| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
26. вассуубанааяигавинижчаяагат̇аа
26. Vassūpanāyikavinicchayakathā
179. вассуубанааяигаад̇и зд̇т̇а буримигаа бажчимигаад̇и д̣̇увз вассуубанааяигаа. д̇ад̇т̇а (махаава. адта. 184 аад̣̇аяо) аасаал̣хийбун̣н̣амааяа ананд̇арз баадибад̣̇ад̣̇ивасз буримигаа убаг̇анд̇аб̣б̣аа, бажчимигаа бана аасаал̣хийбун̣н̣амад̇о абарааяа бун̣н̣амааяа ананд̇арз баадибад̣̇ад̣̇ивасз. убаг̇ажчанд̇зна жа вихаарам̣ бадиж̇аг̇г̇ид̇ваа баанийяам̣ барибхож̇анийяам̣ убадтаабзд̇ваа саб̣б̣ам̣ жзд̇ияаванд̣̇анаад̣̇исаамийжигаммам̣ нидтаабзд̇ваа ‘‘имасмим̣ вихаарз имам̣ д̇змаасам̣ вассам̣ убзмий’’д̇и сагим̣ ваа д̣̇вад̇д̇игкад̇д̇ум̣ ваа ваажам̣ нижчаарзд̇ваа вассам̣ убаг̇анд̇аб̣б̣ам̣. сажзби ‘‘ид̇ха васиссаамий’’д̇и аалаяо ад̇т̇и, асад̇ияаа бана вассам̣ на убзд̇и, г̇ахид̇асзнаасанам̣ суг̇г̇ахид̇ам̣, чиннавассо на ход̇и, баваарзд̇ум̣ лабхад̇иязва. винааби хи важийбхзд̣̇ам̣ аалаяагаран̣амад̇д̇знаби вассам̣ убаг̇ад̇амзва ход̇и. ‘‘ид̇ха вассам̣ васиссаамий’’д̇и жид̇д̇уббаад̣̇оязвзд̇т̇а аалаяо наама.
179.Vassūpanāyikāti ettha purimikā pacchimikāti duve vassūpanāyikā. Tattha (mahāva. aṭṭha. 184 ādayo) āsāḷhīpuṇṇamāya anantare pāṭipadadivase purimikā upagantabbā, pacchimikā pana āsāḷhīpuṇṇamato aparāya puṇṇamāya anantare pāṭipadadivase. Upagacchantena ca vihāraṃ paṭijaggitvā pānīyaṃ paribhojanīyaṃ upaṭṭhāpetvā sabbaṃ cetiyavandanādisāmīcikammaṃ niṭṭhāpetvā ‘‘imasmiṃ vihāre imaṃ temāsaṃ vassaṃ upemī’’ti sakiṃ vā dvattikkhattuṃ vā vācaṃ nicchāretvā vassaṃ upagantabbaṃ. Sacepi ‘‘idha vasissāmī’’ti ālayo atthi, asatiyā pana vassaṃ na upeti, gahitasenāsanaṃ suggahitaṃ, chinnavasso na hoti, pavāretuṃ labhatiyeva. Vināpi hi vacībhedaṃ ālayakaraṇamattenapi vassaṃ upagatameva hoti. ‘‘Idha vassaṃ vasissāmī’’ti cittuppādoyevettha ālayo nāma.
‘‘на , бхигкавз, д̇ад̣̇ахувассуубанааяигааяа вассам̣ анубаг̇анд̇угаамзна сан̃жижжа ааваасо ад̇иггамид̇аб̣б̣о, яо ад̇иггамзяяа, аабад̇д̇и д̣̇уггадассаа’’д̇и (махаава. 186) важанад̇о вассуубанааяигад̣̇ивасз вассам̣ анубаг̇анд̇угаамо вихаарасиймам̣ ад̇иггамад̇и, вихаараг̇ан̣анааяа д̣̇уггадам̣. сажз хи д̇ам̣ д̣̇ивасам̣ вихаарасад̇асса убажаарам̣ оггамид̇ваа ад̇иггамад̇и, сад̇ам̣ аабад̇д̇ияо. сажз бана вихаарам̣ ад̇иггамид̇ваа ан̃н̃асса вихаарасса убажаарам̣ аноггамид̇ваава нивад̇д̇ад̇и, згаава аабад̇д̇и. гзнажи анд̇арааязна буримигам̣ анубаг̇ад̇зна бажчимигаа убаг̇анд̇аб̣б̣аа.
‘‘Na , bhikkhave, tadahuvassūpanāyikāya vassaṃ anupagantukāmena sañcicca āvāso atikkamitabbo, yo atikkameyya, āpatti dukkaṭassā’’ti (mahāva. 186) vacanato vassūpanāyikadivase vassaṃ anupagantukāmo vihārasīmaṃ atikkamati, vihāragaṇanāya dukkaṭaṃ. Sace hi taṃ divasaṃ vihārasatassa upacāraṃ okkamitvā atikkamati, sataṃ āpattiyo. Sace pana vihāraṃ atikkamitvā aññassa vihārassa upacāraṃ anokkamitvāva nivattati, ekāva āpatti. Kenaci antarāyena purimikaṃ anupagatena pacchimikā upagantabbā.
‘‘на, бхигкавз, асзнаасанигзна вассам̣ убаг̇анд̇аб̣б̣ам̣, яо убаг̇ажчзяяа, аабад̇д̇и д̣̇уггадассаа’’д̇и (махаава. 204) важанад̇о яасса бан̃жаннам̣ чад̣̇анаанам̣ ан̃н̃ад̇арзна чаннам̣ яож̇ид̇ад̣̇ваараб̣анд̇ханам̣ сзнаасанам̣ над̇т̇и, д̇зна на убаг̇анд̇аб̣б̣ам̣. ‘‘на, бхигкавз, чавагудигааяа вассам̣ убаг̇анд̇аб̣б̣ам̣, яо убаг̇ажчзяяа, аабад̇д̇и д̣̇уггадассаа’’д̇и(махаава. 204) аад̣̇иважанад̇о чавагудигааяам̣ чад̇д̇з жаадияан̃жа убаг̇анд̇ум̣ на ваддад̇и. д̇ад̇т̇а чавагудигаа наама дан̇гид̇аман̃жаад̣̇ибхзд̣̇аа гуди. д̇ад̇т̇зва убаг̇анд̇ум̣ на ваддад̇и, сусаанз бана ан̃н̃ам̣ гудигам̣ гад̇ваа убаг̇анд̇ум̣ ваддад̇и, чад̇д̇зби жад̇уусу т̇амбхзсу чад̇д̇ам̣ табзд̇ваа ааваран̣ам̣ гад̇ваа д̣̇ваарам̣ яож̇зд̇ваа убаг̇анд̇ум̣ ваддад̇и, чад̇д̇агуди наамзсаа ход̇и. жаадияааби маханд̇зна габаллзна чад̇д̇з вуд̇д̇анаязна гудигам̣ гад̇ваа убаг̇анд̇ум̣ ваддад̇и.
‘‘Na, bhikkhave, asenāsanikena vassaṃ upagantabbaṃ, yo upagaccheyya, āpatti dukkaṭassā’’ti (mahāva. 204) vacanato yassa pañcannaṃ chadanānaṃ aññatarena channaṃ yojitadvārabandhanaṃ senāsanaṃ natthi, tena na upagantabbaṃ. ‘‘Na, bhikkhave, chavakuṭikāya vassaṃ upagantabbaṃ, yo upagaccheyya, āpatti dukkaṭassā’’ti(mahāva. 204) ādivacanato chavakuṭikāyaṃ chatte cāṭiyañca upagantuṃ na vaṭṭati. Tattha chavakuṭikā nāma ṭaṅkitamañcādibhedā kuṭi. Tattheva upagantuṃ na vaṭṭati, susāne pana aññaṃ kuṭikaṃ katvā upagantuṃ vaṭṭati, chattepi catūsu thambhesu chattaṃ ṭhapetvā āvaraṇaṃ katvā dvāraṃ yojetvā upagantuṃ vaṭṭati, chattakuṭi nāmesā hoti. Cāṭiyāpi mahantena kapallena chatte vuttanayena kuṭikaṃ katvā upagantuṃ vaṭṭati.
