| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. து³தியவக்³கோ³
2. Dutiyavaggo
1. வதபத³ஸுத்தங்
1. Vatapadasuttaṃ
257. ஸாவத்தி²யங் . ‘‘ஸக்கஸ்ஸ, பி⁴க்க²வே, தே³வானமிந்த³ஸ்ஸ புப்³பே³ மனுஸ்ஸபூ⁴தஸ்ஸ ஸத்த வதபதா³னி 1 ஸமத்தானி ஸமாதி³ன்னானி அஹேஸுங், யேஸங் ஸமாதி³ன்னத்தா ஸக்கோ ஸக்கத்தங் அஜ்ஜ²கா³. கதமானி ஸத்த வதபதா³னி? யாவஜீவங் மாதாபெத்திப⁴ரோ அஸ்ஸங், யாவஜீவங் குலே ஜெட்டா²பசாயீ அஸ்ஸங், யாவஜீவங் ஸண்ஹவாசோ அஸ்ஸங், யாவஜீவங் அபிஸுணவாசோ அஸ்ஸங், யாவஜீவங் விக³தமலமச்சே²ரேன சேதஸா அகா³ரங் அஜ்ஜா²வஸெய்யங் முத்தசாகோ³ பயதபாணி வொஸ்ஸக்³க³ரதோ யாசயோகோ³ தா³னஸங்விபா⁴க³ரதோ, யாவஜீவங் ஸச்சவாசோ அஸ்ஸங், யாவஜீவங் அக்கோத⁴னோ அஸ்ஸங் – ஸசேபி மே கோதோ⁴ உப்பஜ்ஜெய்ய, கி²ப்பமேவ நங் படிவினெய்ய’’ந்தி. ‘‘ஸக்கஸ்ஸ, பி⁴க்க²வே, தே³வானமிந்த³ஸ்ஸ புப்³பே³ மனுஸ்ஸபூ⁴தஸ்ஸ இமானி ஸத்த வதபதா³னி ஸமத்தானி ஸமாதி³ன்னானி அஹேஸுங், யேஸங் ஸமாதி³ன்னத்தா ஸக்கோ ஸக்கத்தங் அஜ்ஜ²கா³’’தி.
257. Sāvatthiyaṃ . ‘‘Sakkassa, bhikkhave, devānamindassa pubbe manussabhūtassa satta vatapadāni 2 samattāni samādinnāni ahesuṃ, yesaṃ samādinnattā sakko sakkattaṃ ajjhagā. Katamāni satta vatapadāni? Yāvajīvaṃ mātāpettibharo assaṃ, yāvajīvaṃ kule jeṭṭhāpacāyī assaṃ, yāvajīvaṃ saṇhavāco assaṃ, yāvajīvaṃ apisuṇavāco assaṃ, yāvajīvaṃ vigatamalamaccherena cetasā agāraṃ ajjhāvaseyyaṃ muttacāgo payatapāṇi vossaggarato yācayogo dānasaṃvibhāgarato, yāvajīvaṃ saccavāco assaṃ, yāvajīvaṃ akkodhano assaṃ – sacepi me kodho uppajjeyya, khippameva naṃ paṭivineyya’’nti. ‘‘Sakkassa, bhikkhave, devānamindassa pubbe manussabhūtassa imāni satta vatapadāni samattāni samādinnāni ahesuṃ, yesaṃ samādinnattā sakko sakkattaṃ ajjhagā’’ti.
‘‘மாதாபெத்திப⁴ரங் ஜந்துங், குலே ஜெட்டா²பசாயினங்;
‘‘Mātāpettibharaṃ jantuṃ, kule jeṭṭhāpacāyinaṃ;
ஸண்ஹங் ஸகி²லஸம்பா⁴ஸங், பேஸுணெய்யப்பஹாயினங்.
Saṇhaṃ sakhilasambhāsaṃ, pesuṇeyyappahāyinaṃ.
‘‘மச்சே²ரவினயே யுத்தங், ஸச்சங் கோதா⁴பி⁴பு⁴ங் நரங்;
‘‘Maccheravinaye yuttaṃ, saccaṃ kodhābhibhuṃ naraṃ;
தங் வே தே³வா தாவதிங்ஸா, ஆஹு ஸப்புரிஸோ இதீ’’தி.
Taṃ ve devā tāvatiṃsā, āhu sappuriso itī’’ti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. வதபத³ஸுத்தவண்ணனா • 1. Vatapadasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. வதபத³ஸுத்தவண்ணனா • 1. Vatapadasuttavaṇṇanā
