| Library / Tipiṭaka / తిపిటక • Tipiṭaka / మహావగ్గ-అట్ఠకథా • Mahāvagga-aṭṭhakathā |
౩. వస్సూపనాయికక్ఖన్ధకం
3. Vassūpanāyikakkhandhakaṃ
వస్సూపనాయికానుజాననకథా
Vassūpanāyikānujānanakathā
౧౮౪. వస్సూపనాయికక్ఖన్ధకే – అపఞ్ఞత్తోతి అననుఞ్ఞాతో అసంవిహితో వా. తే ఇధ భిక్ఖూతి తే భిక్ఖూ, ఇధసద్దో నిపాతమత్తో. సఙ్ఘాతం ఆపాదేన్తాతి వినాసం ఆపాదేన్తా. సఙ్కసాయిస్సన్తీతి అప్పోస్సుక్కా నిబద్ధవాసం వసిస్సన్తి. సకున్తకాతి సకుణా. వస్సానే వస్సం ఉపగన్తున్తి వస్సాననామకే తేమాసే వస్సం ఉపగన్తబ్బన్తి అత్థో. కతి ను ఖో వస్సూపనాయికాతి కతి ను ఖో వస్సూపగమనాని. అపరజ్జుగతాయాతి ఏత్థ అపరజ్జుగతాయ అస్సాతి అపరజ్జుగతా, తస్సా అపరజ్జుగతాయ; అతిక్కన్తాయ అపరస్మిం దివసేతి అత్థో. దుతియనయేపి మాసో గతాయ అస్సాతి మాసగతా, తస్సా మాసగతాయ; అతిక్కన్తాయ మాసే పరిపుణ్ణేతి అత్థో. తస్మా ఆసాళ్హీపుణ్ణమాయ అనన్తరే పాటిపదదివసే, ఆసాళ్హీపుణ్ణమితో వా అపరాయ పుణ్ణమాయ అనన్తరే పాటిపదదివసేయేవ విహారం పటిజగ్గిత్వా పానీయం పరిభోజనీయం ఉపట్ఠపేత్వా సబ్బం చేతియవన్దనాదిసామీచికమ్మం నిట్ఠాపేత్వా ‘‘ఇమస్మిం విహారే ఇమం తేమాసం వస్సం ఉపేమీ’’తి సకిం వా ద్వత్తిక్ఖత్తుం వా వాచం నిచ్ఛారేత్వా వస్సం ఉపగన్తబ్బం.
184. Vassūpanāyikakkhandhake – apaññattoti ananuññāto asaṃvihito vā. Te idha bhikkhūti te bhikkhū, idhasaddo nipātamatto. Saṅghātaṃ āpādentāti vināsaṃ āpādentā. Saṅkasāyissantīti appossukkā nibaddhavāsaṃ vasissanti. Sakuntakāti sakuṇā. Vassāne vassaṃ upagantunti vassānanāmake temāse vassaṃ upagantabbanti attho. Kati nu kho vassūpanāyikāti kati nu kho vassūpagamanāni. Aparajjugatāyāti ettha aparajjugatāya assāti aparajjugatā, tassā aparajjugatāya; atikkantāya aparasmiṃ divaseti attho. Dutiyanayepi māso gatāya assāti māsagatā, tassā māsagatāya; atikkantāya māse paripuṇṇeti attho. Tasmā āsāḷhīpuṇṇamāya anantare pāṭipadadivase, āsāḷhīpuṇṇamito vā aparāya puṇṇamāya anantare pāṭipadadivaseyeva vihāraṃ paṭijaggitvā pānīyaṃ paribhojanīyaṃ upaṭṭhapetvā sabbaṃ cetiyavandanādisāmīcikammaṃ niṭṭhāpetvā ‘‘imasmiṃ vihāre imaṃ temāsaṃ vassaṃ upemī’’ti sakiṃ vā dvattikkhattuṃ vā vācaṃ nicchāretvā vassaṃ upagantabbaṃ.
వాచం నిచ్ఛారేత్వా వస్సం ఉపగన్తబ్బం.
Vācaṃ nicchāretvā vassaṃ upagantabbaṃ.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / మహావగ్గపాళి • Mahāvaggapāḷi / ౧౦౭. వస్సూపనాయికానుజాననా • 107. Vassūpanāyikānujānanā
టీకా • Tīkā / వినయపిటక (టీకా) • Vinayapiṭaka (ṭīkā) / సారత్థదీపనీ-టీకా • Sāratthadīpanī-ṭīkā / వస్సూపనాయికానుజాననకథావణ్ణనా • Vassūpanāyikānujānanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / వస్సూపనాయికానుజాననకథావణ్ణనా • Vassūpanāyikānujānanakathāvaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / విమతివినోదనీ-టీకా • Vimativinodanī-ṭīkā / వస్సూపనాయికఅనుజాననకథాదివణ్ణనా • Vassūpanāyikaanujānanakathādivaṇṇanā
టీకా • Tīkā / వినయపిటక (టీకా) • Vinayapiṭaka (ṭīkā) / పాచిత్యాదియోజనాపాళి • Pācityādiyojanāpāḷi / ౧౦౭. వస్సూపనాయికానుజాననకథా • 107. Vassūpanāyikānujānanakathā