‘‘на, бхигкавз, ругкасусирз вассам̣ убаг̇анд̇аб̣б̣ам̣, яо убаг̇ажчзяяа, аабад̇д̇и д̣̇уггадассаа’’д̇и (махаава. 204) важанад̇о суд̣̇д̇хз ругкасусирз убаг̇анд̇ум̣ на ваддад̇и, маханд̇асса бана ругкасусирасса анд̇о бад̣̇аражчад̣̇анам̣ гудигам̣ гад̇ваа бависанад̣̇ваарам̣ яож̇зд̇ваа убаг̇анд̇ум̣ ваддад̇и, ругкам̣ чинд̣̇ид̇ваа каан̣угамад̇т̇агз бад̣̇аражчад̣̇анам̣ гудигам̣ гад̇вааби ваддад̇иязва. ‘‘на, бхигкавз, ругкавидабхияаа’’д̇и(махаава. 204) аад̣̇иважанад̇о суд̣̇д̇хз видабхимад̇д̇з убаг̇анд̇ум̣ на ваддад̇и, махаавидабз бана аддагам̣ б̣анд̇хид̇ваа д̇ад̇т̇а бад̣̇аражчад̣̇анам̣ гудигам̣ гад̇ваа д̣̇ваарам̣ яож̇зд̇ваа убаг̇анд̇аб̣б̣ам̣.
‘‘Na, bhikkhave, rukkhasusire vassaṃ upagantabbaṃ, yo upagaccheyya, āpatti dukkaṭassā’’ti (mahāva. 204) vacanato suddhe rukkhasusire upagantuṃ na vaṭṭati, mahantassa pana rukkhasusirassa anto padaracchadanaṃ kuṭikaṃ katvā pavisanadvāraṃ yojetvā upagantuṃ vaṭṭati, rukkhaṃ chinditvā khāṇukamatthake padaracchadanaṃ kuṭikaṃ katvāpi vaṭṭatiyeva. ‘‘Na, bhikkhave, rukkhaviṭabhiyā’’ti(mahāva. 204) ādivacanato suddhe viṭabhimatte upagantuṃ na vaṭṭati, mahāviṭape pana aṭṭakaṃ bandhitvā tattha padaracchadanaṃ kuṭikaṃ katvā dvāraṃ yojetvā upagantabbaṃ.
‘‘ануж̇аанаами, бхигкавз, важ̇з вассам̣ убаг̇анд̇у’’нд̇иаад̣̇иважанад̇о важ̇з сад̇т̇з наавааяан̃жа убаг̇анд̇ум̣ ваддад̇и. д̇ад̇т̇а важ̇од̇и г̇обаалагаанам̣ ниваасадтаанам̣. важ̇з вудтид̇з важ̇зна сад̣̇д̇хим̣ г̇ад̇асса вассажчзд̣̇з анаабад̇д̇и ‘‘ануж̇аанаами, бхигкавз, язна важ̇о, д̇зна г̇анд̇у’’нд̇и (махаава. 203) вуд̇д̇ад̇д̇аа. сад̇т̇з вассам̣ убаг̇ажчанд̇зна бана вассуубанааяигад̣̇ивасз убаасагаа вад̇д̇аб̣б̣аа ‘‘гудигаа лад̣̇д̇хум̣ ваддад̇ий’’д̇и. сажз гарид̇ваа д̣̇знд̇и, д̇ад̇т̇а бависид̇ваа ‘‘ид̇ха вассам̣ убзмий’’д̇и д̇игкад̇д̇ум̣ вад̇д̇аб̣б̣ам̣. но жз д̣̇знд̇и, саалаасан̇кзбзна тид̇асагадасса хздтаа убаг̇анд̇аб̣б̣ам̣. д̇амби алабханд̇зна аалаяо гаад̇аб̣б̣о, сад̇т̇з бана вассам̣ убаг̇анд̇ум̣ на ваддад̇и. аалаяо наама ‘‘ид̇ха вассам̣ васиссаамий’’д̇и жид̇д̇уббаад̣̇амад̇д̇ам̣. сажз маг̇г̇аббадибаннзязва сад̇т̇з бавааран̣аад̣̇ивасо ход̇и, д̇ад̇т̇зва баваарзд̇аб̣б̣ам̣. ат̇а сад̇т̇о анд̇овассзязва бхигкунаа бад̇т̇ид̇адтаанам̣ бад̇ваа ад̇иггамад̇и, бад̇т̇ид̇адтаанз васид̇ваа д̇ад̇т̇а бхигкуухи сад̣̇д̇хим̣ баваарзд̇аб̣б̣ам̣. ат̇ааби сад̇т̇о анд̇овассзязва анд̇араа згасмим̣ г̇аамз д̇идтад̇и ваа виббагирад̇и ваа, д̇асмим̣язва г̇аамз бхигкуухи сад̣̇д̇хим̣ васид̇ваа баваарзд̇аб̣б̣ам̣, аббаваарзд̇ваа д̇ад̇о барам̣ г̇анд̇ум̣ на ваддад̇и. наавааяа вассам̣ убаг̇ажчанд̇знаби гудияам̣язва убаг̇анд̇аб̣б̣ам̣, бариязсид̇ваа алабханд̇зна аалаяо гаад̇аб̣б̣о. сажз анд̇од̇змаасам̣ нааваа самуд̣̇д̣̇зязва ход̇и, д̇ад̇т̇зва баваарзд̇аб̣б̣ам̣. ат̇а нааваа гуулам̣ лабхад̇и, аяан̃жа барад̇о г̇анд̇угаамо ход̇и, г̇анд̇ум̣ на ваддад̇и, наавааяа лад̣̇д̇хаг̇аамзязва васид̇ваа бхигкуухи сад̣̇д̇хим̣ баваарзд̇аб̣б̣ам̣. сажзби нааваа ануд̇ийрамзва ан̃н̃ад̇т̇а г̇ажчад̇и, бхигку жа батамам̣ лад̣̇д̇хаг̇аамзязва васид̇угаамо, нааваа г̇ажчад̇у, бхигкунаа д̇ад̇т̇зва васид̇ваа бхигкуухи сад̣̇д̇хим̣ баваарзд̇аб̣б̣ам̣. ид̇и важ̇з сад̇т̇з наавааяанд̇и д̇ийсу таанзсу над̇т̇и вассажчзд̣̇з аабад̇д̇и, баваарзд̇ун̃жа лабхад̇и.
‘‘Anujānāmi, bhikkhave, vaje vassaṃ upagantu’’ntiādivacanato vaje satthe nāvāyañca upagantuṃ vaṭṭati. Tattha vajoti gopālakānaṃ nivāsaṭṭhānaṃ. Vaje vuṭṭhite vajena saddhiṃ gatassa vassacchede anāpatti ‘‘anujānāmi, bhikkhave, yena vajo, tena gantu’’nti (mahāva. 203) vuttattā. Satthe vassaṃ upagacchantena pana vassūpanāyikadivase upāsakā vattabbā ‘‘kuṭikā laddhuṃ vaṭṭatī’’ti. Sace karitvā denti, tattha pavisitvā ‘‘idha vassaṃ upemī’’ti tikkhattuṃ vattabbaṃ. No ce denti, sālāsaṅkhepena ṭhitasakaṭassa heṭṭhā upagantabbaṃ. Tampi alabhantena ālayo kātabbo, satthe pana vassaṃ upagantuṃ na vaṭṭati. Ālayo nāma ‘‘idha vassaṃ vasissāmī’’ti cittuppādamattaṃ. Sace maggappaṭipanneyeva satthe pavāraṇādivaso hoti, tattheva pavāretabbaṃ. Atha sattho antovasseyeva bhikkhunā patthitaṭṭhānaṃ patvā atikkamati, patthitaṭṭhāne vasitvā tattha bhikkhūhi saddhiṃ pavāretabbaṃ. Athāpi sattho antovasseyeva antarā ekasmiṃ gāme tiṭṭhati vā vippakirati vā, tasmiṃyeva gāme bhikkhūhi saddhiṃ vasitvā pavāretabbaṃ, appavāretvā tato paraṃ gantuṃ na vaṭṭati. Nāvāya vassaṃ upagacchantenapi kuṭiyaṃyeva upagantabbaṃ, pariyesitvā alabhantena ālayo kātabbo. Sace antotemāsaṃ nāvā samuddeyeva hoti, tattheva pavāretabbaṃ. Atha nāvā kūlaṃ labhati, ayañca parato gantukāmo hoti, gantuṃ na vaṭṭati, nāvāya laddhagāmeyeva vasitvā bhikkhūhi saddhiṃ pavāretabbaṃ. Sacepi nāvā anutīrameva aññattha gacchati, bhikkhu ca paṭhamaṃ laddhagāmeyeva vasitukāmo, nāvā gacchatu, bhikkhunā tattheva vasitvā bhikkhūhi saddhiṃ pavāretabbaṃ. Iti vaje satthe nāvāyanti tīsu ṭhānesu natthi vassacchede āpatti, pavāretuñca labhati.
