| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੩੦. વਤ੍ਤਨਿਦ੍ਦੇਸવਣ੍ਣਨਾ
30. Vattaniddesavaṇṇanā
੨੧੩. ਸਉਪਾਹਨੋ…ਪੇ॰… ਚੀવਰਂ ਸੀਸੇ ਕਰਿਤ੍વਾ વਾ ਆਗਨ੍ਤੁਕੋ ਆਰਾਮਂ ਨ ਪવਿਸੇਤਿ ਸਮ੍ਬਨ੍ਧੋ। ਸਛਤ੍ਤੋਤਿ ਸੀਸੇ ਕਤਛਤ੍ਤੇਨ ਸਛਤ੍ਤੋ। ਓਗੁਣ੍ਠਿਤੋਤਿ ਸਸੀਸਂ ਪਾਰੁਪਿਤੋ। ‘‘ਪਰਿਕ੍ਖਿਤ੍ਤਸ੍ਸ વਿਹਾਰਸ੍ਸ ਪਰਿਕ੍ਖੇਪੋ, ਅਪਰਿਕ੍ਖਿਤ੍ਤਸ੍ਸ ਪਰਿਕ੍ਖੇਪਾਰਹਟ੍ਠਾਨ’’ਨ੍ਤਿ વੁਤ੍ਤਂ ਉਪਚਾਰਸੀਮਾਸਮੀਪਂ ਪਤ੍વਾ ਉਪਾਹਨਾਓਮੁਞ੍ਚਨਾਦਿਸਬ੍ਬਂ ਕਤ੍વਾ ਆਰਾਮੋ ਪવਿਸਿਤਬ੍ਬੋਤਿ ਅਯਮੇਤ੍ਥ ਬ੍ਯਤਿਰੇਕਲਦ੍ਧੋ ਅਤ੍ਥੋ।
213. Saupāhano…pe… cīvaraṃ sīse karitvā vā āgantuko ārāmaṃ na paviseti sambandho. Sachattoti sīse katachattena sachatto. Oguṇṭhitoti sasīsaṃ pārupito. ‘‘Parikkhittassa vihārassa parikkhepo, aparikkhittassa parikkhepārahaṭṭhāna’’nti vuttaṃ upacārasīmāsamīpaṃ patvā upāhanāomuñcanādisabbaṃ katvā ārāmo pavisitabboti ayamettha byatirekaladdho attho.
੨੧੪. ਪਾਨੀਯੇਨ ਪਾਦੇ ਨ ਧੋવੇਯ੍ਯਾਤਿ ਸਮ੍ਬਨ੍ਧੋ। ਪਟਿਕ੍ਕਮਨਂ ਪਤ੍વਾ ਏਕਮਨ੍ਤੇ ਪਤ੍ਤਚੀવਰਂ ਨਿਕ੍ਖਿਪਿਤ੍વਾ ਪਤਿਰੂਪੇ ਨਿਸਜ੍ਜ ਪੁਚ੍ਛਿਤ੍વਾ ਪਾਨੀਯਂ ਪਾਤਬ੍ਬਂ, ਪਰਿਭੋਜਨੀਯੇਨ ਯਥਾવੁਤ੍ਤਂ ਪਾਦਾ ਧੋવਿਤਬ੍ਬਾਤਿ ਅਧਿਪ੍ਪਾਯੋ। વੁਡ੍ਢਤਰੇ ਆવਾਸਿਕੇਪਿ ਚ ਅਭਿવਾਦੇਯ੍ਯਾਤਿ ਇਮਿਨਾ વਸ੍ਸਂ ਪੁਚ੍ਛਿਤ੍વਾ ਨવਕੇਨ ਆવਾਸਿਕੇਨ ਅਭਿવਾਦਾਪੇਤਬ੍ਬਨ੍ਤਿ ਦੀਪੇਤਿ। ਪੁਚ੍ਛੇਯ੍ਯ ਸਯਨਾਸਨਨ੍ਤਿ ‘‘ਕਤਮਂ ਸੇਨਾਸਨਂ ਪਾਪੁਣਾਤਿ, ਅਜ੍ਝਾવੁਤ੍ਥਂ ਅਨਜ੍ਝਾવੁਤ੍ਥਂ વਾ’’ਤਿ ਸੇਨਾਸਨਂ ਪੁਚ੍ਛੇਯ੍ਯ। ਇਦਞ੍ਚ ਪੁਚ੍ਛਾਯ ਲਕ੍ਖਣવਚਨਂ। ਤਸ੍ਮਾ ਆવਾਸਿਕવਤ੍ਤੇ વੁਤ੍ਤਮਜ੍ਝਾવੁਤ੍ਥਾਦਿਕਞ੍ਚ ਪੁਚ੍ਛਿਤਬ੍ਬਂ। ਸਚੇ ‘‘ਅਨਜ੍ਝਾવੁਤ੍ਥ’’ਨ੍ਤਿ વਦਨ੍ਤਿ, ਕવਾਟਂ ਆਕੋਟੇਤ੍વਾ ਮੁਹੁਤ੍ਤਂ ਆਗਮੇਤ੍વਾ ਘਟਿਕਂ ਉਗ੍ਘਾਟੇਤ੍વਾ ਕવਾਟਂ ਪਣਾਮੇਤ੍વਾ ਬਹਿ ਠਿਤੇਨ ਉਲ੍ਲੋਕੇਤ੍વਾ ਪવਿਸਿਤ੍વਾ ਸਬ੍ਬਂ ਸੇਨਾਸਨવਤ੍ਤਂ ਕਾਤਬ੍ਬਂ। ਆਗਨ੍ਤੁਕવਤ੍ਤਂ।
