| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[14] 4. ваад̇амиг̇аж̇аад̇агаван̣н̣анаа
[14] 4. Vātamigajātakavaṇṇanā
на гирад̇т̇и расзхи баабияод̇и ид̣̇ам̣ сад̇т̇аа ж̇зд̇аванз вихаранд̇о жуул̣абин̣д̣абаад̇игад̇иссад̇т̇зрам̣ аараб̣бха гат̇зси. сад̇т̇ари гира рааж̇аг̇ахам̣ убаниссааяа взл̣уванз вихаранд̇з д̇иссагумааро наама махаавибхавасса сздтигуласса буд̇д̇о згад̣̇ивасам̣ взл̣уванам̣ г̇анд̇ваа сад̇т̇у д̇хаммад̣̇зсанам̣ суд̇ваа баб̣б̣аж̇ид̇угаамо баб̣б̣аж̇ж̇ам̣ яаажид̇ваа маад̇аабид̇уухи ананун̃н̃аад̇ад̇д̇аа бадигкид̇д̇о сад̇д̇аахам̣ бхад̇д̇ажчзд̣̇ам̣ гад̇ваа радтабаалад̇т̇зро вияа маад̇аабид̇аро ануж̇аанаабзд̇ваа сад̇т̇у санд̇игз баб̣б̣аж̇и. сад̇т̇аа д̇ам̣ баб̣б̣ааж̇зд̇ваа ад̣дхамаасамад̇д̇ам̣ взл̣уванз вихарид̇ваа ж̇зд̇аванам̣ аг̇амааси. д̇ад̇рааяам̣ гулабуд̇д̇о д̇зраса д̇худ̇ан̇г̇аани самаад̣̇ааяа саавад̇т̇ияам̣ сабад̣̇аанам̣ бин̣д̣ааяа жарамаано гаалам̣ вийд̇инаамзд̇и, ‘‘жуул̣абин̣д̣абаад̇игад̇иссад̇т̇зро наамаа’’д̇и вуд̇д̇з г̇аг̇анад̇алз бун̣н̣ажанд̣̇о вияа б̣уд̣̇д̇хасаасанз баагадо бан̃н̃аад̇о ахоси.
Nakiratthi rasehi pāpiyoti idaṃ satthā jetavane viharanto cūḷapiṇḍapātikatissattheraṃ ārabbha kathesi. Satthari kira rājagahaṃ upanissāya veḷuvane viharante tissakumāro nāma mahāvibhavassa seṭṭhikulassa putto ekadivasaṃ veḷuvanaṃ gantvā satthu dhammadesanaṃ sutvā pabbajitukāmo pabbajjaṃ yācitvā mātāpitūhi ananuññātattā paṭikkhitto sattāhaṃ bhattacchedaṃ katvā raṭṭhapālatthero viya mātāpitaro anujānāpetvā satthu santike pabbaji. Satthā taṃ pabbājetvā aḍḍhamāsamattaṃ veḷuvane viharitvā jetavanaṃ agamāsi. Tatrāyaṃ kulaputto terasa dhutaṅgāni samādāya sāvatthiyaṃ sapadānaṃ piṇḍāya caramāno kālaṃ vītināmeti, ‘‘cūḷapiṇḍapātikatissatthero nāmā’’ti vutte gaganatale puṇṇacando viya buddhasāsane pākaṭo paññāto ahosi.
д̇асмим̣ гаалз рааж̇аг̇ахз нагкад̇д̇агийл̣ааяа вад̇д̇амаанааяа т̇зрасса маад̇аабид̇аро яам̣ д̇асса г̇ихигаалз ахоси аабхаран̣абхан̣д̣агам̣, д̇ам̣ рад̇анажан̇годагз нигкибид̇ваа урз табзд̇ваа ‘‘ан̃н̃аасу нагкад̇д̇агийл̣аасу амхаагам̣ буд̇д̇о иминаа алан̇гаарзна алан̇гад̇о нагкад̇д̇ам̣ гийл̣ад̇и, д̇ам̣ но згабуд̇д̇ам̣ г̇ахзд̇ваа саман̣о г̇од̇амо саавад̇т̇инаг̇арам̣ г̇ад̇о, гахам̣ ну ко со зд̇арахи нисинно, гахам̣ тид̇о’’д̇и вад̇ваа род̣̇анд̇и.