‘‘на, бхигкавз, вассам̣ убаг̇анд̇ваа буримам̣ ваа д̇змаасам̣ бажчимам̣ ваа д̇змаасам̣ авасид̇ваа жааригаа баггамид̇аб̣б̣аа, яо баггамзяяа, аабад̇д̇и д̣̇уггадассаа’’д̇и (махаава. 186) важанад̇о буримигааяа вассам̣ убаг̇ад̇зна буримам̣ д̇змаасам̣, бажчимигааяа убаг̇ад̇зна бажчимам̣ д̇змаасам̣ авасид̇ваа жааригаа на баггамид̇аб̣б̣аа, вассам̣ убаг̇анд̇ваа бана арун̣ам̣ анудтаабзд̇вааби д̇ад̣̇ахзва сад̇д̇аахагаран̣ийязна баггаманд̇ассаби анд̇осад̇д̇аахз нивад̇д̇анд̇асса анаабад̇д̇и, го бана ваад̣̇о д̣̇вийхад̇ийхам̣ васид̇ваа сад̇д̇аахагаран̣ийязна баггаманд̇асса анд̇осад̇д̇аахз нивад̇д̇анд̇асса.
‘‘Na, bhikkhave, vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā, yo pakkameyya, āpatti dukkaṭassā’’ti (mahāva. 186) vacanato purimikāya vassaṃ upagatena purimaṃ temāsaṃ, pacchimikāya upagatena pacchimaṃ temāsaṃ avasitvā cārikā na pakkamitabbā, vassaṃ upagantvā pana aruṇaṃ anuṭṭhāpetvāpi tadaheva sattāhakaraṇīyena pakkamantassapi antosattāhe nivattantassa anāpatti, ko pana vādo dvīhatīhaṃ vasitvā sattāhakaraṇīyena pakkamantassa antosattāhe nivattantassa.
180. ‘‘ануж̇аанаами, бхигкавз, сад̇д̇аннам̣ сад̇д̇аахагаран̣ийязна бахид̇з г̇анд̇ум̣, на д̇взва аббахид̇з. бхигкусса бхигкунияаа сигкамаанааяа сааман̣зрасса сааман̣зрияаа убаасагасса убаасигааяаа’’д̇и (махаава. 187) важанад̇о бан̃жаннам̣ сахад̇хаммигаанам̣ ан̃н̃ад̇арзна сан̇гхаг̇ан̣абуг̇г̇алз уд̣̇д̣̇исса ад̇д̇ано ваа ад̇т̇ааяа вихаарам̣ ад̣дхаяог̇ам̣ баасаад̣̇ам̣ хаммияам̣ г̇ухам̣ баривзн̣ам̣ годтагам̣ убадтаанасаалам̣ аг̇г̇исаалам̣ габбияагудим̣ важжагудим̣ жан̇гамам̣ жан̇гаманасаалам̣ уд̣̇абаанам̣ уд̣̇абаанасаалам̣ ж̇анд̇аагхарам̣ ж̇анд̇аагхарасаалам̣ богкаран̣им̣ ман̣д̣абам̣ аараамам̣ аараамавад̇т̇ум̣ ваа гаарзд̇ваа ‘‘ааг̇ажчанд̇у бхигкуу, ижчаами д̣̇аанан̃жа д̣̇аад̇ум̣ д̇хамман̃жа сод̇ум̣ бхигкуу жа бассид̇у’’нд̇и звам̣ нид̣̇д̣̇исид̇ваа бзсид̇з г̇анд̇аб̣б̣ам̣ сад̇д̇аахагаран̣ийязна, на д̇взва аббахид̇з. убаасаго ваа убаасигаа ваа д̇ат̇зва сан̇гхаг̇ан̣абуг̇г̇алз уд̣̇д̣̇исса вихаараад̣̇ийсу ан̃н̃ад̇арам̣ гаарзд̇ваа ад̇д̇ано ваа ад̇т̇ааяа нивзсанасаяанигхараад̣̇ийсу ан̃н̃ад̇арам̣ гаараабзд̇ваа ан̃н̃ам̣ ваа гижжагаран̣ийяам̣ нид̣̇д̣̇исид̇ваа г̇илаано ваа худ̇ваа бхигкуунам̣ санд̇игз д̣̇ууд̇ам̣ бахин̣зяяа ‘‘ааг̇ажчанд̇у бхад̣̇анд̇аа, ижчаами д̣̇аанан̃жа д̣̇аад̇ум̣ д̇хамман̃жа сод̇ум̣ бхигкуу жа бассид̇у’’нд̇и, г̇анд̇аб̣б̣ам̣ сад̇д̇аахагаран̣ийязна, на д̇взва аббахид̇з.
180. ‘‘Anujānāmi, bhikkhave, sattannaṃ sattāhakaraṇīyena pahite gantuṃ, na tveva appahite. Bhikkhussa bhikkhuniyā sikkhamānāya sāmaṇerassa sāmaṇeriyā upāsakassa upāsikāyā’’ti (mahāva. 187) vacanato pañcannaṃ sahadhammikānaṃ aññatarena saṅghagaṇapuggale uddissa attano vā atthāya vihāraṃ aḍḍhayogaṃ pāsādaṃ hammiyaṃ guhaṃ pariveṇaṃ koṭṭhakaṃ upaṭṭhānasālaṃ aggisālaṃ kappiyakuṭiṃ vaccakuṭiṃ caṅkamaṃ caṅkamanasālaṃ udapānaṃ udapānasālaṃ jantāgharaṃ jantāgharasālaṃ pokkharaṇiṃ maṇḍapaṃ ārāmaṃ ārāmavatthuṃ vā kāretvā ‘‘āgacchantu bhikkhū, icchāmi dānañca dātuṃ dhammañca sotuṃ bhikkhū ca passitu’’nti evaṃ niddisitvā pesite gantabbaṃ sattāhakaraṇīyena, na tveva appahite. Upāsako vā upāsikā vā tatheva saṅghagaṇapuggale uddissa vihārādīsu aññataraṃ kāretvā attano vā atthāya nivesanasayanigharādīsu aññataraṃ kārāpetvā aññaṃ vā kiccakaraṇīyaṃ niddisitvā gilāno vā hutvā bhikkhūnaṃ santike dūtaṃ pahiṇeyya ‘‘āgacchantu bhadantā, icchāmi dānañca dātuṃ dhammañca sotuṃ bhikkhū ca passitu’’nti, gantabbaṃ sattāhakaraṇīyena, na tveva appahite.
‘‘ануж̇аанаами, бхигкавз, сад̇д̇аннам̣ сад̇д̇аахагаран̣ийязна аббахид̇зби г̇анд̇ум̣, баг̇зва бахид̇з. бхигкусса бхигкунияаа сигкамаанааяа сааман̣зрасса сааман̣зрияаа маад̇уяаа жа бид̇усса жаа’’д̇и (махаава. 198) важанад̇о ‘‘г̇илаанаанам̣ зд̇зсам̣ бхигкуаад̣̇ийнам̣ сахад̇хаммигаанам̣ маад̇аабид̇уунан̃жа г̇илаанаанам̣язва г̇илаанабхад̇д̇ам̣ ваа г̇илаанубадтаагабхад̇д̇ам̣ ваа бхзсаж̇ж̇ам̣ ваа бариязсиссаами, бужчиссаами ваа убадтахиссаами ваа’’д̇и иминаа гааран̣зна аббахид̇зби г̇анд̇аб̣б̣ам̣, баг̇зва бахид̇з. анд̇хагадтагат̇ааяам̣ бана ‘‘яз маад̇аабид̇уунам̣ убадтаагаа н̃аад̇агаа ваа ан̃н̃аад̇агаа ваа, д̇зсамби аббахид̇з г̇анд̇ум̣ ваддад̇ий’’д̇и вуд̇д̇ам̣, д̇ам̣ нзва адтагат̇ааяам̣, на баал̣ияам̣ вуд̇д̇ам̣, д̇асмаа на г̇ахзд̇аб̣б̣ам̣.
