਠਾਤਿ ਨਤ੍ਥਿ, ਪਰਿવਤ੍ਤੇਤ੍વਾ ਅਤ੍ਥਤੋਪਿ ਤਾਦਿਸੋવ ਹੋਤਿ, ਤਂ ਸੁਸਾਨੇ, ਦੇવਟ੍ਠਾਨੇ ਚ ਠਪੇਨ੍ਤਿ, ਅਯਮ੍ਪਿ ਟਙ੍ਕਿਤਮਞ੍ਚੋ ਨਾਮ।
Susāne pana aññaṃ kuṭikaṃ katvā upagantuṃ vaṭṭati. ‘‘Chavasarīraṃ jhāpetvā chārikāya, aṭṭhikānañca atthāya kuṭikā karīyatī’’ti andhakaṭṭhakathāyaṃ chavakuṭi vuttā. ‘‘Ṭaṅkitamañcoti kasikuṭikāpāsāṇagharanti likhita’’nti (vajira. ṭī. mahāvagga 203) vajirabuddhitthero. Catunnaṃ pāsāṇānaṃ upari pāsāṇaṃ attharitvā kato gehopi ‘‘ṭaṅkitamañco’’ti vuccati. Dīghe mañcapāde majjhe vijjhitvā aṭaniyo pavesetvā mañcaṃ karontīti tassa idaṃ upari, idaṃ heṭṭhāti natthi, parivattetvā atthatopi tādisova hoti, taṃ susāne, devaṭṭhāne ca ṭhapenti, ayampi ṭaṅkitamañco nāma.
੨੬੧੧. ‘‘ਸਤਿ ਪਚ੍ਚਯવੇਕਲ੍ਲੇ, ਸਰੀਰਾਫਾਸੁਤਾਯ વਾ’’ਤਿ ਅવਸੇਸਨ੍ਤਰਾਯਾਨਂ વਕ੍ਖਮਾਨਤ੍ਤਾ ‘‘ਅਨ੍ਤਰਾਯੋ’’ਤਿ ਇਮਿਨਾ ਰਾਜਨ੍ਤਰਾਯਾਦਿ ਦਸવਿਧੋ ਗਹੇਤਬ੍ਬੋ।
2611. ‘‘Sati paccayavekalle, sarīrāphāsutāya vā’’ti avasesantarāyānaṃ vakkhamānattā ‘‘antarāyo’’ti iminā rājantarāyādi dasavidho gahetabbo.
੨੬੧੨-੪. ‘‘ਅਨੁਜਾਨਾਮਿ , ਭਿਕ੍ਖવੇ, ਸਤ੍ਤਨ੍ਨਂ ਸਤ੍ਤਾਹਕਰਣੀਯੇਨ ਅਪ੍ਪਹਿਤੇਪਿ ਗਨ੍ਤੁਂ, ਪਗੇવ ਪਹਿਤੇ ਭਿਕ੍ਖੁਸ੍ਸ ਭਿਕ੍ਖੁਨਿਯਾ ਸਿਕ੍ਖਮਾਨਾਯ ਸਾਮਣੇਰਸ੍ਸ ਸਾਮਣੇਰਿਯਾ ਮਾਤੁਯਾ ਚ ਪਿਤੁਸ੍ਸ ਚਾ’’ਤਿ (ਮਹਾવ॰ ੧੯੮) વੁਤ੍ਤਨਯਂ ਦਸ੍ਸੇਤੁਮਾਹ ‘‘ਮਾਤਾਪਿਤੂਨ’’ਨ੍ਤਿਆਦਿ।
2612-4. ‘‘Anujānāmi , bhikkhave, sattannaṃ sattāhakaraṇīyena appahitepi gantuṃ, pageva pahite bhikkhussa bhikkhuniyā sikkhamānāya sāmaṇerassa sāmaṇeriyā mātuyā ca pitussa cā’’ti (mahāva. 198) vuttanayaṃ dassetumāha ‘‘mātāpitūna’’ntiādi.
ਮਾਤਾਪਿਤੂਨਂ ਦਸ੍ਸਨਤ੍ਥਂ, ਪਞ੍ਚਨ੍ਨਂ ਸਹਧਮ੍ਮਿਕਾਨਂ ਦਸ੍ਸਨਤ੍ਥਂ વਾ ਨੇਸਂ ਅਤ੍ਥੇ ਸਤਿ વਾ ਨੇਸਂ ਅਨ੍ਤਰੇ ਗਿਲਾਨਂ ਦਟ੍ਠੁਂ વਾ ਤਦੁਪਟ੍ਠਾਕਾਨਂ ਭਤ੍ਤਾਦਿਂ ਪਰਿਯੇਸਨਤ੍ਥਂ વਾ ਨੇਸਂ ਭਤ੍ਤਾਦਿਂ ਪਰਿਯੇਸਨਤ੍ਥਂ વਾ ਤਥਾ ਨੇਸਂ ਪਞ੍ਚਨ੍ਨਂ ਸਹਧਮ੍ਮਿਕਾਨਂ ਅਞ੍ਞਤਰਂ ਅਨਭਿਰਤਂ ਉਕ੍ਕਣ੍ਠਿਤਂ ਅਹਂ ਗਨ੍ਤ੍વਾ વੂਪਕਾਸੇਸ੍ਸਂ વਾ વੂਪਕਾਸਾਪੇਸ੍ਸਾਮਿ વਾ ਧਮ੍ਮਕਥਮਸ੍ਸ ਕਰਿਸ੍ਸਾਮੀਤਿ વਾ ਤਸ੍ਸ ਪਞ੍ਚਨ੍ਨਂ ਸਹਧਮ੍ਮਿਕਾਨਂ ਅਞ੍ਞਤਰਸ੍ਸ ਉਟ੍ਠਿਤਂ ਉਪ੍ਪਨ੍ਨਂ ਦਿਟ੍ਠਿਂ વਿવੇਚੇਸ੍ਸਾਮਿ વਾ વਿવੇਚਾਪੇਸ੍ਸਾਮਿ વਾ ਧਮ੍ਮਕਥਮਸ੍ਸ ਕਰਿਸ੍ਸਾਮੀਤਿ વਾ ਤਥਾ ਉਪ੍ਪਨ੍ਨਂ ਕੁਕ੍ਕੁਚ੍ਚਂ વਿਨੋਦੇਸ੍ਸਾਮੀਤਿ વਾ વਿਨੋਦਾਪੇਸ੍ਸਾਮੀਤਿ વਾ ਧਮ੍ਮਕਥਮਸ੍ਸ ਕਰਿਸ੍ਸਾਮੀਤਿ વਾ ਏવਂ વਿਨਯਞ੍ਞੁਨਾ ਭਿਕ੍ਖੁਨਾ ਸਤ੍ਤਾਹਕਿਚ੍ਚੇਨ ਅਪੇਸਿਤੇਪਿ ਗਨ੍ਤਬ੍ਬਂ, ਪਗੇવ ਪਹਿਤੇਤਿ ਯੋਜਨਾ।
Mātāpitūnaṃ dassanatthaṃ, pañcannaṃ sahadhammikānaṃ dassanatthaṃ vā nesaṃ atthe sati vā nesaṃ antare gilānaṃ daṭṭhuṃ vā tadupaṭṭhākānaṃ bhattādiṃ pariyesanatthaṃ vā nesaṃ bhattādiṃ pariyesanatthaṃ vā tathā nesaṃ pañcannaṃ sahadhammikānaṃ aññataraṃ anabhirataṃ ukkaṇṭhitaṃ ahaṃ gantvā vūpakāsessaṃ vā vūpakāsāpessāmi vā dhammakathamassa karissāmīti vā tassa pañcannaṃ sahadhammikānaṃ aññatarassa uṭṭhitaṃ uppannaṃ diṭṭhiṃ vivecessāmi vā vivecāpessāmi vā dhammakathamassa karissāmīti vā tathā uppannaṃ kukkuccaṃ vinodessāmīti vā vinodāpessāmīti vā dhammakathamassa karissāmīti vā evaṃ vinayaññunā bhikkhunā sattāhakiccena apesitepi gantabbaṃ, pageva pahiteti yojanā.