Tasmiṃ kāle rājagahe nakkhattakīḷāya vattamānāya therassa mātāpitaro yaṃ tassa gihikāle ahosi ābharaṇabhaṇḍakaṃ, taṃ ratanacaṅkoṭake nikkhipitvā ure ṭhapetvā ‘‘aññāsu nakkhattakīḷāsu amhākaṃ putto iminā alaṅkārena alaṅkato nakkhattaṃ kīḷati, taṃ no ekaputtaṃ gahetvā samaṇo gotamo sāvatthinagaraṃ gato, kahaṃ nu kho so etarahi nisinno, kahaṃ ṭhito’’ti vatvā rodanti.
ат̇згаа ван̣н̣ад̣̇аасий д̇ам̣ гулам̣ г̇анд̇ваа сздтибхарияам̣ род̣̇анд̇им̣ д̣̇исваа бужчи ‘‘гим̣ бана, аяяз, род̣̇асий’’д̇и? ‘‘саа д̇амад̇т̇ам̣ аарожзси’’. ‘‘гим̣ бана, аяяз, аяяабуд̇д̇о бияааяад̇ий’’д̇и? ‘‘асуган̃жа асуган̃жаа’’д̇и. ‘‘сажз д̇умхз имасмим̣ г̇зхз саб̣б̣ам̣ иссарияам̣ маяхам̣ д̣̇зт̇а, ахам̣ во буд̇д̇ам̣ аанзссаамий’’д̇и. сздтибхарияаа ‘‘саад̇хуу’’д̇и самбадижчид̇ваа бариб̣б̣аяам̣ д̣̇ад̇ваа маханд̇зна бариваарзна д̇ам̣ уяяож̇зси ‘‘г̇ажча, ад̇д̇ано б̣алзна мама буд̇д̇ам̣ аанзхий’’д̇и. саа бадижчаннаяаанз нисиннаа саавад̇т̇им̣ г̇анд̇ваа т̇зрасса бхигкаажааравийт̇ияам̣ ниваасам̣ г̇ахзд̇ваа сздтигулаа ааг̇ад̇з мануссз т̇зрасса ад̣̇ассзд̇ваа ад̇д̇ано бариваарзнзва баривуд̇аа т̇зрасса бин̣д̣ааяа бавидтасса аад̣̇ид̇ова ул̣ун̇гаяааг̇ун̃жа расагабхигкан̃жа д̣̇ад̇ваа расад̇ан̣хааяа б̣анд̇хид̇ваа ануггамзна г̇зхз нисийд̣̇аабзд̇ваа бхигкам̣ д̣̇ад̣̇амаанаа жа ад̇д̇ано васам̣ убаг̇ад̇абхаавам̣ н̃ад̇ваа г̇илаанаалаяам̣ д̣̇ассзд̇ваа анд̇ог̇аб̣бхз нибаж̇ж̇и. т̇зроби бхигкаажааравзлааяа сабад̣̇аанам̣ жаранд̇о г̇зхад̣̇ваарам̣ аг̇амааси. бариж̇ано т̇зрасса бад̇д̇ам̣ г̇ахзд̇ваа т̇зрам̣ гхарз нисийд̣̇аабзси. т̇зро нисийд̣̇ид̇ваава ‘‘гахам̣ убаасигаа’’д̇и бужчи. ‘‘г̇илаанаа, бханд̇з, д̇умхаагам̣ д̣̇ассанам̣ ижчад̇ий’’д̇и. со расад̇ан̣хааяа б̣ад̣̇д̇хо ад̇д̇ано вад̇асамаад̣̇аанам̣ бхинд̣̇ид̇ваа д̇ассаа нибаннадтаанам̣ баависи. саа ад̇д̇ано ааг̇ад̇агааран̣ам̣ гат̇зд̇ваа д̇ам̣ балобхзд̇ваа расад̇ан̣хааяа б̣анд̇хид̇ваа уббаб̣б̣ааж̇зд̇ваа ад̇д̇ано васз табзд̇ваа яаанз нисийд̣̇аабзд̇ваа маханд̇зна бариваарзна рааж̇аг̇ахамзва аг̇амааси. саа бавад̇д̇и баагадаа ж̇аад̇аа.
