| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[266] 6. ваад̇аг̇г̇асинд̇хаваж̇аад̇агаван̣н̣анаа
[266] 6. Vātaggasindhavajātakavaṇṇanā
язнааси гисияаа бан̣д̣ууд̇и ид̣̇ам̣ сад̇т̇аа ж̇зд̇аванз вихаранд̇о саавад̇т̇ияам̣ ан̃н̃ад̇арам̣ гудумб̣игам̣ аараб̣бха гат̇зси. саавад̇т̇ияам̣ гирзгаа абхируубаа ид̇т̇ий згам̣ абхируубам̣ гудумб̣игам̣ д̣̇исваа бадиб̣ад̣̇д̇хажид̇д̇аа ахоси, сагаласарийрам̣ жхааяамаано вияассаа аб̣бханд̇арз гилзсаг̇г̇и уббаж̇ж̇и. саа нзва гааяассаад̣̇ам̣ лабхи, на жид̇д̇ассаад̣̇ам̣, бхад̇д̇амбиссаа на ружжи, гзвалам̣ ман̃жагааданим̣ г̇ахзд̇ваа нибаж̇ж̇и. ат̇а нам̣ убадтааяигаа жа сахааяигаа жа бужчим̣су – ‘‘гим̣ ну ко д̇вам̣ гамбамаанажид̇д̇аа аданим̣ г̇ахзд̇ваа нибаннаа, гим̣ д̇з апаасуга’’нд̇и. саа згам̣ д̣̇вз ваарз агат̇зд̇ваа бунаббунам̣ вужжамаанаа д̇амад̇т̇ам̣ аарожзси. ат̇а нам̣ д̇аа самассаасзд̇ваа ‘‘д̇вам̣ маа жинд̇аяи, маяам̣ д̇ам̣ аанзссаамаа’’д̇и вад̇ваа г̇анд̇ваа гудумб̣игзна сад̣̇д̇хим̣ манд̇зсум̣, со бадигкибид̇ваа бунаббунам̣ вужжамаано ад̇хиваасзси. д̇аа ‘‘асугад̣̇ивасз асугавзлааяам̣ ааг̇ажчаа’’д̇и бадин̃н̃ам̣ г̇ахзд̇ваа г̇анд̇ваа д̇ассаа аарожзсум̣. саа ад̇д̇ано саяанаг̇аб̣бхам̣ саж̇ж̇зд̇ваа ад̇д̇аанам̣ алан̇гарид̇ваа саяанабидтз нисиннаа д̇асмим̣ ааг̇анд̇ваа саяанзгад̣̇зсз нисиннз жинд̇зси – ‘‘сажаахам̣ имасса г̇аругам̣ агад̇ваа ид̣̇аанзва огаасам̣ гариссаами, иссарияам̣ мз барихааяиссад̇и, ааг̇ад̇ад̣̇ивасзязва огаасагаран̣ам̣ наама агааран̣ам̣, аж̇ж̇а на ман̇гум̣ гад̇ваа ан̃н̃асмим̣ д̣̇ивасз огаасам̣ гариссаамий’’д̇и. ат̇а нам̣ хад̇т̇аг̇ахан̣аад̣̇ивасзна гзл̣им̣ гаад̇ум̣ аарад̣̇д̇хам̣ хад̇т̇з г̇ахзд̇ваа ‘‘абзхи абзхи, на мз д̇аяаа ад̇т̇о’’д̇и ниб̣бхажчзси. со осаггид̇ваа лаж̇ж̇ид̇о удтааяа ад̇д̇ано г̇зхамзва г̇ад̇о.
Yenāsikisiyā paṇḍūti idaṃ satthā jetavane viharanto sāvatthiyaṃ aññataraṃ kuṭumbikaṃ ārabbha kathesi. Sāvatthiyaṃ kirekā abhirūpā itthī ekaṃ abhirūpaṃ kuṭumbikaṃ disvā paṭibaddhacittā ahosi, sakalasarīraṃ jhāyamāno viyassā abbhantare kilesaggi uppajji. Sā neva kāyassādaṃ labhi, na cittassādaṃ, bhattampissā na rucci, kevalaṃ mañcakaaṭaniṃ gahetvā nipajji. Atha naṃ upaṭṭhāyikā ca sahāyikā ca pucchiṃsu – ‘‘kiṃ nu kho tvaṃ kampamānacittā aṭaniṃ gahetvā nipannā, kiṃ te aphāsuka’’nti. Sā ekaṃ dve vāre akathetvā punappunaṃ vuccamānā tamatthaṃ ārocesi. Atha naṃ tā samassāsetvā ‘‘tvaṃ mā cintayi, mayaṃ taṃ ānessāmā’’ti vatvā gantvā kuṭumbikena saddhiṃ mantesuṃ, so paṭikkhipitvā punappunaṃ vuccamāno adhivāsesi. Tā ‘‘asukadivase asukavelāyaṃ āgacchā’’ti paṭiññaṃ gahetvā gantvā tassā ārocesuṃ. Sā attano sayanagabbhaṃ sajjetvā attānaṃ alaṅkaritvā sayanapiṭṭhe nisinnā tasmiṃ āgantvā sayanekadese nisinne cintesi – ‘‘sacāhaṃ imassa garukaṃ akatvā idāneva okāsaṃ karissāmi, issariyaṃ me parihāyissati, āgatadivaseyeva okāsakaraṇaṃ nāma akāraṇaṃ, ajja na maṅkuṃ katvā aññasmiṃ divase okāsaṃ karissāmī’’ti. Atha naṃ hatthagahaṇādivasena keḷiṃ kātuṃ āraddhaṃ hatthe gahetvā ‘‘apehi apehi, na me tayā attho’’ti nibbhacchesi. So osakkitvā lajjito uṭṭhāya attano gehameva gato.
ид̇араа ид̇т̇ияо д̇ааяа д̇ат̇аа гад̇абхаавам̣ н̃ад̇ваа гудумб̣игз нигканд̇з д̇ам̣ убасан̇гамид̇ваа звамаахам̣су – ‘‘д̇вам̣ зд̇асмим̣ бадиб̣ад̣̇д̇хажид̇д̇аа аахаарам̣ бадигкибид̇ваа нибаж̇ж̇и, ат̇а нам̣ маяам̣ бунаббунам̣ яаажид̇ваа аанаяимха, д̇асса гасмаа огаасам̣ на агаасий’’д̇и. саа д̇амад̇т̇ам̣ аарожзси. ид̇араа ‘‘д̇зна хи бан̃н̃ааяиссасий’’д̇и вад̇ваа баггамим̣су. гудумб̣иго буна нивад̇д̇ид̇вааби на ологзси. саа д̇ам̣ алабхамаанаа нираахаараа д̇ад̇т̇зва ж̇ийвид̇агкаяам̣ баабун̣и. гудумб̣иго д̇ассаа мад̇абхаавам̣ н̃ад̇ваа б̣ахум̣ маалааг̇анд̇хавилзбанам̣ аад̣̇ааяа ж̇зд̇аванам̣ г̇анд̇ваа сад̇т̇аарам̣ бууж̇зд̇ваа згаманд̇ам̣ нисийд̣̇ид̇ваа сад̇т̇аараа жа ‘‘гим̣ ну ко, убаасага, на бан̃н̃ааяасий’’д̇и бужчид̇з д̇амад̇т̇ам̣ аарожзд̇ваа ‘‘сваахам̣, бханд̇з, зд̇д̇агам̣ гаалам̣ лаж̇ж̇ааяа б̣уд̣̇д̇хубадтаанам̣ нааг̇ад̇о’’д̇и ааха. сад̇т̇аа ‘‘на , убаасага, ид̣̇аанзвзсаа гилзсавасзна д̇ам̣ баггосаабзд̇ваа ааг̇ад̇агаалз д̇ам̣ огаасам̣ агад̇ваа лаж̇ж̇аабзси, буб̣б̣зби бана бан̣д̣ид̇зсу бадиб̣ад̣̇д̇хажид̇д̇аа худ̇ваа баггосаабзд̇ваа ааг̇ад̇агаалз огаасам̣ агад̇ваа гиламзд̇ваава уяяож̇зсий’’д̇и вад̇ваа д̇зна яаажид̇о ад̇ийд̇ам̣ аахари.