ਭਤ੍ਤਾਦੀਤਿ ਏਤ੍ਥ ਆਦਿ-ਸਦ੍ਦੇਨ ਭੇਸਜ੍ਜਪਰਿਯੇਸਨਾਦਿਂ ਸਙ੍ਗਣ੍ਹਾਤਿ। ਯਥਾਹ – ‘‘ਗਿਲਾਨਭਤ੍ਤਂ વਾ ਪਰਿਯੇਸਿਸ੍ਸਾਮਿ, ਗਿਲਾਨੁਪਟ੍ਠਾਕਭਤ੍ਤਂ વਾ ਪਰਿਯੇਸਿਸ੍ਸਾਮਿ, ਗਿਲਾਨਭੇਸਜ੍ਜਂ વਾ ਪਰਿਯੇਸਿਸ੍ਸਾਮਿ, ਪੁਚ੍ਛਿਸ੍ਸਾਮਿ વਾ ਉਪਟ੍ਠਹਿਸ੍ਸਾਮਿ વਾ’’ਤਿ। વੂਪਕਾਸੇਸ੍ਸਨ੍ਤਿ ਯਤ੍ਥ ਅਨਭਿਰਤਿ ਉਪ੍ਪਨ੍ਨਾ, ਤਤੋ ਅਞ੍ਞਤ੍ਥ ਗਹੇਤ੍વਾ ਗਮਿਸ੍ਸਾਮੀਤਿ ਅਤ੍ਥੋ।
Bhattādīti ettha ādi-saddena bhesajjapariyesanādiṃ saṅgaṇhāti. Yathāha – ‘‘gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā upaṭṭhahissāmi vā’’ti. Vūpakāsessanti yattha anabhirati uppannā, tato aññattha gahetvā gamissāmīti attho.
વਿਨੋਦੇਸ੍ਸਾਮਹਨ੍ਤਿ વਾਤਿ ਏਤ੍ਥ વਾ-ਸਦ੍ਦੇਨ ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁ ਗਰੁਧਮ੍ਮਂ ਅਜ੍ਝਾਪਨ੍ਨੋ ਹੋਤਿ ਪਰਿવਾਸਾਰਹੋ, ਸੋ ਚੇ ਭਿਕ੍ਖੂਨਂ ਸਨ੍ਤਿਕੇ ਦੂਤਂ ਪਹਿਣੇਯ੍ਯ ‘ਅਹਞ੍ਹਿ ਗਰੁਧਮ੍ਮਂ ਅਜ੍ਝਾਪਨ੍ਨੋ ਪਰਿવਾਸਾਰਹੋ, ਆਗਚ੍ਛਨ੍ਤੁ ਭਿਕ੍ਖੂ, ਇਚ੍ਛਾਮਿ ਭਿਕ੍ਖੂਨਂ ਆਗਤ’ਨ੍ਤਿ। ਗਨ੍ਤਬ੍ਬਂ, ਭਿਕ੍ਖવੇ, ਸਤ੍ਤਾਹਕਰਣੀਯੇਨ ਅਪ੍ਪਹਿਤੇਪਿ, ਪਗੇવ ਪਹਿਤੇ ‘ਪਰਿવਾਸਦਾਨਂ ਉਸ੍ਸੁਕ੍ਕਂ ਕਰਿਸ੍ਸਾਮਿ વਾ ਅਨੁਸ੍ਸਾવੇਸ੍ਸਾਮਿ વਾ ਗਣਪੂਰਕੋ વਾ ਭવਿਸ੍ਸਾਮੀ’’ਤਿਆਦਿਨਯਂ (ਮਹਾવ॰ ੧੯੩) ਸਙ੍ਗਣ੍ਹਾਤਿ। ਏવਂ ਸਤ੍ਤਾਹਕਿਚ੍ਚੇਨ ਗਚ੍ਛਨ੍ਤੇਨ ਅਨ੍ਤੋਉਪਚਾਰਸੀਮਾਯ ਠਿਤੇਨੇવ ‘‘ਅਨ੍ਤੋਸਤ੍ਤਾਹੇ ਆਗਚ੍ਛਿਸ੍ਸਾਮੀ’’ਤਿ ਆਭੋਗਂ ਕਤ੍વਾ ਗਨ੍ਤਬ੍ਬਂ। ਸਚੇ ਆਭੋਗਂ ਅਕਤ੍વਾ ਉਪਚਾਰਸੀਮਂ ਅਤਿਕ੍ਕਮਤਿ, ਛਿਨ੍ਨવਸ੍ਸੋ ਹੋਤੀਤਿ વਦਨ੍ਤਿ।
Vinodessāmahanti vāti ettha vā-saddena ‘‘idha pana, bhikkhave, bhikkhu garudhammaṃ ajjhāpanno hoti parivāsāraho, so ce bhikkhūnaṃ santike dūtaṃ pahiṇeyya ‘ahañhi garudhammaṃ ajjhāpanno parivāsāraho, āgacchantu bhikkhū, icchāmi bhikkhūnaṃ āgata’nti. Gantabbaṃ, bhikkhave, sattāhakaraṇīyena appahitepi, pageva pahite ‘parivāsadānaṃ ussukkaṃ karissāmi vā anussāvessāmi vā gaṇapūrako vā bhavissāmī’’tiādinayaṃ (mahāva. 193) saṅgaṇhāti. Evaṃ sattāhakiccena gacchantena antoupacārasīmāya ṭhiteneva ‘‘antosattāhe āgacchissāmī’’ti ābhogaṃ katvā gantabbaṃ. Sace ābhogaṃ akatvā upacārasīmaṃ atikkamati, chinnavasso hotīti vadanti.
੨੬੧੫. ‘‘ਅਯਂ ਪਨੇਤ੍ਥ ਪਾਲ਼ਿਮੁਤ੍ਤਕਰਤ੍ਤਿਚ੍ਛੇਦવਿਨਿਚ੍ਛਯੋ’’ਤਿ ਅਟ੍ਠਕਥਾਗਤਂ ਰਤ੍ਤਿਚ੍ਛੇਦવਿਨਿਚ੍ਛਯਂ ਦਸ੍ਸੇਤੁਮਾਹ ‘‘વਸ੍ਸਂ ਉਪਗਤੇਨੇਤ੍ਥਾ’’ਤਿਆਦਿ। ਏਤ੍ਥਾਤਿ ਇਮਸ੍ਮਿਂ ਸਤ੍ਤਾਹਕਿਚ੍ਚਾਧਿਕਾਰੇ। ਅਯਂ ਪਾਲ਼ਿਮੁਤ੍ਤਕવਿਨਿਚ੍ਛਯੋ ਦਟ੍ਠਬ੍ਬੋਤਿ ਅਤ੍ਥੋ।
2615. ‘‘Ayaṃ panettha pāḷimuttakaratticchedavinicchayo’’ti aṭṭhakathāgataṃ ratticchedavinicchayaṃ dassetumāha ‘‘vassaṃ upagatenetthā’’tiādi. Etthāti imasmiṃ sattāhakiccādhikāre. Ayaṃ pāḷimuttakavinicchayo daṭṭhabboti attho.
