| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౨. దుతియవగ్గో
2. Dutiyavaggo
౧. వతపదసుత్తవణ్ణనా
1. Vatapadasuttavaṇṇanā
౨౫౭. దుతియవగ్గస్స పఠమే వతపదానీతి వతకోట్ఠాసాని. సమత్తానీతి పరిపుణ్ణాని. సమాదిన్నానీతి గహితాని. కులే జేట్ఠాపచాయీతి కులజేట్ఠకానం మహాపితా మహామాతా చూళపితా చూళమాతా మాతులో మాతులానీతిఆదీనం అపచితికారకో. సణ్హవాచోతి పియముదుమధురవాచో. ముత్తచాగోతి విస్సట్ఠచాగో. పయతపాణీతి దేయ్యధమ్మదానత్థాయ సదా ధోతహత్థో. వోస్సగ్గరతోతి వోస్సజ్జనే రతో. యాచయోగోతి పరేహి యాచితబ్బారహో, యాచయోగోతి వా యాచయోగేనేవ యుత్తో. దానసంవిభాగరతోతి దానే చ సంవిభాగే చ రతో. పఠమం.
257. Dutiyavaggassa paṭhame vatapadānīti vatakoṭṭhāsāni. Samattānīti paripuṇṇāni. Samādinnānīti gahitāni. Kule jeṭṭhāpacāyīti kulajeṭṭhakānaṃ mahāpitā mahāmātā cūḷapitā cūḷamātā mātulo mātulānītiādīnaṃ apacitikārako. Saṇhavācoti piyamudumadhuravāco. Muttacāgoti vissaṭṭhacāgo. Payatapāṇīti deyyadhammadānatthāya sadā dhotahattho. Vossaggaratoti vossajjane rato. Yācayogoti parehi yācitabbāraho, yācayogoti vā yācayogeneva yutto. Dānasaṃvibhāgaratoti dāne ca saṃvibhāge ca rato. Paṭhamaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. వతపదసుత్తం • 1. Vatapadasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. వతపదసుత్తవణ్ణనా • 1. Vatapadasuttavaṇṇanā