Itarā itthiyo tāya tathā katabhāvaṃ ñatvā kuṭumbike nikkhante taṃ upasaṅkamitvā evamāhaṃsu – ‘‘tvaṃ etasmiṃ paṭibaddhacittā āhāraṃ paṭikkhipitvā nipajji, atha naṃ mayaṃ punappunaṃ yācitvā ānayimha, tassa kasmā okāsaṃ na akāsī’’ti. Sā tamatthaṃ ārocesi. Itarā ‘‘tena hi paññāyissasī’’ti vatvā pakkamiṃsu. Kuṭumbiko puna nivattitvāpi na olokesi. Sā taṃ alabhamānā nirāhārā tattheva jīvitakkhayaṃ pāpuṇi. Kuṭumbiko tassā matabhāvaṃ ñatvā bahuṃ mālāgandhavilepanaṃ ādāya jetavanaṃ gantvā satthāraṃ pūjetvā ekamantaṃ nisīditvā satthārā ca ‘‘kiṃ nu kho, upāsaka, na paññāyasī’’ti pucchite tamatthaṃ ārocetvā ‘‘svāhaṃ, bhante, ettakaṃ kālaṃ lajjāya buddhupaṭṭhānaṃ nāgato’’ti āha. Satthā ‘‘na , upāsaka, idānevesā kilesavasena taṃ pakkosāpetvā āgatakāle taṃ okāsaṃ akatvā lajjāpesi, pubbepi pana paṇḍitesu paṭibaddhacittā hutvā pakkosāpetvā āgatakāle okāsaṃ akatvā kilametvāva uyyojesī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о синд̇хавагулз ниб̣б̣ад̇д̇ид̇ваа ваад̇аг̇г̇асинд̇хаво наама худ̇ваа д̇асса ман̇г̇алаассо ахоси. ассаг̇обагаа д̇ам̣ нзд̇ваа г̇ан̇г̇ааяам̣ нхаабзнд̇и. ат̇а нам̣ бхад̣̇д̣̇алий наама г̇ад̣̇рабхий д̣̇исваа бадиб̣ад̣̇д̇хажид̇д̇аа худ̇ваа гилзсавасзна гамбамаанаа нзва д̇ин̣ам̣ каад̣̇и , на уд̣̇агам̣ биви, барисуссид̇ваа гисаа адтижаммамад̇д̇аа ахоси. ат̇а нам̣ буд̇д̇о г̇ад̣̇рабхабод̇аго маад̇арам̣ барисуссамаанам̣ д̣̇исваа ‘‘гим̣ ну ко д̇вам̣, амма, нзва д̇ин̣ам̣ каад̣̇аси, на уд̣̇агам̣ биваси, барисуссид̇ваа д̇ад̇т̇а д̇ад̇т̇а гамбамаанаа нибаж̇ж̇аси, гим̣ д̇з апаасуга’’нд̇и бужчи. саа агат̇зд̇ваа бунаббунам̣ вужжамаанаа д̇амад̇т̇ам̣ гат̇зси. ат̇а нам̣ буд̇д̇о самассаасзд̇ваа ‘‘амма, маа жинд̇аяи, ахам̣ д̇ам̣ аанзссаамий’’д̇и вад̇ваа ваад̇аг̇г̇асинд̇хавасса нхааяид̇ум̣ ааг̇ад̇агаалз д̇ам̣ убасан̇гамид̇ваа ‘‘д̇аад̇а, маяхам̣ маад̇аа д̇умхзсу бадиб̣ад̣̇д̇хажид̇д̇аа нираахаараа суссид̇ваа мариссад̇и, ж̇ийвид̇ад̣̇аанамассаа д̣̇зт̇аа’’д̇и ааха. ‘‘саад̇ху, д̇аад̇а, д̣̇ассаами, ассаг̇обагаа мам̣ нхаабзд̇ваа т̇огам̣ г̇ан̇г̇аад̇ийрз вижаран̣ад̇т̇ааяа виссаж̇ж̇знд̇и, д̇вам̣ маад̇арам̣ г̇ахзд̇ваа д̇ам̣ бад̣̇зсам̣ зхий’’д̇и. со г̇анд̇ваа маад̇арам̣ аанзд̇ваа д̇асмим̣ бад̣̇зсз виссаж̇ж̇зд̇ваа згаманд̇ам̣ бадижчанно адтааси.
