| Library / Tipiṭaka / ཏིཔིཊཀ • Tipiṭaka / མཧཱཝགྒ-ཨཊྛཀཐཱ • Mahāvagga-aṭṭhakathā |
༣. ཝསྶཱུཔནཱཡིཀཀྑནྡྷཀཾ
3. Vassūpanāyikakkhandhakaṃ
ཝསྶཱུཔནཱཡིཀཱནུཛཱནནཀཐཱ
Vassūpanāyikānujānanakathā
༡༨༤. ཝསྶཱུཔནཱཡིཀཀྑནྡྷཀེ – ཨཔཉྙཏྟོཏི ཨནནུཉྙཱཏོ ཨསཾཝིཧིཏོ ཝཱ། ཏེ ཨིདྷ བྷིཀྑཱུཏི ཏེ བྷིཀྑཱུ, ཨིདྷསདྡོ ནིཔཱཏམཏྟོ། སངྒྷཱཏཾ ཨཱཔཱདེནྟཱཏི ཝིནཱསཾ ཨཱཔཱདེནྟཱ། སངྐསཱཡིསྶནྟཱིཏི ཨཔྤོསྶུཀྐཱ ནིབདྡྷཝཱསཾ ཝསིསྶནྟི། སཀུནྟཀཱཏི སཀུཎཱ། ཝསྶཱནེ ཝསྶཾ ཨུཔགནྟུནྟི ཝསྶཱནནཱམཀེ ཏེམཱསེ ཝསྶཾ ཨུཔགནྟབྦནྟི ཨཏྠོ། ཀཏི ནུ ཁོ ཝསྶཱུཔནཱཡིཀཱཏི ཀཏི ནུ ཁོ ཝསྶཱུཔགམནཱནི། ཨཔརཛྫུགཏཱཡཱཏི ཨེཏྠ ཨཔརཛྫུགཏཱཡ ཨསྶཱཏི ཨཔརཛྫུགཏཱ, ཏསྶཱ ཨཔརཛྫུགཏཱཡ; ཨཏིཀྐནྟཱཡ ཨཔརསྨིཾ དིཝསེཏི ཨཏྠོ། དུཏིཡནཡེཔི མཱསོ གཏཱཡ ཨསྶཱཏི མཱསགཏཱ, ཏསྶཱ མཱསགཏཱཡ; ཨཏིཀྐནྟཱཡ མཱསེ པརིཔུཎྞེཏི ཨཏྠོ། ཏསྨཱ ཨཱསཱལ༹ྷཱིཔུཎྞམཱཡ ཨནནྟརེ པཱཊིཔདདིཝསེ, ཨཱསཱལ༹ྷཱིཔུཎྞམིཏོ ཝཱ ཨཔརཱཡ པུཎྞམཱཡ ཨནནྟརེ པཱཊིཔདདིཝསེཡེཝ ཝིཧཱརཾ པཊིཛགྒིཏྭཱ པཱནཱིཡཾ པརིབྷོཛནཱིཡཾ ཨུཔཊྛཔེཏྭཱ སབྦཾ ཙེཏིཡཝནྡནཱདིསཱམཱིཙིཀམྨཾ ནིཊྛཱཔེཏྭཱ ‘‘ཨིམསྨིཾ ཝིཧཱརེ ཨིམཾ ཏེམཱསཾ ཝསྶཾ ཨུཔེམཱི’’ཏི སཀིཾ ཝཱ དྭཏྟིཀྑཏྟུཾ ཝཱ ཝཱཙཾ ནིཙྪཱརེཏྭཱ ཝསྶཾ ཨུཔགནྟབྦཾ།
184. Vassūpanāyikakkhandhake – apaññattoti ananuññāto asaṃvihito vā. Te idha bhikkhūti te bhikkhū, idhasaddo nipātamatto. Saṅghātaṃ āpādentāti vināsaṃ āpādentā. Saṅkasāyissantīti appossukkā nibaddhavāsaṃ vasissanti. Sakuntakāti sakuṇā. Vassāne vassaṃ upagantunti vassānanāmake temāse vassaṃ upagantabbanti attho. Kati nu kho vassūpanāyikāti kati nu kho vassūpagamanāni. Aparajjugatāyāti ettha aparajjugatāya assāti aparajjugatā, tassā aparajjugatāya; atikkantāya aparasmiṃ divaseti attho. Dutiyanayepi māso gatāya assāti māsagatā, tassā māsagatāya; atikkantāya māse paripuṇṇeti attho. Tasmā āsāḷhīpuṇṇamāya anantare pāṭipadadivase, āsāḷhīpuṇṇamito vā aparāya puṇṇamāya anantare pāṭipadadivaseyeva vihāraṃ paṭijaggitvā pānīyaṃ paribhojanīyaṃ upaṭṭhapetvā sabbaṃ cetiyavandanādisāmīcikammaṃ niṭṭhāpetvā ‘‘imasmiṃ vihāre imaṃ temāsaṃ vassaṃ upemī’’ti sakiṃ vā dvattikkhattuṃ vā vācaṃ nicchāretvā vassaṃ upagantabbaṃ.
ཝཱཙཾ ནིཙྪཱརེཏྭཱ ཝསྶཾ ཨུཔགནྟབྦཾ།
Vācaṃ nicchāretvā vassaṃ upagantabbaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༠༧. ཝསྶཱུཔནཱཡིཀཱནུཛཱནནཱ • 107. Vassūpanāyikānujānanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཝསྶཱུཔནཱཡིཀཱནུཛཱནནཀཐཱཝཎྞནཱ • Vassūpanāyikānujānanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཝསྶཱུཔནཱཡིཀཱནུཛཱནནཀཐཱཝཎྞནཱ • Vassūpanāyikānujānanakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཝསྶཱུཔནཱཡིཀཨནུཛཱནནཀཐཱདིཝཎྞནཱ • Vassūpanāyikaanujānanakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༠༧. ཝསྶཱུཔནཱཡིཀཱནུཛཱནནཀཐཱ • 107. Vassūpanāyikānujānanakathā