214. Pānīyena pāde na dhoveyyāti sambandho. Paṭikkamanaṃ patvā ekamante pattacīvaraṃ nikkhipitvā patirūpe nisajja pucchitvā pānīyaṃ pātabbaṃ, paribhojanīyena yathāvuttaṃ pādā dhovitabbāti adhippāyo. Vuḍḍhatare āvāsikepi ca abhivādeyyāti iminā vassaṃ pucchitvā navakena āvāsikena abhivādāpetabbanti dīpeti. Puccheyya sayanāsananti ‘‘katamaṃ senāsanaṃ pāpuṇāti, ajjhāvutthaṃ anajjhāvutthaṃ vā’’ti senāsanaṃ puccheyya. Idañca pucchāya lakkhaṇavacanaṃ. Tasmā āvāsikavatte vuttamajjhāvutthādikañca pucchitabbaṃ. Sace ‘‘anajjhāvuttha’’nti vadanti, kavāṭaṃ ākoṭetvā muhuttaṃ āgametvā ghaṭikaṃ ugghāṭetvā kavāṭaṃ paṇāmetvā bahi ṭhitena ulloketvā pavisitvā sabbaṃ senāsanavattaṃ kātabbaṃ. Āgantukavattaṃ.
੨੧੫-੬. ਗਮਿਕੋ ਪਕ੍ਕਮੇਯ੍ਯਾਤਿ ਸਮ੍ਬਨ੍ਧੋ। ‘‘ਪਟਿਸਾਮੇਤ੍વਾ’’ਤਿਆਦੀਨਿਮਸ੍ਸ ਪੁਬ੍ਬਕਿਰਿਯਾਪਦਾਨਿ। ਦਾਰੁਮਤ੍ਤਿਕਭਣ੍ਡਕਨ੍ਤਿ ਏਤ੍ਥ ਮਞ੍ਚਪੀਠਾਦਿਦਾਰੁਭਣ੍ਡਂ ਰਜਨਭਾਜਨਾਦਿਮਤ੍ਤਿਕਾਭਣ੍ਡਂ। ਪਟਿਸਾਮੇਤ੍વਾਤਿ ਅਤ੍ਥਿ ਚੇ ਅਨੋવਸ੍ਸਕੇ ਸਣ੍ਠਪੇਤ੍વਾ। ਥਕੇਤ੍વਾਨਾਤਿ ਦ੍વਾਰવਾਤਪਾਨੇਹਿ ਪਿਧਾਯ । ਸਾਧੁਕਂ ਸਙ੍ਗੋਪੇਤ੍વਾਨਾਤਿ ਚਤੂਸੁ ਪਾਸਾਣੇਸੁ ਮਞ੍ਚਂ ਪਞ੍ਞਪੇਤ੍વਾ ਮਞ੍ਚੇ ਮਞ੍ਚਸ੍ਸ, ਪੀਠੇ ਪੀਠਸ੍ਸ ਆਰੋਪਨੇਨ ਸੇਨਾਸਨਸ੍ਸ ਉਪਰੂਪਰਿ ਪੁਞ੍ਜਕਰਣੇਨ ਸਾਧੁਕਂ ਸਙ੍ਗੋਪਨਂ ਕਤ੍વਾ। ਨ ਚਾਤਿ ਨੇવ। ਗਮਿਕવਤ੍ਤਂ।
215-6. Gamiko pakkameyyāti sambandho. ‘‘Paṭisāmetvā’’tiādīnimassa pubbakiriyāpadāni. Dārumattikabhaṇḍakanti ettha mañcapīṭhādidārubhaṇḍaṃ rajanabhājanādimattikābhaṇḍaṃ. Paṭisāmetvāti atthi ce anovassake saṇṭhapetvā. Thaketvānāti dvāravātapānehi pidhāya . Sādhukaṃ saṅgopetvānāti catūsu pāsāṇesu mañcaṃ paññapetvā mañce mañcassa, pīṭhe pīṭhassa āropanena senāsanassa uparūpari puñjakaraṇena sādhukaṃ saṅgopanaṃ katvā. Na cāti neva. Gamikavattaṃ.