੨੬੧੬. ‘‘ਅਸੁਕਂ ਨਾਮ ਦਿવਸ’’ਨ੍ਤਿਆਦਿਨਾ ਨਿਮਨ੍ਤਨਾਕਾਰਂ વਕ੍ਖਤਿ। ਪੁਬ੍ਬਨ੍ਤਿ ਪਠਮਂ। વਟ੍ਟਤੀਤਿ ਸਤ੍ਤਾਹਕਿਚ੍ਚੇਨ ਗਨ੍ਤੁਂ વਟ੍ਟਤਿ। ਯਥਾਹ – ‘‘ਸਚੇ ਏਕਸ੍ਮਿਂ ਮਹਾવਾਸੇ ਪਠਮਂਯੇવ ਕਤਿਕਾ ਕਤਾ ਹੋਤਿ ‘ਅਸੁਕਦਿવਸਂ ਨਾਮ ਸਨ੍ਨਿਪਤਿਤਬ੍ਬ’ਨ੍ਤਿ, ਨਿਮਨ੍ਤਿਤੋਯੇવ ਨਾਮ ਹੋਤਿ, ਗਨ੍ਤੁਂ વਟ੍ਟਤੀ’’ਤਿ (ਮਹਾવ॰ ਅਟ੍ਠ॰ ੧੯੯)। ‘‘ਉਪਾਸਕੇਹਿ ‘ਇਮਸ੍ਮਿਂ ਨਾਮ ਦਿવਸੇ ਦਾਨਾਦੀਨਿ ਕਰੋਮ, ਸਬ੍ਬੇ ਏવ ਸਨ੍ਨਿਪਤਨ੍ਤੂ’ਤਿ ਕਤਿਕਾਯਪਿ ਕਤਾਯ ਗਨ੍ਤੁਂ વਟ੍ਟਤਿ, ਨਿਮਨ੍ਤਿਤੋਯੇવ ਨਾਮ ਹੋਤੀ’’ਤਿ ਕੇਚਿ।
2616.‘‘Asukaṃ nāma divasa’’ntiādinā nimantanākāraṃ vakkhati. Pubbanti paṭhamaṃ. Vaṭṭatīti sattāhakiccena gantuṃ vaṭṭati. Yathāha – ‘‘sace ekasmiṃ mahāvāse paṭhamaṃyeva katikā katā hoti ‘asukadivasaṃ nāma sannipatitabba’nti, nimantitoyeva nāma hoti, gantuṃ vaṭṭatī’’ti (mahāva. aṭṭha. 199). ‘‘Upāsakehi ‘imasmiṃ nāma divase dānādīni karoma, sabbe eva sannipatantū’ti katikāyapi katāya gantuṃ vaṭṭati, nimantitoyeva nāma hotī’’ti keci.
੨੬੧੭. ਭਣ੍ਡਕਨ੍ਤਿ ਅਤ੍ਤਨੋ ਚੀવਰਭਣ੍ਡਂ। ਨ વਟ੍ਟਤੀਤਿ ਸਤ੍ਤਾਹਕਿਚ੍ਚੇਨ ਗਨ੍ਤੁਂ ਨ વਟ੍ਟਤਿ। ਪਹਿਣਨ੍ਤੀਤਿ ਚੀવਰਧੋવਨਾਦਿਕਮ੍ਮੇਨ ਪਹਿਣਨ੍ਤਿ। ਆਚਰਿਯੁਪਜ੍ਝਾਯਾਨਂ ਆਣਤ੍ਤਿਯੇਨ ਕੇਨਚਿ ਅਨવਜ੍ਜਕਿਚ੍ਚੇਨ ਸਤ੍ਤਾਹਕਰਣੀਯੇਨ ਗਨ੍ਤੁਂ વਟ੍ਟਤੀਤਿ ਇਮਿਨਾવ ਦੀਪਿਤਂ ਹੋਤਿ।
2617.Bhaṇḍakanti attano cīvarabhaṇḍaṃ. Na vaṭṭatīti sattāhakiccena gantuṃ na vaṭṭati. Pahiṇantīti cīvaradhovanādikammena pahiṇanti. Ācariyupajjhāyānaṃ āṇattiyena kenaci anavajjakiccena sattāhakaraṇīyena gantuṃ vaṭṭatīti imināva dīpitaṃ hoti.
੨੬੧੮. ਉਦ੍ਦੇਸਾਦੀਨਮਤ੍ਥਾਯਾਤਿ ਪਾਲ਼ਿવਾਚਨਾਨਿ ਸਨ੍ਧਾਯ। ਆਦਿ-ਸਦ੍ਦੇਨ ਪਰਿਪੁਚ੍ਛਾਦਿਂ ਸਙ੍ਗਣ੍ਹਾਤਿ। ਗਰੂਨਨ੍ਤਿ ਅਗਿਲਾਨਾਨਮ੍ਪਿ ਆਚਰਿਯੁਪਜ੍ਝਾਯਾਨਂ। ਗਨ੍ਤੁਂ ਲਭਤੀਤਿ ਸਤ੍ਤਾਹਕਰਣੀਯੇਨ ਗਨ੍ਤੁਂ ਲਭਤਿ। ਪੁਗ੍ਗਲੋਤਿ ਪਕਰਣਤੋ ਭਿਕ੍ਖੁਂਯੇવ ਗਣ੍ਹਾਤਿ।
2618.Uddesādīnamatthāyāti pāḷivācanāni sandhāya. Ādi-saddena paripucchādiṃ saṅgaṇhāti. Garūnanti agilānānampi ācariyupajjhāyānaṃ. Gantuṃ labhatīti sattāhakaraṇīyena gantuṃ labhati. Puggaloti pakaraṇato bhikkhuṃyeva gaṇhāti.
੨੬੧੯. ਆਚਰਿਯੋਤਿ ਨਿਦਸ੍ਸਨਮਤ੍ਤਂ, ਉਪਜ੍ਝਾਯੇਨ ਨਿવਾਰਿਤੇਪਿ ਏਸੇવ ਨਯੋ। ‘‘ਸਚੇ ਪਨ ਨਂ ਆਚਰਿਯੋ ‘ਅਜ੍ਜ ਮਾ ਗਚ੍ਛਾ’ਤਿ વਦਤਿ, વਟ੍ਟਤੀ’’ਤਿ (ਮਹਾવ॰ ਅਟ੍ਠ॰ ੧੯੯) ਅਟ੍ਠਕਥਾਨਯਂ ਦਸ੍ਸੇਤੁਮਾਹ ‘‘ਰਤ੍ਤਿਚ੍ਛੇਦੇ ਅਨਾਪਤ੍ਤਿ, ਹੋਤੀਤਿ ਪਰਿਦੀਪਿਤਾ’’ਤਿ। ਰਤ੍ਤਿਚ੍ਛੇਦੇਤਿ વਸ੍ਸਚ੍ਛੇਦਨਿਮਿਤ੍ਤਂ। ‘‘ਰਤ੍ਤਿਚ੍ਛੇਦੇ’’ਤਿ ਸਬ੍ਬਤ੍ਥ વਸ੍ਸਚ੍ਛੇਦੋਤਿ ਸਨ੍ਨਿਟ੍ਠਾਨਂ ਕਤ੍વਾ વਦਨ੍ਤਿ, ਏવਂ ਸਤ੍ਤਾਹਕਰਣੀਯੇਨ ਗਤਂ ਨਂ ਅਨ੍ਤੋਸਤ੍ਤਾਹੇਯੇવ ਪੁਨ ਆਗਚ੍ਛਨ੍ਤਂ ਸਚੇ ਆਚਰਿਯੋ વਾ ਉਪਜ੍ਝਾਯੋ વਾ ‘‘ਅਜ੍ਜ ਮਾ ਗਚ੍ਛਾ’’ਤਿ વਦਤਿ, ਸਤ੍ਤਾਹਾਤਿਕ੍ਕਮੇਪਿ ਅਨਾਪਤ੍ਤੀਤਿ ਅਧਿਪ੍ਪਾਯੋ, વਸ੍ਸਚ੍ਛੇਦੋ ਪਨ ਹੋਤਿਯੇવਾਤਿ ਦਟ੍ਠਬ੍ਬਂ ਸਤ੍ਤਾਹਸ੍ਸ ਬਹਿਦ੍ਧਾ વੀਤਿਨਾਮਿਤਤ੍ਤਾ।
2619.Ācariyoti nidassanamattaṃ, upajjhāyena nivāritepi eseva nayo. ‘‘Sace pana naṃ ācariyo ‘ajja mā gacchā’ti vadati, vaṭṭatī’’ti (mahāva. aṭṭha. 199) aṭṭhakathānayaṃ dassetumāha ‘‘ratticchede anāpatti, hotīti paridīpitā’’ti. Ratticchedeti vassacchedanimittaṃ. ‘‘Ratticchede’’ti sabbattha vassacchedoti sanniṭṭhānaṃ katvā vadanti, evaṃ sattāhakaraṇīyena gataṃ naṃ antosattāheyeva puna āgacchantaṃ sace ācariyo vā upajjhāyo vā ‘‘ajja mā gacchā’’ti vadati, sattāhātikkamepi anāpattīti adhippāyo, vassacchedo pana hotiyevāti daṭṭhabbaṃ sattāhassa bahiddhā vītināmitattā.
