| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੩੯. વਸ੍ਸੂਪਨਾਯਿਕਨਿਦ੍ਦੇਸવਣ੍ਣਨਾ
39. Vassūpanāyikaniddesavaṇṇanā
੩੦੯-੩੧੦. ਇਦਾਨਿ વਸ੍ਸੂਪਗਮਨਂ ਦਸ੍ਸੇਤੁਂ ‘‘ਪੁਰਿਮਿਕਾ’’ਤਿਆਦਿਮਾਹ। ਤਤ੍ਥ ਪੁਰਿਮਿਕਾ ਪਚ੍ਛਿਮਿਕਾ (ਮਹਾવ॰ ੧੮੪; ਮਹਾવ॰ ਅਟ੍ਠ॰ ੧੮੫) ਚੇਤਿ ਦ੍વੇ વਸ੍ਸੂਪਨਾਯਿਕਾਤਿ ਅਤ੍ਥੋ। ਆਲਯਪਰਿਗ੍ਗਾਹੋ વਾ વਚੀਭੇਦੋ વਾ વਸ੍ਸੂਪਨਾਯਿਕਾਤਿ ਪਾਠਸੇਸੋ। ਇਦਾਨਿ વਤ੍ਤਬ੍ਬਂ ਸਨ੍ਧਾਯ ‘‘ਏਦਿਸੋ’’ਤਿ વੁਤ੍ਤਂ। ‘‘ਇਧ વਸ੍ਸਂ વਸਿਸ੍ਸਾਮੀ’’ਤਿ ਚਿਤ੍ਤੁਪ੍ਪਾਦੇਤ੍ਥ ਆਲਯੋ (ਮਹਾવ॰ ਅਟ੍ਠ॰ ੨੦੩)। ਆਲਯਪਰਿਗ੍ਗਾਹੋ ਪਨ વਜੇ વਾ ਸਤ੍ਥੇ વਾ ਨਾવਾਯ વਾ વਸ੍ਸਂ ਉਪਗਨ੍ਤੁਕਾਮਸ੍ਸ ਤਤ੍ਥ ਸੇਨਾਸਨਂ ਅਲਭਨ੍ਤਸ੍ਸ ਲਬ੍ਭਤਿ, ਸਤ੍ਥਾਦੀਸੁ ਪਨ વਸ੍ਸਂ ਉਪਗਨ੍ਤੁਂ ਨ વਟ੍ਟਤੀਤਿ ਕਤ੍વਾ। ਯਦਿ ਸਤ੍ਥਾਦੀਸੁ ਕવਾਟਬਨ੍ਧਂ ਸੇਨਾਸਨਂ ਲਬ੍ਭਤਿ, ਤਤ੍ਥ ਉਪਗਨ੍ਤਬ੍ਬਂ। ਉਪਗਚ੍ਛਨ੍ਤੇਨ ਚ ‘‘ਇਧ વਸ੍ਸਂ ਉਪੇਮੀ’’ਤਿ ਤਿਕ੍ਖਤ੍ਤੁਂ વਤ੍ਤਬ੍ਬਂ। વਿਹਾਰੇ ਪਨ વਚੀਭੇਦੋ વਾ ਕਾਤਬ੍ਬੋ। ਸਚੇ ‘‘ਇਧ વਸ੍ਸਂ વਸਿਸ੍ਸਾਮੀ’’ਤਿ ਆਲਯੋ ਅਤ੍ਥਿ, ਅਸਤਿਯਾ ਪਨ વਸ੍ਸਂ ਨ ਉਪੇਤਿ, ਛਿਨ੍ਨવਸ੍ਸੋ ਨ ਹੋਤਿ, ਪવਾਰੇਤੁਞ੍ਚ ਲਭਤਿ ਏવ।
309-310. Idāni vassūpagamanaṃ dassetuṃ ‘‘purimikā’’tiādimāha. Tattha purimikā pacchimikā (mahāva. 184; mahāva. aṭṭha. 185) ceti dve vassūpanāyikāti attho. Ālayapariggāho vā vacībhedo vā vassūpanāyikāti pāṭhaseso. Idāni vattabbaṃ sandhāya ‘‘ediso’’ti vuttaṃ. ‘‘Idha vassaṃ vasissāmī’’ti cittuppādettha ālayo (mahāva. aṭṭha. 203). Ālayapariggāho pana vaje vā satthe vā nāvāya vā vassaṃ upagantukāmassa tattha senāsanaṃ alabhantassa labbhati, satthādīsu pana vassaṃ upagantuṃ na vaṭṭatīti katvā. Yadi satthādīsu kavāṭabandhaṃ senāsanaṃ labbhati, tattha upagantabbaṃ. Upagacchantena ca ‘‘idha vassaṃ upemī’’ti tikkhattuṃ vattabbaṃ. Vihāre pana vacībhedo vā kātabbo. Sace ‘‘idha vassaṃ vasissāmī’’ti ālayo atthi, asatiyā pana vassaṃ na upeti, chinnavasso na hoti, pavāretuñca labhati eva.