੨੧੭-੮. ਆવਾਸਿਕੋਤਿ ਇਦਂ ‘‘ਪਞ੍ਞਪੇਯ੍ਯਾ’’ਤਿਆਦੀਨਂ ਕਤ੍ਤੁਪਦਂ। ਨવਕਮ੍ਮਕਰਣਾਦਿਭਾਰਨਿਤ੍ਥਰਣਤਾਯ ਆવਾਸੋ વਿਹਾਰੋ ਅਸ੍ਸ ਅਤ੍ਥੀਤਿ ਆવਾਸਿਕੋ। ਯਸ੍ਸ ਪਨ ਕੇવਲਂ વਿਹਾਰੇ ਨਿવਾਸਨਮਤ੍ਤਂ ਅਤ੍ਥਿ, ਸੋ ਨੇવਾਸਿਕੋ। ਉਭੋਪਿ ਤੇ ਇਧ ਆવਾਸਿਕ-ਸਦ੍ਦੇਨ ਸਙ੍ਗਹਿਤਾ। ਪਾਦੋਦਪ੍ਪਭੁਤਿਨ੍ਤਿ ਏਤ੍ਥ ਪਭੁਤਿ-ਸਦ੍ਦੇਨ ਪਾਦਪੀਠਪਾਦਕਥਲਿਕਾਨਂ ਗਹਣਂ। ਪਚ੍ਚੁਗ੍ਗਨ੍ਤ੍વਾਨ ਪਤ੍ਤਚੀવਰਂ ਗਣ੍ਹੇਯ੍ਯਾਤਿ ਯੋਜਨਾ। ਪਞ੍ਞਪੇ ਸਯਨਾਸਨਨ੍ਤਿ ‘‘ਏਤਂ ਤੁਮ੍ਹਾਕਂ ਸੇਨਾਸਨਂ ਪਾਪੁਣਾਤੀ’’ਤਿ ਏવਂ ਸਯਨਾਸਨਂ ਪਞ੍ਞਪੇਯ੍ਯ, ਪਕਾਸੇਯ੍ਯਾਤਿ વੁਤ੍ਤਂ ਹੋਤਿ।
217-8.Āvāsikoti idaṃ ‘‘paññapeyyā’’tiādīnaṃ kattupadaṃ. Navakammakaraṇādibhāranittharaṇatāya āvāso vihāro assa atthīti āvāsiko. Yassa pana kevalaṃ vihāre nivāsanamattaṃ atthi, so nevāsiko. Ubhopi te idha āvāsika-saddena saṅgahitā. Pādodappabhutinti ettha pabhuti-saddena pādapīṭhapādakathalikānaṃ gahaṇaṃ. Paccuggantvāna pattacīvaraṃ gaṇheyyāti yojanā. Paññape sayanāsananti ‘‘etaṃ tumhākaṃ senāsanaṃ pāpuṇātī’’ti evaṃ sayanāsanaṃ paññapeyya, pakāseyyāti vuttaṃ hoti.
