| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਦਿਟ੍ਠਿਸਂਯੁਤ੍ਤਂ
3. Diṭṭhisaṃyuttaṃ
੧. ਸੋਤਾਪਤ੍ਤਿવਗ੍ਗੋ
1. Sotāpattivaggo
੧. વਾਤਸੁਤ੍ਤવਣ੍ਣਨਾ
1. Vātasuttavaṇṇanā
੨੦੬. ਨ ਏਤੇ વਾਤਾਤਿ ਯੇ ਇਮੇ ਰੁਕ੍ਖਸਾਖਾਦਿਭਞ੍ਜਨਕਰਾ, ਏਤੇ ਸਤ੍ਤਕਾਯਤ੍ਤਾ વਾਤਾ ਨਾਮ ਨ ਹੋਨ੍ਤਿ। ਤੇ ਹਿ ਨਿਚ੍ਚਾ ਧੁવਾ ਸਸ੍ਸਤਾ। ਤੇਨਾਹ ‘‘વਾਤੋ ਪਨਾ’’ਤਿਆਦਿ। ਤੇਨ ਸਤ੍ਤਸੁ ਕਾਯੇਸੁ ਚਤੁਤ੍ਥਂ ਕਾਯਮਾਹ। ਰੁਕ੍ਖਸਾਖਾਦਿਭਞ੍ਜਨਕੋ ਏਸੋ વਾਤਲੇਸੋ ਨਾਮ, વਾਤਸਦਿਸੋਤਿ ਅਤ੍ਥੋ। ਏਸਿਕਤ੍ਥਮ੍ਭੋ વਿਯਾਤਿ ਇਮਿਨਾ ਨਿਚ੍ਚਲਭਾવਮੇવ ਦਸ੍ਸੇਤਿ, ਪਬ੍ਬਤਕੂਟਂ વਿਯਾਤਿ ਇਮਿਨਾ ਪਨ ਸਸ੍ਸਤਿਸਮਂવਾਪਿ। ਅਯਞ੍ਹਿ વਾਯੁ ਕਾਯਸ੍ਸ ਨਿਚ੍ਚਤਂ ਅਭਿਨਿવਿਸ੍ਸ ਠਿਤੋ ‘‘ਮਾ ਚ ਅਨਿਚ੍ਚਤਾ ਪਰੋ ਹੋਤੂ’’ਤਿ ਨ વਾਤਾ વਾਯਨ੍ਤੀਤਿ ਬਾਧਤਿ। ਏਸ ਨਯੋ ਨਦਿਯੋ ਸਨ੍ਦਨ੍ਤੀਤਿਆਦੀਸੁ। ਉਦਕਂ ਪਨਾਤਿ ਦੁਤਿਯਂ ਕਾਯਂ ਸਨ੍ਧਾਯਾਹ। ਗਬ੍ਭੋ ਪਨ ਨ ਨਿਕ੍ਖਮਤਿ ਕੂਟਟ੍ਠਾਦਿਭਾવੇਨੇવ ਤਸ੍ਸ ਲਬ੍ਭਨਤੋ। ਨੇવ ਤੇ ਉਦੇਨ੍ਤਿ ਯਥਾ વਾਤਾ, ਏવਂ ਤਿਟ੍ਠਨਤੋ ਲੋਕਸ੍ਸ ਪਨ ਤਥਾ ਮਤਿਮਤ੍ਤਨ੍ਤਿ ਅਧਿਪ੍ਪਾਯੋ।
206.Naete vātāti ye ime rukkhasākhādibhañjanakarā, ete sattakāyattā vātā nāma na honti. Te hi niccā dhuvā sassatā. Tenāha ‘‘vāto panā’’tiādi. Tena sattasu kāyesu catutthaṃ kāyamāha. Rukkhasākhādibhañjanako eso vātaleso nāma, vātasadisoti attho. Esikatthambho viyāti iminā niccalabhāvameva dasseti, pabbatakūṭaṃ viyāti iminā pana sassatisamaṃvāpi. Ayañhi vāyu kāyassa niccataṃ abhinivissa ṭhito ‘‘mā ca aniccatā paro hotū’’ti na vātā vāyantīti bādhati. Esa nayo nadiyo sandantītiādīsu. Udakaṃ panāti dutiyaṃ kāyaṃ sandhāyāha. Gabbho pana na nikkhamati kūṭaṭṭhādibhāveneva tassa labbhanato. Neva te udenti yathā vātā, evaṃ tiṭṭhanato lokassa pana tathā matimattanti adhippāyo.
વਾਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Vātasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. વਾਤਸੁਤ੍ਤਂ • 1. Vātasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. વਾਤਸੁਤ੍ਤવਣ੍ਣਨਾ • 1. Vātasuttavaṇṇanā