੨੬੨੦. ਯਸ੍ਸ ਕਸ੍ਸਚਿ ਞਾਤਿਸ੍ਸਾਤਿ ਮਾਤਾਪਿਤੂਹਿ ਅਞ੍ਞਸ੍ਸ ਞਾਤਿਜਨਸ੍ਸ। ‘‘ਗਚ੍ਛਤੋ ਦਸ੍ਸਨਤ੍ਥਾਯਾ’’ਤਿ ਇਮਿਨਾ ਸੇਸਞਾਤਿਕੇਹਿ ‘‘ਮਯਂ ਗਿਲਾਨਾ ਭਦਨ੍ਤਾਨਂ ਆਗਮਨਂ ਇਚ੍ਛਾਮਾ’’ਤਿ ਚ ‘‘ਉਪਟ੍ਠਾਕਕੁਲੇਹਿ ਦਾਨਂ ਦਸ੍ਸਾਮ, ਧਮ੍ਮਂ ਸੋਸ੍ਸਾਮ, ਭਿਕ੍ਖੂਨਂ ਦਸ੍ਸਨਂ ਇਚ੍ਛਾਮਾ’’ਤਿ ਚ ਏવਂ ਕਤ੍ਤਬ੍ਬਂ ਨਿਦ੍ਦਿਸਿਤ੍વਾ ਦੂਤੇ વਾ ਪੇਸਿਤੇ ਸਤ੍ਤਾਹਕਰਣੀਯੇਨ ਗਚ੍ਛਤੋ ਰਤ੍ਤਿਚ੍ਛੇਦੋ ਚ ਦੁਕ੍ਕਟਞ੍ਚ ਨ ਹੋਤੀਤਿ વੁਤ੍ਤਂ ਹੋਤਿ। ਯਥਾਹ ‘‘ਇਧ ਪਨ, ਭਿਕ੍ਖવੇ, ਭਿਕ੍ਖੁਸ੍ਸ ਞਾਤਕੋ ਗਿਲਾਨੋ ਹੋਤਿ…ਪੇ॰… ਗਨ੍ਤਬ੍ਬਂ, ਭਿਕ੍ਖવੇ, ਸਤ੍ਤਾਹਕਰਣੀਯੇਨ ਪਹਿਤੇ, ਨ ਤ੍વੇવ ਅਪ੍ਪਹਿਤੇ’’ਤਿ (ਮਹਾવ॰ ੧੯੯) ਚ ‘‘ਇਧ ਪਨ, ਭਿਕ੍ਖવੇ, ਉਪਾਸਕੇਨ ਸਙ੍ਘਂ ਉਦ੍ਦਿਸ੍ਸ વਿਹਾਰੋ ਕਾਰਾਪਿਤੋ ਹੋਤਿ…ਪੇ॰… ਇਚ੍ਛਾਮਿ ਦਾਨਞ੍ਚ ਦਾਤੁਂ ਧਮ੍ਮਞ੍ਚ ਸੋਤੁਂ ਭਿਕ੍ਖੂ ਚ ਪਸ੍ਸਿਤੁਨ੍ਤਿ। ਗਨ੍ਤਬ੍ਬਂ, ਭਿਕ੍ਖવੇ, ਸਤ੍ਤਾਹਕਰਣੀਯੇਨ ਪਹਿਤੇ, ਨ ਤ੍વੇવ ਅਪ੍ਪਹਿਤੇ’’ਤਿ (ਮਹਾવ॰ ੧੮੮) ਚ।
2620.Yassa kassaci ñātissāti mātāpitūhi aññassa ñātijanassa. ‘‘Gacchato dassanatthāyā’’ti iminā sesañātikehi ‘‘mayaṃ gilānā bhadantānaṃ āgamanaṃ icchāmā’’ti ca ‘‘upaṭṭhākakulehi dānaṃ dassāma, dhammaṃ sossāma, bhikkhūnaṃ dassanaṃ icchāmā’’ti ca evaṃ kattabbaṃ niddisitvā dūte vā pesite sattāhakaraṇīyena gacchato ratticchedo ca dukkaṭañca na hotīti vuttaṃ hoti. Yathāha ‘‘idha pana, bhikkhave, bhikkhussa ñātako gilāno hoti…pe… gantabbaṃ, bhikkhave, sattāhakaraṇīyena pahite, na tveva appahite’’ti (mahāva. 199) ca ‘‘idha pana, bhikkhave, upāsakena saṅghaṃ uddissa vihāro kārāpito hoti…pe… icchāmi dānañca dātuṃ dhammañca sotuṃ bhikkhū ca passitunti. Gantabbaṃ, bhikkhave, sattāhakaraṇīyena pahite, na tveva appahite’’ti (mahāva. 188) ca.
੨੬੨੧. ‘‘ਅਹਂ ਗਾਮਕਂ ਗਨ੍ਤ੍વਾ ਅਜ੍ਜੇવ ਆਗਮਿਸ੍ਸਾਮੀ’’ਤਿ ਆਗਚ੍ਛਂ ਆਗਚ੍ਛਨ੍ਤੋ ਸਚੇ ਪਾਪੁਣਿਤੁਂ ਨ ਸਕ੍ਕੋਤੇવ, વਟ੍ਟਤੀਤਿ ਯੋਜਨਾ। વਟ੍ਟਤੀਤਿ ਏਤ੍ਥ ‘‘ਅਜ੍ਜੇવ ਆਗਮਿਸ੍ਸਾਮੀ’’ਤਿ ਗਨ੍ਤ੍વਾ ਆਗਚ੍ਛਨ੍ਤਸ੍ਸ ਅਨ੍ਤਰਾਮਗ੍ਗੇ ਸਚੇ ਅਰੁਣੁਗ੍ਗਮਨਂ ਹੋਤਿ, વਸ੍ਸਚ੍ਛੇਦੋਪਿ ਨ ਹੋਤਿ, ਰਤ੍ਤਿਚ੍ਛੇਦਦੁਕ੍ਕਟਞ੍ਚ ਨਤ੍ਥੀਤਿ ਅਧਿਪ੍ਪਾਯੋ।
2621. ‘‘Ahaṃ gāmakaṃ gantvā ajjeva āgamissāmī’’ti āgacchaṃ āgacchanto sace pāpuṇituṃ na sakkoteva, vaṭṭatīti yojanā. Vaṭṭatīti ettha ‘‘ajjeva āgamissāmī’’ti gantvā āgacchantassa antarāmagge sace aruṇuggamanaṃ hoti, vassacchedopi na hoti, ratticchedadukkaṭañca natthīti adhippāyo.
੨੬੨੨. વਜੇਤਿ (ਮਹਾવ॰ ਅਟ੍ਠ॰ ੨੦੩) ਗੋਪਾਲਕਾਨਂ ਨਿવਾਸਨਟ੍ਠਾਨੇ। ਸਤ੍ਥੇਤਿ ਜਙ੍ਘਸਤ੍ਥਸਕਟਸਤ੍ਥਾਨਂ ਸਨ੍ਨਿવਿਟ੍ਠੋਕਾਸੇ। ਤੀਸੁ ਠਾਨੇਸੁ ਭਿਕ੍ਖੁਨੋ, વਸ੍ਸਚ੍ਛੇਦੇ ਅਨਾਪਤ੍ਤੀਤਿ ਤੇਹਿ ਸਦ੍ਧਿਂ ਗਚ੍ਛਨ੍ਤਸ੍ਸੇવ ਨਤ੍ਥਿ ਆਪਤ੍ਤਿ, ਤੇਹਿ વਿਯੁਞ੍ਜਿਤ੍વਾ ਗਮਨੇ ਪਨ ਆਪਤ੍ਤਿਯੇવ, ਪવਾਰੇਤੁਞ੍ਚ ਨ ਲਭਤਿ।
2622.Vajeti (mahāva. aṭṭha. 203) gopālakānaṃ nivāsanaṭṭhāne. Sattheti jaṅghasatthasakaṭasatthānaṃ sanniviṭṭhokāse. Tīsu ṭhānesu bhikkhuno, vassacchede anāpattīti tehi saddhiṃ gacchantasseva natthi āpatti, tehi viyuñjitvā gamane pana āpattiyeva, pavāretuñca na labhati.