Athekā vaṇṇadāsī taṃ kulaṃ gantvā seṭṭhibhariyaṃ rodantiṃ disvā pucchi ‘‘kiṃ pana, ayye, rodasī’’ti? ‘‘Sā tamatthaṃ ārocesi’’. ‘‘Kiṃ pana, ayye, ayyaputto piyāyatī’’ti? ‘‘Asukañca asukañcā’’ti. ‘‘Sace tumhe imasmiṃ gehe sabbaṃ issariyaṃ mayhaṃ detha, ahaṃ vo puttaṃ ānessāmī’’ti. Seṭṭhibhariyā ‘‘sādhū’’ti sampaṭicchitvā paribbayaṃ datvā mahantena parivārena taṃ uyyojesi ‘‘gaccha, attano balena mama puttaṃ ānehī’’ti. Sā paṭicchannayāne nisinnā sāvatthiṃ gantvā therassa bhikkhācāravīthiyaṃ nivāsaṃ gahetvā seṭṭhikulā āgate manusse therassa adassetvā attano parivāreneva parivutā therassa piṇḍāya paviṭṭhassa āditova uḷuṅkayāguñca rasakabhikkhañca datvā rasataṇhāya bandhitvā anukkamena gehe nisīdāpetvā bhikkhaṃ dadamānā ca attano vasaṃ upagatabhāvaṃ ñatvā gilānālayaṃ dassetvā antogabbhe nipajji. Theropi bhikkhācāravelāya sapadānaṃ caranto gehadvāraṃ agamāsi. Parijano therassa pattaṃ gahetvā theraṃ ghare nisīdāpesi. Thero nisīditvāva ‘‘kahaṃ upāsikā’’ti pucchi. ‘‘Gilānā, bhante, tumhākaṃ dassanaṃ icchatī’’ti. So rasataṇhāya baddho attano vatasamādānaṃ bhinditvā tassā nipannaṭṭhānaṃ pāvisi. Sā attano āgatakāraṇaṃ kathetvā taṃ palobhetvā rasataṇhāya bandhitvā uppabbājetvā attano vase ṭhapetvā yāne nisīdāpetvā mahantena parivārena rājagahameva agamāsi. Sā pavatti pākaṭā jātā.
бхигкуу д̇хаммасабхааяам̣ саннисиннаа ‘‘жуул̣абин̣д̣абаад̇игад̇иссад̇т̇зрам̣ гира згаа ван̣н̣ад̣̇аасий расад̇ан̣хааяа б̣анд̇хид̇ваа аад̣̇ааяа г̇ад̇аа’’д̇и гат̇ам̣ самудтаабзсум̣. сад̇т̇аа д̇хаммасабхам̣ убаг̇анд̇ваа алан̇гад̇ад̇хаммаасанз нисийд̣̇ид̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и ааха. д̇з д̇ам̣ бавад̇д̇им̣ гат̇аяим̣су. ‘‘на, бхигкавз, ид̣̇аанзва зсо бхигку расад̇ан̣хааяа б̣аж̇жхид̇ваа д̇ассаа васам̣ г̇ад̇о, буб̣б̣зби д̇ассаа васам̣ г̇ад̇оязваа’’д̇и вад̇ваа ад̇ийд̇ам̣ аахари.
Bhikkhū dhammasabhāyaṃ sannisinnā ‘‘cūḷapiṇḍapātikatissattheraṃ kira ekā vaṇṇadāsī rasataṇhāya bandhitvā ādāya gatā’’ti kathaṃ samuṭṭhāpesuṃ. Satthā dhammasabhaṃ upagantvā alaṅkatadhammāsane nisīditvā ‘‘kāya nuttha, bhikkhave, etarahi kathāya sannisinnā’’ti āha. Te taṃ pavattiṃ kathayiṃsu. ‘‘Na, bhikkhave, idāneva eso bhikkhu rasataṇhāya bajjhitvā tassā vasaṃ gato, pubbepi tassā vasaṃ gatoyevā’’ti vatvā atītaṃ āhari.