‘‘Anujānāmi, bhikkhave, sattannaṃ sattāhakaraṇīyena appahitepi gantuṃ, pageva pahite. Bhikkhussa bhikkhuniyā sikkhamānāya sāmaṇerassa sāmaṇeriyā mātuyā ca pitussa cā’’ti (mahāva. 198) vacanato ‘‘gilānānaṃ etesaṃ bhikkhuādīnaṃ sahadhammikānaṃ mātāpitūnañca gilānānaṃyeva gilānabhattaṃ vā gilānupaṭṭhākabhattaṃ vā bhesajjaṃ vā pariyesissāmi, pucchissāmi vā upaṭṭhahissāmi vā’’ti iminā kāraṇena appahitepi gantabbaṃ, pageva pahite. Andhakaṭṭhakathāyaṃ pana ‘‘ye mātāpitūnaṃ upaṭṭhākā ñātakā vā aññātakā vā, tesampi appahite gantuṃ vaṭṭatī’’ti vuttaṃ, taṃ neva aṭṭhakathāyaṃ, na pāḷiyaṃ vuttaṃ, tasmā na gahetabbaṃ.
сажз бана бхигкуно бхаад̇аа ваа ан̃н̃о ваа н̃аад̇аго г̇илаано ход̇и, со жз бхигкусса санд̇игз д̣̇ууд̇ам̣ бахин̣зяяа ‘‘ахам̣ г̇илаано, ааг̇ажчад̇у бхад̣̇анд̇о, ижчаами бхад̣̇анд̇асса ааг̇ад̇а’’нд̇и, г̇анд̇аб̣б̣ам̣ сад̇д̇аахагаран̣ийязна, на д̇взва аббахид̇з. сажз згасмим̣ вихаарз бхигкуухи сад̣̇д̇хим̣ васанд̇о бхигкубхад̇д̇иго г̇илаано ход̇и, со жз бхигкуунам̣ санд̇игз д̣̇ууд̇ам̣ бахин̣зяяа ‘‘ахам̣ г̇илаано, ааг̇ажчанд̇у бхигкуу, ижчаами бхигкуунам̣ ааг̇ад̇а’’нд̇и, г̇анд̇аб̣б̣ам̣ сад̇д̇аахагаран̣ийязна, на д̇взва аббахид̇з.
Sace pana bhikkhuno bhātā vā añño vā ñātako gilāno hoti, so ce bhikkhussa santike dūtaṃ pahiṇeyya ‘‘ahaṃ gilāno, āgacchatu bhadanto, icchāmi bhadantassa āgata’’nti, gantabbaṃ sattāhakaraṇīyena, na tveva appahite. Sace ekasmiṃ vihāre bhikkhūhi saddhiṃ vasanto bhikkhubhattiko gilāno hoti, so ce bhikkhūnaṃ santike dūtaṃ pahiṇeyya ‘‘ahaṃ gilāno, āgacchantu bhikkhū, icchāmi bhikkhūnaṃ āgata’’nti, gantabbaṃ sattāhakaraṇīyena, na tveva appahite.
сажз бхигкусса бхигкунияаа сигкамаанааяа сааман̣зрасса сааман̣зрияаа анабхирад̇и ваа гуггужжам̣ ваа д̣̇идтиг̇ад̇ам̣ ваа уббаннам̣ ход̇и, г̇анд̇аб̣б̣ам̣ сад̇д̇аахагаран̣ийязна аббахид̇зби ‘‘анабхирад̇им̣ вуубагаасзссаами ваа вуубагаасаабзссаами ваа гумгужжам̣ винод̣̇зссаами ваа винод̣̇аабзссаами ваа д̣̇идтиг̇ад̇ам̣ вивзжзссаами ваа вивзжаабзссаами ваа д̇хаммагат̇ам̣ ваа гариссаамий’’д̇и, баг̇зва бахид̇з. сажз гожи бхигку г̇аруд̇хаммам̣ аж̇жхаабанно ход̇и бариваасаарахо муулааяабадигассанаарахо маанад̇д̇аарахо аб̣бхаанаарахо ваа, аббахид̇зби г̇анд̇аб̣б̣ам̣ ‘‘бариваасад̣̇аанаад̣̇ийсу уссуггам̣ аабаж̇ж̇иссаами, ануссаавзссаами, г̇ан̣абуураго ваа бхависсаамий’’д̇и, баг̇зва бахид̇з. бхигкунияааби маанад̇д̇аарахааяа муулааяабадигассанаарахааяа аб̣бхаанаарахааяа ваа зсзва наяо. сажз сааман̣зро убасамбаж̇ж̇ид̇угаамо ход̇и, вассам̣ ваа бужчид̇угаамо, сигкамаанаа ваа убасамбаж̇ж̇ид̇угаамаа ход̇и, сигкаа ваассаа губид̇аа, сааман̣зрий ваа сигкаа самаад̣̇ияид̇угаамаа ход̇и, вассам̣ ваа бужчид̇угаамаа, аббахид̇зби г̇анд̇аб̣б̣ам̣, баг̇зва бахид̇з.
Sace bhikkhussa bhikkhuniyā sikkhamānāya sāmaṇerassa sāmaṇeriyā anabhirati vā kukkuccaṃ vā diṭṭhigataṃ vā uppannaṃ hoti, gantabbaṃ sattāhakaraṇīyena appahitepi ‘‘anabhiratiṃ vūpakāsessāmi vā vūpakāsāpessāmi vā kumkuccaṃ vinodessāmi vā vinodāpessāmi vā diṭṭhigataṃ vivecessāmi vā vivecāpessāmi vā dhammakathaṃ vā karissāmī’’ti, pageva pahite. Sace koci bhikkhu garudhammaṃ ajjhāpanno hoti parivāsāraho mūlāyapaṭikassanāraho mānattāraho abbhānāraho vā, appahitepi gantabbaṃ ‘‘parivāsadānādīsu ussukkaṃ āpajjissāmi, anussāvessāmi, gaṇapūrako vā bhavissāmī’’ti, pageva pahite. Bhikkhuniyāpi mānattārahāya mūlāyapaṭikassanārahāya abbhānārahāya vā eseva nayo. Sace sāmaṇero upasampajjitukāmo hoti, vassaṃ vā pucchitukāmo, sikkhamānā vā upasampajjitukāmā hoti, sikkhā vāssā kupitā, sāmaṇerī vā sikkhā samādiyitukāmā hoti, vassaṃ vā pucchitukāmā, appahitepi gantabbaṃ, pageva pahite.
сажз бхигкусса бхигкунияаа ваа сан̇гхо гаммам̣ гаад̇угаамо ход̇и, д̇аж̇ж̇анийяам̣ ваа нияассам̣ ваа баб̣б̣ааж̇анийяам̣ ваа бадисааран̣ийяам̣ ваа угкзбанийяам̣ ваа, аббахид̇зби г̇анд̇аб̣б̣ам̣, баг̇зва бахид̇з ‘‘гим̣ ну ко сан̇гхо гаммам̣ на гарзяяа, лахугааяа ваа барин̣аамзяяаа’’д̇и. сажзби гад̇ам̣язва ход̇и гаммам̣, аббахид̇зби г̇анд̇аб̣б̣ам̣ ‘‘гим̣ ну ко саммаа вад̇д̇зяяа, ломам̣ баад̇зяяа, нзд̇т̇аарам̣ вад̇д̇зяяа, сан̇гхо д̇ам̣ гаммам̣ бадиббассамбхзяяаа’’д̇и.
Sace bhikkhussa bhikkhuniyā vā saṅgho kammaṃ kātukāmo hoti, tajjanīyaṃ vā niyassaṃ vā pabbājanīyaṃ vā paṭisāraṇīyaṃ vā ukkhepanīyaṃ vā, appahitepi gantabbaṃ, pageva pahite ‘‘kiṃ nu kho saṅgho kammaṃ na kareyya, lahukāya vā pariṇāmeyyā’’ti. Sacepi kataṃyeva hoti kammaṃ, appahitepi gantabbaṃ ‘‘kiṃ nu kho sammā vatteyya, lomaṃ pāteyya, netthāraṃ vatteyya, saṅgho taṃ kammaṃ paṭippassambheyyā’’ti.