੨੧੯. ਅਜ੍ਝਾવੁਤ੍ਥਨ੍ਤਿ ਪੁਬ੍ਬੇ ਭਿਕ੍ਖੂਹਿ ਨਿવੁਤ੍ਥਂ। ਗੋਚਰਾਗੋਚਰਂ વਦੇਤਿ ‘‘ਭਿਕ੍ਖਾਚਾਰਗਾਮੋ ਦੂਰੋ, ਆਸਨ੍ਨੋ’’ਤਿ વਾ, ‘‘ਕਾਲਸ੍ਸੇવ ਪਿਣ੍ਡਾਯ ਚਰਿਤਬ੍ਬਂ, ਦਿવਾ વਾ’’ਤਿ ਏવਂ ਗੋਚਰਞ੍ਚ, ‘‘ਮਿਚ੍ਛਾਦਿਟ੍ਠਿਕਾਨਂ વਾ ਗਾਮੋ, ਪਰਿਚ੍ਛਿਨ੍ਨਭਿਕ੍ਖੋ વਾ’’ਤਿਆਦਿਨਾ ਅਗੋਚਰਞ੍ਚ વਦੇਯ੍ਯਾਤਿ ਅਤ੍ਥੋ। વਚ੍ਚਪਸ੍ਸਾવਟ੍ਠਾਨਾਨੀਤਿਆਦੀਨਿਪਿ ‘‘વਦੇ’’ਤਿ ਇਮਸ੍ਸੇવ ਕਮ੍ਮવਚਨਾਨਿ। ਸੇਖਸਮ੍ਮੁਤਿਨ੍ਤਿ ਯਸ੍ਸ ਸਦ੍ਧਸ੍ਸ ਕੁਲਸ੍ਸ ਸਙ੍ਘੋ ਸੇਖਸਮ੍ਮੁਤਿਂ ਦੇਤਿ, ਤਂ ਕੁਲਞ੍ਚ।
219.Ajjhāvutthanti pubbe bhikkhūhi nivutthaṃ. Gocarāgocaraṃ vadeti ‘‘bhikkhācāragāmo dūro, āsanno’’ti vā, ‘‘kālasseva piṇḍāya caritabbaṃ, divā vā’’ti evaṃ gocarañca, ‘‘micchādiṭṭhikānaṃ vā gāmo, paricchinnabhikkho vā’’tiādinā agocarañca vadeyyāti attho. Vaccapassāvaṭṭhānānītiādīnipi ‘‘vade’’ti imasseva kammavacanāni. Sekhasammutinti yassa saddhassa kulassa saṅgho sekhasammutiṃ deti, taṃ kulañca.
੨੨੦. ਪવੇਸਨਿਕ੍ਖਮੇ ਕਾਲਨ੍ਤਿ ‘‘ਕੇਸੁਚਿ ਠਾਨੇਸੁ વਾਲ਼ਮਿਗਾ વਾ ਅਮਨੁਸ੍ਸਾ વਾ ਹੋਨ੍ਤਿ, ਇਮਂ ਕਾਲਂ ਪવਿਸਿਤਬ੍ਬਂ ਨਿਕ੍ਖਮਿਤਬ੍ਬਞ੍ਚਾ’’ਤਿ ਏવਂ ਪવੇਸਨਿਕ੍ਖਮੇ ਚ ਕਾਲਂ। ਏਤਂ ਪਨ ਆਸਨਪਞ੍ਞਪਨਾਦਿਕਂ ਸਬ੍ਬਂ વਤ੍ਤਂ વੁਡ੍ਢਤਰੇ ਆਗਤੇ ਚੀવਰਕਮ੍ਮਾਦਿਂ વਾ ਨਾਤਿਗਿਲਾਨਸ੍ਸ ਭੇਸਜ੍ਜਂ વਾ ਠਪੇਤ੍વਾਪਿ ਕਾਤਬ੍ਬਂ। ਮਹਾਗਿਲਾਨਸ੍ਸ ਪਨ ਭੇਸਜ੍ਜਮੇવ ਕਾਤਬ੍ਬਂ। ਚੇਤਿਯਙ੍ਗਣવਤ੍ਤਂ ਕਰੋਨ੍ਤੇਨਾਪਿ ਤਸ੍ਸ વਤ੍ਤਂ ਕਾਤੁਂ ਆਰਭਿਤਬ੍ਬਂ। ਪਣ੍ਡਿਤੋ ਹਿ ਆਗਨ੍ਤੁਕੋ ‘‘ਕਰੋਹਿ ਤਾવ ਭੇਸਜ੍ਜਂ, ਚੇਤਿਯਙ੍ਗਣਂ ਸਮ੍ਮਜ੍ਜਾਹੀ’’ਤਿ ਚ વਦੇਯ੍ਯ। ਅਪਿਚ ਬੀਜਨੇਨ ਬੀਜਿਤਬ੍ਬੋ, ਪਾਦਾਪਿਸ੍ਸ ਧੋવਿਤਬ੍ਬਾ, ਤੇਲੇਨ ਮਕ੍ਖਿਤਬ੍ਬਾ। ਪਿਟ੍ਠਿ ਚੇ ਆਗਿਲਾਯਤਿ, ਸਮ੍ਬਾਧੇਤਬ੍ਬਾ। ਨવਕਸ੍ਸ ਪਨ ਆਗਨ੍ਤੁਕਸ੍ਸ ‘‘ਇਦਮਾਸਨਂ, ਏਤ੍ਥ ਨਿਸੀਦਾ’’ਤਿਆਦਿਨਾ ਆਚਿਕ੍ਖਿਤਬ੍ਬਨ੍ਤਿ ਦਸ੍ਸੇਨ੍ਤੋ ‘‘ਨਿਸਿਨ੍ਨੋਯੇવਾ’’ਤਿਆਦਿਮਾਹ। ਨਿਸਿਨ੍ਨੋਯੇવਾਤਿ ਇਮਿਨਾ ‘‘ਠਿਤੋਯੇવਾ’’ਤਿਆਦਿਂ ਉਪਲਕ੍ਖੇਤਿ। ਸਮੁਦ੍ਦਿਸੇਤਿ ਆਦਰੇਨ વਦੇਯ੍ਯ। ਆવਾਸਿਕવਤ੍ਤਂ।