Atīte bārāṇasiyaṃ brahmadatte rajjaṃ kārente bodhisatto sindhavakule nibbattitvā vātaggasindhavo nāma hutvā tassa maṅgalaasso ahosi. Assagopakā taṃ netvā gaṅgāyaṃ nhāpenti. Atha naṃ bhaddalī nāma gadrabhī disvā paṭibaddhacittā hutvā kilesavasena kampamānā neva tiṇaṃ khādi , na udakaṃ pivi, parisussitvā kisā aṭṭhicammamattā ahosi. Atha naṃ putto gadrabhapotako mātaraṃ parisussamānaṃ disvā ‘‘kiṃ nu kho tvaṃ, amma, neva tiṇaṃ khādasi, na udakaṃ pivasi, parisussitvā tattha tattha kampamānā nipajjasi, kiṃ te aphāsuka’’nti pucchi. Sā akathetvā punappunaṃ vuccamānā tamatthaṃ kathesi. Atha naṃ putto samassāsetvā ‘‘amma, mā cintayi, ahaṃ taṃ ānessāmī’’ti vatvā vātaggasindhavassa nhāyituṃ āgatakāle taṃ upasaṅkamitvā ‘‘tāta, mayhaṃ mātā tumhesu paṭibaddhacittā nirāhārā sussitvā marissati, jīvitadānamassā dethā’’ti āha. ‘‘Sādhu, tāta, dassāmi, assagopakā maṃ nhāpetvā thokaṃ gaṅgātīre vicaraṇatthāya vissajjenti, tvaṃ mātaraṃ gahetvā taṃ padesaṃ ehī’’ti. So gantvā mātaraṃ ānetvā tasmiṃ padese vissajjetvā ekamantaṃ paṭicchanno aṭṭhāsi.
ассаг̇обагааби ваад̇аг̇г̇асинд̇хавам̣ д̇асмим̣ таанз виссаж̇ж̇зсум̣. со д̇ам̣ г̇ад̣̇рабхим̣ ологзд̇ваа убасан̇гами. ат̇а саа г̇ад̣̇рабхий д̇асмим̣ убасан̇гамид̇ваа ад̇д̇ано сарийрам̣ убасин̇гхамаанз ‘‘сажаахам̣ г̇арум̣ агад̇ваа ааг̇ад̇агкан̣зязвасса огаасам̣ гариссаами, звам̣ мз яасо жа иссарияан̃жа барихааяиссад̇и, анижчамаанаа вияа бхавид̇ум̣ ваддад̇ий’’д̇и жинд̇зд̇ваа синд̇хавасса хздтааханугз баад̣̇зна бахарид̇ваа балааяи, д̣̇анд̇амууламасса бхиж̇ж̇ид̇ваа г̇ад̇агаало вияа ахоси. ваад̇аг̇г̇асинд̇хаво ‘‘го мз зд̇ааяа ад̇т̇о’’д̇и лаж̇ж̇ид̇о д̇ад̇ова балааяи. саа виббадисаариний худ̇ваа д̇ад̇т̇зва бад̇ид̇ваа сожамаанаа нибаж̇ж̇и.
Assagopakāpi vātaggasindhavaṃ tasmiṃ ṭhāne vissajjesuṃ. So taṃ gadrabhiṃ oloketvā upasaṅkami. Atha sā gadrabhī tasmiṃ upasaṅkamitvā attano sarīraṃ upasiṅghamāne ‘‘sacāhaṃ garuṃ akatvā āgatakkhaṇeyevassa okāsaṃ karissāmi, evaṃ me yaso ca issariyañca parihāyissati, anicchamānā viya bhavituṃ vaṭṭatī’’ti cintetvā sindhavassa heṭṭhāhanuke pādena paharitvā palāyi, dantamūlamassa bhijjitvā gatakālo viya ahosi. Vātaggasindhavo ‘‘ko me etāya attho’’ti lajjito tatova palāyi. Sā vippaṭisārinī hutvā tattheva patitvā socamānā nipajji.
ат̇а нам̣ буд̇д̇о убасан̇гамид̇ваа бужчанд̇о батамам̣ г̇аат̇амааха –
Atha naṃ putto upasaṅkamitvā pucchanto paṭhamaṃ gāthamāha –
46.
46.
‘‘язнааси гисияаа бан̣д̣у, язна бхад̇д̇ам̣ на ружжад̇и;
‘‘Yenāsi kisiyā paṇḍu, yena bhattaṃ na ruccati;
аяам̣ со ааг̇ад̇о бхад̇д̇аа, гасмаа д̣̇аани балааяасий’’д̇и.