੩੧੧. ਨੋਪੇਤੁਕਾਮੋ ਆવਾਸਂ, ਤਦਹੂਤਿਕ੍ਕਮੇਯ੍ਯ વਾਤਿ ਪਾਠੇ (ਮਹਾવ॰ ੧੮੬) ਅਤਿਕ੍ਕਮਨ੍ਤਸ੍ਸ ਆવਾਸਂ ਤਦਹੁ વਸ੍ਸੂਪਨਾਯਿਕਾਤਿਪਿ ਅਤ੍ਥੋ। ਆવਾਸਂ ਅਤਿਕ੍ਕਮੇਯ੍ਯ વਾਤਿ ਸਮ੍ਬਨ੍ਧੋ। ਜਾਨਂ વਾਨੁਪਗਚ੍ਛਤੋਤਿ ਏਤ੍ਥ વਿਹਾਰੇ ਨਿਸੀਦਿਤ੍વਾਪਿ ਅਨੁਪਗਚ੍ਛਤੋ ਦੁਕ੍ਕਟਾਪਤ੍ਤਿ ਹੋਤੀਤਿ ਅਧਿਪ੍ਪਾਯੋ।
311.Nopetukāmo āvāsaṃ, tadahūtikkameyya vāti pāṭhe (mahāva. 186) atikkamantassa āvāsaṃ tadahu vassūpanāyikātipi attho. Āvāsaṃ atikkameyya vāti sambandho. Jānaṃ vānupagacchatoti ettha vihāre nisīditvāpi anupagacchato dukkaṭāpatti hotīti adhippāyo.
੩੧੨. ਛਿਨ੍ਨવਸ੍ਸੋ (વਜਿਰ॰ ਟੀ॰ ਮਹਾવਗ੍ਗ ੨੦੮) વਾ ਕੇਨਚਿ ਅਨ੍ਤਰਾਯੇਨ ਪਠਮਂ ਅਨੁਪਗਤੋ (ਮਹਾવ॰ ੧੮੫-੧੮੬) વਾ ਦੁਤਿਯਂ ਉਪਗਚ੍ਛੇਯ੍ਯਾਤਿ ਸਮ੍ਬਨ੍ਧੋ। ਤੇਮਾਸਨ੍ਤਿ ਪੁਰਿਮਂ વਾ ਤੇਮਾਸਂ ਪਚ੍ਛਿਮਂ વਾ ਤੇਮਾਸਂ। ‘‘ਨ ਭਿਕ੍ਖવੇ વਸ੍ਸਂ ਉਪਗਨ੍ਤ੍વਾ ਪੁਰਿਮਂ વਾ ਪਚ੍ਛਿਮਂ વਾ ਤੇਮਾਸਂ ਅવਸਿਤ੍વਾ ਚਾਰਿਕਾ ਪਕ੍ਕਮਿਤਬ੍ਬਾ। ਯੋ ਪਕ੍ਕਮੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ (ਮਹਾવ॰ ੧੮੫) ਹਿ વੁਤ੍ਤਂ।
312. Chinnavasso (vajira. ṭī. mahāvagga 208) vā kenaci antarāyena paṭhamaṃ anupagato (mahāva. 185-186) vā dutiyaṃ upagaccheyyāti sambandho. Temāsanti purimaṃ vā temāsaṃ pacchimaṃ vā temāsaṃ. ‘‘Na bhikkhave vassaṃ upagantvā purimaṃ vā pacchimaṃ vā temāsaṃ avasitvā cārikā pakkamitabbā. Yo pakkameyya, āpatti dukkaṭassā’’ti (mahāva. 185) hi vuttaṃ.
