| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੩. વਸ੍ਸੂਪਨਾਯਿਕਕ੍ਖਨ੍ਧਕੋ
3. Vassūpanāyikakkhandhako
੧੦੭. વਸ੍ਸੂਪਨਾਯਿਕਾਨੁਜਾਨਨਾ
107. Vassūpanāyikānujānanā
੧੮੪. ਤੇਨ ਸਮਯੇਨ ਬੁਦ੍ਧੋ ਭਗવਾ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਤੇਨ ਖੋ ਪਨ ਸਮਯੇਨ ਭਗવਤਾ ਭਿਕ੍ਖੂਨਂ વਸ੍ਸਾવਾਸੋ ਅਪਞ੍ਞਤ੍ਤੋ ਹੋਤਿ। ਤੇਇਧ ਭਿਕ੍ਖੂ ਹੇਮਨ੍ਤਮ੍ਪਿ ਗਿਮ੍ਹਮ੍ਪਿ વਸ੍ਸਮ੍ਪਿ ਚਾਰਿਕਂ ਚਰਨ੍ਤਿ। ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਹੇਮਨ੍ਤਮ੍ਪਿ ਗਿਮ੍ਹਮ੍ਪਿ વਸ੍ਸਮ੍ਪਿ ਚਾਰਿਕਂ ਚਰਿਸ੍ਸਨ੍ਤਿ, ਹਰਿਤਾਨਿ ਤਿਣਾਨਿ ਸਮ੍ਮਦ੍ਦਨ੍ਤਾ, ਏਕਿਨ੍ਦ੍ਰਿਯਂ ਜੀવਂ વਿਹੇਠੇਨ੍ਤਾ, ਬਹੂ ਖੁਦ੍ਦਕੇ ਪਾਣੇ ਸਙ੍ਘਾਤਂ ਆਪਾਦੇਨ੍ਤਾ। ਇਮੇ ਹਿ ਨਾਮ ਅਞ੍ਞਤਿਤ੍ਥਿਯਾ ਦੁਰਕ੍ਖਾਤਧਮ੍ਮਾ વਸ੍ਸਾવਾਸਂ ਅਲ੍ਲੀਯਿਸ੍ਸਨ੍ਤਿ ਸਙ੍ਕਸਾਯਿਸ੍ਸਨ੍ਤਿ। ਇਮੇ ਹਿ ਨਾਮ ਸਕੁਨ੍ਤਕਾ ਰੁਕ੍ਖਗ੍ਗੇਸੁ ਕੁਲਾવਕਾਨਿ ਕਰਿਤ੍વਾ વਸ੍ਸਾવਾਸਂ ਅਲ੍ਲੀਯਿਸ੍ਸਨ੍ਤਿ ਸਙ੍ਕਸਾਯਿਸ੍ਸਨ੍ਤਿ 1। ਇਮੇ ਪਨ ਸਮਣਾ ਸਕ੍ਯਪੁਤ੍ਤਿਯਾ ਹੇਮਨ੍ਤਮ੍ਪਿ ਗਿਮ੍ਹਮ੍ਪਿ વਸ੍ਸਮ੍ਪਿ ਚਾਰਿਕਂ ਚਰਨ੍ਤਿ, ਹਰਿਤਾਨਿ ਤਿਣਾਨਿ ਸਮ੍ਮਦ੍ਦਨ੍ਤਾ, ਏਕਿਨ੍ਦ੍ਰਿਯਂ ਜੀવਂ વਿਹੇਠੇਨ੍ਤਾ, ਬਹੂ ਖੁਦ੍ਦਕੇ ਪਾਣੇ ਸਙ੍ਘਾਤਂ ਆਪਾਦੇਨ੍ਤਾ’’ਤਿ। ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖવੇ, વਸ੍ਸਂ ਉਪਗਨ੍ਤੁ’’ਨ੍ਤਿ। ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕਦਾ ਨੁ ਖੋ વਸ੍ਸਂ ਉਪਗਨ੍ਤਬ੍ਬ’’ਨ੍ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, વਸ੍ਸਾਨੇ વਸ੍ਸਂ ਉਪਗਨ੍ਤੁਨ੍ਤਿ।
184. Tena samayena buddho bhagavā rājagahe viharati veḷuvane kalandakanivāpe. Tena kho pana samayena bhagavatā bhikkhūnaṃ vassāvāso apaññatto hoti. Teidha bhikkhū hemantampi gimhampi vassampi cārikaṃ caranti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā hemantampi gimhampi vassampi cārikaṃ carissanti, haritāni tiṇāni sammaddantā, ekindriyaṃ jīvaṃ viheṭhentā, bahū khuddake pāṇe saṅghātaṃ āpādentā. Ime hi nāma aññatitthiyā durakkhātadhammā vassāvāsaṃ allīyissanti saṅkasāyissanti. Ime