| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. д̣̇идтисам̣яуд̇д̇ам̣
3. Diṭṭhisaṃyuttaṃ
1. сод̇аабад̇д̇иваг̇г̇о
1. Sotāpattivaggo
1. ваад̇асуд̇д̇аван̣н̣анаа
1. Vātasuttavaṇṇanā
206. д̣̇идтисам̣яуд̇д̇з на ваад̇аа вааяанд̇ийд̇иаад̣̇ийсу звам̣ гира д̇зсам̣ д̣̇идти – ‘‘язби зд̇з ругкасаакаад̣̇ийни бхан̃ж̇анд̇аа ваад̇аа вааяанд̇и, на зд̇з ваад̇аа, ваад̇алзсо наамзсо, ваад̇о бана зсигад̇т̇амбхо вияа баб̣б̣ад̇агуудам̣ вияа жа тид̇о. д̇ат̇аа яааби зд̇аа д̇ин̣агадтаад̣̇ийни ваханд̇ияо над̣̇ияо санд̣̇анд̇и, на зд̇т̇а уд̣̇агам̣ санд̣̇аги, уд̣̇агалзсо наамзса, уд̣̇агам̣ бана зсигад̇т̇амбхо вияа баб̣б̣ад̇агуудам̣ вияа жа тид̇ам̣. яаабимаа г̇аб̣бхинияо виж̇ааяанд̇ийд̇и жа вужжанд̇и, гин̃жааби д̇аа милаад̇уд̣̇араа хонд̇и, г̇аб̣бхо бана на нигкамад̇и, г̇аб̣бхалзсо наамзсо, г̇аб̣бхо бана зсигад̇т̇амбхо вияа баб̣б̣ад̇агуудам̣ вияа жа тид̇о. язби зд̇з жанд̣̇имасуурияаа уд̣̇знд̇и ваа абзнд̇и ваа, нзва д̇з уд̣̇знд̇и на абзнд̇и, жанд̣̇имасуурияалзсо наамзса, жанд̣̇имасуурияаа бана зсигад̇т̇амбхо вияа баб̣б̣ад̇агуудам̣ вияа жа тид̇аа’’д̇и.
206. Diṭṭhisaṃyutte na vātā vāyantītiādīsu evaṃ kira tesaṃ diṭṭhi – ‘‘yepi ete rukkhasākhādīni bhañjantā vātā vāyanti, na ete vātā, vātaleso nāmeso, vāto pana esikatthambho viya pabbatakūṭaṃ viya ca ṭhito. Tathā yāpi etā tiṇakaṭṭhādīni vahantiyo nadiyo sandanti, na ettha udakaṃ sandaki, udakaleso nāmesa, udakaṃ pana esikatthambho viya pabbatakūṭaṃ viya ca ṭhitaṃ. Yāpimā gabbhiniyo vijāyantīti ca vuccanti, kiñcāpi tā milātudarā honti, gabbho pana na nikkhamati, gabbhaleso nāmeso, gabbho pana esikatthambho viya pabbatakūṭaṃ viya ca ṭhito. Yepi ete candimasūriyā udenti vā apenti vā, neva te udenti na apenti, candimasūriyaleso nāmesa, candimasūriyā pana esikatthambho viya pabbatakūṭaṃ viya ca ṭhitā’’ti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ваад̇асуд̇д̇ам̣ • 1. Vātasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. ваад̇асуд̇д̇аван̣н̣анаа • 1. Vātasuttavaṇṇanā
