| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
৩. ৰস্সূপনাযিকক্খন্ধকং
3. Vassūpanāyikakkhandhakaṃ
ৰস্সূপনাযিকানুজাননকথা
Vassūpanāyikānujānanakathā
১৮৪. ৰস্সূপনাযিকক্খন্ধকে – অপঞ্ঞত্তোতি অননুঞ্ঞাতো অসংৰিহিতো ৰা। তে ইধ ভিক্খূতি তে ভিক্খূ, ইধসদ্দো নিপাতমত্তো। সঙ্ঘাতং আপাদেন্তাতি ৰিনাসং আপাদেন্তা। সঙ্কসাযিস্সন্তীতি অপ্পোস্সুক্কা নিবদ্ধৰাসং ৰসিস্সন্তি। সকুন্তকাতি সকুণা। ৰস্সানে ৰস্সং উপগন্তুন্তি ৰস্সাননামকে তেমাসে ৰস্সং উপগন্তব্বন্তি অত্থো। কতি নু খো ৰস্সূপনাযিকাতি কতি নু খো ৰস্সূপগমনানি। অপরজ্জুগতাযাতি এত্থ অপরজ্জুগতায অস্সাতি অপরজ্জুগতা, তস্সা অপরজ্জুগতায; অতিক্কন্তায অপরস্মিং দিৰসেতি অত্থো। দুতিযনযেপি মাসো গতায অস্সাতি মাসগতা, তস্সা মাসগতায; অতিক্কন্তায মাসে পরিপুণ্ণেতি অত্থো। তস্মা আসাল়্হীপুণ্ণমায অনন্তরে পাটিপদদিৰসে, আসাল়্হীপুণ্ণমিতো ৰা অপরায পুণ্ণমায অনন্তরে পাটিপদদিৰসেযেৰ ৰিহারং পটিজগ্গিত্ৰা পানীযং পরিভোজনীযং উপট্ঠপেত্ৰা সব্বং চেতিযৰন্দনাদিসামীচিকম্মং নিট্ঠাপেত্ৰা ‘‘ইমস্মিং ৰিহারে ইমং তেমাসং ৰস্সং উপেমী’’তি সকিং ৰা দ্ৰত্তিক্খত্তুং ৰা ৰাচং নিচ্ছারেত্ৰা ৰস্সং উপগন্তব্বং।
184. Vassūpanāyikakkhandhake – apaññattoti ananuññāto asaṃvihito vā. Te idha bhikkhūti te bhikkhū, idhasaddo nipātamatto. Saṅghātaṃ āpādentāti vināsaṃ āpādentā. Saṅkasāyissantīti appossukkā nibaddhavāsaṃ vasissanti. Sakuntakāti sakuṇā. Vassāne vassaṃ upagantunti vassānanāmake temāse vassaṃ upagantabbanti attho. Kati nu kho vassūpanāyikāti kati nu kho vassūpagamanāni. Aparajjugatāyāti ettha aparajjugatāya assāti aparajjugatā, tassā aparajjugatāya; atikkantāya aparasmiṃ divaseti attho. Dutiyanayepi māso gatāya assāti māsagatā, tassā māsagatāya; atikkantāya māse paripuṇṇeti attho. Tasmā āsāḷhīpuṇṇamāya anantare pāṭipadadivase, āsāḷhīpuṇṇamito vā aparāya puṇṇamāya anantare pāṭipadadivaseyeva vihāraṃ paṭijaggitvā pānīyaṃ paribhojanīyaṃ upaṭṭhapetvā sabbaṃ cetiyavandanādisāmīcikammaṃ niṭṭhāpetvā ‘‘imasmiṃ vihāre imaṃ temāsaṃ vassaṃ upemī’’ti sakiṃ vā dvattikkhattuṃ vā vācaṃ nicchāretvā vassaṃ upagantabbaṃ.
ৰাচং নিচ্ছারেত্ৰা ৰস্সং উপগন্তব্বং।
Vācaṃ nicchāretvā vassaṃ upagantabbaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ১০৭. ৰস্সূপনাযিকানুজাননা • 107. Vassūpanāyikānujānanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৰস্সূপনাযিকানুজাননকথাৰণ্ণনা • Vassūpanāyikānujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৰস্সূপনাযিকানুজাননকথাৰণ্ণনা • Vassūpanāyikānujānanakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৰস্সূপনাযিকঅনুজাননকথাদিৰণ্ণনা • Vassūpanāyikaanujānanakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১০৭. ৰস্সূপনাযিকানুজাননকথা • 107. Vassūpanāyikānujānanakathā