220.Pavesanikkhame kālanti ‘‘kesuci ṭhānesu vāḷamigā vā amanussā vā honti, imaṃ kālaṃ pavisitabbaṃ nikkhamitabbañcā’’ti evaṃ pavesanikkhame ca kālaṃ. Etaṃ pana āsanapaññapanādikaṃ sabbaṃ vattaṃ vuḍḍhatare āgate cīvarakammādiṃ vā nātigilānassa bhesajjaṃ vā ṭhapetvāpi kātabbaṃ. Mahāgilānassa pana bhesajjameva kātabbaṃ. Cetiyaṅgaṇavattaṃ karontenāpi tassa vattaṃ kātuṃ ārabhitabbaṃ. Paṇḍito hi āgantuko ‘‘karohi tāva bhesajjaṃ, cetiyaṅgaṇaṃ sammajjāhī’’ti ca vadeyya. Apica bījanena bījitabbo, pādāpissa dhovitabbā, telena makkhitabbā. Piṭṭhi ce āgilāyati, sambādhetabbā. Navakassa pana āgantukassa ‘‘idamāsanaṃ, ettha nisīdā’’tiādinā ācikkhitabbanti dassento ‘‘nisinnoyevā’’tiādimāha. Nisinnoyevāti iminā ‘‘ṭhitoyevā’’tiādiṃ upalakkheti. Samuddiseti ādarena vadeyya. Āvāsikavattaṃ.
‘‘વਤ੍ਤ’’ਨ੍ਤਿ ਪਨ ਸਾਮਞ੍ਞੇਨ ਨਿਦ੍ਦਿਟ੍ਠਤ੍ਤਾ ਨ ਥੇਰੇ ਭਿਕ੍ਖੂ ਅਤਿਅਲ੍ਲੀਯਿਤ੍વਾ ਨਿਸੀਦਿਤਬ੍ਬਂ, ਮਹਾਥੇਰਸ੍ਸ ਨਿਸਿਨ੍ਨਾਸਨਤੋ ਏਕਂ ਦ੍વੇ ਆਸਨਾਨਿ ਠਪੇਤ੍વਾ ‘‘ਨਿਸੀਦਾ’’ਤਿ વੁਤ੍ਤੇ ਨਿਸੀਦਿਤਬ੍ਬਂ, ਨ ਨવਾਪਿ ਭਿਕ੍ਖੂ ਆਸਨੇਨ ਪਟਿਬਾਹਿਤਬ੍ਬਾ, ਨ ਸਙ੍ਘਾਟਿਂ ਓਤ੍ਥਰਿਤ੍વਾ ਨਿਸੀਦਿਤਬ੍ਬਂ, ਸਦ੍ਦਂ ਅਕਤ੍વਾ ਉਦਕਕਿਚ੍ਚਂ ਕਾਤਬ੍ਬਂ, ਯਥਾ ਸੂਪਸ੍ਸ ਓਕਾਸੋ ਹੋਤਿ, ਏવਮਤ੍ਤਾਯ ਓਦਨੋ ਗਣ੍ਹਿਤਬ੍ਬੋ, ਥੇਰੇਨ ਭਿਕ੍ਖੁਨਾ ‘‘ਠਪੇਤ੍વਾ ਅਪ੍ਪਕਂ ਓਦਨਾਦਿਕਂ ਸਬ੍ਬਂ ਸਬ੍ਬੇਸਂ ਸਮਕਂ ਸਮ੍ਪਾਦੇਹੀ’’ਤਿ વਤ੍ਤਬ੍ਬਂ, ਨ ਤਾવ ਥੇਰੇਨ ਭੁਞ੍ਜਿਤਬ੍ਬਂ, ਭੁਤ੍ਤਾવਿਨਾ ਨ ਤਾવ ਉਦਕਂ ਪਟਿਗ੍ਗਹੇਤਬ੍ਬਂ, ਭਤ੍ਤਗ੍ਗਤੋ ਨਿવਤ੍ਤਨ੍ਤੇਹਿ ਯਥਾਨੁਰੂਪਂ ਨਿਕ੍ਖਮਿਤ੍વਾ વਿਰਲ਼ਾਯ ਪਾਲ਼ਿਯਾ ਗਨ੍ਤਬ੍ਬਨ੍ਤਿ ਏવਮਾਦਿਕਞ੍ਚ ਤਦਨੁਰੂਪਂ ਸੇਖਿਯવਤ੍ਤਞ੍ਚ ਸਮ੍ਪਾਦੇਤਬ੍ਬਨ੍ਤਿ ਇਦਂ ਭਤ੍ਤਗ੍ਗવਤ੍ਤਞ੍ਚ ਸਾਧੁਕਂ ਅਤਰਮਾਨੇਨ ਗਾਮੋ ਪવਿਸਿਤਬ੍ਬੋ, ‘‘ਇਮਿਨਾ ਪવਿਸਿਸ੍ਸਾਮਿ, ਇਮਿਨਾ ਨਿਕ੍ਖਮਿਸ੍ਸਾਮੀ’’ਤਿ ਨਿવੇਸਨਂ ਪવਿਸਨ੍ਤੇਨ ਸਲ੍ਲਕ੍ਖੇਤਬ੍ਬਂ, ਨਾਤਿਸਹਸਾ ਪવਿਸਿਤਬ੍ਬਂ, ਨਾਤਿਸਹਸਾ ਨਿਕ੍ਖਮਿਤਬ੍ਬਂ, ਨਾਤਿਦੂਰੇ ਨਚ੍ਚਾਸਨ੍ਨੇ ਠਾਤਬ੍ਬਂ, ਨਾਤਿਚਿਰਂ ਠਾਤਬ੍ਬਂ, ਨਾਤਿਲਹੁਕਂ ਨਿવਤ੍ਤਿਤਬ੍ਬਂ, ਦਾਤੁਕਾਮਤਾਕਾਰਂ ਞਤ੍વਾ ਠਾਤਬ੍ਬਂ, ਯੋ ਪਠਮਂ ਗਾਮਤੋ ਪਟਿਕ੍ਕਮਤਿ, ਤੇਨ ਆਸਨਪਞ੍ਞਪਨਾਦਿ ਸਬ੍ਬਂ ਕਾਤਬ੍ਬਂ, ਯੋ ਪਚ੍ਛਾ, ਤੇਨ ਆਸਨੁਦ੍ਧਰਣਾਦਿ ਸਬ੍ਬਂ ਕਾਤਬ੍ਬਨ੍ਤਿ ਏવਮਾਦਿਕਞ੍ਚ ਤਦਨੁਰੂਪਂ ਸੇਖਿਯવਤ੍ਤਞ੍ਚ ਸਮ੍ਪਾਦੇਤਬ੍ਬਨ੍ਤਿ ਇਦਂ ਪਿਣ੍ਡਚਾਰਿਕવਤ੍ਤਞ੍ਚ ਕਾਤਬ੍ਬਂ।
‘‘Vatta’’nti pana sāmaññena niddiṭṭhattā na there bhikkhū atiallīyitvā nisīditabbaṃ, mahātherassa nisinnāsanato ekaṃ dve āsanāni ṭhapetvā ‘‘nisīdā’’ti vutte nisīditabbaṃ, na navāpi bhikkhū āsanena paṭibāhitabbā, na saṅghāṭiṃ ottharitvā nisīditabbaṃ, saddaṃ akatvā udakakiccaṃ kātabbaṃ, yathā sūpassa okāso hoti, evamattāya odano gaṇhitabbo, therena bhikkhunā ‘‘ṭhapetvā appakaṃ odanādikaṃ sabbaṃ sabbesaṃ samakaṃ sampādehī’’ti vattabbaṃ, na tāva therena bhuñjitabbaṃ, bhuttāvinā na tāva udakaṃ paṭiggahetabbaṃ, bhattaggato nivattantehi yathānurūpaṃ nikkhamitvā viraḷāya pāḷiyā gantabbanti evamādikañca tadanurūpaṃ sekhiyavattañca sampādetabbanti