| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. வஸ்ஸூபனாயிகஸுத்தவண்ணனா
10. Vassūpanāyikasuttavaṇṇanā
10. த³ஸமே அபஞ்ஞத்தாதி அனநுஞ்ஞாதா, அவிஹிதா வா. வஸ்ஸேதி வஸ்ஸாரத்தங் ஸந்தா⁴ய வத³தி, உதுவஸ்ஸேதி ஹேமந்தங் ஸந்தா⁴ய. ஏகிந்த்³ரியங் ஜீவங் விஹேடெ²ந்தாதி ருக்க²லதாதீ³ஸு ஜீவஸஞ்ஞிதாய ஏவமாஹங்ஸு. ஏகிந்த்³ரியந்தி ச காயிந்த்³ரியங் அத்தீ²தி மஞ்ஞமானா வத³ந்தி. ஸங்கா⁴தங் ஆபாதெ³ந்தாதி வினாஸங் ஆபாதெ³ந்தா. ஸங்கஸாயிஸ்ஸந்தீதி அப்பொஸ்ஸுக்கா நிப³த்³த⁴வாஸங் வஸிஸ்ஸந்தி. அபரஜ்ஜுக³தாய ஆஸாள்ஹியா உபக³ந்தப்³பா³தி எத்த² அபரஜ்ஜு க³தாய அஸ்ஸாதி அபரஜ்ஜுக³தா, தஸ்ஸா அபரஜ்ஜுக³தாய அதிக்கந்தாய, அபரஸ்மிங் தி³வஸேதி அத்தோ², தஸ்மா ஆஸாள்ஹிபுண்ணமாய அனந்தரே பாடிபத³தி³வஸே உபக³ந்தப்³பா³தி ஏவமெத்த² அத்தோ² த³ட்ட²ப்³போ³. மாஸக³தாய ஆஸாள்ஹியா உபக³ந்தப்³பா³தி மாஸோ க³தாய அஸ்ஸாதி மாஸக³தா, தஸ்ஸா மாஸக³தாய அதிக்கந்தாய, மாஸே பரிபுண்ணேதி அத்தோ². தஸ்மா ஆஸாள்ஹிபுண்ணமதோ பராய புண்ணமாய அனந்தரே பாடிபத³தி³வஸே உபக³ந்தப்³பா³தி அத்தோ² த³ட்ட²ப்³போ³.
10. Dasame apaññattāti ananuññātā, avihitā vā. Vasseti vassārattaṃ sandhāya vadati, utuvasseti hemantaṃ sandhāya. Ekindriyaṃ jīvaṃ viheṭhentāti rukkhalatādīsu jīvasaññitāya evamāhaṃsu. Ekindriyanti ca kāyindriyaṃ atthīti maññamānā vadanti. Saṅghātaṃ āpādentāti vināsaṃ āpādentā. Saṃkasāyissantīti appossukkā nibaddhavāsaṃ vasissanti. Aparajjugatāya āsāḷhiyā upagantabbāti ettha aparajju gatāya assāti aparajjugatā, tassā aparajjugatāya atikkantāya, aparasmiṃ divaseti attho, tasmā āsāḷhipuṇṇamāya anantare pāṭipadadivase upagantabbāti evamettha attho daṭṭhabbo. Māsagatāya āsāḷhiyā upagantabbāti māso gatāya assāti māsagatā, tassā māsagatāya atikkantāya, māse paripuṇṇeti attho. Tasmā āsāḷhipuṇṇamato parāya puṇṇamāya anantare pāṭipadadivase upagantabbāti attho daṭṭhabbo.
வஸ்ஸூபனாயிகஸுத்தவண்ணனா நிட்டி²தா.
Vassūpanāyikasuttavaṇṇanā niṭṭhitā.
கம்மகாரணவக்³க³வண்ணனாய லீனத்த²ப்பகாஸனா நிட்டி²தா.
Kammakāraṇavaggavaṇṇanāya līnatthappakāsanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. வஸ்ஸூபனாயிகஸுத்தங் • 10. Vassūpanāyikasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. வஸ்ஸூபனாயிகஸுத்தவண்ணனா • 10. Vassūpanāyikasuttavaṇṇanā
