| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๑๐. วสฺสูปนายิกสุตฺตวณฺณนา
10. Vassūpanāyikasuttavaṇṇanā
๑๐. ทสเม อปญฺญตฺตาติ อนนุญฺญาตา, อวิหิตา วาฯ วเสฺสติ วสฺสารตฺตํ สนฺธาย วทติ, อุตุวเสฺสติ เหมนฺตํ สนฺธายฯ เอกินฺทฺริยํ ชีวํ วิเหเฐนฺตาติ รุกฺขลตาทีสุ ชีวสญฺญิตาย เอวมาหํสุฯ เอกินฺทฺริยนฺติ จ กายินฺทฺริยํ อตฺถีติ มญฺญมานา วทนฺติฯ สงฺฆาตํ อาปาเทนฺตาติ วินาสํ อาปาเทนฺตาฯ สํกสายิสฺสนฺตีติ อโปฺปสฺสุกฺกา นิพทฺธวาสํ วสิสฺสนฺติฯ อปรชฺชุคตาย อาสาฬฺหิยา อุปคนฺตพฺพาติ เอตฺถ อปรชฺชุ คตาย อสฺสาติ อปรชฺชุคตา, ตสฺสา อปรชฺชุคตาย อติกฺกนฺตาย, อปรสฺมิํ ทิวเสติ อโตฺถ, ตสฺมา อาสาฬฺหิปุณฺณมาย อนนฺตเร ปาฎิปททิวเส อุปคนฺตพฺพาติ เอวเมตฺถ อโตฺถ ทฎฺฐโพฺพฯ มาสคตาย อาสาฬฺหิยา อุปคนฺตพฺพาติ มาโส คตาย อสฺสาติ มาสคตา, ตสฺสา มาสคตาย อติกฺกนฺตาย, มาเส ปริปุเณฺณติ อโตฺถฯ ตสฺมา อาสาฬฺหิปุณฺณมโต ปราย ปุณฺณมาย อนนฺตเร ปาฎิปททิวเส อุปคนฺตพฺพาติ อโตฺถ ทฎฺฐโพฺพฯ
10. Dasame apaññattāti ananuññātā, avihitā vā. Vasseti vassārattaṃ sandhāya vadati, utuvasseti hemantaṃ sandhāya. Ekindriyaṃ jīvaṃ viheṭhentāti rukkhalatādīsu jīvasaññitāya evamāhaṃsu. Ekindriyanti ca kāyindriyaṃ atthīti maññamānā vadanti. Saṅghātaṃ āpādentāti vināsaṃ āpādentā. Saṃkasāyissantīti appossukkā nibaddhavāsaṃ vasissanti. Aparajjugatāya āsāḷhiyā upagantabbāti ettha aparajju gatāya assāti aparajjugatā, tassā aparajjugatāya atikkantāya, aparasmiṃ divaseti attho, tasmā āsāḷhipuṇṇamāya anantare pāṭipadadivase upagantabbāti evamettha attho daṭṭhabbo. Māsagatāya āsāḷhiyā upagantabbāti māso gatāya assāti māsagatā, tassā māsagatāya atikkantāya, māse paripuṇṇeti attho. Tasmā āsāḷhipuṇṇamato parāya puṇṇamāya anantare pāṭipadadivase upagantabbāti attho daṭṭhabbo.
วสฺสูปนายิกสุตฺตวณฺณนา นิฎฺฐิตาฯ
Vassūpanāyikasuttavaṇṇanā niṭṭhitā.
กมฺมการณวคฺควณฺณนาย ลีนตฺถปฺปกาสนา นิฎฺฐิตาฯ
Kammakāraṇavaggavaṇṇanāya līnatthappakāsanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. วสฺสูปนายิกสุตฺตํ • 10. Vassūpanāyikasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑๐. วสฺสูปนายิกสุตฺตวณฺณนา • 10. Vassūpanāyikasuttavaṇṇanā