idaṃ bhattaggavattañca sādhukaṃ ataramānena gāmo pavisitabbo, ‘‘iminā pavisissāmi, iminā nikkhamissāmī’’ti nivesanaṃ pavisantena sallakkhetabbaṃ, nātisahasā pavisitabbaṃ, nātisahasā nikkhamitabbaṃ, nātidūre naccāsanne ṭhātabbaṃ, nāticiraṃ ṭhātabbaṃ, nātilahukaṃ nivattitabbaṃ, dātukāmatākāraṃ ñatvā ṭhātabbaṃ, yo paṭhamaṃ gāmato paṭikkamati, tena āsanapaññapanādi sabbaṃ kātabbaṃ, yo pacchā, tena āsanuddharaṇādi sabbaṃ kātabbanti evamādikañca tadanurūpaṃ sekhiyavattañca sampādetabbanti idaṃ piṇḍacārikavattañca kātabbaṃ.
ਸੇਨਾਸਨਟ੍ਠਾਨੇ ਸਬ੍ਬਂ વਤ੍ਤਞ੍ਚ ਸਮ੍ਪਾਦੇਤ੍વਾ ਤਤੋ ਨਿਕ੍ਖਮਿਤ੍વਾ ਸਾਧੁਕਂ ਨਿવਾਸੇਤ੍વਾ ਪਾਰੁਪਿਤ੍વਾ ਚ ਅਤਰਮਾਨੇਨ ਗਾਮੋ ਪવਿਸਿਤਬ੍ਬੋਤਿਆਦਿ ਸਬ੍ਬਂ ਪਿਣ੍ਡਚਾਰਿਕવਤ੍ਤਂ ਕਾਤਬ੍ਬਂ। ਪਾਨੀਯਪਰਿਭੋਜਨੀਯਅਗ੍ਗਿਅਰਣਿਸਹਿਤਕਤ੍ਤਰਦਣ੍ਡਾ ਉਪਟ੍ਠਪੇਤਬ੍ਬਾ, ਨਕ੍ਖਤ੍ਤਪਦਾਨਿ ਸਕਲਾਨਿ વਾ ਏਕਦੇਸਾਨਿ વਾ ਉਗ੍ਗਹੇਤਬ੍ਬਾਨਿ, ਦਿਸਾਕੁਸਲੇਨ ਭવਿਤਬ੍ਬਨ੍ਤਿ ਇਦਂ ਆਰਞ੍ਞਿਕવਤ੍ਤਞ੍ਚ ਉਦ੍ਦਿਟ੍ਠਂਯੇવ ਹੋਤੀਤਿ ਅવਗਨ੍ਤਬ੍ਬਨ੍ਤਿ।
Senāsanaṭṭhāne sabbaṃ vattañca sampādetvā tato nikkhamitvā sādhukaṃ nivāsetvā pārupitvā ca ataramānena gāmo pavisitabbotiādi sabbaṃ piṇḍacārikavattaṃ kātabbaṃ. Pānīyaparibhojanīyaaggiaraṇisahitakattaradaṇḍā upaṭṭhapetabbā, nakkhattapadāni sakalāni vā ekadesāni vā uggahetabbāni, disākusalena bhavitabbanti idaṃ āraññikavattañca uddiṭṭhaṃyeva hotīti avagantabbanti.
વਤ੍ਤਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Vattaniddesavaṇṇanā niṭṭhitā.