ад̇ийд̇з б̣аараан̣асияам̣ ран̃н̃о б̣рахмад̣̇ад̇д̇асса сан̃ж̇аяо наама уяяаанабаало ахоси. ат̇зго ваад̇амиг̇о д̇ам̣ уяяаанам̣ ааг̇анд̇ваа сан̃ж̇аяам̣ д̣̇исваа балааяад̇и, сан̃ж̇аяоби на д̇ам̣ д̇аж̇ж̇зд̇ваа нийхарад̇и. со бунаббунам̣ ааг̇анд̇ваа уяяаанзязва жарад̇и. уяяаанабаало уяяаанз наанаббагаараани бубпапалаани г̇ахзд̇ваа д̣̇ивасз д̣̇ивасз ран̃н̃о абхихарад̇и. ат̇а нам̣ згад̣̇ивасам̣ рааж̇аа бужчи ‘‘самма уяяаанабаала, уяяаанз гин̃жи ажчарияам̣ бассасий’’д̇и? ‘‘д̣̇зва, ан̃н̃ам̣ на бассаами, зго бана ваад̇амиг̇о ааг̇анд̇ваа уяяаанз жарад̇и, зд̇ам̣ бассаамий’’д̇и. ‘‘сагкиссад̇и бана д̇ам̣ г̇ахзд̇у’’нд̇и. ‘‘т̇огам̣ мад̇хум̣ лабханд̇о анд̇о рааж̇анивзсанамби нам̣ аанзд̇ум̣ сагкиссаами, д̣̇зваа’’д̇и. рааж̇аа д̇асса мад̇хум̣ д̣̇аабзси. со д̇ам̣ г̇ахзд̇ваа уяяаанам̣ г̇анд̇ваа ваад̇амиг̇асса жаран̣адтаанз д̇ин̣аани мад̇хунаа магкзд̇ваа нилийяи. миг̇о ааг̇анд̇ваа мад̇хумагкид̇аани д̇ин̣аани каад̣̇ид̇ваа расад̇ан̣хааяа б̣ад̣̇д̇хо ан̃н̃ад̇ра аг̇анд̇ваа уяяаанамзва ааг̇ажчад̇и. уяяаанабаало д̇асса мад̇хумагкид̇ад̇ин̣зсу балуд̣̇д̇хабхаавам̣ н̃ад̇ваа ануггамзна ад̇д̇аанам̣ д̣̇ассзси. со д̇ам̣ д̣̇исваа гад̇ибаахам̣ балааяид̇ваа бунаббунам̣ бассанд̇о виссаасам̣ аабаж̇ж̇ид̇ваа ануггамзна уяяаанабааласса хад̇т̇з тид̇ад̇ин̣аани каад̣̇ид̇ум̣ аарабхи.
Atīte bārāṇasiyaṃ rañño brahmadattassa sañjayo nāma uyyānapālo ahosi. Atheko vātamigo taṃ uyyānaṃ āgantvā sañjayaṃ disvā palāyati, sañjayopi na taṃ tajjetvā nīharati. So punappunaṃ āgantvā uyyāneyeva carati. Uyyānapālo uyyāne nānappakārāni pupphaphalāni gahetvā divase divase rañño abhiharati. Atha naṃ ekadivasaṃ rājā pucchi ‘‘samma uyyānapāla, uyyāne kiñci acchariyaṃ passasī’’ti? ‘‘Deva, aññaṃ na passāmi, eko pana vātamigo āgantvā uyyāne carati, etaṃ passāmī’’ti. ‘‘Sakkhissati pana taṃ gahetu’’nti. ‘‘Thokaṃ madhuṃ labhanto anto rājanivesanampi naṃ ānetuṃ sakkhissāmi, devā’’ti. Rājā tassa madhuṃ dāpesi. So taṃ gahetvā uyyānaṃ gantvā vātamigassa caraṇaṭṭhāne tiṇāni madhunā makkhetvā nilīyi. Migo āgantvā madhumakkhitāni tiṇāni khāditvā rasataṇhāya baddho aññatra agantvā uyyānameva āgacchati. Uyyānapālo tassa madhumakkhitatiṇesu paluddhabhāvaṃ ñatvā anukkamena attānaṃ dassesi. So taṃ disvā katipāhaṃ palāyitvā punappunaṃ passanto vissāsaṃ āpajjitvā anukkamena uyyānapālassa hatthe ṭhitatiṇāni khādituṃ ārabhi.