વਜਾਦੀਸੁ વਸ੍ਸਂ ਉਪਗਚ੍ਛਨ੍ਤੇਨ વਸ੍ਸੂਪਨਾਯਿਕਦਿવਸੇ ਤੇਨ ਭਿਕ੍ਖੁਨਾ ਉਪਾਸਕਾ વਤ੍ਤਬ੍ਬਾ ‘‘ਕੁਟਿਕਾ ਲਦ੍ਧੁਂ વਟ੍ਟਤੀ’’ਤਿ। ਸਚੇ ਕਰਿਤ੍વਾ ਦੇਨ੍ਤਿ, ਤਤ੍ਥ ਪવਿਸਿਤ੍વਾ ‘‘ਇਧ વਸ੍ਸਂ ਉਪੇਮੀ’’ਤਿ ਤਿਕ੍ਖਤ੍ਤੁਂ વਤ੍ਤਬ੍ਬਂ। ਨੋ ਚੇ ਦੇਨ੍ਤਿ, ਸਾਲਾਸਙ੍ਖੇਪੇਨ ਠਿਤਸਕਟਸ੍ਸ ਹੇਟ੍ਠਾ ਉਪਗਨ੍ਤਬ੍ਬਂ। ਤਮ੍ਪਿ ਅਲਭਨ੍ਤੇਨ ਆਲਯੋ ਕਾਤਬ੍ਬੋ। ਸਤ੍ਥੇ ਪਨ ਕੁਟਿਕਾਦੀਨਂ ਅਭਾવੇ ‘‘ਇਧ વਸ੍ਸਂ ਉਪੇਮੀ’’ਤਿ વਚੀਭੇਦਂ ਕਤ੍વਾ ਉਪਗਨ੍ਤੁਂ ਨ વਟ੍ਟਤਿ, ਆਲਯਕਰਣਮਤ੍ਤਮੇવ વਟ੍ਟਤਿ। ਆਲਯੋ ਨਾਮ ‘‘ਇਧ વਸ੍ਸਂ વਸਿਸ੍ਸਾਮੀ’’ਤਿ ਚਿਤ੍ਤੁਪ੍ਪਾਦਮਤ੍ਤਂ।
Vajādīsu vassaṃ upagacchantena vassūpanāyikadivase tena bhikkhunā upāsakā vattabbā ‘‘kuṭikā laddhuṃ vaṭṭatī’’ti. Sace karitvā denti, tattha pavisitvā ‘‘idha vassaṃ upemī’’ti tikkhattuṃ vattabbaṃ. No ce denti, sālāsaṅkhepena ṭhitasakaṭassa heṭṭhā upagantabbaṃ. Tampi alabhantena ālayo kātabbo. Satthe pana kuṭikādīnaṃ abhāve ‘‘idha vassaṃ upemī’’ti vacībhedaṃ katvā upagantuṃ na vaṭṭati, ālayakaraṇamattameva vaṭṭati. Ālayo nāma ‘‘idha vassaṃ vasissāmī’’ti cittuppādamattaṃ.
ਸਚੇ ਮਗ੍ਗਪ੍ਪਟਿਪਨ੍ਨੇਯੇવ ਸਤ੍ਥੇ ਪવਾਰਣਦਿવਸੋ ਹੋਤਿ, ਤਤ੍ਥੇવ ਪવਾਰੇਤਬ੍ਬਂ। ਅਥ ਸਤ੍ਥੋ ਅਨ੍ਤੋવਸ੍ਸੇਯੇવ ਭਿਕ੍ਖੁਨਾ ਪਤ੍ਥਿਤਟ੍ਠਾਨਂ ਪਤ੍વਾ ਅਤਿਕ੍ਕਮਤਿ। ਪਤ੍ਥਿਤਟ੍ਠਾਨੇ વਸਿਤ੍વਾ ਤਤ੍ਥ ਭਿਕ੍ਖੂਹਿ ਸਦ੍ਧਿਂ ਪવਾਰੇਤਬ੍ਬਂ। ਅਥਾਪਿ ਸਤ੍ਥੋ ਅਨ੍ਤੋવਸ੍ਸੇਯੇવ ਅਨ੍ਤਰਾ ਏਕਸ੍ਮਿਂ ਗਾਮੇ ਤਿਟ੍ਠਤਿ વਾ વਿਪ੍ਪਕਿਰਤਿ વਾ, ਤਸ੍ਮਿਂਯੇવ ਗਾਮੇ ਭਿਕ੍ਖੂਹਿ ਸਦ੍ਧਿਂ વਸਿਤ੍વਾ ਪવਾਰੇਤਬ੍ਬਂ, ਅਪ੍ਪવਾਰੇਤ੍વਾ ਤਤੋ ਪਰਂ ਗਨ੍ਤੁਂ ਨ વਟ੍ਟਤਿ।
Sace maggappaṭipanneyeva satthe pavāraṇadivaso hoti, tattheva pavāretabbaṃ. Atha sattho antovasseyeva bhikkhunā patthitaṭṭhānaṃ patvā atikkamati. Patthitaṭṭhāne vasitvā tattha bhikkhūhi saddhiṃ pavāretabbaṃ. Athāpi sattho antovasseyeva antarā ekasmiṃ gāme tiṭṭhati vā vippakirati vā, tasmiṃyeva gāme bhikkhūhi saddhiṃ vasitvā pavāretabbaṃ, appavāretvā tato paraṃ gantuṃ na vaṭṭati.
ਨਾવਾਯ વਸ੍ਸਂ ਉਪਗਚ੍ਛਨ੍ਤੇਨਾਪਿ ਕੁਟਿਯਂਯੇવ ਉਪਗਨ੍ਤਬ੍ਬਂ। ਪਰਿਯੇਸਿਤ੍વਾ ਅਲਭਨ੍ਤੇ ਆਲਯੋ ਕਾਤਬ੍ਬੋ । ਸਚੇ ਅਨ੍ਤੋਤੇਮਾਸਂ ਨਾવਾ ਸਮੁਦ੍ਦੇਯੇવ ਹੋਤਿ, ਤਤ੍ਥੇવ ਪવਾਰੇਤਬ੍ਬਂ। ਅਥ ਨਾવਾ ਕੂਲਂ ਲਭਤਿ, ਸਯਞ੍ਚ ਪਰਤੋ ਗਨ੍ਤੁਕਾਮੋ ਹੋਤਿ, ਗਨ੍ਤੁਂ ਨ વਟ੍ਟਤਿ। ਨਾવਾਯ ਲਦ੍ਧਗਾਮੇਯੇવ વਸਿਤ੍વਾ ਭਿਕ੍ਖੂਹਿ ਸਦ੍ਧਿਂ ਪવਾਰੇਤਬ੍ਬਂ। ਸਚੇਪਿ ਨਾવਾ ਅਨੁਤੀਰਮੇવ ਅਞ੍ਞਤ੍ਥ ਗਚ੍ਛਤਿ, ਭਿਕ੍ਖੁ ਚ ਪਠਮਂ ਲਦ੍ਧਗਾਮੇਯੇવ વਸਿਤੁਕਾਮੋ, ਨਾવਾ ਗਚ੍ਛਤੁ, ਭਿਕ੍ਖੁਨਾ ਤਤ੍ਥੇવ વਸਿਤ੍વਾ ਭਿਕ੍ਖੂਹਿ ਸਦ੍ਧਿਂ ਪવਾਰੇਤਬ੍ਬਂ।
Nāvāya vassaṃ upagacchantenāpi kuṭiyaṃyeva upagantabbaṃ. Pariyesitvā alabhante ālayo kātabbo . Sace antotemāsaṃ nāvā samuddeyeva hoti, tattheva pavāretabbaṃ. Atha nāvā kūlaṃ labhati, sayañca parato gantukāmo hoti, gantuṃ na vaṭṭati. Nāvāya laddhagāmeyeva vasitvā bhikkhūhi saddhiṃ pavāretabbaṃ. Sacepi nāvā anutīrameva aññattha gacchati, bhikkhu ca paṭhamaṃ laddhagāmeyeva vasitukāmo, nāvā gacchatu, bhikkhunā tattheva vasitvā bhikkhūhi saddhiṃ pavāretabbaṃ.
