| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
३. दिट्ठिसंयुत्तं
3. Diṭṭhisaṃyuttaṃ
१. सोतापत्तिवग्गो
1. Sotāpattivaggo
१. वातसुत्तवण्णना
1. Vātasuttavaṇṇanā
२०६. न एते वाताति ये इमे रुक्खसाखादिभञ्जनकरा, एते सत्तकायत्ता वाता नाम न होन्ति। ते हि निच्चा धुवा सस्सता। तेनाह ‘‘वातो पना’’तिआदि। तेन सत्तसु कायेसु चतुत्थं कायमाह। रुक्खसाखादिभञ्जनको एसो वातलेसो नाम, वातसदिसोति अत्थो। एसिकत्थम्भो वियाति इमिना निच्चलभावमेव दस्सेति, पब्बतकूटं वियाति इमिना पन सस्सतिसमंवापि। अयञ्हि वायु कायस्स निच्चतं अभिनिविस्स ठितो ‘‘मा च अनिच्चता परो होतू’’ति न वाता वायन्तीति बाधति। एस नयो नदियो सन्दन्तीतिआदीसु। उदकं पनाति दुतियं कायं सन्धायाह। गब्भो पन न निक्खमति कूटट्ठादिभावेनेव तस्स लब्भनतो। नेव ते उदेन्ति यथा वाता, एवं तिट्ठनतो लोकस्स पन तथा मतिमत्तन्ति अधिप्पायो।
206.Naete vātāti ye ime rukkhasākhādibhañjanakarā, ete sattakāyattā vātā nāma na honti. Te hi niccā dhuvā sassatā. Tenāha ‘‘vāto panā’’tiādi. Tena sattasu kāyesu catutthaṃ kāyamāha. Rukkhasākhādibhañjanako eso vātaleso nāma, vātasadisoti attho. Esikatthambho viyāti iminā niccalabhāvameva dasseti, pabbatakūṭaṃ viyāti iminā pana sassatisamaṃvāpi. Ayañhi vāyu kāyassa niccataṃ abhinivissa ṭhito ‘‘mā ca aniccatā paro hotū’’ti na vātā vāyantīti bādhati. Esa nayo nadiyo sandantītiādīsu. Udakaṃ panāti dutiyaṃ kāyaṃ sandhāyāha. Gabbho pana na nikkhamati kūṭaṭṭhādibhāveneva tassa labbhanato. Neva te udenti yathā vātā, evaṃ tiṭṭhanato lokassa pana tathā matimattanti adhippāyo.
वातसुत्तवण्णना निट्ठिता।
Vātasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / १. वातसुत्तं • 1. Vātasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / १. वातसुत्तवण्णना • 1. Vātasuttavaṇṇanā