со д̇асса виссаасам̣ аабаннабхаавам̣ н̃ад̇ваа яаава рааж̇анивзсанаа вийт̇им̣ гилан̃ж̇зхи баригкибид̇ваа д̇ахим̣ д̇ахим̣ саакаабхан̇г̇ам̣ баад̇зд̇ваа мад̇хулааб̣угам̣ ам̣сз лаг̇г̇зд̇ваа д̇ин̣агалаабам̣ убагажчагз табзд̇ваа мад̇хумагкид̇аани д̇ин̣аани миг̇асса бурад̇о бурад̇о вигиранд̇о анд̇орааж̇анивзсанам̣язва аг̇амааси. миг̇з анд̇о бавидтз д̣̇ваарам̣ бид̣̇ахим̣су. миг̇о мануссз д̣̇исваа гамбамаано маран̣абхаяад̇аж̇ж̇ид̇о анд̇онивзсанан̇г̇ан̣з аад̇хаавад̇и барид̇хаавад̇и. рааж̇аа баасаад̣̇аа оруяха д̇ам̣ гамбамаанам̣ д̣̇исваа ‘‘ваад̇амиг̇о наама мануссаанам̣ д̣̇идтадтаанам̣ сад̇д̇аахам̣ на г̇ажчад̇и, д̇аж̇ж̇ид̇адтаанам̣ яааваж̇ийвам̣ на г̇ажчад̇и, со зваруубо г̇ахананиссид̇о ваад̇амиг̇о расад̇ан̣хааяа б̣ад̣̇д̇хо ид̣̇аани зваруубам̣ таанам̣ ааг̇ад̇о, над̇т̇и вад̇а бхо логз расад̇ан̣хааяа баабад̇арам̣ наамаа’’д̇и имааяа г̇аат̇ааяа д̇хаммад̣̇зсанам̣ бадтабзси –
So tassa vissāsaṃ āpannabhāvaṃ ñatvā yāva rājanivesanā vīthiṃ kilañjehi parikkhipitvā tahiṃ tahiṃ sākhābhaṅgaṃ pātetvā madhulābukaṃ aṃse laggetvā tiṇakalāpaṃ upakacchake ṭhapetvā madhumakkhitāni tiṇāni migassa purato purato vikiranto antorājanivesanaṃyeva agamāsi. Mige anto paviṭṭhe dvāraṃ pidahiṃsu. Migo manusse disvā kampamāno maraṇabhayatajjito antonivesanaṅgaṇe ādhāvati paridhāvati. Rājā pāsādā oruyha taṃ kampamānaṃ disvā ‘‘vātamigo nāma manussānaṃ diṭṭhaṭṭhānaṃ sattāhaṃ na gacchati, tajjitaṭṭhānaṃ yāvajīvaṃ na gacchati, so evarūpo gahananissito vātamigo rasataṇhāya baddho idāni evarūpaṃ ṭhānaṃ āgato, natthi vata bho loke rasataṇhāya pāpataraṃ nāmā’’ti imāya gāthāya dhammadesanaṃ paṭṭhapesi –
14.
14.
‘‘на гирад̇т̇и расзхи баабияо, ааваасзхива сант̇авзхи ваа;
‘‘Na kiratthi rasehi pāpiyo, āvāsehiva santhavehi vā;
ваад̇амиг̇ам̣ г̇ахананиссид̇ам̣, васамаанзси расзхи сан̃ж̇аяо’’д̇и.
Vātamigaṃ gahananissitaṃ, vasamānesi rasehi sañjayo’’ti.