੩੧੩-੫. ‘‘ਅਨੁਜਾਨਾਮਿ, ਭਿਕ੍ਖવੇ, ਸਤ੍ਤਨ੍ਨਂ ਸਤ੍ਤਾਹਕਰਣੀਯੇਨ ਅਪ੍ਪਹਿਤੇਪਿ ਗਨ੍ਤੁਂ, ਪਗੇવ ਪਹਿਤੇ, ‘ਭਿਕ੍ਖੁਸ੍ਸ ਭਿਕ੍ਖੁਨਿਯਾ ਸਿਕ੍ਖਮਾਨਾਯ ਸਾਮਣੇਰਸ੍ਸ ਸਾਮਣੇਰਿਯਾ ਮਾਤੁਯਾ ਚ ਪਿਤੁਸ੍ਸ ਚ, ਗਿਲਾਨਭਤ੍ਤਂ વਾ ਪਰਿਯੇਸਿਸ੍ਸਾਮਿ, ਗਿਲਾਨੁਪਟ੍ਠਾਕਭਤ੍ਤਂ વਾ ਪਰਿਯੇਸਿਸ੍ਸਾਮਿ, ਗਿਲਾਨਭੇਸਜ੍ਜਂ વਾ ਪਰਿਯੇਸਿਸ੍ਸਾਮਿ, ਪੁਚ੍ਛਿਸ੍ਸਾਮਿ વਾ ਉਪਟ੍ਠਹਿਸ੍ਸਾਮਿ વਾ’ਤਿ ਸਤ੍ਤਾਹਂ ਸਨ੍ਨਿવਤ੍ਤੋ ਕਾਤਬ੍ਬੋ’’ਤਿ (ਮਹਾવ॰ ੧੯੮) વੁਤ੍ਤਤ੍ਤਾ ‘‘ਮਾਤਾਪਿਤੂਨਮਤ੍ਥਾਯ…ਪੇ॰… ਉਪਟ੍ਠਿਸ੍ਸ’’ਨ੍ਤਿ વੁਤ੍ਤਂ। ਤਤ੍ਥਾਯਂ ਸਙ੍ਖੇਪੋ – ‘‘ਮਾਤਾਦੀਨਂ ਗਿਲਾਨਭਤ੍ਤਂ વਾ ਤਦੁਪਟ੍ਠਾਕਭਤ੍ਤਂ વਾ ਗਿਲਾਨਾਨਂ ਓਸਧਂ વਾ ਏਸਿਸ੍ਸਂ ਪਰਿਯੇਸਿਸ੍ਸ’’ਨ੍ਤਿ વਾ ‘‘ਤੇ ਗਿਲਾਨੇ ਗਨ੍ਤ੍વਾ ਪੁਚ੍ਛਿਸ੍ਸਾਮੀ’’ਤਿ વਾ ‘‘ਉਪਟ੍ਠਿਸ੍ਸ’’ਨ੍ਤਿ વਾ ਪਹਿਤੇਪਿ ਅਪ੍ਪਹਿਤੇਪਿ ਸਤ੍ਤਾਹਕਿਚ੍ਚੇਨ ਗਨ੍ਤੁਂ ਲਭਤਿ।
313-5. ‘‘Anujānāmi, bhikkhave, sattannaṃ sattāhakaraṇīyena appahitepi gantuṃ, pageva pahite, ‘bhikkhussa bhikkhuniyā sikkhamānāya sāmaṇerassa sāmaṇeriyā mātuyā ca pitussa ca, gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā upaṭṭhahissāmi vā’ti sattāhaṃ sannivatto kātabbo’’ti (mahāva. 198) vuttattā ‘‘mātāpitūnamatthāya…pe… upaṭṭhissa’’nti vuttaṃ. Tatthāyaṃ saṅkhepo – ‘‘mātādīnaṃ gilānabhattaṃ vā tadupaṭṭhākabhattaṃ vā gilānānaṃ osadhaṃ vā esissaṃ pariyesissa’’nti vā ‘‘te gilāne gantvā pucchissāmī’’ti vā ‘‘upaṭṭhissa’’nti vā pahitepi appahitepi sattāhakiccena gantuṃ labhati.
