| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. д̣̇уд̇ияаваг̇г̇о
2. Dutiyavaggo
1. вад̇абад̣̇асуд̇д̇аван̣н̣анаа
1. Vatapadasuttavaṇṇanā
257. самаад̣̇аад̇аб̣б̣ад̇о вад̇аани, ан̃н̃аман̃н̃ам̣ асан̇гарасабхаавзна баб̣б̣аж̇ид̇аб̣б̣ад̇о бад̣̇аани, д̇ад̇о зва асам̣гин̣н̣абхааг̇аад̇и гад̇ваа ‘‘вад̇агодтаасааний’’д̇и вуд̇д̇ам̣. самад̇д̇аанийд̇и бун̃н̃ависзсад̇ааяа буж̇ж̇абхавапаланиб̣б̣ад̇д̇анзна гид̇д̇исан̃н̃аанзна жа самам̣ ад̇д̇аани самад̇д̇аани. барибун̣н̣аанийд̇и акан̣д̣аад̣̇ибхаавзна саб̣б̣асо бун̣н̣аани. самаад̣̇иннаанийд̇и д̇ад̇т̇а саггажжагаарид̇ааяа саммаа аад̣̇иннаани. маад̇улаанийд̇и бид̇убхаг̇иний, на яаа гаажи маад̇уласса бхарияаа гулаж̇здтагаанам̣ ад̇хиббзд̇ад̇д̇аа, бхарияааби ваа маад̇уласамб̣анд̇хад̇о г̇ахзд̇аб̣б̣аа, д̇ат̇аа сад̇и махаабид̇убхарияаад̣̇ийнамби сан̇г̇ахо д̣̇адтаб̣б̣о.
257. Samādātabbato vatāni, aññamaññaṃ asaṅkarasabhāvena pabbajitabbato padāni, tato eva asaṃkiṇṇabhāgāti katvā ‘‘vatakoṭṭhāsānī’’ti vuttaṃ. Samattānīti puññavisesatāya pujjabhavaphalanibbattanena kittisaññānena ca samaṃ attāni samattāni. Paripuṇṇānīti akhaṇḍādibhāvena sabbaso puṇṇāni. Samādinnānīti tattha sakkaccakāritāya sammā ādinnāni. Mātulānīti pitubhaginī, na yā kāci mātulassa bhariyā kulajeṭṭhakānaṃ adhippetattā, bhariyāpi vā mātulasambandhato gahetabbā, tathā sati mahāpitubhariyādīnampi saṅgaho daṭṭhabbo.
аад̣̇и-сад̣̇д̣̇зна ж̇здтабхаг̇инийнам̣ сан̇г̇ахо. абажид̇игаарагод̇и д̇зсам̣ бажжудтаанагаро. яо гожи д̣̇ад̣̇анд̇оби саабзгко д̣̇зд̇и, со муд̇д̇ажааг̇о на ход̇и, аяам̣ бана на званд̇и ‘‘муд̇д̇ажааг̇о ход̇ий’’д̇и вуд̇д̇ам̣. виссадтажааг̇од̇и нирабзгкабарижжааг̇од̇и ад̇т̇о. яат̇аа баан̣аад̇ибаад̇аб̣ахуло ‘‘лохид̇абаан̣ий’’д̇и вужжад̇и, д̇ат̇аа д̣̇аанаб̣ахуло ‘‘баяад̇абаан̣ий’’д̇и вуд̇д̇од̇и ааха ‘‘д̣̇зяяад̇хаммад̣̇аанад̇т̇ааяа сад̣̇аа д̇ход̇ахад̇т̇о’’д̇и. воссаг̇г̇арад̇од̇и д̣̇зяяад̇хаммасса барижжаж̇анз абхирад̇о. барзхи яаажид̇аб̣б̣аараход̇и барзхи яаажид̇ум̣ яуд̇д̇о ижчид̇асса ад̇т̇асса д̇аавад̣̇зва виссаж̇ж̇анад̇о. д̣̇аанзнзва яуд̇д̇од̇и саб̣б̣агаалам̣ д̣̇аанзнзва яуд̇д̇о абхин̣хам̣ бавад̇д̇амахаад̣̇аанад̇д̇аа. д̣̇аанз жа сам̣вибхааг̇з жаад̇и барасса самбун̣н̣ам̣ гад̇ваа барижжаж̇анасан̇каад̇з д̣̇аанз жа ад̇д̇анаа барибхун̃ж̇ид̇аб̣б̣ад̇о сам̣вибхаж̇анасан̇каад̇з сам̣вибхааг̇з жа рад̇о абхирад̇о.
Ādi-saddena jeṭṭhabhaginīnaṃ saṅgaho. Apacitikārakoti tesaṃ paccuṭṭhānakaro. Yo koci dadantopi sāpekkho deti, so muttacāgo na hoti, ayaṃ pana na evanti ‘‘muttacāgo hotī’’ti vuttaṃ. Vissaṭṭhacāgoti nirapekkhapariccāgoti attho. Yathā pāṇātipātabahulo ‘‘lohitapāṇī’’ti vuccati, tathā dānabahulo ‘‘payatapāṇī’’ti vuttoti āha ‘‘deyyadhammadānatthāya sadā dhotahattho’’ti. Vossaggaratoti deyyadhammassa pariccajane abhirato. Parehi yācitabbārahoti parehi yācituṃ yutto icchitassa atthassa tāvadeva vissajjanato. Dāneneva yuttoti sabbakālaṃ dāneneva yutto abhiṇhaṃ pavattamahādānattā. Dāne ca saṃvibhāge cāti parassa sampuṇṇaṃ katvā pariccajanasaṅkhāte dāne ca attanā paribhuñjitabbato saṃvibhajanasaṅkhāte saṃvibhāge ca rato abhirato.
вад̇абад̣̇асуд̇д̇аван̣н̣анаа нидтид̇аа.
Vatapadasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. вад̇абад̣̇асуд̇д̇ам̣ • 1. Vatapadasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. вад̇абад̣̇асуд̇д̇аван̣н̣анаа • 1. Vatapadasuttavaṇṇanā