hi nāma sakuntakā rukkhaggesu kulāvakāni karitvā vassāvāsaṃ allīyissanti saṅkasāyissanti 2. Ime pana samaṇā sakyaputtiyā hemantampi gimhampi vassampi cārikaṃ caranti, haritāni tiṇāni sammaddantā, ekindriyaṃ jīvaṃ viheṭhentā, bahū khuddake pāṇe saṅghātaṃ āpādentā’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, vassaṃ upagantu’’nti. Atha kho bhikkhūnaṃ etadahosi – ‘‘kadā nu kho vassaṃ upagantabba’’nti? Bhagavato etamatthaṃ ārocesuṃ. Anujānāmi, bhikkhave, vassāne vassaṃ upagantunti.
ਅਥ ਖੋ ਭਿਕ੍ਖੂਨਂ ਏਤਦਹੋਸਿ – ‘‘ਕਤਿ ਨੁ ਖੋ વਸ੍ਸੂਪਨਾਯਿਕਾ’’ਤਿ? ਭਗવਤੋ ਏਤਮਤ੍ਥਂ
Atha kho bhikkhūnaṃ etadahosi – ‘‘kati nu kho vassūpanāyikā’’ti? Bhagavato etamatthaṃ
ਆਰੋਚੇਸੁਂ। ਦ੍વੇਮਾ, ਭਿਕ੍ਖવੇ, વਸ੍ਸੂਪਨਾਯਿਕਾ – ਪੁਰਿਮਿਕਾ, ਪਚ੍ਛਿਮਿਕਾ। ਅਪਰਜ੍ਜੁਗਤਾਯ ਆਸਾਲ਼੍ਹਿਯਾ ਪੁਰਿਮਿਕਾ ਉਪਗਨ੍ਤਬ੍ਬਾ, ਮਾਸਗਤਾਯ ਆਸਾਲ਼੍ਹਿਯਾ ਪਚ੍ਛਿਮਿਕਾ ਉਪਗਨ੍ਤਬ੍ਬਾ – ਇਮਾ ਖੋ, ਭਿਕ੍ਖવੇ, ਦ੍વੇ વਸ੍ਸੂਪਨਾਯਿਕਾਤਿ।
Ārocesuṃ. Dvemā, bhikkhave, vassūpanāyikā – purimikā, pacchimikā. Aparajjugatāya āsāḷhiyā purimikā upagantabbā, māsagatāya āsāḷhiyā pacchimikā upagantabbā – imā kho, bhikkhave, dve vassūpanāyikāti.
વਸ੍ਸੂਪਨਾਯਿਕਾਨੁਜਾਨਨਾ ਨਿਟ੍ਠਿਤਾ।
Vassūpanāyikānujānanā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / વਸ੍ਸੂਪਨਾਯਿਕਾਨੁਜਾਨਨਕਥਾ • Vassūpanāyikānujānanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / વਸ੍ਸੂਪਨਾਯਿਕਾਨੁਜਾਨਨਕਥਾવਣ੍ਣਨਾ • Vassūpanāyikānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / વਸ੍ਸੂਪਨਾਯਿਕਾਨੁਜਾਨਨਕਥਾવਣ੍ਣਨਾ • Vassūpanāyikānujānanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વਸ੍ਸੂਪਨਾਯਿਕਅਨੁਜਾਨਨਕਥਾਦਿવਣ੍ਣਨਾ • Vassūpanāyikaanujānanakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੦੭. વਸ੍ਸੂਪਨਾਯਿਕਾਨੁਜਾਨਨਕਥਾ • 107. Vassūpanāyikānujānanakathā