Ayaṃ so āgato bhattā, kasmā dāni palāyasī’’ti.
д̇ад̇т̇а язнаад̇и д̇асмим̣ бадиб̣ад̣̇д̇хажид̇д̇ад̇ааяа язна гааран̣абхууд̇зна.
Tattha yenāti tasmiṃ paṭibaddhacittatāya yena kāraṇabhūtena.
буд̇д̇асса важанам̣ суд̇ваа г̇ад̣̇рабхий д̣̇уд̇ияам̣ г̇аат̇амааха –
Puttassa vacanaṃ sutvā gadrabhī dutiyaṃ gāthamāha –
47.
47.
‘‘сажз банаад̣̇игзнзва, сант̇аво наама ж̇ааяад̇и;
‘‘Sace panādikeneva, santhavo nāma jāyati;
яасо хааяад̇и ид̇т̇ийнам̣, д̇асмаа д̇аад̇а балааяаха’’нд̇и.
Yaso hāyati itthīnaṃ, tasmā tāta palāyaha’’nti.
д̇ад̇т̇а аад̣̇игзнзваад̇иаад̣̇ид̇ова батамамзва. сант̇авод̇и мзт̇унад̇хаммасам̣яог̇авасзна мид̇д̇асант̇аво. яасо хааяад̇и ид̇т̇ийнанд̇и, д̇аад̇а, ид̇т̇ийнан̃хи г̇аругам̣ агад̇ваа аад̣̇ид̇ова сант̇авам̣ гурумаанаанам̣ яасо хааяад̇и, иссарияаг̇аб̣б̣ид̇абхааво барихааяад̇ийд̇и. звам̣ саа ид̇т̇ийнам̣ сабхаавам̣ буд̇д̇асса гат̇зси.
Tattha ādikenevātiāditova paṭhamameva. Santhavoti methunadhammasaṃyogavasena mittasanthavo. Yaso hāyati itthīnanti, tāta, itthīnañhi garukaṃ akatvā āditova santhavaṃ kurumānānaṃ yaso hāyati, issariyagabbitabhāvo parihāyatīti. Evaṃ sā itthīnaṃ sabhāvaṃ puttassa kathesi.
д̇ад̇ияаг̇аат̇ам̣ бана сад̇т̇аа абхисамб̣уд̣̇д̇хо худ̇ваа ааха –
Tatiyagāthaṃ pana satthā abhisambuddho hutvā āha –
48.
48.
‘‘яасассинам̣ гулз ж̇аад̇ам̣, ааг̇ад̇ам̣ яаа на ижчад̇и;
‘‘Yasassinaṃ kule jātaṃ, āgataṃ yā na icchati;
сожад̇и жирарад̇д̇ааяа, ваад̇аг̇г̇амива бхад̣̇д̣̇алий’’д̇и.
Socati cirarattāya, vātaggamiva bhaddalī’’ti.
д̇ад̇т̇а яасассинанд̇и яасасамбаннам̣. яаа на ижчад̇ийд̇и яаа ид̇т̇ий д̇ат̇ааруубам̣ бурисам̣ на ижчад̇и. жирарад̇д̇ааяаад̇и жирарад̇д̇ам̣, д̣̇ийгхамад̣̇д̇хаананд̇и ад̇т̇о.
Tattha yasassinanti yasasampannaṃ. Yā na icchatīti yā itthī tathārūpaṃ purisaṃ na icchati. Cirarattāyāti cirarattaṃ, dīghamaddhānanti attho.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз гудумб̣иго сод̇аабад̇д̇ипалз бад̇идтахи. ‘‘д̇ад̣̇аа г̇ад̣̇рабхий саа ид̇т̇ий ахоси, ваад̇аг̇г̇асинд̇хаво бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne kuṭumbiko sotāpattiphale patiṭṭhahi. ‘‘Tadā gadrabhī sā itthī ahosi, vātaggasindhavo pana ahameva ahosi’’nti.
ваад̇аг̇г̇асинд̇хаваж̇аад̇агаван̣н̣анаа чадтаа.
Vātaggasindhavajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 266. ваад̇аг̇г̇асинд̇хаваж̇аад̇агам̣ • 266. Vātaggasindhavajātakaṃ