ਇਦਾਨਿ ਸਹਧਮ੍ਮਿਕੇ ਏવ ਸਨ੍ਧਾਯ ‘‘ਅਨਭਿਰਤ’’ਨ੍ਤਿਆਦਿ વੁਤ੍ਤਂ। ‘‘વਿਸਭਾਗਰੂਪਂ ਦਿਸ੍વਾ ਅਨਭਿਰਤਿ, ਤਤੋ વੂਪਕਾਸਿਸ੍ਸਂ, ਤਂ ਗਹੇਤ੍વਾ ਅਞ੍ਞਤ੍ਥ ਗਮਿਸ੍ਸ’’ਨ੍ਤਿ ਅਧਿਪ੍ਪਾਯੇਨ ਗਨ੍ਤੁਮ੍ਪਿ ਲਬ੍ਭਤੀਤਿ ਅਤ੍ਥੋ। ਕੁਕ੍ਕੁਚ੍ਚਂ વਿਨੋਦਨਞ੍ਚ ਦਿਟ੍ਠਿਂ વਿવੇਚਨਞ੍ਚ ਅਹਂ વਾ ਕਰੇਯ੍ਯਂ ਅਞ੍ਞੇਹਿ વਾ ਕਾਰੇਯ੍ਯਨ੍ਤਿ ਸਮ੍ਬਨ੍ਧੋ। ਪਰਿવਾਸਮਾਨਤ੍ਤਆਦੀਹਿ વੁਟ੍ਠਾਨਂ વਾ ਗਰੁਕਾ। ਆਦਿ-ਸਦ੍ਦੇਨ ਸਚੇ ਸਙ੍ਘੇਨ ਕਮ੍ਮਂ ਕਤਂ ਹੋਤਿ, ਤਸ੍ਸ ਪਟਿਪ੍ਪਸ੍ਸਦ੍ਧਿਯਾ ਅਨੁਸ੍ਸਾવਨਕਰਣਾਦੀਸੁ ਉਸ੍ਸੁਕ੍ਕਂ ਕਰੇਯ੍ਯਨ੍ਤਿ ਗਨ੍ਤੁਂ ਲਬ੍ਭਤੀਤਿ ਅਤ੍ਥੋ। ਸਤ੍ਤਾਹਕਿਚ੍ਚੇਨਾਤਿ ਸਤ੍ਤਾਹਕਰਣੀਯੇਨ।
Idāni sahadhammike eva sandhāya ‘‘anabhirata’’ntiādi vuttaṃ. ‘‘Visabhāgarūpaṃ disvā anabhirati, tato vūpakāsissaṃ, taṃ gahetvā aññattha gamissa’’nti adhippāyena gantumpi labbhatīti attho. Kukkuccaṃ vinodanañca diṭṭhiṃ vivecanañca ahaṃ vā kareyyaṃ aññehi vā kāreyyanti sambandho. Parivāsamānattaādīhi vuṭṭhānaṃ vā garukā. Ādi-saddena sace saṅghena kammaṃ kataṃ hoti, tassa paṭippassaddhiyā anussāvanakaraṇādīsu ussukkaṃ kareyyanti gantuṃ labbhatīti attho. Sattāhakiccenāti sattāhakaraṇīyena.