ਇਤਿ વਜੇ, ਸਤ੍ਥੇ, ਨਾવਾਯਨ੍ਤਿ ਤੀਸੁ ਠਾਨੇਸੁ ਨਤ੍ਥਿ વਸ੍ਸਚ੍ਛੇਦੇ ਆਪਤ੍ਤਿ, ਪવਾਰੇਤੁਞ੍ਚ ਲਭਤਿ।
Iti vaje, satthe, nāvāyanti tīsu ṭhānesu natthi vassacchede āpatti, pavāretuñca labhati.
੨੬੨੩. ਸਤਿ ਪਚ੍ਚਯવੇਕਲ੍ਲੇਤਿ ਪਿਣ੍ਡਪਾਤਾਦੀਨਂ ਪਚ੍ਚਯਾਨਂ ਊਨਤ੍ਤੇ ਸਤਿ। ਸਰੀਰਾਫਾਸੁਤਾਯ વਾਤਿ ਸਰੀਰਸ੍ਸ ਅਫਾਸੁਤਾਯ ਆਬਾਧੇ વਾ ਸਤਿ। વਸ੍ਸਂ ਛੇਤ੍વਾਪਿ ਪਕ੍ਕਮੇਤਿ વਸ੍ਸਚ੍ਛੇਦਂ ਕਤ੍વਾਪਿ ਯਥਾਫਾਸੁਕਟ੍ਠਾਨਂ ਗਚ੍ਛੇਯ੍ਯ। ਅਪਿ-ਸਦ੍ਦੇਨ વਸ੍ਸਂ ਅਛੇਤ੍વਾ વਸ੍ਸਚ੍ਛੇਦਕਾਰਣੇ ਸਤਿ ਸਤ੍ਤਾਹਕਰਣੀਯੇਨ ਗਨ੍ਤੁਮ੍ਪਿ વਟ੍ਟਤੀਤਿ ਦੀਪੇਤਿ।
2623.Sati paccayavekalleti piṇḍapātādīnaṃ paccayānaṃ ūnatte sati. Sarīrāphāsutāya vāti sarīrassa aphāsutāya ābādhe vā sati. Vassaṃ chetvāpi pakkameti vassacchedaṃ katvāpi yathāphāsukaṭṭhānaṃ gaccheyya. Api-saddena vassaṃ achetvā vassacchedakāraṇe sati sattāhakaraṇīyena gantumpi vaṭṭatīti dīpeti.
੨੬੨੪. ਯੇਨ ਕੇਨਨ੍ਤਰਾਯੇਨਾਤਿ ਰਾਜਨ੍ਤਰਾਯਾਦੀਸੁ ਯੇਨ ਕੇਨਚਿ ਅਨ੍ਤਰਾਯੇਨ। ਯੋ ਭਿਕ੍ਖੁ વਸ੍ਸਂ ਨੋਪਗਤੋ, ਤੇਨਾਪਿ ਛਿਨ੍ਨવਸ੍ਸੇਨ વਾਪਿ ਦੁਤਿਯਾ વਸ੍ਸੂਪਨਾਯਿਕਾ ਉਪਗਨ੍ਤਬ੍ਬਾਤਿ ਯੋਜਨਾ।
2624.Yena kenantarāyenāti rājantarāyādīsu yena kenaci antarāyena. Yo bhikkhu vassaṃ nopagato, tenāpi chinnavassena vāpi dutiyā vassūpanāyikā upagantabbāti yojanā.
੨੬੨੫-੬. ਸਤ੍ਤਾਹਨ੍ਤਿ ਅਚ੍ਚਨ੍ਤਸਂਯੋਗੇ ਉਪਯੋਗવਚਨਂ। ‘‘વੀਤਿਨਾਮੇਤੀ’’ਤਿ ਇਮਿਨਾ ਸਮ੍ਬਨ੍ਧੋ। ਉਪਗਨ੍ਤ੍વਾਪਿ વਾ ਬਹਿਦ੍ਧਾ ਏવ ਸਤ੍ਤਾਹਂ વੀਤਿਨਾਮੇਤਿ ਚੇ। ਯੋ ਗਚ੍ਛਤਿ, ਯੋ ਚ વੀਤਿਨਾਮੇਤਿ, ਤਸ੍ਸ ਭਿਕ੍ਖੁਸ੍ਸ। ਪੁਰਿਮਾਪਿ ਨ વਿਜ੍ਜਤੀਤਿ ਅਨੁਪਗਤਤ੍ਤਾ, ਛਿਨ੍ਨવਸ੍ਸਤ੍ਤਾ ਚ ਪੁਰਿਮਾਪਿ વਸ੍ਸੂਪਨਾਯਿਕਾ ਨ વਿਜ੍ਜਤਿ ਨ ਲਭਤਿ। ਇਮੇਸਂ ਦ੍વਿਨ੍ਨਂ ਯਥਾਕ੍ਕਮਂ ਉਪਚਾਰਾਤਿਕ੍ਕਮੇ, ਸਤ੍ਤਾਹਾਤਿਕ੍ਕਮੇ ਚ ਆਪਤ੍ਤਿ વੇਦਿਤਬ੍ਬਾ।
2625-6.Sattāhanti accantasaṃyoge upayogavacanaṃ. ‘‘Vītināmetī’’ti iminā sambandho. Upagantvāpi vā bahiddhā eva sattāhaṃ vītināmeti ce. Yo gacchati, yo ca vītināmeti, tassa bhikkhussa. Purimāpi na vijjatīti anupagatattā, chinnavassattā ca purimāpi vassūpanāyikā na vijjati na labhati. Imesaṃ dvinnaṃ yathākkamaṃ upacārātikkame, sattāhātikkame ca āpatti veditabbā.
