| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៣. ទិដ្ឋិសំយុត្តំ
3. Diṭṭhisaṃyuttaṃ
១. សោតាបត្តិវគ្គោ
1. Sotāpattivaggo
១. វាតសុត្តវណ្ណនា
1. Vātasuttavaṇṇanā
២០៦. ន ឯតេ វាតាតិ យេ ឥមេ រុក្ខសាខាទិភញ្ជនករា, ឯតេ សត្តកាយត្តា វាតា នាម ន ហោន្តិ។ តេ ហិ និច្ចា ធុវា សស្សតា។ តេនាហ ‘‘វាតោ បនា’’តិអាទិ។ តេន សត្តសុ កាយេសុ ចតុត្ថំ កាយមាហ។ រុក្ខសាខាទិភញ្ជនកោ ឯសោ វាតលេសោ នាម, វាតសទិសោតិ អត្ថោ។ ឯសិកត្ថម្ភោ វិយាតិ ឥមិនា និច្ចលភាវមេវ ទស្សេតិ, បព្ពតកូដំ វិយាតិ ឥមិនា បន សស្សតិសមំវាបិ។ អយញ្ហិ វាយុ កាយស្ស និច្ចតំ អភិនិវិស្ស ឋិតោ ‘‘មា ច អនិច្ចតា បរោ ហោតូ’’តិ ន វាតា វាយន្តីតិ ពាធតិ។ ឯស នយោ នទិយោ សន្ទន្តីតិអាទីសុ។ ឧទកំ បនាតិ ទុតិយំ កាយំ សន្ធាយាហ។ គព្ភោ បន ន និក្ខមតិ កូដដ្ឋាទិភាវេនេវ តស្ស លព្ភនតោ។ នេវ តេ ឧទេន្តិ យថា វាតា, ឯវំ តិដ្ឋនតោ លោកស្ស បន តថា មតិមត្តន្តិ អធិប្បាយោ។
206.Naete vātāti ye ime rukkhasākhādibhañjanakarā, ete sattakāyattā vātā nāma na honti. Te hi niccā dhuvā sassatā. Tenāha ‘‘vāto panā’’tiādi. Tena sattasu kāyesu catutthaṃ kāyamāha. Rukkhasākhādibhañjanako eso vātaleso nāma, vātasadisoti attho. Esikatthambho viyāti iminā niccalabhāvameva dasseti, pabbatakūṭaṃ viyāti iminā pana sassatisamaṃvāpi. Ayañhi vāyu kāyassa niccataṃ abhinivissa ṭhito ‘‘mā ca aniccatā paro hotū’’ti na vātā vāyantīti bādhati. Esa nayo nadiyo sandantītiādīsu. Udakaṃ panāti dutiyaṃ kāyaṃ sandhāyāha. Gabbho pana na nikkhamati kūṭaṭṭhādibhāveneva tassa labbhanato. Neva te udenti yathā vātā, evaṃ tiṭṭhanato lokassa pana tathā matimattanti adhippāyo.
វាតសុត្តវណ្ណនា និដ្ឋិតា។
Vātasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ១. វាតសុត្តំ • 1. Vātasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១. វាតសុត្តវណ្ណនា • 1. Vātasuttavaṇṇanā
