| Library / Tipiṭaka / तिपिटक • Tipiṭaka / महावग्ग-अट्ठकथा • Mahāvagga-aṭṭhakathā |
३. वस्सूपनायिकक्खन्धकं
3. Vassūpanāyikakkhandhakaṃ
वस्सूपनायिकानुजाननकथा
Vassūpanāyikānujānanakathā
१८४. वस्सूपनायिकक्खन्धके – अपञ्ञत्तोति अननुञ्ञातो असंविहितो वा। ते इध भिक्खूति ते भिक्खू, इधसद्दो निपातमत्तो। सङ्घातं आपादेन्ताति विनासं आपादेन्ता। सङ्कसायिस्सन्तीति अप्पोस्सुक्का निबद्धवासं वसिस्सन्ति। सकुन्तकाति सकुणा। वस्साने वस्सं उपगन्तुन्ति वस्साननामके तेमासे वस्सं उपगन्तब्बन्ति अत्थो। कति नु खो वस्सूपनायिकाति कति नु खो वस्सूपगमनानि। अपरज्जुगतायाति एत्थ अपरज्जुगताय अस्साति अपरज्जुगता, तस्सा अपरज्जुगताय; अतिक्कन्ताय अपरस्मिं दिवसेति अत्थो। दुतियनयेपि मासो गताय अस्साति मासगता, तस्सा मासगताय; अतिक्कन्ताय मासे परिपुण्णेति अत्थो। तस्मा आसाळ्हीपुण्णमाय अनन्तरे पाटिपददिवसे, आसाळ्हीपुण्णमितो वा अपराय पुण्णमाय अनन्तरे पाटिपददिवसेयेव विहारं पटिजग्गित्वा पानीयं परिभोजनीयं उपट्ठपेत्वा सब्बं चेतियवन्दनादिसामीचिकम्मं निट्ठापेत्वा ‘‘इमस्मिं विहारे इमं तेमासं वस्सं उपेमी’’ति सकिं वा द्वत्तिक्खत्तुं वा वाचं निच्छारेत्वा वस्सं उपगन्तब्बं।
184. Vassūpanāyikakkhandhake – apaññattoti ananuññāto asaṃvihito vā. Te idha bhikkhūti te bhikkhū, idhasaddo nipātamatto. Saṅghātaṃ āpādentāti vināsaṃ āpādentā. Saṅkasāyissantīti appossukkā nibaddhavāsaṃ vasissanti. Sakuntakāti sakuṇā. Vassāne vassaṃ upagantunti vassānanāmake temāse vassaṃ upagantabbanti attho. Kati nu kho vassūpanāyikāti kati nu kho vassūpagamanāni. Aparajjugatāyāti ettha aparajjugatāya assāti aparajjugatā, tassā aparajjugatāya; atikkantāya aparasmiṃ divaseti attho. Dutiyanayepi māso gatāya assāti māsagatā, tassā māsagatāya; atikkantāya māse paripuṇṇeti attho. Tasmā āsāḷhīpuṇṇamāya anantare pāṭipadadivase, āsāḷhīpuṇṇamito vā aparāya puṇṇamāya anantare pāṭipadadivaseyeva vihāraṃ paṭijaggitvā pānīyaṃ paribhojanīyaṃ upaṭṭhapetvā sabbaṃ cetiyavandanādisāmīcikammaṃ niṭṭhāpetvā ‘‘imasmiṃ vihāre imaṃ temāsaṃ vassaṃ upemī’’ti sakiṃ vā dvattikkhattuṃ vā vācaṃ nicchāretvā vassaṃ upagantabbaṃ.
वाचं निच्छारेत्वा वस्सं उपगन्तब्बं।
Vācaṃ nicchāretvā vassaṃ upagantabbaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi / १०७. वस्सूपनायिकानुजानना • 107. Vassūpanāyikānujānanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / वस्सूपनायिकानुजाननकथावण्णना • Vassūpanāyikānujānanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / वस्सूपनायिकानुजाननकथावण्णना • Vassūpanāyikānujānanakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / वस्सूपनायिकअनुजाननकथादिवण्णना • Vassūpanāyikaanujānanakathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / १०७. वस्सूपनायिकानुजाननकथा • 107. Vassūpanāyikānujānanakathā