ਪਟਿਸ੍ਸવੇ ਚ ਭਿਕ੍ਖੁਸ੍ਸ, ਹੋਤਿ ਆਪਤ੍ਤਿ ਦੁਕ੍ਕਟਨ੍ਤਿ ‘‘ਇਧ વਸ੍ਸਂ વਸਥਾ’’ਤਿ વੁਤ੍ਤੇ ‘‘ਸਾਧੂ’’ਤਿ ਪਟਿਸ੍ਸੁਣਿਤ੍વਾ ਤਸ੍ਸ વਿਸਂવਾਦੇ ਅਸਚ੍ਚਾਪਨੇ ਆਪਤ੍ਤਿ ਹੋਤਿ। ਕਤਮਾਤਿ ਆਹ ‘‘ਦੁਕ੍ਕਟ’’ਨ੍ਤਿ। ਨ ਕੇવਲਂ ਏਤਸ੍ਸੇવ વਿਸਂવਾਦੇ ਆਪਤ੍ਤਿ ਹੋਤਿ, ਅਥ ਖੋ ਇਤਰੇਸਮ੍ਪਿ ਪਟਿਸ੍ਸવਾਨਂ વਿਸਂવਾਦੇ ਆਪਤ੍ਤਿ વੇਦਿਤਬ੍ਬਾ। ਯਥਾਹ – ‘‘ਪਟਿਸ੍ਸવੇ ਚ ਆਪਤ੍ਤਿ ਦੁਕ੍ਕਟਸ੍ਸਾਤਿ ਏਤ੍ਥ ਨ ਕੇવਲਂ ‘ਇਮਂ ਤੇਮਾਸਂ ਇਧ વਸ੍ਸਂ વਸਥਾ’ਤਿ ਏਤਸ੍ਸੇવ ਪਟਿਸ੍ਸવਸ੍ਸ વਿਸਂવਾਦੇ ਆਪਤ੍ਤਿ, ‘ਇਮਂ ਤੇਮਾਸਂ ਭਿਕ੍ਖਂ ਗਣ੍ਹਥ, ਉਭੋਪਿ ਮਯਂ ਇਧ વਸ੍ਸਂ વਸਿਸ੍ਸਾਮ, ਏਕਤੋવ ਉਦ੍ਦਿਸਾਪੇਸ੍ਸਾਮਾ’ਤਿ ਏવਮਾਦਿਨਾਪਿ ਤਸ੍ਸ ਤਸ੍ਸ ਪਟਿਸ੍ਸવਸ੍ਸ વਿਸਂવਾਦੇ ਦੁਕ੍ਕਟ’’ਨ੍ਤਿ (ਮਹਾવ॰ ਅਟ੍ਠ॰ ੨੦੭)। ਤਞ੍ਚ ਖੋ ਪਟਿਸ੍ਸવਕਾਲੇ ਸੁਦ੍ਧਚਿਤ੍ਤਸ੍ਸ ਪਚ੍ਛਾ વਿਸਂવਾਦਨਪਚ੍ਚਯਾ ਹੋਤਿ। ਪਠਮਂ ਅਸੁਦ੍ਧਚਿਤ੍ਤਸ੍ਸ ਪਨ ਪਟਿਸ੍ਸવੇ ਪਾਚਿਤ੍ਤਿਯਂ, વਿਸਂવਾਦੇਨ ਦੁਕ੍ਕਟਨ੍ਤਿ ਪਾਚਿਤ੍ਤਿਯੇਨ ਸਦ੍ਧਿਂ ਦੁਕ੍ਕਟਂ ਯੁਜ੍ਜਤਿ।
Paṭissave ca bhikkhussa, hoti āpatti dukkaṭanti ‘‘idha vassaṃ vasathā’’ti vutte ‘‘sādhū’’ti paṭissuṇitvā tassa visaṃvāde asaccāpane āpatti hoti. Katamāti āha ‘‘dukkaṭa’’nti. Na kevalaṃ etasseva visaṃvāde āpatti hoti, atha kho itaresampi paṭissavānaṃ visaṃvāde āpatti veditabbā. Yathāha – ‘‘paṭissave ca āpatti dukkaṭassāti ettha na kevalaṃ ‘imaṃ temāsaṃ idha vassaṃ vasathā’ti etasseva paṭissavassa visaṃvāde āpatti, ‘imaṃ temāsaṃ bhikkhaṃ gaṇhatha, ubhopi mayaṃ idha vassaṃ vasissāma, ekatova uddisāpessāmā’ti evamādināpi tassa tassa paṭissavassa visaṃvāde dukkaṭa’’nti (mahāva. aṭṭha. 207). Tañca kho paṭissavakāle suddhacittassa pacchā visaṃvādanapaccayā hoti. Paṭhamaṃ asuddhacittassa pana paṭissave pācittiyaṃ, visaṃvādena dukkaṭanti pācittiyena saddhiṃ dukkaṭaṃ yujjati.
੨੬੨੭. ‘‘વਸ੍ਸਂ ਉਪਗਨ੍ਤ੍વਾ ਪਨ ਅਰੁਣਂ ਅਨੁਟ੍ਠਾਪੇਤ੍વਾ ਤਦਹੇવ ਸਤ੍ਤਾਹਕਰਣੀਯੇਨ ਪਕ੍ਕਮਨ੍ਤਸ੍ਸਾਪਿ ਅਨ੍ਤੋਸਤ੍ਤਾਹੇ ਨਿવਤ੍ਤਨ੍ਤਸ੍ਸ ਅਨਾਪਤ੍ਤੀ’’ਤਿ (ਮਹਾવ॰ ਅਟ੍ਠ॰ ੨੦੭) ਅਟ੍ਠਕਥਾવਚਨਤੋ, ‘‘ਕੋ વਾਦੋ વਸਿਤ੍વਾ ਬਹਿ ਗਚ੍ਛਤੋ’’ਤਿ વਕ੍ਖਮਾਨਤ੍ਤਾ ਚ ‘‘ਨੁਟ੍ਠਾਪੇਤ੍વਾ ਪਨਾਰੁਣ’’ਨ੍ਤਿ ਪਾਠੋ ਗਹੇਤਬ੍ਬੋ। ਕਤ੍ਥਚਿ ਪੋਤ੍ਥਕੇਸੁ ‘‘ਉਟ੍ਠਾਪੇਤ੍વਾ ਪਨਾਰੁਣ’’ਨ੍ਤਿ ਪਾਠੋ ਦਿਸ੍ਸਤਿ, ਸੋ ਨ ਗਹੇਤਬ੍ਬੋ।
2627. ‘‘Vassaṃ upagantvā pana aruṇaṃ anuṭṭhāpetvā tadaheva sattāhakaraṇīyena pakkamantassāpi antosattāhe nivattantassa anāpattī’’ti (mahāva. aṭṭha. 207) aṭṭhakathāvacanato, ‘‘ko vādo vasitvā bahi gacchato’’ti vakkhamānattā ca ‘‘nuṭṭhāpetvā panāruṇa’’nti pāṭho gahetabbo. Katthaci potthakesu ‘‘uṭṭhāpetvā panāruṇa’’nti pāṭho dissati, so na gahetabbo.
੨੬੨੮. વਸਿਤ੍વਾਤਿ ਦ੍વੀਹਤੀਹਂ વਸਿਤ੍વਾ। ਯਥਾ વਸ੍ਸਂ વਸਿਤ੍વਾ ਅਰੁਣਂ ਅਨੁਟ੍ਠਾਪੇਤ੍વਾવ ਸਤ੍ਤਾਹਕਰਣੀਯੇਨ ਗਚ੍ਛਤੋ ਅਨਾਪਤ੍ਤਿ, ਤਥਾ ਗਤਟ੍ਠਾਨਤੋ ਅਨ੍ਤੋਸਤ੍ਤਾਹੇ ਆਗਨ੍ਤ੍વਾ ਪੁਨਪਿ ਅਰੁਣਂ ਅਨੁਟ੍ਠਾਪੇਤ੍વਾવ ਸਤ੍ਤਾਹਕਰਣੀਯੇਨ ਗਚ੍ਛਤੋ ਅਨਾਪਤ੍ਤਿ। ‘‘ਸਤ੍ਤਾਹવਾਰੇਨ ਅਰੁਣੋ ਉਟ੍ਠਾਪੇਤਬ੍ਬੋ’’ਤਿ (ਮਹਾવ॰ ਅਟ੍ਠ॰ ੨੦੧) ਅਟ੍ਠਕਥਾવਚਨਂ ਸਤ੍ਤਮਾਰੁਣੇਨ ਪਟਿਬਦ੍ਧਦਿવਸਂ ਸਤ੍ਤਮੇਨ ਅਰੁਣੇਨੇવ ਸਙ੍ਗਹੇਤ੍વਾ ਸਤ੍ਤਮਅਰੁਣਬ੍ਭਨ੍ਤਰੇ ਅਨਾਗਨ੍ਤ੍વਾ ਅਟ੍ਠਮਂ ਅਰੁਣਂ ਬਹਿ ਉਟ੍ਠਾਪੇਨ੍ਤਸ੍ਸ ਰਤ੍ਤਿਚ੍ਛੇਦਦਸ੍ਸਨਪਰਂ, ਨ ਸਤ੍ਤਮਅਰੁਣਸ੍ਸੇવ ਤਤ੍ਥ ਉਟ੍ਠਾਪੇਤਬ੍ਬਭਾવਦਸ੍ਸਨਪਰਨ੍ਤਿ ਗਹੇਤਬ੍ਬਂ ਸਿਕ੍ਖਾਭਾਜਨਅਟ੍ਠਕਥਾਯ, ਸੀਹਲ਼ਗਣ੍ਠਿਪਦੇਸੁ ਚ ਤਥਾ વਿਨਿਚ੍ਛਿਤਤ੍ਤਾ।
2628.Vasitvāti dvīhatīhaṃ vasitvā. Yathā vassaṃ vasitvā aruṇaṃ anuṭṭhāpetvāva sattāhakaraṇīyena gacchato anāpatti, tathā gataṭṭhānato antosattāhe āgantvā punapi aruṇaṃ anuṭṭhāpetvāva sattāhakaraṇīyena gacchato anāpatti. ‘‘Sattāhavārena aruṇo uṭṭhāpetabbo’’ti (mahāva. aṭṭha. 201) aṭṭhakathāvacanaṃ sattamāruṇena paṭibaddhadivasaṃ sattamena aruṇeneva saṅgahetvā sattamaaruṇabbhantare anāgantvā aṭṭhamaṃ aruṇaṃ bahi uṭṭhāpentassa ratticchedadassanaparaṃ, na sattamaaruṇasseva tattha uṭṭhāpetabbabhāvadassanaparanti gahetabbaṃ sikkhābhājanaaṭṭhakathāya, sīhaḷagaṇṭhipadesu ca tathā vinicchitattā.