181. ‘‘ануж̇аанаами, бхигкавз, сан̇гхагаран̣ийязна г̇анд̇у’’нд̇и (махаава. 199) важанад̇о сзнаасанабадиб̣ад̣̇д̇хасан̇гхагаран̣ийязнаби г̇анд̇ум̣ ваддад̇и. зд̇т̇а (махаава. адта. 199) хи яам̣ гин̃жи убосат̇ааг̇аараад̣̇ийсу сзнаасанзсу жзд̇ияачад̇д̇авзд̣̇игаад̣̇ийсу ваа гад̇д̇аб̣б̣ам̣, анд̇амасо бхигкуно буг̇г̇алигасзнаасанамби саб̣б̣ам̣ сан̇гхагаран̣ийяамзваад̇и ад̇хиббзд̇ам̣, д̇асмаа д̇асса нибпаад̣̇анад̇т̇ам̣ д̣̇аб̣б̣асамбхаараад̣̇ийни ваа аахарид̇ум̣ вад̣дхагийбабхуд̇ийнам̣ бхад̇д̇авзд̇анаад̣̇ийни ваа д̣̇аад̇ум̣ г̇анд̇аб̣б̣ам̣. абижзд̇т̇а аяамби баал̣имуд̇д̇аганаяо взд̣̇ид̇аб̣б̣о – д̇хаммассаванад̇т̇ааяа аниманд̇ид̇зна г̇анд̇ум̣ на ваддад̇и, сажз згасмим̣ махааваасз батамам̣язва гад̇игаа гад̇аа ход̇и ‘‘асугад̣̇ивасам̣ наама саннибад̇ид̇аб̣б̣а’’нд̇и, ниманд̇ид̇оязва наама ход̇и, г̇анд̇ум̣ ваддад̇и. ‘‘бхан̣д̣агам̣ д̇ховиссаамий’’д̇и г̇анд̇ум̣ на ваддад̇и. сажз бана аажарияубаж̇жхааяаа бахин̣анд̇и, ваддад̇и. наад̇ид̣̇уурз вихааро ход̇и, ‘‘д̇ад̇т̇а г̇анд̇ваа аж̇ж̇зва ааг̇амиссаамий’’д̇и самбаабун̣ид̇ум̣ на саггод̇и, ваддад̇и. уд̣̇д̣̇зсабарибужчаад̣̇ийнам̣ ад̇т̇ааяаби г̇анд̇ум̣ на лабхад̇и, ‘‘аажарияам̣ бана бассиссаамий’’д̇и г̇анд̇ум̣ лабхад̇и. сажз нам̣ аажарияо ‘‘аж̇ж̇а маа г̇ажчаа’’д̇и вад̣̇ад̇и, ваддад̇и, убадтаагагулам̣ ваа н̃аад̇игулам̣ ваа д̣̇ассанааяа г̇анд̇ум̣ на лабхад̇и.
181. ‘‘Anujānāmi, bhikkhave, saṅghakaraṇīyena gantu’’nti (mahāva. 199) vacanato senāsanapaṭibaddhasaṅghakaraṇīyenapi gantuṃ vaṭṭati. Ettha (mahāva. aṭṭha. 199) hi yaṃ kiñci uposathāgārādīsu senāsanesu cetiyachattavedikādīsu vā kattabbaṃ, antamaso bhikkhuno puggalikasenāsanampi sabbaṃ saṅghakaraṇīyamevāti adhippetaṃ, tasmā tassa nipphādanatthaṃ dabbasambhārādīni vā āharituṃ vaḍḍhakīpabhutīnaṃ bhattavetanādīni vā dātuṃ gantabbaṃ. Apicettha ayampi pāḷimuttakanayo veditabbo – dhammassavanatthāya animantitena gantuṃ na vaṭṭati, sace ekasmiṃ mahāvāse paṭhamaṃyeva katikā katā hoti ‘‘asukadivasaṃ nāma sannipatitabba’’nti, nimantitoyeva nāma hoti, gantuṃ vaṭṭati. ‘‘Bhaṇḍakaṃ dhovissāmī’’ti gantuṃ na vaṭṭati. Sace pana ācariyupajjhāyā pahiṇanti, vaṭṭati. Nātidūre vihāro hoti, ‘‘tattha gantvā ajjeva āgamissāmī’’ti sampāpuṇituṃ na sakkoti, vaṭṭati. Uddesaparipucchādīnaṃ atthāyapi gantuṃ na labhati, ‘‘ācariyaṃ pana passissāmī’’ti gantuṃ labhati. Sace naṃ ācariyo ‘‘ajja mā gacchā’’ti vadati, vaṭṭati, upaṭṭhākakulaṃ vā ñātikulaṃ vā dassanāya gantuṃ na labhati.
сажз бхигкуусу вассуубаг̇ад̇зсу г̇аамо жорзхи вудтаад̇и, д̇ад̇т̇а гим̣ гаад̇аб̣б̣анд̇и? язна г̇аамо, д̇зна г̇анд̇аб̣б̣ам̣. сажз г̇аамо д̣̇вид̇хаа бхиж̇ж̇ад̇и, яад̇т̇а б̣ахуд̇араа мануссаа, д̇ад̇т̇а г̇анд̇аб̣б̣ам̣. сажз б̣ахуд̇араа ассад̣̇д̇хаа хонд̇и аббасаннаа, яад̇т̇а сад̣̇д̇хаа басаннаа, д̇ад̇т̇а г̇анд̇аб̣б̣ам̣. зд̇т̇а жа сажз г̇аамо авид̣̇уураг̇ад̇о ход̇и, д̇ад̇т̇а бин̣д̣ааяа жарид̇ваа вихаарамзва ааг̇анд̇ваа васид̇аб̣б̣ам̣. сажз д̣̇уурам̣ г̇ад̇о, сад̇д̇аахаваарзна арун̣о удтаабзд̇аб̣б̣о, на саггаа жз ход̇и, д̇ад̇т̇зва сабхааг̇адтаанз васид̇аб̣б̣ам̣. сажз мануссаа яат̇аабавад̇д̇аани салаагабхад̇д̇аад̣̇ийни д̣̇знд̇и, ‘‘на маяам̣ д̇асмим̣ вихаарз васимхаа’’д̇и вад̇д̇аб̣б̣аа. ‘‘маяам̣ вихаарасса ваа баасаад̣̇асса ваа на д̣̇зма, д̇умхаагам̣ д̣̇зма, яад̇т̇а гад̇т̇ажи васид̇ваа бхун̃ж̇ат̇аа’’д̇и вуд̇д̇з бана яат̇аасукам̣ бхун̃ж̇ид̇аб̣б̣ам̣, д̇зсам̣язва д̇ам̣ баабун̣аад̇и. ‘‘д̇умхаагам̣ васанадтаанз баабун̣аабзд̇ваа бхун̃ж̇ат̇аа’’д̇и вуд̇д̇з бана яад̇т̇а васанд̇и, д̇ад̇т̇а нзд̇ваа вассаг̇г̇зна баабун̣аабзд̇ваа бхун̃ж̇ид̇аб̣б̣ам̣. сажз баваарид̇агаалз вассааваасигам̣ д̣̇знд̇и, яад̣̇и сад̇д̇аахаваарзна арун̣ам̣ удтаабаяим̣су, г̇ахзд̇аб̣б̣ам̣. чиннавассзхи бана ‘‘на маяам̣ д̇ад̇т̇а васимха, чиннавассаа маяа’’нд̇и вад̇д̇аб̣б̣ам̣. яад̣̇и ‘‘язсам̣ амхаагам̣ сзнаасанам̣ баабид̇ам̣, д̇з г̇ан̣ханд̇уу’’д̇и вад̣̇анд̇и, г̇ахзд̇аб̣б̣ам̣. яам̣ бана ‘‘вихаарз убанигкид̇д̇агам̣ маа винассий’’д̇и ид̇ха аахадам̣ жийвараад̣̇ивзбхан̇г̇ияабхан̣д̣ам̣, д̇ам̣ д̇ад̇т̇зва г̇анд̇ваа абалогзд̇ваа бхааж̇зд̇аб̣б̣ам̣. ‘‘ид̇о аяяаанам̣ жад̇д̇ааро бажжаяз д̣̇зт̇аа’’д̇и габбияагаарагаанам̣ д̣̇иннз кзд̇д̇авад̇т̇уаад̣̇игз д̇ад̇руббаад̣̇зби зсзва наяо. сан̇гхиган̃хи взбхан̇г̇ияабхан̣д̣ам̣ анд̇овихаарз ваа б̣ахисиймааяа ваа ход̇у, б̣ахисиймааяа тид̇аанам̣ абалогзд̇ваа бхааж̇зд̇ум̣ на ваддад̇и. убхаяад̇т̇а тид̇амби бана анд̇осиймааяа тид̇аанам̣ абалогзд̇ваа бхааж̇зд̇ум̣ ваддад̇иязва.
