| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. вассуубанааяигасуд̇д̇аван̣н̣анаа
10. Vassūpanāyikasuttavaṇṇanā
10. д̣̇асамз абан̃н̃ад̇д̇аад̇и ананун̃н̃аад̇аа, авихид̇аа ваа. вассзд̇и вассаарад̇д̇ам̣ санд̇хааяа вад̣̇ад̇и, уд̇увассзд̇и хзманд̇ам̣ санд̇хааяа. згинд̣̇рияам̣ ж̇ийвам̣ вихзтзнд̇аад̇и ругкалад̇аад̣̇ийсу ж̇ийвасан̃н̃ид̇ааяа звамаахам̣су. згинд̣̇рияанд̇и жа гааяинд̣̇рияам̣ ад̇т̇ийд̇и ман̃н̃амаанаа вад̣̇анд̇и. сан̇гхаад̇ам̣ аабаад̣̇знд̇аад̇и винаасам̣ аабаад̣̇знд̇аа. сам̣гасааяиссанд̇ийд̇и аббоссуггаа ниб̣ад̣̇д̇хаваасам̣ васиссанд̇и. абараж̇ж̇уг̇ад̇ааяа аасаал̣хияаа убаг̇анд̇аб̣б̣аад̇и зд̇т̇а абараж̇ж̇у г̇ад̇ааяа ассаад̇и абараж̇ж̇уг̇ад̇аа, д̇ассаа абараж̇ж̇уг̇ад̇ааяа ад̇игганд̇ааяа, абарасмим̣ д̣̇ивасзд̇и ад̇т̇о, д̇асмаа аасаал̣хибун̣н̣амааяа ананд̇арз баадибад̣̇ад̣̇ивасз убаг̇анд̇аб̣б̣аад̇и звамзд̇т̇а ад̇т̇о д̣̇адтаб̣б̣о. маасаг̇ад̇ааяа аасаал̣хияаа убаг̇анд̇аб̣б̣аад̇и маасо г̇ад̇ааяа ассаад̇и маасаг̇ад̇аа, д̇ассаа маасаг̇ад̇ааяа ад̇игганд̇ааяа, маасз барибун̣н̣зд̇и ад̇т̇о. д̇асмаа аасаал̣хибун̣н̣амад̇о барааяа бун̣н̣амааяа ананд̇арз баадибад̣̇ад̣̇ивасз убаг̇анд̇аб̣б̣аад̇и ад̇т̇о д̣̇адтаб̣б̣о.
10. Dasame apaññattāti ananuññātā, avihitā vā. Vasseti vassārattaṃ sandhāya vadati, utuvasseti hemantaṃ sandhāya. Ekindriyaṃ jīvaṃ viheṭhentāti rukkhalatādīsu jīvasaññitāya evamāhaṃsu. Ekindriyanti ca kāyindriyaṃ atthīti maññamānā vadanti. Saṅghātaṃ āpādentāti vināsaṃ āpādentā. Saṃkasāyissantīti appossukkā nibaddhavāsaṃ vasissanti. Aparajjugatāya āsāḷhiyā upagantabbāti ettha aparajju gatāya assāti aparajjugatā, tassā aparajjugatāya atikkantāya, aparasmiṃ divaseti attho, tasmā āsāḷhipuṇṇamāya anantare pāṭipadadivase upagantabbāti evamettha attho daṭṭhabbo. Māsagatāya āsāḷhiyā upagantabbāti māso gatāya assāti māsagatā, tassā māsagatāya atikkantāya, māse paripuṇṇeti attho. Tasmā āsāḷhipuṇṇamato parāya puṇṇamāya anantare pāṭipadadivase upagantabbāti attho daṭṭhabbo.
вассуубанааяигасуд̇д̇аван̣н̣анаа нидтид̇аа.
Vassūpanāyikasuttavaṇṇanā niṭṭhitā.
гаммагааран̣аваг̇г̇аван̣н̣анааяа лийнад̇т̇аббагаасанаа нидтид̇аа.
Kammakāraṇavaggavaṇṇanāya līnatthappakāsanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. вассуубанааяигасуд̇д̇ам̣ • 10. Vassūpanāyikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. вассуубанааяигасуд̇д̇аван̣н̣анаа • 10. Vassūpanāyikasuttavaṇṇanā
