| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂. ဒုတိယဝဂ္ဂော
2. Dutiyavaggo
၁. ဝတပဒသုတ္တဝဏ္ဏနာ
1. Vatapadasuttavaṇṇanā
၂၅၇. ဒုတိယဝဂ္ဂသ္သ ပဌမေ ဝတပဒာနီတိ ဝတကောဋ္ဌာသာနိ။ သမတ္တာနီတိ ပရိပုဏ္ဏာနိ။ သမာဒိန္နာနီတိ ဂဟိတာနိ။ ကုလေ ဇေဋ္ဌာပစာယီတိ ကုလဇေဋ္ဌကာနံ မဟာပိတာ မဟာမာတာ စူဠပိတာ စူဠမာတာ မာတုလော မာတုလာနီတိအာဒီနံ အပစိတိကာရကော။ သဏ္ဟဝာစောတိ ပိယမုဒုမဓုရဝာစော။ မုတ္တစာဂောတိ ဝိသ္သဋ္ဌစာဂော။ ပယတပာဏီတိ ဒေယ္ယဓမ္မဒာနတ္ထာယ သဒာ ဓောတဟတ္ထော။ ဝောသ္သဂ္ဂရတောတိ ဝောသ္သဇ္ဇနေ ရတော။ ယာစယောဂောတိ ပရေဟိ ယာစိတဗ္ဗာရဟော, ယာစယောဂောတိ ဝာ ယာစယောဂေနေဝ ယုတ္တော။ ဒာနသံဝိဘာဂရတောတိ ဒာနေ စ သံဝိဘာဂေ စ ရတော။ ပဌမံ။
257. Dutiyavaggassa paṭhame vatapadānīti vatakoṭṭhāsāni. Samattānīti paripuṇṇāni. Samādinnānīti gahitāni. Kule jeṭṭhāpacāyīti kulajeṭṭhakānaṃ mahāpitā mahāmātā cūḷapitā cūḷamātā mātulo mātulānītiādīnaṃ apacitikārako. Saṇhavācoti piyamudumadhuravāco. Muttacāgoti vissaṭṭhacāgo. Payatapāṇīti deyyadhammadānatthāya sadā dhotahattho. Vossaggaratoti vossajjane rato. Yācayogoti parehi yācitabbāraho, yācayogoti vā yācayogeneva yutto. Dānasaṃvibhāgaratoti dāne ca saṃvibhāge ca rato. Paṭhamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. ဝတပဒသုတ္တံ • 1. Vatapadasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁. ဝတပဒသုတ္တဝဏ္ဏနာ • 1. Vatapadasuttavaṇṇanā