੩੧੬. ਧਮ੍ਮਸવਨਤ੍ਥਂ ਨਿਮਨ੍ਤਿਤੋ ਏવਂ વਜੇਤਿ ਅਤ੍ਥੋ। ਗਰੂ ਨਾਮ ਆਚਰਿਯੁਪਜ੍ਝਾਯਾ, ਤੇਹਿ ਭਣ੍ਡਧੋવਨਕਿਚ੍ਚੇਨ ਪਹਿਤਸ੍ਸ ਗਨ੍ਤੁਂ વਟ੍ਟਤੀਤਿ ਅਤ੍ਥੋ।
316. Dhammasavanatthaṃ nimantito evaṃ vajeti attho. Garū nāma ācariyupajjhāyā, tehi bhaṇḍadhovanakiccena pahitassa gantuṃ vaṭṭatīti attho.
੩੧੭. ਨ ਭਣ੍ਡਧੋવਨ…ਪੇ॰… ਦਸ੍ਸਨੇਤਿ ਏਤ੍ਥ (ਮਹਾવ॰ ਅਟ੍ਠ॰ ੧੯੯) ਏਤੇਸੁਪਿ ਨ વਜੇਤਿ ਸਮ੍ਬਨ੍ਧੋ। ਲਬ੍ਭਨ੍ਤਿ ਏਤ੍ਥ ‘‘ਅਜ੍ਜੇવ ਆਗਮਿਸ੍ਸ’’ਨ੍ਤਿ ਅਦੂਰਗੋ ਯਦਿ ਨ ਪਾਪੁਣੇਯ੍ਯ, ਲਬ੍ਭਨ੍ਤਿ ਸਮ੍ਬਨ੍ਧੋ। ਕਿਂ વੁਤ੍ਤਂ ਹੋਤਿ? ‘‘ਅਜ੍ਜੇવ ਆਗਮਿਸ੍ਸਾਮੀ’’ਤਿ ਸਾਮਨ੍ਤવਿਹਾਰਂ ਗਨ੍ਤ੍વਾ ਪੁਨ ਆਗਚ੍ਛਨ੍ਤਸ੍ਸ ਅਨ੍ਤਰਾਮਗ੍ਗੇ ਸਚੇ ਅਰੁਣੁਟ੍ਠਾਨਂ ਹੋਤਿ, વਸ੍ਸਚ੍ਛੇਦੋਪਿ ਨ ਹੋਤਿ, ਰਤ੍ਤਿਚ੍ਛੇਦੇਨ ਦੁਕ੍ਕਟਮ੍ਪਿ ਨਾਪਜ੍ਜਤੀਤਿ વੁਤ੍ਤਂ ਹੋਤਿ।
317.Na bhaṇḍadhovana…pe… dassaneti ettha (mahāva. aṭṭha. 199) etesupi na vajeti sambandho. Labbhanti ettha ‘‘ajjeva āgamissa’’nti adūrago yadi na pāpuṇeyya, labbhanti sambandho. Kiṃ vuttaṃ hoti? ‘‘Ajjeva āgamissāmī’’ti sāmantavihāraṃ gantvā puna āgacchantassa antarāmagge sace aruṇuṭṭhānaṃ hoti, vassacchedopi na hoti, ratticchedena dukkaṭampi nāpajjatīti vuttaṃ hoti.
