| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. වටංසකියත්‌ථෙරඅපදානං
9. Vaṭaṃsakiyattheraapadānaṃ
43.
43.
‘‘සුමෙධො නාම නාමෙන, සයම්‌භූ අපරාජිතො;
‘‘Sumedho nāma nāmena, sayambhū aparājito;
විවෙකමනුබ්‍රූහන්‌තො, අජ්‌ඣොගහි මහාවනං.
Vivekamanubrūhanto, ajjhogahi mahāvanaṃ.
44.
44.
‘‘සළලං පුප්‌ඵිතං දිස්‌වා, ගන්‌ථිත්‌වාන 1 වටංසකං;
‘‘Saḷalaṃ pupphitaṃ disvā, ganthitvāna 2 vaṭaṃsakaṃ;
බුද්‌ධස්‌ස අභිරොපෙසිං, සම්‌මුඛා ලොකනායකං.
Buddhassa abhiropesiṃ, sammukhā lokanāyakaṃ.
45.
45.
‘‘තිංසකප්‌පසහස්‌සම්‌හි , යං පුප්‌ඵමභිරොපයිං;
‘‘Tiṃsakappasahassamhi , yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
46.
46.
‘‘ඌනවීසෙ කප්‌පසතෙ, සොළසාසුං සුනිම්‌මිතා;
‘‘Ūnavīse kappasate, soḷasāsuṃ sunimmitā;
සත්‌තරතනසම්‌පන්‌නා, චක්‌කවත්‌තී මහබ්‌බලා.
Sattaratanasampannā, cakkavattī mahabbalā.
47.
47.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා වටංසකියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā vaṭaṃsakiyo thero imā gāthāyo abhāsitthāti.
වටංසකියත්‌ථෙරස්‌සාපදානං නවමං.
Vaṭaṃsakiyattherassāpadānaṃ navamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā
9. වටංසකියත්‌ථෙරඅපදානවණ්‌ණනා • 9. Vaṭaṃsakiyattheraapadānavaṇṇanā
10. පල්‌ලඞ්‌කදායකත්‌ථෙරඅපදානවණ්‌ණනා • 10. Pallaṅkadāyakattheraapadānavaṇṇanā
