| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
3. தி³ட்டி²ஸங்யுத்தங்
3. Diṭṭhisaṃyuttaṃ
1. ஸோதாபத்திவக்³கோ³
1. Sotāpattivaggo
1. வாதஸுத்தவண்ணனா
1. Vātasuttavaṇṇanā
206. தி³ட்டி²ஸங்யுத்தே ந வாதா வாயந்தீதிஆதீ³ஸு ஏவங் கிர தேஸங் தி³ட்டி² – ‘‘யேபி ஏதே ருக்க²ஸாகா²தீ³னி ப⁴ஞ்ஜந்தா வாதா வாயந்தி, ந ஏதே வாதா, வாதலேஸோ நாமேஸோ, வாதோ பன ஏஸிகத்த²ம்போ⁴ விய பப்³ப³தகூடங் விய ச டி²தோ. ததா² யாபி ஏதா திணகட்டா²தீ³னி வஹந்தியோ நதி³யோ ஸந்த³ந்தி, ந எத்த² உத³கங் ஸந்த³கி, உத³கலேஸோ நாமேஸ, உத³கங் பன ஏஸிகத்த²ம்போ⁴ விய பப்³ப³தகூடங் விய ச டி²தங். யாபிமா க³ப்³பி⁴னியோ விஜாயந்தீதி ச வுச்சந்தி, கிஞ்சாபி தா மிலாதுத³ரா ஹொந்தி, க³ப்³போ⁴ பன ந நிக்க²மதி, க³ப்³ப⁴லேஸோ நாமேஸோ, க³ப்³போ⁴ பன ஏஸிகத்த²ம்போ⁴ விய பப்³ப³தகூடங் விய ச டி²தோ. யேபி ஏதே சந்தி³மஸூரியா உதெ³ந்தி வா அபெந்தி வா, நேவ தே உதெ³ந்தி ந அபெந்தி, சந்தி³மஸூரியலேஸோ நாமேஸ, சந்தி³மஸூரியா பன ஏஸிகத்த²ம்போ⁴ விய பப்³ப³தகூடங் விய ச டி²தா’’தி.
206. Diṭṭhisaṃyutte na vātā vāyantītiādīsu evaṃ kira tesaṃ diṭṭhi – ‘‘yepi ete rukkhasākhādīni bhañjantā vātā vāyanti, na ete vātā, vātaleso nāmeso, vāto pana esikatthambho viya pabbatakūṭaṃ viya ca ṭhito. Tathā yāpi etā tiṇakaṭṭhādīni vahantiyo nadiyo sandanti, na ettha udakaṃ sandaki, udakaleso nāmesa, udakaṃ pana esikatthambho viya pabbatakūṭaṃ viya ca ṭhitaṃ. Yāpimā gabbhiniyo vijāyantīti ca vuccanti, kiñcāpi tā milātudarā honti, gabbho pana na nikkhamati, gabbhaleso nāmeso, gabbho pana esikatthambho viya pabbatakūṭaṃ viya ca ṭhito. Yepi ete candimasūriyā udenti vā apenti vā, neva te udenti na apenti, candimasūriyaleso nāmesa, candimasūriyā pana esikatthambho viya pabbatakūṭaṃ viya ca ṭhitā’’ti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. வாதஸுத்தங் • 1. Vātasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. வாதஸுத்தவண்ணனா • 1. Vātasuttavaṇṇanā