੩੧੮. ਸੇਸਞਾਤਿਹੀਤਿ ਭਾਤੁਭਗਿਨੀਆਦੀਹਿ। ਭਿਕ੍ਖੁਨਿਸ੍ਸਿਤਕੇਨ ਚ ਪਹਿਤੇਤਿ ਸਮ੍ਬਨ੍ਧੋ। ਨਿਦ੍ਦਿਸਿਤ੍વਾਤਿ ‘‘ਆਗਚ੍ਛਨ੍ਤੁ ਭਦਨ੍ਤਾ, ਇਚ੍ਛਾਮਿ ਦਾਨਞ੍ਚ ਦਾਤੁਂ ਧਮ੍ਮਞ੍ਚ ਸੋਤੁਂ ਭਿਕ੍ਖੁਞ੍ਚ ਪਸ੍ਸਿਤੁ’’ਨ੍ਤਿਆਦਿਨਾ ਯਂ ਕਿਞ੍ਚਿ ਨਿਦ੍ਦਿਸਿਤ੍વਾવ ਪੇਸਿਤੇ ਗਨ੍ਤੁਂ વਟ੍ਟਤਿ। ਕੇવਲਂ ‘‘ਆਗਚ੍ਛਨ੍ਤੁ ਭਿਕ੍ਖੂ, ਇਚ੍ਛਾਮਿ ਭਿਕ੍ਖੂਨਂ ਆਗਮਨ’’ਨ੍ਤਿ ਏવਂ ਅਨਿਦ੍ਦਿਸਿਤ੍વਾ વੁਤ੍ਤੇ ਗਨ੍ਤੁਂ ਨ ਲਬ੍ਭਤੀਤਿ ਅਤ੍ਥੋ।
318.Sesañātihīti bhātubhaginīādīhi. Bhikkhunissitakena ca pahiteti sambandho. Niddisitvāti ‘‘āgacchantu bhadantā, icchāmi dānañca dātuṃ dhammañca sotuṃ bhikkhuñca passitu’’ntiādinā yaṃ kiñci niddisitvāva pesite gantuṃ vaṭṭati. Kevalaṃ ‘‘āgacchantu bhikkhū, icchāmi bhikkhūnaṃ āgamana’’nti evaṃ aniddisitvā vutte gantuṃ na labbhatīti attho.
੩੧੯. ਅਚ੍ਛਰਾਯੇ ਸਤਤ੍ਤਨੋਤਿ ਦਸવਿਧੇਸੁ ਅਨ੍ਤਰਾਯੇਸੁ ਏਕਸ੍ਮਿਮ੍ਪਿ ਅਨ੍ਤਰਾਯੇ ਅਤ੍ਤਨੋ ਸਤੀਤਿ ਅਤ੍ਥੋ। ਸਙ੍ਘਸਾਮਗ੍ਗਿਯਾ વਾ વਸ੍ਸਚ੍ਛੇਦੇ ਅਨਾਪਤ੍ਤੀਤਿ ਅਤ੍ਥੋ। વੁਤ੍ਤਞ੍ਹੇਤਂ ‘‘ਇਧ ਪਨ, ਭਿਕ੍ਖવੇ, વਸ੍ਸੂਪਗਤੋ ਭਿਕ੍ਖੁ ਪਸ੍ਸਤਿ ਸਮ੍ਬਹੁਲੇ ਭਿਕ੍ਖੂ ਸਙ੍ਘਭੇਦਾਯ ਪਰਕ੍ਕਮਨ੍ਤੇ। ਤਤ੍ਰ ਚੇ ਭਿਕ੍ਖੁਨੋ ਏવਂ ਹੋਤਿ, ‘ਗਰੁਕੋ ਖੋ ਸਙ੍ਘਭੇਦੋ વੁਤ੍ਤੋ ਭਗવਤਾ। ਮਾ ਮਯਿ ਸਮ੍ਮੁਖੀਭੂਤੇ ਸਙ੍ਘੋ ਭਿਜ੍ਜੀ’ਤਿ ਪਕ੍ਕਮਿਤਬ੍ਬਂ, ਅਨਾਪਤ੍ਤਿ વਸ੍ਸਚ੍ਛੇਦਸ੍ਸਾ’’ਤਿ (ਮਹਾવ॰ ੨੦੨)। ਏવਂ ਛਿਨ੍ਨવਸ੍ਸੋ ਨੋ ਪવਾਰਯੇਤਿ ਅਤ੍ਥੋ।
319.Accharāye satattanoti dasavidhesu antarāyesu ekasmimpi antarāye attano satīti attho. Saṅghasāmaggiyā vā vassacchede anāpattīti attho. Vuttañhetaṃ ‘‘idha pana, bhikkhave, vassūpagato bhikkhu passati sambahule bhikkhū saṅghabhedāya parakkamante. Tatra ce bhikkhuno evaṃ hoti, ‘garuko kho saṅghabhedo vutto bhagavatā. Mā mayi sammukhībhūte saṅgho bhijjī’ti pakkamitabbaṃ, anāpatti vassacchedassā’’ti (mahāva. 202). Evaṃ chinnavasso no pavārayeti attho.
