| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༡༠. ཝསྶཱུཔནཱཡིཀསུཏྟཝཎྞནཱ
10. Vassūpanāyikasuttavaṇṇanā
༡༠. དསམེ ཨཔཉྙཏྟཱཏི ཨནནུཉྙཱཏཱ, ཨཝིཧིཏཱ ཝཱ། ཝསྶེཏི ཝསྶཱརཏྟཾ སནྡྷཱཡ ཝདཏི, ཨུཏུཝསྶེཏི ཧེམནྟཾ སནྡྷཱཡ། ཨེཀིནྡྲིཡཾ ཛཱིཝཾ ཝིཧེཋེནྟཱཏི རུཀྑལཏཱདཱིསུ ཛཱིཝསཉྙིཏཱཡ ཨེཝམཱཧཾསུ། ཨེཀིནྡྲིཡནྟི ཙ ཀཱཡིནྡྲིཡཾ ཨཏྠཱིཏི མཉྙམཱནཱ ཝདནྟི། སངྒྷཱཏཾ ཨཱཔཱདེནྟཱཏི ཝིནཱསཾ ཨཱཔཱདེནྟཱ། སཾཀསཱཡིསྶནྟཱིཏི ཨཔྤོསྶུཀྐཱ ནིབདྡྷཝཱསཾ ཝསིསྶནྟི། ཨཔརཛྫུགཏཱཡ ཨཱསཱལ༹ྷིཡཱ ཨུཔགནྟབྦཱཏི ཨེཏྠ ཨཔརཛྫུ གཏཱཡ ཨསྶཱཏི ཨཔརཛྫུགཏཱ, ཏསྶཱ ཨཔརཛྫུགཏཱཡ ཨཏིཀྐནྟཱཡ, ཨཔརསྨིཾ དིཝསེཏི ཨཏྠོ, ཏསྨཱ ཨཱསཱལ༹ྷིཔུཎྞམཱཡ ཨནནྟརེ པཱཊིཔདདིཝསེ ཨུཔགནྟབྦཱཏི ཨེཝམེཏྠ ཨཏྠོ དཊྛབྦོ། མཱསགཏཱཡ ཨཱསཱལ༹ྷིཡཱ ཨུཔགནྟབྦཱཏི མཱསོ གཏཱཡ ཨསྶཱཏི མཱསགཏཱ, ཏསྶཱ མཱསགཏཱཡ ཨཏིཀྐནྟཱཡ, མཱསེ པརིཔུཎྞེཏི ཨཏྠོ། ཏསྨཱ ཨཱསཱལ༹ྷིཔུཎྞམཏོ པརཱཡ པུཎྞམཱཡ ཨནནྟརེ པཱཊིཔདདིཝསེ ཨུཔགནྟབྦཱཏི ཨཏྠོ དཊྛབྦོ།
10. Dasame apaññattāti ananuññātā, avihitā vā. Vasseti vassārattaṃ sandhāya vadati, utuvasseti hemantaṃ sandhāya. Ekindriyaṃ jīvaṃ viheṭhentāti rukkhalatādīsu jīvasaññitāya evamāhaṃsu. Ekindriyanti ca kāyindriyaṃ atthīti maññamānā vadanti. Saṅghātaṃ āpādentāti vināsaṃ āpādentā. Saṃkasāyissantīti appossukkā nibaddhavāsaṃ vasissanti. Aparajjugatāya āsāḷhiyā upagantabbāti ettha aparajju gatāya assāti aparajjugatā, tassā aparajjugatāya atikkantāya, aparasmiṃ divaseti attho, tasmā āsāḷhipuṇṇamāya anantare pāṭipadadivase upagantabbāti evamettha attho daṭṭhabbo. Māsagatāya āsāḷhiyā upagantabbāti māso gatāya assāti māsagatā, tassā māsagatāya atikkantāya, māse paripuṇṇeti attho. Tasmā āsāḷhipuṇṇamato parāya puṇṇamāya anantare pāṭipadadivase upagantabbāti attho daṭṭhabbo.
ཝསྶཱུཔནཱཡིཀསུཏྟཝཎྞནཱ ནིཊྛིཏཱ།
Vassūpanāyikasuttavaṇṇanā niṭṭhitā.
ཀམྨཀཱརཎཝགྒཝཎྞནཱཡ ལཱིནཏྠཔྤཀཱསནཱ ནིཊྛིཏཱ།
Kammakāraṇavaggavaṇṇanāya līnatthappakāsanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. ཝསྶཱུཔནཱཡིཀསུཏྟཾ • 10. Vassūpanāyikasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. ཝསྶཱུཔནཱཡིཀསུཏྟཝཎྞནཱ • 10. Vassūpanāyikasuttavaṇṇanā