Sace bhikkhūsu vassūpagatesu gāmo corehi vuṭṭhāti, tattha kiṃ kātabbanti? Yena gāmo, tena gantabbaṃ. Sace gāmo dvidhā bhijjati, yattha bahutarā manussā, tattha gantabbaṃ. Sace bahutarā assaddhā honti appasannā, yattha saddhā pasannā, tattha gantabbaṃ. Ettha ca sace gāmo avidūragato hoti, tattha piṇḍāya caritvā vihārameva āgantvā vasitabbaṃ. Sace dūraṃ gato, sattāhavārena aruṇo uṭṭhāpetabbo, na sakkā ce hoti, tattheva sabhāgaṭṭhāne vasitabbaṃ. Sace manussā yathāpavattāni salākabhattādīni denti, ‘‘na mayaṃ tasmiṃ vihāre vasimhā’’ti vattabbā. ‘‘Mayaṃ vihārassa vā pāsādassa vā na dema, tumhākaṃ dema, yattha katthaci vasitvā bhuñjathā’’ti vutte pana yathāsukhaṃ bhuñjitabbaṃ, tesaṃyeva taṃ pāpuṇāti. ‘‘Tumhākaṃ vasanaṭṭhāne pāpuṇāpetvā bhuñjathā’’ti vutte pana yattha vasanti, tattha netvā vassaggena pāpuṇāpetvā bhuñjitabbaṃ. Sace pavāritakāle vassāvāsikaṃ denti, yadi sattāhavārena aruṇaṃ uṭṭhāpayiṃsu, gahetabbaṃ. Chinnavassehi pana ‘‘na mayaṃ tattha vasimha, chinnavassā maya’’nti vattabbaṃ. Yadi ‘‘yesaṃ amhākaṃ senāsanaṃ pāpitaṃ, te gaṇhantū’’ti vadanti, gahetabbaṃ. Yaṃ pana ‘‘vihāre upanikkhittakaṃ mā vinassī’’ti idha āhaṭaṃ cīvarādivebhaṅgiyabhaṇḍaṃ, taṃ tattheva gantvā apaloketvā bhājetabbaṃ. ‘‘Ito ayyānaṃ cattāro paccaye dethā’’ti kappiyakārakānaṃ dinne khettavatthuādike tatruppādepi eseva nayo. Saṅghikañhi vebhaṅgiyabhaṇḍaṃ antovihāre vā bahisīmāya vā hotu, bahisīmāya ṭhitānaṃ apaloketvā bhājetuṃ na vaṭṭati. Ubhayattha ṭhitampi pana antosīmāya ṭhitānaṃ apaloketvā bhājetuṃ vaṭṭatiyeva.
сажз бана вассуубаг̇ад̇аа бхигкуу ваал̣зхи уб̣б̣аал̣хаа хонд̇и, г̇ан̣ханд̇иби барибаад̇знд̇иби, сарийсабзхи ваа уб̣б̣аал̣хаа хонд̇и, д̣ам̣санд̇иби барибаад̇знд̇иби, жорзхи ваа уб̣б̣аал̣хаа хонд̇и, вилумбанд̇иби аагодзнд̇иби, бисаажзхи ваа уб̣б̣аал̣хаа хонд̇и, аависанд̇иби хананд̇иби, ‘‘зсзва анд̇арааяо’’д̇и баггамид̇аб̣б̣ам̣, над̇т̇и вассажчзд̣̇з аабад̇д̇и. сажз г̇аамо аг̇г̇инаа ваа д̣̇ад̣дхо ход̇и, уд̣̇агзна ваа вул̣хо. бхигкуу бин̣д̣агзна гиламанд̇и, ‘‘зсзва анд̇арааяо’’д̇и баггамид̇аб̣б̣ам̣, вассажчзд̣̇з анаабад̇д̇и. сзнаасанам̣ аг̇г̇инаа ваа д̣̇ад̣дхам̣ ход̇и, уд̣̇агзна ваа вул̣хам̣, бхигкуу сзнаасанзна гиламанд̇и, ‘‘зсзва анд̇арааяо’’д̇и баггамид̇аб̣б̣ам̣, вассажчзд̣̇з анаабад̇д̇и. сажз вассуубаг̇ад̇аа бхигкуу на лабханд̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣, ‘‘зсзва анд̇арааяо’’д̇и баггамид̇аб̣б̣ам̣. сажз лабханд̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣, на лабханд̇и саббааяаани бхож̇анаани, ‘‘зсзва анд̇арааяо’’д̇и баггамид̇аб̣б̣ам̣. сажзби лабханд̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣, лабханд̇и саббааяаани бхож̇анаани, на лабханд̇и саббааяаани бхзсаж̇ж̇аани, ‘‘зсзва анд̇арааяо’’д̇и баггамид̇аб̣б̣ам̣. сажз лабханд̇и луукасса ваа бан̣ийд̇асса ваа бхож̇анасса яаавад̣̇ад̇т̇ам̣ баарибуурим̣, лабханд̇и саббааяаани бхож̇анаани, лабханд̇и саббааяаани бхзсаж̇ж̇аани, на лабханд̇и бад̇ируубам̣ убадтаагам̣, ‘‘зсзва анд̇арааяо’’д̇и баггамид̇аб̣б̣ам̣, саб̣б̣ад̇т̇а вассажчзд̣̇з анаабад̇д̇и.
Sace pana vassūpagatā bhikkhū vāḷehi ubbāḷhā honti, gaṇhantipi paripātentipi, sarīsapehi vā ubbāḷhā honti, ḍaṃsantipi paripātentipi, corehi vā ubbāḷhā honti, vilumpantipi ākoṭentipi, pisācehi vā ubbāḷhā honti, āvisantipi hanantipi, ‘‘eseva antarāyo’’ti pakkamitabbaṃ, natthi vassacchede āpatti. Sace gāmo agginā vā daḍḍho hoti, udakena vā vuḷho. Bhikkhū piṇḍakena kilamanti, ‘‘eseva antarāyo’’ti pakkamitabbaṃ, vassacchede anāpatti. Senāsanaṃ agginā vā daḍḍhaṃ hoti, udakena vā vuḷhaṃ, bhikkhū senāsanena kilamanti, ‘‘eseva antarāyo’’ti pakkamitabbaṃ, vassacchede anāpatti. Sace vassūpagatā bhikkhū na labhanti lūkhassa vā paṇītassa vā bhojanassa yāvadatthaṃ pāripūriṃ, ‘‘eseva antarāyo’’ti pakkamitabbaṃ. Sace labhanti lūkhassa vā paṇītassa vā bhojanassa yāvadatthaṃ pāripūriṃ, na labhanti sappāyāni bhojanāni, ‘‘eseva antarāyo’’ti pakkamitabbaṃ. Sacepi labhanti lūkhassa vā paṇītassa vā bhojanassa yāvadatthaṃ pāripūriṃ, labhanti sappāyāni bhojanāni, na labhanti sappāyāni bhesajjāni, ‘‘eseva antarāyo’’ti pakkamitabbaṃ. Sace labhanti lūkhassa vā paṇītassa vā bhojanassa yāvadatthaṃ pāripūriṃ, labhanti sappāyāni bhojanāni, labhanti sappāyāni bhesajjāni, na labhanti patirūpaṃ upaṭṭhākaṃ, ‘‘eseva antarāyo’’ti pakkamitabbaṃ, sabbattha vassacchede anāpatti.
сажз бана вассуубаг̇ад̇ам̣ бхигкум̣ ид̇т̇ий ниманд̇зд̇и ‘‘зхи, бханд̇з, хиран̃н̃ам̣ ваа д̇з д̣̇зми, суван̣н̣ам̣ ваа кзд̇д̇ам̣ ваа вад̇т̇ум̣ ваа г̇аавум̣ ваа г̇аавим̣ ваа д̣̇аасам̣ ваа д̣̇аасим̣ ваа д̇з д̣̇зми, д̇хийд̇арам̣ ваа д̇з д̣̇зми бхарияад̇т̇ааяа, ахам̣ ваа д̇з бхарияаа хоми, ан̃н̃ам̣ ваа д̇з бхарияам̣ аанзмий’’д̇и, д̇ад̇ра жз бхигкуно звам̣ ход̇и ‘‘лахубаривад̇д̇ам̣ ко жид̇д̇ам̣ вуд̇д̇ам̣ бхаг̇авад̇аа, сияаабимз б̣рахмажарияасса анд̇арааяо’’д̇и, баггамид̇аб̣б̣ам̣, над̇т̇и вассажчзд̣̇з аабад̇д̇и. вуд̇д̇анаязнзва взсий ваа ниманд̇зд̇и, т̇уллагумаарий ваа ниманд̇зд̇и, бан̣д̣аго ваа ниманд̇зд̇и, н̃аад̇агаа ваа ниманд̇знд̇и, рааж̇аано ваа ниманд̇знд̇и, жораа ваа ниманд̇знд̇и, д̇худ̇д̇аа ваа ниманд̇знд̇и, зсзва наяо. сажз вассуубаг̇ад̇о бхигку бассад̇и асаамигам̣ нид̇хим̣, д̇ад̇ра жз бхигкуно звам̣ ход̇и ‘‘лахубаривад̇д̇ам̣ ко жид̇д̇ам̣ вуд̇д̇ам̣ бхаг̇авад̇аа, сияааби мз б̣рахмажарияасса анд̇арааяо’’д̇и, баггамид̇аб̣б̣ам̣, анаабад̇д̇и вассажчзд̣̇з.