੩੨੦. ਰੁਕ੍ਖਸ੍ਸ ਸੁਸਿਰੇਤਿ ਏਤ੍ਥ (ਮਹਾવ॰ ੨੦੪; ਮਹਾવ॰ ਅਟ੍ਠ॰ ੨੦੩) ਪਨ ਸੁਦ੍ਧੇ ਰੁਕ੍ਖਸੁਸਿਰੇ ਏવ ਨ વਟ੍ਟਤਿ, ਮਹਨ੍ਤਸ੍ਸ ਪਨ ਸੁਸਿਰਸ੍ਸ ਅਨ੍ਤੋ ਪਦਰਚ੍ਛਦਨਂ ਕੁਟਿਕਂ ਕਤ੍વਾ ਪવਿਸਨਦ੍વਾਰਂ ਯੋਜੇਤ੍વਾ ਉਪਗਨ੍ਤੁਂ વਟ੍ਟਤਿ। ਰੁਕ੍ਖਸ੍ਸ વਿਟਪੇਤਿ ਏਤ੍ਥਾਪਿ ਸੁਦ੍ਧવਿਟਪਮਤ੍ਤੇ ਨ વਟ੍ਟਤਿ, ਮਹਾવਿਟਪੇ ਪਨ ਅਟ੍ਟਕਂ ਬਨ੍ਧਿਤ੍વਾ વੁਤ੍ਤਨਯੇਨ ਕੁਟਿਕਂ ਕਤ੍વਾ ਉਪਗਨ੍ਤੁਂ વਟ੍ਟਤਿ। ਛવਕੁਟਿ ਨਾਮ ਪਾਸਾਣਕੁਟਿਕਨ੍ਤਿ વਦਨ੍ਤਿ। ਤੀਸੁ ਪਸ੍ਸੇਸੁ ਪਾਸਾਣੇ ਉਸ੍ਸਾਪੇਤ੍વਾ ਉਪਰਿ ਪਾਸਾਣੇਨ ਪਟਿਚ੍ਛਨ੍ਨਾ।
320.Rukkhassa susireti ettha (mahāva. 204; mahāva. aṭṭha. 203) pana suddhe rukkhasusire eva na vaṭṭati, mahantassa pana susirassa anto padaracchadanaṃ kuṭikaṃ katvā pavisanadvāraṃ yojetvā upagantuṃ vaṭṭati. Rukkhassa viṭapeti etthāpi suddhaviṭapamatte na vaṭṭati, mahāviṭape pana aṭṭakaṃ bandhitvā vuttanayena kuṭikaṃ katvā upagantuṃ vaṭṭati. Chavakuṭi nāma pāsāṇakuṭikanti vadanti. Tīsu passesu pāsāṇe ussāpetvā upari pāsāṇena paṭicchannā.
੩੨੧. ਨਾવਾਦੀਸੁ ਪਨ ਉਪਗਤੋ ਪવਾਰੇਤੁਞ੍ਚ ਲਬ੍ਭਤੀਤਿ ਸਮ੍ਬਨ੍ਧੋ। વਸ੍ਸੂਪਨਾਯਿਕવਿਨਿਚ੍ਛਯੋ।
321. Nāvādīsu pana upagato pavāretuñca labbhatīti sambandho. Vassūpanāyikavinicchayo.
વਸ੍ਸੂਪਨਾਯਿਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Vassūpanāyikaniddesavaṇṇanā niṭṭhitā.
