| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
3. வஸ்ஸூபனாயிகக்க²ந்த⁴கங்
3. Vassūpanāyikakkhandhakaṃ
வஸ்ஸூபனாயிகானுஜானநகதா²
Vassūpanāyikānujānanakathā
184. வஸ்ஸூபனாயிகக்க²ந்த⁴கே – அபஞ்ஞத்தோதி அனநுஞ்ஞாதோ அஸங்விஹிதோ வா. தே இத⁴ பி⁴க்கூ²தி தே பி⁴க்கூ², இத⁴ஸத்³தோ³ நிபாதமத்தோ. ஸங்கா⁴தங் ஆபாதெ³ந்தாதி வினாஸங் ஆபாதெ³ந்தா. ஸங்கஸாயிஸ்ஸந்தீதி அப்பொஸ்ஸுக்கா நிப³த்³த⁴வாஸங் வஸிஸ்ஸந்தி. ஸகுந்தகாதி ஸகுணா. வஸ்ஸானே வஸ்ஸங் உபக³ந்துந்தி வஸ்ஸானநாமகே தேமாஸே வஸ்ஸங் உபக³ந்தப்³ப³ந்தி அத்தோ². கதி நு கோ² வஸ்ஸூபனாயிகாதி கதி நு கோ² வஸ்ஸூபக³மனானி. அபரஜ்ஜுக³தாயாதி எத்த² அபரஜ்ஜுக³தாய அஸ்ஸாதி அபரஜ்ஜுக³தா, தஸ்ஸா அபரஜ்ஜுக³தாய; அதிக்கந்தாய அபரஸ்மிங் தி³வஸேதி அத்தோ². து³தியனயேபி மாஸோ க³தாய அஸ்ஸாதி மாஸக³தா, தஸ்ஸா மாஸக³தாய; அதிக்கந்தாய மாஸே பரிபுண்ணேதி அத்தோ². தஸ்மா ஆஸாள்ஹீபுண்ணமாய அனந்தரே பாடிபத³தி³வஸே, ஆஸாள்ஹீபுண்ணமிதோ வா அபராய புண்ணமாய அனந்தரே பாடிபத³தி³வஸேயேவ விஹாரங் படிஜக்³கி³த்வா பானீயங் பரிபோ⁴ஜனீயங் உபட்ட²பெத்வா ஸப்³ப³ங் சேதியவந்த³னாதி³ஸாமீசிகம்மங் நிட்டா²பெத்வா ‘‘இமஸ்மிங் விஹாரே இமங் தேமாஸங் வஸ்ஸங் உபேமீ’’தி ஸகிங் வா த்³வத்திக்க²த்துங் வா வாசங் நிச்சா²ரெத்வா வஸ்ஸங் உபக³ந்தப்³ப³ங்.
184. Vassūpanāyikakkhandhake – apaññattoti ananuññāto asaṃvihito vā. Te idha bhikkhūti te bhikkhū, idhasaddo nipātamatto. Saṅghātaṃ āpādentāti vināsaṃ āpādentā. Saṅkasāyissantīti appossukkā nibaddhavāsaṃ vasissanti. Sakuntakāti sakuṇā. Vassāne vassaṃ upagantunti vassānanāmake temāse vassaṃ upagantabbanti attho. Kati nu kho vassūpanāyikāti kati nu kho vassūpagamanāni. Aparajjugatāyāti ettha aparajjugatāya assāti aparajjugatā, tassā aparajjugatāya; atikkantāya aparasmiṃ divaseti attho. Dutiyanayepi māso gatāya assāti māsagatā, tassā māsagatāya; atikkantāya māse paripuṇṇeti attho. Tasmā āsāḷhīpuṇṇamāya anantare pāṭipadadivase, āsāḷhīpuṇṇamito vā aparāya puṇṇamāya anantare pāṭipadadivaseyeva vihāraṃ paṭijaggitvā pānīyaṃ paribhojanīyaṃ upaṭṭhapetvā sabbaṃ cetiyavandanādisāmīcikammaṃ niṭṭhāpetvā ‘‘imasmiṃ vihāre imaṃ temāsaṃ vassaṃ upemī’’ti sakiṃ vā dvattikkhattuṃ vā vācaṃ nicchāretvā vassaṃ upagantabbaṃ.
வாசங் நிச்சா²ரெத்வா வஸ்ஸங் உபக³ந்தப்³ப³ங்.
Vācaṃ nicchāretvā vassaṃ upagantabbaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 107. வஸ்ஸூபனாயிகானுஜானநா • 107. Vassūpanāyikānujānanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / வஸ்ஸூபனாயிகானுஜானநகதா²வண்ணனா • Vassūpanāyikānujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / வஸ்ஸூபனாயிகானுஜானநகதா²வண்ணனா • Vassūpanāyikānujānanakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / வஸ்ஸூபனாயிகஅனுஜானநகதா²தி³வண்ணனா • Vassūpanāyikaanujānanakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 107. வஸ்ஸூபனாயிகானுஜானநகதா² • 107. Vassūpanāyikānujānanakathā