੨੬੨੯. ‘‘ਨੋਪੇਤਿ ਅਸਤਿਯਾ’’ਤਿ ਪਦਚ੍ਛੇਦੋ, ਨੋਪੇਤੀਤਿ ‘‘ਇਮਸ੍ਮਿਂ વਿਹਾਰੇ ਇਮਂ ਤੇਮਾਸਂ વਸ੍ਸਂ ਉਪੇਮੀ’’ਤਿ વਚੀਭੇਦੇਨ ਨ ਉਪਗਚ੍ਛਤਿ।
2629. ‘‘Nopeti asatiyā’’ti padacchedo, nopetīti ‘‘imasmiṃ vihāre imaṃ temāsaṃ vassaṃ upemī’’ti vacībhedena na upagacchati.
੨੬੩੦. વੁਤ੍ਤਮੇવਤ੍ਥਂ ਸਮਤ੍ਥੇਤੁਮਾਹ ‘‘ਨ ਦੋਸੋ ਕੋਚਿ વਿਜ੍ਜਤੀ’’ਤਿ।
2630. Vuttamevatthaṃ samatthetumāha ‘‘na doso koci vijjatī’’ti.
੨੬੩੧. ‘‘ਇਮਸ੍ਮਿਂ વਿਹਾਰੇ ਇਮਂ ਤੇਮਾਸਂ વਸ੍ਸਂ ਉਪੇਮੀ’’ਤਿ ਤਿਕ੍ਖਤ੍ਤੁਂ વਚਨੇ ਨਿਚ੍ਛਾਰਿਤੇ ਏવ વਸ੍ਸਂ ਉਪਗਤੋ ਸਿਯਾਤਿ ਯੋਜਨਾ। ‘‘ਨਿਚ੍ਛਾਰਿਤੇવ ਤਿਕ੍ਖਤ੍ਤੁ’’ਨ੍ਤਿ ਇਦਂ ਉਕ੍ਕਂਸવਸੇਨ વੁਤ੍ਤਂ, ਸਕਿਂ, ਦ੍વਿਕ੍ਖਤ੍ਤੁਂ વਾ ਨਿਚ੍ਛਾਰਿਤੇਪਿ વਸ੍ਸੂਪਗਤੋ ਨਾਮ ਹੋਤੀਤਿ। ਯਥਾਹ – ‘‘ਇਮਸ੍ਮਿਂ વਿਹਾਰੇ ਇਮਂ ਤੇਮਾਸਂ વਸ੍ਸਂ ਉਪੇਮੀਤਿ ਸਕਿਂ વਾ ਦ੍વਤ੍ਤਿਕ੍ਖਤ੍ਤੁਂ વਾ વਾਚਂ ਨਿਚ੍ਛਾਰੇਤ੍વਾવ વਸ੍ਸਂ ਉਪਗਨ੍ਤਬ੍ਬ’’ਨ੍ਤਿ (ਮਹਾવ॰ ਅਟ੍ਠ॰ ੧੮੪)।
2631. ‘‘Imasmiṃ vihāre imaṃ temāsaṃ vassaṃ upemī’’ti tikkhattuṃ vacane nicchārite eva vassaṃ upagato siyāti yojanā. ‘‘Nicchāriteva tikkhattu’’nti idaṃ ukkaṃsavasena vuttaṃ, sakiṃ, dvikkhattuṃ vā nicchāritepi vassūpagato nāma hotīti. Yathāha – ‘‘imasmiṃ vihāre imaṃ temāsaṃ vassaṃ upemīti sakiṃ vā dvattikkhattuṃ vā vācaṃ nicchāretvāva vassaṃ upagantabba’’nti (mahāva. aṭṭha. 184).
੨੬੩੨. ਨવਮਿਤੋ ਪਟ੍ਠਾਯ ਗਨ੍ਤੁਂ વਟ੍ਟਤਿ, ਆਗਚ੍ਛਤੁ વਾ ਮਾ વਾ, ਅਨਾਪਤ੍ਤੀ’’ਤਿ (ਮਹਾવ॰ ਅਟ੍ਠ॰ ੨੦੭) ਅਟ੍ਠਕਥਾਨਯਂ ਦਸ੍ਸੇਤੁਮਾਹ ‘‘ਆਦਿਂ ਤੁ ਨવਮਿਂ ਕਤ੍વਾ’’ਤਿਆਦਿ। ਨવਮਿਂ ਪਭੁਤਿ ਆਦਿਂ ਕਤ੍વਾ, ਨવਮਿਤੋ ਪਟ੍ਠਾਯਾਤਿ વੁਤ੍ਤਂ ਹੋਤਿ। ਗਨ੍ਤੁਂ વਟ੍ਟਤੀਤਿ ਸਤ੍ਤਾਹਕਰਣੀਯੇਨੇવ ਗਨ੍ਤੁਂ વਟ੍ਟਤਿ, ਤਸ੍ਮਾ ਪવਾਰਣਦਿવਸੇਪਿ ਤਦਹੇવ ਆਗਨ੍ਤੁਂ ਅਸਕ੍ਕੁਣੇਯ੍ਯਟ੍ਠਾਨਂ ਪવਾਰਣਤ੍ਥਾਯ ਗਚ੍ਛਨ੍ਤੇਨ ਲਬ੍ਭਮਾਨੇਨ ਸਤ੍ਤਾਹਕਰਣੀਯੇਨ ਗਨ੍ਤੁਂ વਟ੍ਟਤਿ। ‘‘ਪવਾਰੇਤ੍વਾ ਪਨ ਗਨ੍ਤੁਂ વਟ੍ਟਤਿ ਪવਾਰਣਾਯ ਤਂਦਿવਸਸਨ੍ਨਿਸ੍ਸਿਤਤ੍ਤਾ’’ਤਿ (વਜਿਰ॰ ਟੀ॰ ਮਹਾવਗ੍ਗ ੨੦੭) ਹਿ વਜਿਰਬੁਦ੍ਧਿਤ੍ਥੇਰੋ। ਸੋ ਪਚ੍ਛਾ ਆਗਚ੍ਛਤੁ વਾ ਮਾ વਾ, ਦੋਸੋ ਨ વਿਜ੍ਜਤੀਤਿ ਯੋਜਨਾ।
2632. Navamito paṭṭhāya gantuṃ vaṭṭati, āgacchatu vā mā vā, anāpattī’’ti (mahāva. aṭṭha. 207) aṭṭhakathānayaṃ dassetumāha ‘‘ādiṃ tu navamiṃ katvā’’tiādi. Navamiṃ pabhuti ādiṃ katvā, navamito paṭṭhāyāti vuttaṃ hoti. Gantuṃ vaṭṭatīti sattāhakaraṇīyeneva gantuṃ vaṭṭati, tasmā pavāraṇadivasepi tadaheva āgantuṃ asakkuṇeyyaṭṭhānaṃ pavāraṇatthāya gacchantena labbhamānena sattāhakaraṇīyena gantuṃ vaṭṭati. ‘‘Pavāretvā pana gantuṃ vaṭṭati pavāraṇāya taṃdivasasannissitattā’’ti (vajira. ṭī. mahāvagga 207) hi vajirabuddhitthero. So pacchā āgacchatu vā mā vā, doso na vijjatīti yojanā.
વਸ੍ਸੂਪਨਾਯਿਕਕ੍ਖਨ੍ਧਕਕਥਾવਣ੍ਣਨਾ।
Vassūpanāyikakkhandhakakathāvaṇṇanā.
