| Library / Tipiṭaka / തിപിടക • Tipiṭaka / മഹാവഗ്ഗ-അട്ഠകഥാ • Mahāvagga-aṭṭhakathā |
൩. വസ്സൂപനായികക്ഖന്ധകം
3. Vassūpanāyikakkhandhakaṃ
വസ്സൂപനായികാനുജാനനകഥാ
Vassūpanāyikānujānanakathā
൧൮൪. വസ്സൂപനായികക്ഖന്ധകേ – അപഞ്ഞത്തോതി അനനുഞ്ഞാതോ അസംവിഹിതോ വാ. തേ ഇധ ഭിക്ഖൂതി തേ ഭിക്ഖൂ, ഇധസദ്ദോ നിപാതമത്തോ. സങ്ഘാതം ആപാദേന്താതി വിനാസം ആപാദേന്താ. സങ്കസായിസ്സന്തീതി അപ്പോസ്സുക്കാ നിബദ്ധവാസം വസിസ്സന്തി. സകുന്തകാതി സകുണാ. വസ്സാനേ വസ്സം ഉപഗന്തുന്തി വസ്സാനനാമകേ തേമാസേ വസ്സം ഉപഗന്തബ്ബന്തി അത്ഥോ. കതി നു ഖോ വസ്സൂപനായികാതി കതി നു ഖോ വസ്സൂപഗമനാനി. അപരജ്ജുഗതായാതി ഏത്ഥ അപരജ്ജുഗതായ അസ്സാതി അപരജ്ജുഗതാ, തസ്സാ അപരജ്ജുഗതായ; അതിക്കന്തായ അപരസ്മിം ദിവസേതി അത്ഥോ. ദുതിയനയേപി മാസോ ഗതായ അസ്സാതി മാസഗതാ, തസ്സാ മാസഗതായ; അതിക്കന്തായ മാസേ പരിപുണ്ണേതി അത്ഥോ. തസ്മാ ആസാള്ഹീപുണ്ണമായ അനന്തരേ പാടിപദദിവസേ, ആസാള്ഹീപുണ്ണമിതോ വാ അപരായ പുണ്ണമായ അനന്തരേ പാടിപദദിവസേയേവ വിഹാരം പടിജഗ്ഗിത്വാ പാനീയം പരിഭോജനീയം ഉപട്ഠപേത്വാ സബ്ബം ചേതിയവന്ദനാദിസാമീചികമ്മം നിട്ഠാപേത്വാ ‘‘ഇമസ്മിം വിഹാരേ ഇമം തേമാസം വസ്സം ഉപേമീ’’തി സകിം വാ ദ്വത്തിക്ഖത്തും വാ വാചം നിച്ഛാരേത്വാ വസ്സം ഉപഗന്തബ്ബം.
184. Vassūpanāyikakkhandhake – apaññattoti ananuññāto asaṃvihito vā. Te idha bhikkhūti te bhikkhū, idhasaddo nipātamatto. Saṅghātaṃ āpādentāti vināsaṃ āpādentā. Saṅkasāyissantīti appossukkā nibaddhavāsaṃ vasissanti. Sakuntakāti sakuṇā. Vassāne vassaṃ upagantunti vassānanāmake temāse vassaṃ upagantabbanti attho. Kati nu kho vassūpanāyikāti kati nu kho vassūpagamanāni. Aparajjugatāyāti ettha aparajjugatāya assāti aparajjugatā, tassā aparajjugatāya; atikkantāya aparasmiṃ divaseti attho. Dutiyanayepi māso gatāya assāti māsagatā, tassā māsagatāya; atikkantāya māse paripuṇṇeti attho. Tasmā āsāḷhīpuṇṇamāya anantare pāṭipadadivase, āsāḷhīpuṇṇamito vā aparāya puṇṇamāya anantare pāṭipadadivaseyeva vihāraṃ paṭijaggitvā pānīyaṃ paribhojanīyaṃ upaṭṭhapetvā sabbaṃ cetiyavandanādisāmīcikammaṃ niṭṭhāpetvā ‘‘imasmiṃ vihāre imaṃ temāsaṃ vassaṃ upemī’’ti sakiṃ vā dvattikkhattuṃ vā vācaṃ nicchāretvā vassaṃ upagantabbaṃ.
വാചം നിച്ഛാരേത്വാ വസ്സം ഉപഗന്തബ്ബം.
Vācaṃ nicchāretvā vassaṃ upagantabbaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവഗ്ഗപാളി • Mahāvaggapāḷi / ൧൦൭. വസ്സൂപനായികാനുജാനനാ • 107. Vassūpanāyikānujānanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / വസ്സൂപനായികാനുജാനനകഥാവണ്ണനാ • Vassūpanāyikānujānanakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / വസ്സൂപനായികാനുജാനനകഥാവണ്ണനാ • Vassūpanāyikānujānanakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / വസ്സൂപനായികഅനുജാനനകഥാദിവണ്ണനാ • Vassūpanāyikaanujānanakathādivaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൦൭. വസ്സൂപനായികാനുജാനനകഥാ • 107. Vassūpanāyikānujānanakathā
