| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๗. วตฺถทายกเตฺถรอปทานํ
7. Vatthadāyakattheraapadānaṃ
๔๕.
45.
‘‘ปกฺขิชาโต ตทา อาสิํ, สุปโณฺณ ครุฬาธิโป;
‘‘Pakkhijāto tadā āsiṃ, supaṇṇo garuḷādhipo;
อทฺทสํ วิรชํ พุทฺธํ, คจฺฉนฺตํ คนฺธมาทนํฯ
Addasaṃ virajaṃ buddhaṃ, gacchantaṃ gandhamādanaṃ.
๔๖.
46.
‘‘ชหิตฺวา ครุฬวณฺณํ, มาณวกํ อธารยิํ;
‘‘Jahitvā garuḷavaṇṇaṃ, māṇavakaṃ adhārayiṃ;
เอกํ วตฺถํ มยา ทินฺนํ, ทฺวิปทินฺทสฺส ตาทิโนฯ
Ekaṃ vatthaṃ mayā dinnaṃ, dvipadindassa tādino.
๔๗.
47.
‘‘ตญฺจ ทุสฺสํ ปฎิคฺคยฺห, พุโทฺธ โลกคฺคนายโก;
‘‘Tañca dussaṃ paṭiggayha, buddho lokagganāyako;
อนฺตลิเกฺข ฐิโต สตฺถา, อิมา คาถา อภาสถฯ
Antalikkhe ṭhito satthā, imā gāthā abhāsatha.
๔๘.
48.
‘‘‘อิมินา วตฺถทาเนน, จิตฺตสฺส ปณิธีหิ จ;
‘‘‘Iminā vatthadānena, cittassa paṇidhīhi ca;
ปหาย ครุฬํ โยนิํ, เทวโลเก รมิสฺสติ’ฯ
Pahāya garuḷaṃ yoniṃ, devaloke ramissati’.
๔๙.
49.
‘‘อตฺถทสฺสี ตุ ภควา, โลกเชโฎฺฐ นราสโภ;
‘‘Atthadassī tu bhagavā, lokajeṭṭho narāsabho;
วตฺถทานํ ปสํสิตฺวา, ปกฺกามิ อุตฺตรามุโขฯ
Vatthadānaṃ pasaṃsitvā, pakkāmi uttarāmukho.
๕๐.
50.
‘‘ภเว นิพฺพตฺตมานมฺหิ, โหนฺติ เม วตฺถสมฺปทา;
‘‘Bhave nibbattamānamhi, honti me vatthasampadā;
อากาเส ฉทนํ โหติ, วตฺถทานสฺสิทํ ผลํฯ
Ākāse chadanaṃ hoti, vatthadānassidaṃ phalaṃ.
๕๑.
51.
ฉตฺติํสติมฺหิ อาสิํสุ, กปฺปมฺหิ มนุชาธิปาฯ
Chattiṃsatimhi āsiṃsu, kappamhi manujādhipā.
๕๒.
52.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา วตฺถทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā vatthadāyako thero imā gāthāyo abhāsitthāti.
วตฺถทายกเตฺถรสฺสาปทานํ สตฺตมํฯ
Vatthadāyakattherassāpadānaṃ sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๗. วตฺถทายกเตฺถรอปทานวณฺณนา • 7. Vatthadāyakattheraapadānavaṇṇanā
