| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৩. দিট্ঠিসংযুত্তং
3. Diṭṭhisaṃyuttaṃ
১. সোতাপত্তিৰগ্গো
1. Sotāpattivaggo
১. ৰাতসুত্তৰণ্ণনা
1. Vātasuttavaṇṇanā
২০৬. ন এতে ৰাতাতি যে ইমে রুক্খসাখাদিভঞ্জনকরা, এতে সত্তকাযত্তা ৰাতা নাম ন হোন্তি। তে হি নিচ্চা ধুৰা সস্সতা। তেনাহ ‘‘ৰাতো পনা’’তিআদি। তেন সত্তসু কাযেসু চতুত্থং কাযমাহ। রুক্খসাখাদিভঞ্জনকো এসো ৰাতলেসো নাম, ৰাতসদিসোতি অত্থো। এসিকত্থম্ভো ৰিযাতি ইমিনা নিচ্চলভাৰমেৰ দস্সেতি, পব্বতকূটং ৰিযাতি ইমিনা পন সস্সতিসমংৰাপি। অযঞ্হি ৰাযু কাযস্স নিচ্চতং অভিনিৰিস্স ঠিতো ‘‘মা চ অনিচ্চতা পরো হোতূ’’তি ন ৰাতা ৰাযন্তীতি বাধতি। এস নযো নদিযো সন্দন্তীতিআদীসু। উদকং পনাতি দুতিযং কাযং সন্ধাযাহ। গব্ভো পন ন নিক্খমতি কূটট্ঠাদিভাৰেনেৰ তস্স লব্ভনতো। নেৰ তে উদেন্তি যথা ৰাতা, এৰং তিট্ঠনতো লোকস্স পন তথা মতিমত্তন্তি অধিপ্পাযো।
206.Naete vātāti ye ime rukkhasākhādibhañjanakarā, ete sattakāyattā vātā nāma na honti. Te hi niccā dhuvā sassatā. Tenāha ‘‘vāto panā’’tiādi. Tena sattasu kāyesu catutthaṃ kāyamāha. Rukkhasākhādibhañjanako eso vātaleso nāma, vātasadisoti attho. Esikatthambho viyāti iminā niccalabhāvameva dasseti, pabbatakūṭaṃ viyāti iminā pana sassatisamaṃvāpi. Ayañhi vāyu kāyassa niccataṃ abhinivissa ṭhito ‘‘mā ca aniccatā paro hotū’’ti na vātā vāyantīti bādhati. Esa nayo nadiyo sandantītiādīsu. Udakaṃ panāti dutiyaṃ kāyaṃ sandhāyāha. Gabbho pana na nikkhamati kūṭaṭṭhādibhāveneva tassa labbhanato. Neva te udenti yathā vātā, evaṃ tiṭṭhanato lokassa pana tathā matimattanti adhippāyo.
ৰাতসুত্তৰণ্ণনা নিট্ঠিতা।
Vātasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১. ৰাতসুত্তং • 1. Vātasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১. ৰাতসুত্তৰণ্ণনা • 1. Vātasuttavaṇṇanā
