| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
3. вассуубанааяигагканд̇хаго
3. Vassūpanāyikakkhandhako
107. вассуубанааяигаануж̇аананаа
107. Vassūpanāyikānujānanā
184. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна бхаг̇авад̇аа бхигкуунам̣ вассааваасо абан̃н̃ад̇д̇о ход̇и. д̇зид̇ха бхигкуу хзманд̇амби г̇имхамби вассамби жааригам̣ жаранд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа хзманд̇амби г̇имхамби вассамби жааригам̣ жариссанд̇и, харид̇аани д̇ин̣аани саммад̣̇д̣̇анд̇аа, згинд̣̇рияам̣ ж̇ийвам̣ вихзтзнд̇аа, б̣ахуу куд̣̇д̣̇агз баан̣з сан̇гхаад̇ам̣ аабаад̣̇знд̇аа. имз хи наама ан̃н̃ад̇ид̇т̇ияаа д̣̇урагкаад̇ад̇хаммаа вассааваасам̣ аллийяиссанд̇и сан̇гасааяиссанд̇и. имз хи наама сагунд̇агаа ругкаг̇г̇зсу гулаавагаани гарид̇ваа вассааваасам̣ аллийяиссанд̇и сан̇гасааяиссанд̇и 1. имз бана саман̣аа сагяабуд̇д̇ияаа хзманд̇амби г̇имхамби вассамби жааригам̣ жаранд̇и, харид̇аани д̇ин̣аани саммад̣̇д̣̇анд̇аа, згинд̣̇рияам̣ ж̇ийвам̣ вихзтзнд̇аа, б̣ахуу куд̣̇д̣̇агз баан̣з сан̇гхаад̇ам̣ аабаад̣̇знд̇аа’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, вассам̣ убаг̇анд̇у’’нд̇и. ат̇а ко бхигкуунам̣ зд̇ад̣̇ахоси – ‘‘гад̣̇аа ну ко вассам̣ убаг̇анд̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, вассаанз вассам̣ убаг̇анд̇унд̇и.
184. Tena samayena buddho bhagavā rājagahe viharati veḷuvane kalandakanivāpe. Tena kho pana samayena bhagavatā bhikkhūnaṃ vassāvāso apaññatto hoti. Teidha bhikkhū hemantampi gimhampi vassampi cārikaṃ caranti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā hemantampi gimhampi vassampi cārikaṃ carissanti, haritāni tiṇāni sammaddantā, ekindriyaṃ jīvaṃ viheṭhentā, bahū khuddake pāṇe saṅghātaṃ āpādentā. Ime hi nāma aññatitthiyā durakkhātadhammā vassāvāsaṃ allīyissanti saṅkasāyissanti. Ime hi nāma sakuntakā rukkhaggesu kulāvakāni karitvā vassāvāsaṃ allīyissanti saṅkasāyissanti 2. Ime pana samaṇā sakyaputtiyā hemantampi gimhampi vassampi cārikaṃ caranti, haritāni tiṇāni sammaddantā, ekindriyaṃ jīvaṃ viheṭhentā, bahū khuddake pāṇe saṅghātaṃ āpādentā’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, vassaṃ upagantu’’nti. Atha kho bhikkhūnaṃ etadahosi – ‘‘kadā nu kho vassaṃ upagantabba’’nti? Bhagavato etamatthaṃ ārocesuṃ. Anujānāmi, bhikkhave, vassāne vassaṃ upagantunti.
ат̇а ко бхигкуунам̣ зд̇ад̣̇ахоси – ‘‘гад̇и ну ко вассуубанааяигаа’’д̇и? бхаг̇авад̇о зд̇амад̇т̇ам̣
Atha kho bhikkhūnaṃ etadahosi – ‘‘kati nu kho vassūpanāyikā’’ti? Bhagavato etamatthaṃ
аарожзсум̣. д̣̇взмаа, бхигкавз, вассуубанааяигаа – буримигаа, бажчимигаа. абараж̇ж̇уг̇ад̇ааяа аасаал̣хияаа буримигаа убаг̇анд̇аб̣б̣аа, маасаг̇ад̇ааяа аасаал̣хияаа бажчимигаа убаг̇анд̇аб̣б̣аа – имаа ко, бхигкавз, д̣̇вз вассуубанааяигаад̇и.
Ārocesuṃ. Dvemā, bhikkhave, vassūpanāyikā – purimikā, pacchimikā. Aparajjugatāya āsāḷhiyā purimikā upagantabbā, māsagatāya āsāḷhiyā pacchimikā upagantabbā – imā kho, bhikkhave, dve vassūpanāyikāti.
вассуубанааяигаануж̇аананаа нидтид̇аа.
Vassūpanāyikānujānanā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / вассуубанааяигаануж̇аананагат̇аа • Vassūpanāyikānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вассуубанааяигаануж̇аананагат̇ааван̣н̣анаа • Vassūpanāyikānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вассуубанааяигаануж̇аананагат̇ааван̣н̣анаа • Vassūpanāyikānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вассуубанааяигаануж̇аананагат̇аад̣̇иван̣н̣анаа • Vassūpanāyikaanujānanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 107. вассуубанааяигаануж̇аананагат̇аа • 107. Vassūpanāyikānujānanakathā