Sace pana vassūpagataṃ bhikkhuṃ itthī nimanteti ‘‘ehi, bhante, hiraññaṃ vā te demi, suvaṇṇaṃ vā khettaṃ vā vatthuṃ vā gāvuṃ vā gāviṃ vā dāsaṃ vā dāsiṃ vā te demi, dhītaraṃ vā te demi bhariyatthāya, ahaṃ vā te bhariyā homi, aññaṃ vā te bhariyaṃ ānemī’’ti, tatra ce bhikkhuno evaṃ hoti ‘‘lahuparivattaṃ kho cittaṃ vuttaṃ bhagavatā, siyāpime brahmacariyassa antarāyo’’ti, pakkamitabbaṃ, natthi vassacchede āpatti. Vuttanayeneva vesī vā nimanteti, thullakumārī vā nimanteti, paṇḍako vā nimanteti, ñātakā vā nimantenti, rājāno vā nimantenti, corā vā nimantenti, dhuttā vā nimantenti, eseva nayo. Sace vassūpagato bhikkhu passati asāmikaṃ nidhiṃ, tatra ce bhikkhuno evaṃ hoti ‘‘lahuparivattaṃ kho cittaṃ vuttaṃ bhagavatā, siyāpi me brahmacariyassa antarāyo’’ti, pakkamitabbaṃ, anāpatti vassacchede.
сажз вассуубаг̇ад̇о бхигку бассад̇и самб̣ахулз бхигкуу сан̇гхабхзд̣̇ааяа бараггаманд̇з, сун̣аад̇и ваа ‘‘самб̣ахулаа бхигкуу сан̇гхабхзд̣̇ааяа бараггаманд̇ий’’д̇и, д̇ад̇ра жз бхигкуно звам̣ ход̇и ‘‘г̇аруго ко сан̇гхабхзд̣̇о вуд̇д̇о бхаг̇авад̇аа, маа маяи саммукийбхууд̇з сан̇гхо бхиж̇ж̇ий’’д̇и, баггамид̇аб̣б̣ам̣, анаабад̇д̇и вассажчзд̣̇з. сажз вассуубаг̇ад̇о бхигку сун̣аад̇и ‘‘асугасмим̣ гира ааваасз самб̣ахулаа бхигкуу сан̇гхабхзд̣̇ааяа бараггаманд̇ий’’д̇и, д̇ад̇ра жз бхигкуно звам̣ ход̇и ‘‘д̇з жа ко мз бхигкуу мид̇д̇аа, д̇яаахам̣ вагкаами ‘г̇аруго ко, аавусо, сан̇гхабхзд̣̇о вуд̇д̇о бхаг̇авад̇аа, маа ааяасманд̇аанам̣ сан̇гхабхзд̣̇о ружжид̇т̇аа’д̇и, гариссанд̇и мз важанам̣ суссуусиссанд̇и, сод̇ам̣ од̣̇ахиссанд̇ий’’д̇и, баггамид̇аб̣б̣ам̣, анаабад̇д̇и вассажчзд̣̇з, бхиннз бана сан̇гхз г̇анд̇ваа гаран̣ийяам̣ над̇т̇и.
Sace vassūpagato bhikkhu passati sambahule bhikkhū saṅghabhedāya parakkamante, suṇāti vā ‘‘sambahulā bhikkhū saṅghabhedāya parakkamantī’’ti, tatra ce bhikkhuno evaṃ hoti ‘‘garuko kho saṅghabhedo vutto bhagavatā, mā mayi sammukhībhūte saṅgho bhijjī’’ti, pakkamitabbaṃ, anāpatti vassacchede. Sace vassūpagato bhikkhu suṇāti ‘‘asukasmiṃ kira āvāse sambahulā bhikkhū saṅghabhedāya parakkamantī’’ti, tatra ce bhikkhuno evaṃ hoti ‘‘te ca kho me bhikkhū mittā, tyāhaṃ vakkhāmi ‘garuko kho, āvuso, saṅghabhedo vutto bhagavatā, mā āyasmantānaṃ saṅghabhedo ruccitthā’ti, karissanti me vacanaṃ sussūsissanti, sotaṃ odahissantī’’ti, pakkamitabbaṃ, anāpatti vassacchede, bhinne pana saṅghe gantvā karaṇīyaṃ natthi.
сажз бана гожи бхигку ‘‘имам̣ д̇змаасам̣ ид̇ха вассам̣ васат̇аа’’д̇и вуд̇д̇з бадиссун̣ид̇ваа висам̣ваад̣̇зд̇и, д̣̇уггадам̣. на гзвалам̣ д̇ассзва бадиссавасса висам̣ваад̣̇з д̣̇уггадам̣, ‘‘имам̣ д̇змаасам̣ бхигкам̣ г̇ан̣хат̇а, убхоби маяам̣ ид̇ха вассам̣ васиссаама, згад̇о уд̣̇д̣̇исаабзссаамаа’’д̇и звамаад̣̇инааби д̇асса д̇асса бадиссавасса висам̣ваад̣̇з д̣̇уггадам̣. д̇ан̃жа ко батамам̣ суд̣̇д̇хажид̇д̇асса бажчаа висам̣ваад̣̇анабажжаяаа, батамамби асуд̣̇д̇хажид̇д̇асса бана бадиссавз баажид̇д̇ияам̣. висам̣ваад̣̇з д̣̇уггаданд̇и баажид̇д̇иязна сад̣̇д̇хим̣ д̣̇уггадам̣ яуж̇ж̇ад̇и.
Sace pana koci bhikkhu ‘‘imaṃ temāsaṃ idha vassaṃ vasathā’’ti vutte paṭissuṇitvā visaṃvādeti, dukkaṭaṃ. Na kevalaṃ tasseva paṭissavassa visaṃvāde dukkaṭaṃ, ‘‘imaṃ temāsaṃ bhikkhaṃ gaṇhatha, ubhopi mayaṃ idha vassaṃ vasissāma, ekato uddisāpessāmā’’ti evamādināpi tassa tassa paṭissavassa visaṃvāde dukkaṭaṃ. Tañca kho paṭhamaṃ suddhacittassa pacchā visaṃvādanapaccayā, paṭhamampi asuddhacittassa pana paṭissave pācittiyaṃ. Visaṃvāde dukkaṭanti pācittiyena saddhiṃ dukkaṭaṃ yujjati.