д̇ад̇т̇а гираад̇и ануссаванад̇т̇з нибаад̇о. расзхийд̇и ж̇ивхаавин̃н̃зяязхи мад̇хурамб̣илаад̣̇ийхи. баабияод̇и баабад̇аро. ааваасзхива сант̇авзхи ваад̇и ниб̣ад̣̇д̇хавасанадтаанасан̇каад̇зсу хи ааваасзсуби мид̇д̇асант̇авзсуби чанд̣̇арааг̇о баабагова, д̇зхи бана сажчанд̣̇арааг̇абарибхог̇зхи ааваасзхи ваа мид̇д̇асант̇авзхи ваа сад̇аг̇ун̣зна жа сахассаг̇ун̣зна жа сад̇асахассаг̇ун̣зна жа д̇хувабадисзванадтзна аахаарам̣ винаа ж̇ийвид̇инд̣̇рияабааланааяа абхаавзна жа сажчанд̣̇арааг̇абарибхог̇арасаава баабад̇араад̇и. б̣од̇хисад̇д̇о бана ануссавааг̇ад̇ам̣ вияа имамад̇т̇ам̣ гад̇ваа ‘‘на гирад̇т̇и расзхи баабияо, ааваасзхива сант̇авзхи ваа’’д̇и ааха. ид̣̇аани д̇зсам̣ баабияабхаавам̣ д̣̇ассзнд̇о ‘‘ваад̇амиг̇а’’нд̇иаад̣̇имааха. д̇ад̇т̇а г̇ахананиссид̇анд̇и г̇аханадтаананиссид̇ам̣. ид̣̇ам̣ вуд̇д̇ам̣ ход̇и – бассат̇а расаанам̣ баабияабхаавам̣, ид̣̇ам̣ наама аран̃н̃ааяад̇анз г̇ахананиссид̇ам̣ ваад̇амиг̇ам̣ сан̃ж̇аяо уяяаанабаало мад̇хурасзхи ад̇д̇ано васам̣ аанзси, саб̣б̣ат̇ааби сажчанд̣̇арааг̇абарибхог̇зхи расзхи наама ан̃н̃ам̣ баабад̇арам̣ лаамагад̇арам̣ над̇т̇ийд̇и расад̇ан̣хааяа аад̣̇ийнавам̣ гат̇зси. гат̇зд̇ваа жа бана д̇ам̣ миг̇ам̣ аран̃н̃амзва бзсзси.
Tattha kirāti anussavanatthe nipāto. Rasehīti jivhāviññeyyehi madhurambilādīhi. Pāpiyoti pāpataro. Āvāsehiva santhavehi vāti nibaddhavasanaṭṭhānasaṅkhātesu hi āvāsesupi mittasanthavesupi chandarāgo pāpakova, tehi pana sacchandarāgaparibhogehi āvāsehi vā mittasanthavehi vā sataguṇena ca sahassaguṇena ca satasahassaguṇena ca dhuvapaṭisevanaṭṭhena āhāraṃ vinā jīvitindriyapālanāya abhāvena ca sacchandarāgaparibhogarasāva pāpatarāti. Bodhisatto pana anussavāgataṃ viya imamatthaṃ katvā ‘‘na kiratthi rasehi pāpiyo, āvāsehiva santhavehi vā’’ti āha. Idāni tesaṃ pāpiyabhāvaṃ dassento ‘‘vātamiga’’ntiādimāha. Tattha gahananissitanti gahanaṭṭhānanissitaṃ. Idaṃ vuttaṃ hoti – passatha rasānaṃ pāpiyabhāvaṃ, idaṃ nāma araññāyatane gahananissitaṃ vātamigaṃ sañjayo uyyānapālo madhurasehi attano vasaṃ ānesi, sabbathāpi sacchandarāgaparibhogehi rasehi nāma aññaṃ pāpataraṃ lāmakataraṃ natthīti rasataṇhāya ādīnavaṃ kathesi. Kathetvā ca pana taṃ migaṃ araññameva pesesi.
сад̇т̇ааби ‘‘на, бхигкавз, саа ван̣н̣ад̣̇аасий ид̣̇аанзва зд̇ам̣ расад̇ан̣хааяа б̣анд̇хид̇ваа ад̇д̇ано васз гарод̇и, буб̣б̣зби агаасиязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси. ‘‘д̇ад̣̇аа сан̃ж̇аяо аяам̣ ван̣н̣ад̣̇аасий ахоси, ваад̇амиг̇о жуул̣абин̣д̣абаад̇иго, б̣аараан̣асирааж̇аа бана ахамзва ахоси’’нд̇и.
Satthāpi ‘‘na, bhikkhave, sā vaṇṇadāsī idāneva etaṃ rasataṇhāya bandhitvā attano vase karoti, pubbepi akāsiyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi. ‘‘Tadā sañjayo ayaṃ vaṇṇadāsī ahosi, vātamigo cūḷapiṇḍapātiko, bārāṇasirājā pana ahameva ahosi’’nti.
ваад̇амиг̇аж̇аад̇агаван̣н̣анаа жад̇уд̇т̇аа.
Vātamigajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 14. ваад̇амиг̇аж̇аад̇агам̣ • 14. Vātamigajātakaṃ
