| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
3. вассуубанааяигагканд̇хагам̣
3. Vassūpanāyikakkhandhakaṃ
вассуубанааяигаануж̇аананагат̇аа
Vassūpanāyikānujānanakathā
184. вассуубанааяигагканд̇хагз – абан̃н̃ад̇д̇од̇и ананун̃н̃аад̇о асам̣вихид̇о ваа. д̇з ид̇ха бхигкууд̇и д̇з бхигкуу, ид̇хасад̣̇д̣̇о нибаад̇амад̇д̇о. сан̇гхаад̇ам̣ аабаад̣̇знд̇аад̇и винаасам̣ аабаад̣̇знд̇аа. сан̇гасааяиссанд̇ийд̇и аббоссуггаа ниб̣ад̣̇д̇хаваасам̣ васиссанд̇и. сагунд̇агаад̇и сагун̣аа. вассаанз вассам̣ убаг̇анд̇унд̇и вассаананаамагз д̇змаасз вассам̣ убаг̇анд̇аб̣б̣анд̇и ад̇т̇о. гад̇и ну ко вассуубанааяигаад̇и гад̇и ну ко вассуубаг̇аманаани. абараж̇ж̇уг̇ад̇ааяаад̇и зд̇т̇а абараж̇ж̇уг̇ад̇ааяа ассаад̇и абараж̇ж̇уг̇ад̇аа, д̇ассаа абараж̇ж̇уг̇ад̇ааяа; ад̇игганд̇ааяа абарасмим̣ д̣̇ивасзд̇и ад̇т̇о. д̣̇уд̇ияанаязби маасо г̇ад̇ааяа ассаад̇и маасаг̇ад̇аа, д̇ассаа маасаг̇ад̇ааяа; ад̇игганд̇ааяа маасз барибун̣н̣зд̇и ад̇т̇о. д̇асмаа аасаал̣хийбун̣н̣амааяа ананд̇арз баадибад̣̇ад̣̇ивасз, аасаал̣хийбун̣н̣амид̇о ваа абарааяа бун̣н̣амааяа ананд̇арз баадибад̣̇ад̣̇ивасзязва вихаарам̣ бадиж̇аг̇г̇ид̇ваа баанийяам̣ барибхож̇анийяам̣ убадтабзд̇ваа саб̣б̣ам̣ жзд̇ияаванд̣̇анаад̣̇исаамийжигаммам̣ нидтаабзд̇ваа ‘‘имасмим̣ вихаарз имам̣ д̇змаасам̣ вассам̣ убзмий’’д̇и сагим̣ ваа д̣̇вад̇д̇игкад̇д̇ум̣ ваа ваажам̣ нижчаарзд̇ваа вассам̣ убаг̇анд̇аб̣б̣ам̣.
184. Vassūpanāyikakkhandhake – apaññattoti ananuññāto asaṃvihito vā. Te idha bhikkhūti te bhikkhū, idhasaddo nipātamatto. Saṅghātaṃ āpādentāti vināsaṃ āpādentā. Saṅkasāyissantīti appossukkā nibaddhavāsaṃ vasissanti. Sakuntakāti sakuṇā. Vassāne vassaṃ upagantunti vassānanāmake temāse vassaṃ upagantabbanti attho. Kati nu kho vassūpanāyikāti kati nu kho vassūpagamanāni. Aparajjugatāyāti ettha aparajjugatāya assāti aparajjugatā, tassā aparajjugatāya; atikkantāya aparasmiṃ divaseti attho. Dutiyanayepi māso gatāya assāti māsagatā, tassā māsagatāya; atikkantāya māse paripuṇṇeti attho. Tasmā āsāḷhīpuṇṇamāya anantare pāṭipadadivase, āsāḷhīpuṇṇamito vā aparāya puṇṇamāya anantare pāṭipadadivaseyeva vihāraṃ paṭijaggitvā pānīyaṃ paribhojanīyaṃ upaṭṭhapetvā sabbaṃ cetiyavandanādisāmīcikammaṃ niṭṭhāpetvā ‘‘imasmiṃ vihāre imaṃ temāsaṃ vassaṃ upemī’’ti sakiṃ vā dvattikkhattuṃ vā vācaṃ nicchāretvā vassaṃ upagantabbaṃ.
ваажам̣ нижчаарзд̇ваа вассам̣ убаг̇анд̇аб̣б̣ам̣.
Vācaṃ nicchāretvā vassaṃ upagantabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 107. вассуубанааяигаануж̇аананаа • 107. Vassūpanāyikānujānanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вассуубанааяигаануж̇аананагат̇ааван̣н̣анаа • Vassūpanāyikānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вассуубанааяигаануж̇аананагат̇ааван̣н̣анаа • Vassūpanāyikānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вассуубанааяигаануж̇аананагат̇аад̣̇иван̣н̣анаа • Vassūpanāyikaanujānanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 107. вассуубанааяигаануж̇аананагат̇аа • 107. Vassūpanāyikānujānanakathā