182. вассуубаг̇ад̇зхи (жуул̣ава. адта. 318) анд̇овассз ниб̣ад̣̇д̇хавад̇д̇ам̣ табзд̇ваа вассуубаг̇ад̇аа бхигкуу ‘‘саммун̃ж̇анияо б̣анд̇хат̇аа’’д̇и вад̇д̇аб̣б̣аа. сулабхаа жз д̣̇ан̣д̣агаа жзва салаагааяо жа хонд̇и, згагзна ча бан̃жа мудтисаммун̃ж̇анияо д̣̇вз д̇иссо яадтисаммун̃ж̇анияо ваа б̣анд̇хид̇аб̣б̣аа. д̣̇уллабхаа хонд̇и, д̣̇вз д̇иссо мудтисаммун̃ж̇анияо згаа яадтисаммун̃ж̇аний б̣анд̇хид̇аб̣б̣аа. сааман̣зрзхи бан̃жа бан̃жа уггаа ваа годдзд̇аб̣б̣аа, васанадтаанзсу гасаавабарибхан̣д̣ам̣ гаад̇аб̣б̣ам̣. вад̇д̇ам̣ гаронд̇зхи жа на уд̣̇д̣̇исид̇аб̣б̣ам̣ на уд̣̇д̣̇исаабзд̇аб̣б̣ам̣, на саж̇жхааяо гаад̇аб̣б̣о, на баб̣б̣ааж̇зд̇аб̣б̣ам̣ на убасамбаад̣̇зд̇аб̣б̣ам̣, на ниссаяо д̣̇аад̇аб̣б̣о, на д̇хаммассаванам̣ гаад̇аб̣б̣ам̣. саб̣б̣зва хи зд̇з бабан̃жаа, ниббабан̃жаа худ̇ваа саман̣ад̇хаммамзва гариссаамаад̇и ваа саб̣б̣з д̇зраса д̇худ̇ан̇г̇аани самаад̣̇ияанд̇у, сзяяам̣ агаббзд̇ваа таанажан̇гамзхи вийд̇инаамзнд̇у, мууг̇аб̣б̣ад̇ам̣ г̇ан̣ханд̇у, сад̇д̇аахагаран̣ийязна г̇ад̇ааби бхааж̇анийяабхан̣д̣ам̣ лабханд̇ууд̇и ваа зваруубам̣ ад̇хаммигавад̇д̇ам̣ на гаад̇аб̣б̣ам̣. звам̣ бана гаад̇аб̣б̣ам̣ – барияад̇д̇ид̇хаммо наама д̇ивид̇хамби сад̣̇д̇хаммам̣ бад̇идтаабзд̇и, д̇асмаа саггажжам̣ уд̣̇д̣̇исат̇а уд̣̇д̣̇исаабзт̇а, саж̇жхааяам̣ гарот̇а, бад̇хаанагхарз васанд̇аанам̣ сан̇гхадданам̣ агад̇ваа анд̇овихаарз нисийд̣̇ид̇ваа уд̣̇д̣̇исат̇а уд̣̇д̣̇исаабзт̇а, саж̇жхааяам̣ гарот̇а, д̇хаммассаванам̣ самид̣̇д̇хам̣ гарот̇а, баб̣б̣ааж̇знд̇аа сод̇хзд̇ваа баб̣б̣ааж̇зт̇а, сод̇хзд̇ваа убасамбаад̣̇зт̇а, сод̇хзд̇ваа ниссаяам̣ д̣̇зт̇а. згоби хи гулабуд̇д̇о баб̣б̣аж̇ж̇ан̃жа убасамбад̣̇ан̃жа лабхид̇ваа сагалам̣ саасанам̣ бад̇идтаабзд̇и, ад̇д̇ано т̇аамзна яад̇д̇агаани саггот̇а, д̇ад̇д̇агаани д̇худ̇ан̇г̇аани самаад̣̇ияат̇а, анд̇овассам̣ наамзд̇ам̣ сагалад̣̇ивасам̣ рад̇д̇ияаа жа батамаяаамабажчимаяаамзсу аббамад̇д̇зхи бхавид̇аб̣б̣ам̣, вийрияам̣ аарабхид̇аб̣б̣ам̣. бораан̣агамахаат̇зрааби саб̣б̣абалиб̣од̇хз чинд̣̇ид̇ваа анд̇овассз згажаарияавад̇д̇ам̣ буураяим̣су, бхассз мад̇д̇ам̣ ж̇аанид̇ваа д̣̇асавад̇т̇угат̇ам̣ д̣̇асаасубхад̣̇асаануссад̇иадтад̇им̣саарамман̣агат̇ам̣ гаад̇ум̣ ваддад̇и, ааг̇анд̇угаанам̣ вад̇д̇ам̣ гаад̇ум̣, сад̇д̇аахагаран̣ийязна г̇ад̇аанам̣ абалогзд̇ваа д̣̇аад̇ум̣ ваддад̇ийд̇и зваруубам̣ вад̇д̇ам̣ гаад̇аб̣б̣ам̣.
182. Vassūpagatehi (cūḷava. aṭṭha. 318) antovasse nibaddhavattaṃ ṭhapetvā vassūpagatā bhikkhū ‘‘sammuñjaniyo bandhathā’’ti vattabbā. Sulabhā ce daṇḍakā ceva salākāyo ca honti, ekakena cha pañca muṭṭhisammuñjaniyo dve tisso yaṭṭhisammuñjaniyo vā bandhitabbā. Dullabhā honti, dve tisso muṭṭhisammuñjaniyo ekā yaṭṭhisammuñjanī bandhitabbā. Sāmaṇerehi pañca pañca ukkā vā koṭṭetabbā, vasanaṭṭhānesu kasāvaparibhaṇḍaṃ kātabbaṃ. Vattaṃ karontehi ca na uddisitabbaṃ na uddisāpetabbaṃ, na sajjhāyo kātabbo, na pabbājetabbaṃ na upasampādetabbaṃ, na nissayo dātabbo, na dhammassavanaṃ kātabbaṃ. Sabbeva hi ete papañcā, nippapañcā hutvā samaṇadhammameva karissāmāti vā sabbe terasa dhutaṅgāni samādiyantu, seyyaṃ akappetvā ṭhānacaṅkamehi vītināmentu, mūgabbataṃ gaṇhantu, sattāhakaraṇīyena gatāpi bhājanīyabhaṇḍaṃ labhantūti vā evarūpaṃ adhammikavattaṃ na kātabbaṃ. Evaṃ pana kātabbaṃ – pariyattidhammo nāma tividhampi saddhammaṃ patiṭṭhāpeti, tasmā sakkaccaṃ uddisatha uddisāpetha, sajjhāyaṃ karotha, padhānaghare vasantānaṃ saṅghaṭṭanaṃ akatvā antovihāre nisīditvā uddisatha uddisāpetha, sajjhāyaṃ karotha, dhammassavanaṃ samiddhaṃ karotha, pabbājentā sodhetvā pabbājetha, sodhetvā upasampādetha, sodhetvā nissayaṃ detha. Ekopi hi kulaputto pabbajjañca upasampadañca labhitvā sakalaṃ sāsanaṃ patiṭṭhāpeti, attano thāmena yattakāni sakkotha, tattakāni dhutaṅgāni samādiyatha, antovassaṃ nāmetaṃ sakaladivasaṃ rattiyā ca paṭhamayāmapacchimayāmesu appamattehi bhavitabbaṃ, vīriyaṃ ārabhitabbaṃ. Porāṇakamahātherāpi sabbapalibodhe chinditvā antovasse ekacāriyavattaṃ pūrayiṃsu, bhasse mattaṃ jānitvā dasavatthukathaṃ dasaasubhadasānussatiaṭṭhatiṃsārammaṇakathaṃ kātuṃ vaṭṭati, āgantukānaṃ vattaṃ kātuṃ, sattāhakaraṇīyena gatānaṃ apaloketvā dātuṃ vaṭṭatīti evarūpaṃ vattaṃ kātabbaṃ.
абижа бхигкуу овад̣̇ид̇аб̣б̣аа ‘‘виг̇г̇аахигабисун̣апарусаважанаани маа вад̣̇ат̇а, д̣̇ивасз д̣̇ивасз сийлаани ааваж̇ж̇знд̇аа жад̇ураарагкам̣ ахаабзнд̇аа манасигаараб̣ахулаа вихарат̇аа’’д̇и. д̣̇анд̇агадтакаад̣̇анавад̇д̇ам̣ аажигкид̇аб̣б̣ам̣, жзд̇ияам̣ ваа б̣од̇хим̣ ваа ванд̣̇анд̇зна г̇анд̇хамаалам̣ ваа бууж̇знд̇зна бад̇д̇ам̣ ваа т̇авигааяа багкибанд̇зна на гат̇зд̇аб̣б̣ам̣, бхигкаажааравад̇д̇ам̣ аажигкид̇аб̣б̣ам̣, анд̇ог̇аамз мануссзхи сад̣̇д̇хим̣ бажжаяасан̃н̃уд̇д̇агат̇аа ваа висабхааг̇агат̇аа ваа на гат̇зд̇аб̣б̣аа, рагкид̇инд̣̇риязхи бхавид̇аб̣б̣ам̣, канд̇хагавад̇д̇ан̃жа сзкияавад̇д̇ан̃жа буурзд̇аб̣б̣анд̇и зваруубаа б̣ахугааби нияяаанигагат̇аа аажигкид̇аб̣б̣аад̇и.
Apica bhikkhū ovaditabbā ‘‘viggāhikapisuṇapharusavacanāni mā vadatha, divase divase sīlāni āvajjentā caturārakkhaṃ ahāpentā manasikārabahulā viharathā’’ti. Dantakaṭṭhakhādanavattaṃ ācikkhitabbaṃ, cetiyaṃ vā bodhiṃ vā vandantena gandhamālaṃ vā pūjentena pattaṃ vā thavikāya pakkhipantena na kathetabbaṃ, bhikkhācāravattaṃ ācikkhitabbaṃ, antogāme manussehi saddhiṃ paccayasaññuttakathā vā visabhāgakathā vā na kathetabbā, rakkhitindriyehi bhavitabbaṃ, khandhakavattañca sekhiyavattañca pūretabbanti evarūpā bahukāpi niyyānikakathā ācikkhitabbāti.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
вассуубанааяигавинижчаяагат̇аа самад̇д̇аа.
Vassūpanāyikavinicchayakathā samattā.
